728x90 AdSpace

Hot
Menu
Zon-ol na Donate

Latest News

Zomite' Maban Sep Ding le Hamphatna. Agelh ~ Philip Khaipu

Zomite' Maban Sep Ding le Hamphatna.
Agelh ~  Philip Khaipu
Leitung ah khantohna pen mikim in kilunggulh a hih manin nisim phialin sak le khang ah kitai khengkhang aa, koi lai ah katu kata te ading khuasakna nuam pen ding hiam ci’n kingaihsun ciat hi. Ahi zongin khantohna ding i cih pen inn kan a, nuam omlo hi. (East or West, Home is best) cih mikang paunak ah na om hi. Mi a tamzaw in khantohna I tehkaak ciang in (materialistic) sum le paai neih le lam ki-en masa den aa, zong a hi ding mah a hi hi.
Ahi zongin a bucing khantohna in I nisim nek zonna leh nunzia a kipan kizopna, nasep silbawl ah olsam (baihno) tak aa, gah theihna a hihi. Gentehna in, silh le ten nek le dawn I neih venvan loh hangin (buh bung 500 I khol kengkang loh hangin) naino tak leh oltak aa, ngahtheihna, nasep silbawl, nithate kicing tak aa, muh theihna a hihi. Khantohna bulpi  pawl khat a nuai bangin tawm ensuk ding hi hang.
Kilemna Zalenna:  
Kilemna omlohna gal kido denna mun ah khantohna omtheilo aa, suangtum tuktuk pan kaai ngeilo a cih bang in sunsiah ding omngeilo a hih man in a bucing khantohna om theilo hi. Tua ahih man in Kilemna kisam masa penpen hi. 
Thu maan thutak tawh ki ukna kisam: 
Khantohna pen gam ki-ukna tungah kinga mahmah hi. Ki-ukna (policy) hoih ding kisam hi. Tua ahih man in a masa pen in policy hoih I neih kei leh khantohna bucing omlo ding ahih man in policy hoih bawl ding kisam masa hi.
Thu maan thutak tawh ki-ukna I cih ciangin, Democracy ki-ukna tawh kizawitawn mihing hamphatna bulphuh ki-ukna masuan hiding cihna hi. Policy leh gelna sepna khempeuh ah mipi hamphatna leh deihna te masak tawntung ding hi. Sep le bawl khat pepeuh a om cingin (trasparency) sungthu omlo in laidal tungah siang tak in ki gelh ding aa, mipi hamphat nadingte zong siang takin pulak in sem ding hi.
Thu maan thutak tawh ki-ukna a omkei leh bang bang I sem phial zongin tua khantohna pen bucinglo ahih man in nungtolh pah thei aa, lamlak khawl thei ahih manin a bucing khantohna hong tun loding aa,kidemna (competition),ki-elna (enmity), kihazatna (zelousy), kinencipna(domination),kilang neihna (Opposition) hong khang in siatna tawh hong kidim lel ding hi. Sum haute in thuneite tawh kipawl in mizawng leh mimawlte hong nengcip ding uh a, hamphatna kikimhawm lo ahih manin supna lianpi piang pahpah thei lai hi.
Tui le mei kicing ding:  
Sepna bawlna khat pepeuh ah mihing tha bek tawh kicing zolo aa, khawl (Engine) mah kisam hi. Tua hia, tui le mei tha kicing tak omlo pi in khantoh nading lampi om theilo hi. Kizopna lampi hoih kisam: Kizopna lampi hoih kei leh van khat pepeuh market kitun zo papak lo ahih man in kikhangto theilo bek thamlo in I kisap I deih van khat pepeuh zong I neih zawh ding haksa hi. Kizopna lampi a haksat ciang in vanman zong khang a, nuntak haksa tuam mahmah hi.
Kithu zakna manlang kisam:  
Tongsan a hi Mobile phonete zong man oltak aa, zat theih ding kisam mahmah hi. Bang hang hiam cih leh sumbawlna ah hunbei ding tampi tak pen hih I tongsan in hong huh in natampi kisem thei hi. Na omna mun khat pan in mun za mun tul ah na asem thei lel na hih man in khantoh nading in a kimang penpen van (tool) khat hi gige hi.
Sum zonna leh sumlei sumzuakna:  
