728x90 AdSpace

Hot
Menu
Zon-ol na Donate

Latest News

LAIBUSAL ZATZIA. A gelh - Nu Lian Go Cing

LAIBUSAL ZATZIA
A gelh - Nu Lian Go Cing
Assistant Librarian, Kalay University
Lai thu le socialitist science research akibawlnate-ah laibusaalte in tampitak phattuam pih hi. Laibu le thuciaptehnate nakpitak ki-etkakin kizang ahih manin laibusaal tawh kizop loh hithei lo hi.  Laibusaal i zatna-ah hun tawnno sungin deih banga i zattheih nadingin laibusaal a om, anuai-a thu thumte theih ding kisam hi.
1. Catalogue zatzia
2. Anam kibang koih zia
3. Thulak laibu cihte ahi hi.


1.  Catalogue zatzia;
Catalogue i cih ciangin laibusaal a om laibu phazah min cih ding hi.  Catalogue te pen asauna 5" (12.5 centimeter) le azaina 3" (7.5 centemeter) cia apha card tungah kigelhin singkuang sungah hoihtak gualin kikoih hi.

Catalogue te-ah
(a) laigelh pa’ min,
(b) laibu min,
(c) pilna lam, cih bangin hoih takin kikoih hi.

a. Laigelh te Catalogue 
I zatnop, i etnop laibute laigelh pa’ min i theih nak leh tua laigelh pa’ laigelh khempeuh laigelh pa’ catalogue sungah kizong thei hi. 

b. Laibu min Catalogue 
Laibu min catalogue ah laibusaal a om laibu khat sim’ min, mindang aneih leh tua mindang tawh kilak khia hi.  Tua ahih manin laibu min i theih nakleh i simnop laibute kizong thei hi.

c. Pilna lam Catalogue 

Pilna lam catalogue i cih ciangin lai sung a, aom pilna thute pen symbols ahizong, nambat ahizong, symbols le nambat kigawmin ahizong hoih taka, kigelh pilna lam tawh kizawitawn a akizang catalogue te ahi hi. Pilna lam catalogue ah alom om akibang pilna lam thute kimuthei ahih manin hun tawmno sungin i deih laibu laigualte kimu thei hi.

2. Anam kibang Koihzia;
Anam kibang koihzia i cih ciangin a nam kibanglo teng khenkhia-in, a nam kibang teng mun khatah gawma, koihkhopna ahi hi.  Laibusaal pilna lamah zong anam kibang koihzia pen abulpi khat ahi hi.

A nam kibang nam 7 a omna sung pan Dayuwai datama nam kibang pen Kawlgam laibusaalte ah a kinak zat pen ahi hi.

Dayuwai datama nam kibang sungah pilna lam nam 10 in kikhenkhia hi.
000 = Atuamtuam
100 = Philosophy
200 = Biakna upzia
300 = Socialitist science
400 = Pau kammalte
500 = Simple science
600 = Zatpah theih science
700 = Arts
800 = Laithu
900 = History le Geography

Gtn:
- 200 = Biakna upzia
- 09 = Christian upzia
Nam kibang nambat i cih ciangin i zatnop a nam kibang sungah symbols te cihna ahi hi.  Gtn:- Dayuwai datama nam kibang nambat 100, 200, 300 cih nambatte in nam kibang nambatte ahi hi.



3. Thulak Laibu
Thulak laibu i cih ciangin pilna lam hitaleh, nasep vai ding hitaleh, knowledge ding hitaleh i theihnop thute hun tawmno sungin zontheih laibu namte kici thei hi.
Thulak laibu pawl khat pen bu tampi a om manin, laibu atam mat man, haksa taka kibawl ahih man, atam zaw pen mipilte bek bawl ahih manin mimal in nei zo loin laibusaalte bekah a om atawm mahmah laibu ahi hi. Thulak laibu atuamtuam a omna sung pan anam kibang teng gawm le’ng nam 10 kimuthei hi.
1. Encyclopaedlia
2. Year book
3. Dictionaries
4. Handbooks
5. Directory
6. Biographical Dictionaries
7. Atlases
8. Gazetteers
9. Indexes 1
0. Bibliography

Atunga thulak laibu namte pen zat theihna-ah zangin laisimte deih thute zongin kimu thei hi.

Laibusaalte i calatogue zatzia, a nam kibang koihzia le thulak laibute i theihtel nakleh laisimte-in laibusaal a om thute hun tawmno sungin matun takin zongin i zang thei ding hi.

Source :
ZOMI SIAMSIN MAGAZINE [ Vol 2, 2008 ]
Page 51-52.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: LAIBUSAL ZATZIA. A gelh - Nu Lian Go Cing Description: Rating: 5 Reviewed By: Cinpu Zomi
Scroll to Top