728x90 AdSpace

Hot
Menu
Zon-ol na Donate

Latest News

A Lauhuai Uihai Natna. Gelh - Sianu Vung Hau Lun

A Lauhuai Uihai Natna
Gelh - Sianu Vung Hau Lun
          Uihai natna pen Rabies Virus leh Australian bat lysavirus a kici natna lungno nei uite pan a kilawh thei natna khat ahi hi.Tua natna lungnote pen mihing pumpi sungah hong lut leh Brain (khuak) leh Nerves (sazang) te sungah kizeel in tua natna nei aa a silo a omlo zah phial a lauhuai mahmah natna khat ahi hi.

Uihai natna koici kilawh thei
1. Liamma, mittang, muk, kam, nak cih te ah uihai' ciltui hong tak kha (ahkl) uihai in hong liak leh kilawh thei hi.(Liamma a omlo vun tung pan ki lawh theilo hi.)

2. Uihai in hong pet leh kilawh thei hi. Uihai hong petna liamma gol ahih kei leh a hong petna mun pen khuak tawh kinai tektek leh lauhuai tektek hi. (Gtn. Khe hong pet saang in maitang hong pet leh lungnote khuak sung ah hong kizelh nading manlang zaw ahih manin lauhuai zaw hi.)

3. Uihai' sa ne kha leeng kilawh thei hi.

4. Uihai vei naupaai nupi nu in a gil sung aa nau lawh thei hi.
5. Uihai vei mikhat i ciltui, zun cihte pan zong kilawh thei hi.


Uihai natna neite kihil ziate
          Uihai lungno pen pumpi sungah hong lut khit hangin kha tampi sung bang bangmah kihil lo-in om thei hi. 

1. Cisa

2. Khuasik

3. Ui hong petna liamma na-in hiksa
4. Lutangna, ci leh sa teng nasa
5. Luaksuak sa in luakhia
6. Gawlna sa, an valh suk theilo
7. Tha zaw sa
8.Tui duh dangtak napi tui lau in dawn ngam lo
9. Lungsim palang in om daan ding theilo
10. Gamlum thuak hak sa
11. Khuavak lua thuak zolo
12. Lungkia, pau zolo
13. Nak haksa
14. Ciltui luang/ciltui tam
15. Mimuh loh /a omlopi mu
16. Lungsim manlote bangin awng gawp
17. A lungsim man zeel manlo zeel
18. Sibup pahpah, khuaphawk lo-in kal khat pan ni sawm sungin a nuntakna bei thei hi. Uihai natna dam nading zatui om nailo-in tua natna a ngah khinsate a nuntak ding haksa mahmah hi.


Uihai natna ngahloh nading in koici kidal ding
1. Ui khat peuh in hong petloh nading ki dawm in :

            A damlo (ahkl) a si sa ganhing khat peuh lawng kei in. Naupangte zong inn khawi ganhingte tawh kimawl sak kei in, zan ciang luppihsak kei in. Uihai natna dalna zatui na innkuan un kisun un,  na inn khawi uite zong natna a veiloh na'ng un kidalna zatui sun sak in.

2. Ui khat peuhpeuh in hong pet leh uihai natna ngahloh nading in :

         Ui hong petna mun limtak in sawp siang in. Amanlang thei pen in zato ah kilak pah in. A kisam bangn Siavuante in kidalna zatui hong sun ding uh hi. Ui khat peuhpeuh in hong pet leh amanlang pen in uihai kidalna  zatui sut pah ding thupi pen hi. Inn khawi ui hi lel uihai hi kei ci-in koih hithiat kha kei in. Hong pet ui pen hai maw/ hailo cih zong ngak phot se kei in.



Gelh - Sianu Vung Hau Lun


Ref; Fourth Year Adult Health Nursing Text Book, ေဒါက္တာဆု (ေဆးပညာ ဒါန) ,Wikipedia .

***********************************************

Laigelh Sianu Vung Hau Lun in Zomi eLibrary / Laibusaal ading in hong piak ahi hi.

to:Cinpu Zomi <cinpuzomi@gmail.com>
date:Mon, May 2, 2016 at 7:36 AM
subject:A lauhuai uihai natna
mailed-by:gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: A Lauhuai Uihai Natna. Gelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top