Sumzonna suak tatak aa, bawl theih ding kisam hi. Private company tuamtuam te Bank te akipan, nitha kilawhna te ah ciangtan na te leitung level ahih ding kisam hi. Tax tawm dinga, product vantam ding, company kicithei khempeuh in suakta tak leh mipi hamphat nading na septheihna nei kim ding. Mimal/milip tamna kisam: Khantohna khat pepeuh a om theih nading in na van hong leiding mi (customers) tampi kisam hi. Mitam na mun te ah khantohna malang in zong kip zaw hi.
Mimal tawmna mun ah nalian pipi kisem theilo aa, van lei van zuak zong haksa a hih man in khantohna om theilo hi. Tua ahih man in sumbuuk (Market) ding zongin gamdang mundang kipuak aa customers kizong in, sum tampi bei in na kisem hi. Tua ahih man in van man tam in zong haksa hi. Tua ahih man in company liante in mimal tamna te bek leh lampi leh market hoih na mun te bek ah mun leh gam nei in sem nuam uh hi.
Zomi Tedim, Tonzang le Chikha uk sung a teng’teng bang khua neuneu tampi I om zeizai sangin kigawm thei in khaulian mun hoihna li le nga ah teng khawm leng kikhangto baih zaw ding hi. Mimal tamna mun te ah market hoih in nasep zong tam pah aa, khantohna khat pepeuh omthei pan hi. Van khat pepeuh a lei ding om pahpah a hih man in nekzonna haksa lo hi. Tua ahih man in khantohna ding in mimal mahmah zong I tam ding kisam hi. 
Pilsin na hoih kisam: 
Pilna tawh akilamlo khantohna pen sauvei nungta lo hi. Tua ahih man in pilsinna sangte nasiatak a, pan lak ding leh I tu I ta te pilna a neih theih nading in I gam I lei ah ahoih penpen pilsinna a neih theih nading un pilsinna le zato te a kipan a kician I neih zawh nading gamtuamtuam pan in mipil misiam te sap ding kipha mawh hi.
Biakna leh Pasian thupitsak ding kisam:  
I nuntak I khuasak na ah a hoih a pha tawh khantohna a om theih nading in Biakna leh Pasian tungah kigak ding kisam mahmah hi. Tua in I khuasak zia hong puah pha ding aa, minam picing hong suak sak ding hi. 
Citna siamna (Generosity):  Minam le gam ading a hi aa, biakna ading ahi zongin kipiak khiatna hat ding kisam hi. Haksatna khat pepeuh a om ciangin cingh tak leh itsik hetlo aa, kipiak khiat ding pen minam picing, a khangto ding minam te gamtat dan ahihi.
Kizopna Hoih Kisam: 
Zogam ah kizopna hoih le khantohloh theihloh ahi hi. Bang hang hiam cih leh, I khang ah kawlgam mipum million 50 val leh I sak aa, India north Eastern mipum millions 45 kikaal ah kizopna thupitak a om nading in Zogam bek lampi kician omhi. India nisuahna saklam cileng lah tualgaal hangin kizopna hoih lo ding hi. Mizoram khanglam leh Haka, Mindat lam ci leng lah baih tuanlo ding thu mah hiveve hi. Bang hang hiam cih leh a kikaal ah mual le guam bek thamlo in khawlmun ding mun gina leh khuapi lian mipum tampi omna mun omlo a hih man in kizang zolo ding hi.
Tua hi aa, I Zogam ah South leh South East Asian Highway pi hong tai loh phamawh cihna a hih man in tu akipan mite khutsung a tunman in I gam ding I lak mengmeng ding gamtuam aa I din ding hong kisam ta hi. Tua tax bebek tawh zong Zogam kipuah zo lua mahmah ding hi. 21st Century hun sungin India North Eastern leh Kawlgam hong khangto mahmah ding hi. Market zong a hoih penpen mun cileng kikhial lo hi. Hih tegel kizop nadingin I Zogam bek lampi om cih ding hi. Moreh Imphal cileng zong Security Escort kisam den a hihi. “Z-Zomi te hanlungciam Khangto diam”.
By: Philip Khaip
u

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomite' Maban Sep Ding le Hamphatna. Agelh ~ Philip Khaipu Description: Rating: 5 Reviewed By: Cinpu Zomi
Scroll to Top