728x90 AdSpace

Hot
Menu
Zon-ol na Donate

Latest News

LAI MANPHATNA. Gelh - Laitai Editorial.

LAI MANPHATNA

Moses hun lai-in Pasian in ama mite tungah thu a nusiat pen Moses in suangpeek tungah gelh ahih manin tuni dongin kithei thei hi. Mipil masa Iziptte in sialluang kung panin laikung bawlin a pau uh laiah na gelh hi. Zomite in lai zattak i neihloh laiin Dr. J. H Cope in Zolai hong bawlsak a, tuate pen tuni dongon a kizangsuak ahi hi. Cope topa in Zolai hong bawlsak kei leh Zomite bang dinmunah i om lai tam. Zomite adingin Dr. J. H Cope pen Zolai Bawlpa (Inventor of Zo Alphabet) ci lehang kilawm lah lo ding hi.


Amah in Zolai hong pattah zawh tuin kum100 a cing ding hi ta hi.  Zomite in Zolai i neihmanin leitung pilna siamna kisin thei-in, tu in Zogam pua lamah Africa Continent longal, continent dang tengah ki-om kim phial ta hi. Tua zah-in i omna kigamla ta ahih manin, Zomite in lai lamah kipawlna kip i neih kisamhi.

Leitung bupa Zomite  in lai lamah kipawlna a zattak i neihsun pen Kalaymyo a Zomi Christian Literature Society (ZCLS) hi a, ZCLS in i Lai Siangtho, i biakna Labu, iNipi SangThusinBu, leh Zolai Simbu nangawn khenkhia hi.  Zomi beimang kei hen i cih leh, Zopau i zat kul a, Zopau i zat nadingin Zolai i neih pen sin a, i zat tek kisam hi.

Kawlgam kumpi in Zolai sanginn ah sin phal lo ahihmanin, imipihte in sang kong khak sungin Nipi Sang ah a tanote uh Zolai sinsak uh a, thupi mahmah hi. Tua mah bangin America, Malaysia, Norway, Sweden, Germany, Thailand,Mizoram,Canada, lehTokyo a omZomite in i tanote school
holiday sungin i Zolai gelhdan i sinsak tangtang kisamhi.

Tulai computer hunah i Zolai Simbu leh Zolai gelhdan zong CD ah khumin website ah kikhakkhia thei leh hoih ding hi. I pau, i lai, i biakna, leh i minam mang kei hen i cih leh mi gamah i pem (lal) ciangin inn khat le nih bek mite lakah kizep mang loin, a kikhawlkhawm tham dingin inn 10 ciang beek kipawlkhawmin, khua leh veng khatah lutkhawmlehang, tua teng in i pau i lai zangin, i la sain, i ngeina bangin kikhawl thei ding hang a, imipihte tawh i kizopna tatsat lo ding hi.

Zolai nasepna tu sangin a kicin zawk nadingin hih anuaia thute lungngaihhuai ka sa hi :

ZCLS ah a semdingin leitung gamtuamtuama Zomite a vaan thei dingin hunbit nasem koih a, tua in Yangon or Aizawl or Imphal pansanin na sem leh.
Offset Printing Press khat a suakta khuapi khatah ZCLS in koihin, tua panin i laibumanphate kikhenkhia zel leh
ZCLS inmassmedia lamzong sai hen la, biakna Labu banah, news, comics, cartoon,magazine, leh khangthakte in i pau i lai zang hen, i cih leh amau lunglut lamlaibu, film, audio&video khui hawmkhia leh?

Source : 
Laitai 

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: LAI MANPHATNA. Gelh - Laitai Editorial. Description: Rating: 5 Reviewed By: Cinpu Zomi
Scroll to Top