728x90 AdSpace

Hot
Menu
Zon-ol na Donate

Latest News

Kum tam khin Pi leh Pu, Nu leh Pa-te Kemsiam Ni. Gelh - Sianu Vung Hau Lun

Kum tam khin Pi leh Pu, Nu leh Pa-te Kemsiam Ni.
Gelh - Sianu Vung Hau Lun

1. Kum tam khit ciang khangno lai bangin si leh sa hatzo nawnlo ahih manin tha om nading nek leh dawn piak siam ding kisam phadeuh hi. Sa dat (Protein) tampi pia in. Thahatsak  (Carbohydrate)(gtn.buhsih) a hoih bek in pia in. Sathau (Fat) tawm bek pia in. Mehteh mehgah tampi pia in. An a haai nading uh a ha uh hoih nawnlo ahih manin an a haai baihte (ahkl) a haai  baih thei dingin pia in. An nek ciangin an valhsukna sate hoih nawnlo ahih manin valh haksa thei (ahkl) thalh thei uh hi. Tua hi aa an tawmtawm ta-in suakin haizan dikdek ding kisam hi.



2. Exercise hun maanin bawlsak in. Ama lunglut khat peuhpeuh paakhuan bawlna, kimawlna, lamsiauhna cih bangte in si leh sa hatsak, guh leh taang khauhsak bek thamlo si pai mansak in lungsim zong cidamsak hi.


3. Kum tam khin Piteek Puteek-te a mit uh hoih nawnlo (mangta) ahih manin innsung innpua ah mei limtak tang sak in. Kahlei ah a let nading (handrials) bawl hamtang in. Kahlei a kipatna leh a tawpna zong a kimuh tel deuh nading in ciaptehna (gtn.a san zuut) bawl in. Kahlei tung a kah laitak un a tung dakto lua (ahkl) a lu a hei vat loh nading in gen in. Banghang hiam cih leh khuak sungah sisan paina nawngkaisak in lungam/lungvaisak thei hi.

4. Kum tamte pen a guh a taang uh zong ngotta ahih manin innsung ah kituuk theih nading a naal phek cih bang koih kei in. Sual tui kawtsak kei in. Kisilna buk limtakin siangtho sak den in. Inn sung ah a ki samlo a zum a hiam bangmah koih kei in. Lupna a sang zangsak kei in. Khedap taw a naallote bulh sak in. Lupna tung za tep loh ding gen in.


5. Damlohna khat nei-in zatui nek ding a kisap leh amau leh amau ne sak kei in. Hun man takin pia tangtang in. Na piak man kei leh a nek daan ding a kician takin a muhzawh dingin lai-atsak in. Siavuante tawh kikumlo pi-in zatui pia mawkmawk kei in (gtn. Ihmutsuahza)..

6. A mit, a bil leh a ha-te Zato ah hun man in lahpih in.

7. Kum tam khit ciangin it leh ngaih tampi in zong nusia khin, lawm leh gual ding zong tamlo, natna satna zong kihau nuam deuh ahih manin lungkiat natna ngah nuam mahmah uh hi. Tua ahih manin tutpih, khawlpih, thu kikuppih in lungsim tha pia zeel in. Sum leh paai hangin lung himawhsak kei in. Kum tam khin ci-in nawl khin kha kei in. Thu dong tangtang in. Thu khentat sak in. A lawm a gualte tawh kimukhawmsak inla kipawlna tuamtuamte ah kihelsak in.

Ref:
Third Year Community Health Nursing Text Book

Lai gelh nu Sianu Vung Hau Lun in Zomi eLibrary / Laibusaal ading in Phalna hong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Kum tam khin Pi leh Pu, Nu leh Pa-te Kemsiam Ni. Gelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top