728x90 AdSpace

Hot
Menu
Zon-ol na Donate

Latest News

Ka pa hong hilh Zi zon dan ding. Gelh - Cin Ngaih

Ka pa hong hilh Zi zon dan ding.

Agelh - Cin Ngaih

Kata aw,
Nanga dingin migii thu nuam mahmah kahi dinga lungsim takpi tawh kong omkhawm ding hi. Numei te tawbo hoihna,a hih kei leh anawi omdan ahoihna tawh lung himawh ken la, ahih hang' lungsim hoih leh akhuak hoih nalam ah lung himawh zaw in. Ama itna leh thuakzawhna neihna ah lung himawh zaw in. Banghang hiam cih leh kum 5 kum 10 khitciang, nawi aihkei tawbo hanga ki itna hinawnlo ding hi. Tu’n mu theiding hiteh, na nu tu’n in a awmtha te thep dide ta in, atawbo tezong avekpi phialin thep hi. A hihhang koh lungnuamtak in ka khuasa khawm uh a, tuciang dongmah ka it mahmah a, aman zong tuciang dong hong it mahmah hi.

Sum adeih lua numei zi dingin nalak khaklohna dingin kidawm in. Ka cihnopna in atawntungin asam, puan, taih khedap, bags, numei te pheituan sungteen leh make-ups cihte agengen numei. Nupa suahna in hih thute khempeuh hang hilo hi. Make-up, puan, taihkhedap leh numei te pheituamsungteen kihello in nupa nun nuam in tuciang dong kidingkip thei dinga, ahihhang itna kihello in nupa nunnuam kidingkip theilo hi. Na nu tawh kaki teen in, mawtaw ahihkei inn ahizong kanei kei hi. Pilna nangawng zong kasin kei hi. Ahihhang suunmang kanei a na nu in hong lungkim pih in hong panpih hi. Na suunmang hong panpih lo numei khat pepeuh minute khat sung nangawn ama thu lungsim sungah koih a ngaihsut ding taklo hi.Na suunmang sanga hoihzaw suunmang anei numei na muh a leh, azenzen in nangin tua bang khat na ngah a leh nangpen akampha mahmah nahi ding hi.


Ka ta aw, nabil hoihtak in hongngat inla kathu gen ngai in, hihbang numei namte napel ding hi, hihbang numei namte teenpihna tawh khialkha ken tua bang ahihkei leh tua bang a nateenpihna hangin kisiik kik mahmah ding hiteh. Ka cihnopna in tuabang numei in atawntung in mikhempeuh hoihloh nalam gending aneite hi. Azenzen in hihbang numei namte namuh khak leh taisan in.

Numei zidingin nateenpih khial khathei ding namkhat in tua numei in nakhempeuh ah aphunphun theite (lungkim lohna agen khiakhia) hi. Na khat nalei aleh hih lei huai zaw hong ci ding a, nakhat nasep aleh hih semding kilawm zaw hi hong ci ding hi. Hehpihna tawh paikhiatsan in.

Numei te atamzaw in kampau nuamsa mahmah uh a, ahihhang nai nih sungbang apau pen minute nih bang ngaileng “bomb” apuak kham ding mahmahbang liang hi. Akineih khem zi naneih khak ding kidawm in pil vangin. Akineih khem numei nu theihding haksa hetlo hi. Amah in nakhempeuh thu atawntung in hong theiding a, amah hong kidawm mahmah ding hi. Na mitte sii inla na lungsim hon leteh na mu ding hi.

Numei genbaanglo kuamah omtuanlo hi. Na suunmang hong muangpih numei na muh aleh, tua numei in nang hong zahtak in na hoihloh nate hong puahphapih in tua banah tua numei in akhempeuh ah amathu bek zanglo hi tua ahiman in tua numei khahsuah ken. Ahih hang nangpen mi genhak lungkhauh mi na hihloh ding phawk gige in. Na zi zongdan ding kong hilh khin zo hi. Numei hoih khat ngahin ahihhang nang pen pasal hoihlo khat hi leteh, nupa nunnuam nanei tuan kei ding hi. Nanga dingin zi onglaksak zolo ding hi’ng ahihang zilak danding kong hilh khin hi. Na zi ding zonga namuh hun ciang, ka thupha te dingin hong la in.

Photo credit :

Wereblog.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Ka pa hong hilh Zi zon dan ding. Gelh - Cin Ngaih Description: Rating: 5 Reviewed By: Cinpu Zomi
Scroll to Top