728x90 AdSpace

Hot
Menu
Zon-ol na Donate

Latest News

PHULUNSAN/LOTHAANGSAN (Onion) leh CIDAMNA


PHULUNSAN/LOTHAANGSAN (Onion) leh CIDAMNA 


A Nammin (Family Name): Alliaceae
Ama Min (Scientific Name): Allium cepa L.
Kawlte’ Sapna: Kyetthun-ni
A Kizattheihna (Part used): Avekpi in
A sungah a kihelte (Chemical constituents): Water 90% kihel in, tuakhit ah tam a kihel pen Allylalphade ahi hi. Protein 1.5%, Calcium 0.18%, Citric acid 1%, Sugar leh Oil 0.2%, Phosphate 0.1%, Iron 0.01%, leh Vitamin A,B,C cih bangin kihel.



Zun tawh kisai:
Sunthak haksa, zunsiip, zunpai maanlo hangin cising, leh zun tawh kisai natna tuamtuam a nei te in phulunsan tuihuan in a tuicil dawnzel ding. Tua a dawnzolo te in, emkeu in nene ding. Zun paina ah suang omte in, phulusan tui suukin seektui tawh tok-khawmin dawn ding.

Ihmut cimlo, luaksuak thei zelzel te:
Phulunsan pumkhat zuhangcil sungah diah ding. Tua phulun sungah zun a kizelh didek khitciang, ne ding.



Sin-na neite:
Sinbawk, sinkeu, sin hoihloh na hangin ci eng deda cih te in, phulunsan leh thawhbat tokkhawm in zing le nitaak nezel ding.
Sungkhak/sungpai nawhlo lua te:
Phulunsan pum thum, makeengteh lomkhat tui themkhat tawh huanin ne ding.



Dula, tawbulna, ekah sipai:
Phulunsan tui Ounce 1/2 (ေအာင္စ), cikhum a hoih khop tawh helin nikhat khatvei ne ding.



Meima tuiluang:
Meima dam theilo in a sisu a luangluang theite, phulunsan tui leh thawhbat helin nuh ding. Tua phulun tui bilsung ah themkhat taak ziau ding.



Sibup, khua phawklo te:
Phulunsan gawi-in a naak ah koih ding. A tui taak thum, lii khawng a naakvang ah taaksuk ding.



Luvai leh lutangna dente:
Luvai leh lutang na tawh a kilawi ngei khollo a, a ciakciak te a dingin, nisim in phulunsan pumnih pello in ne ding.



Sex tawh kisai ah:
Nupa sex hatna a kituak phalo te a dingin, a hatlo zawzaw in, phulunsan mu, a phulunsan, thawhbat, cikhum, hiteng a limkhop dingin helin ne ding.



Nin-nei numei te:
Nin neih ciang taaisung ah a hoihlo khat peuh omlo in, gilsung, taisung siantho na ding leh taaina noptuam na dingin, nin neihma ni 2,3 halin, phulunsan sial nek kipan in, a sipai sung dong ne ding.



Meima tum, uilut:
Uilut, zangkek cihte a kipan meima tum tuamtuam avei kha te in, phulunsan a laizang pan attan in meima tuamna patti (ပတ္တီးစည္း) tuamkhawm ding. A sawtnailo te beikik in, a hamta ahih leh naikual khia.



Cithak, kaumaak, hana te:
Phulunsan atleem in a natna munte ah nuh ding, muam ding, tat ding.



Bilnatna tuamtuam:
Bilna tuamtuam tuilut, bilnaai a kipan a tuamtuam bil tawh kisai nat na avei te in, phulunsan mei ah emsa ding, a sunga om a mung (axis) pat tawh tunin tua tawh bilpuah zel ding.



Gu a nei ganhing in hong peh leh:
Gan hing gunei khat peuhpeuh in hong peh khak leh, hong pehna ma tui siangtho tawh silsiang in tua khitciang phulunsan tui tawh sawp ding. Phulun tuicik tawh tuamcip pah ding.



Lunget leh hik neite:
Lunget leh hik nei-in a heh mahmah te a dingin, phulunsan at lemin lusung tengah zut ding. A kizelh khit themvei ciang silsiang ding.



Thabei ulian, naupang te:
Thu tuamtuam hang leh natna tuamtuam hangin thabei dipdep te in, phulunsan limcisim bulnih, em bilabial in, thangkhuaipum pumnih tawh gawi zankhawm in ne ding.



Lukolh lua te:
Sam leh mul neilo in, a deih ngaungau te in, tua a deihna mun ah phulunsan tat zelzel ding.

******************************************

Source :
Khaikok Guite.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PHULUNSAN/LOTHAANGSAN (Onion) leh CIDAMNA Description: Rating: 5 Reviewed By: Cinpu Zomi
Scroll to Top