728x90 AdSpace

Hot
Menu
Zon-ol na Donate

Latest News

TEDIM KAM KI ZA NA LAI. AUTOBA KHA 1919. The Chin Hills News

TEDIM KAM KI ZA NA LAI
AUTOBA KHA 1919
The Chin Hills News
Shil Shim Na 1

THU KI ZA NA

Khalkha uk shunga tu kuma an hau ke hi. A hi hang in an a’khawm ding hi. Phalam uk shunga an haksa ding hi. Khua a’tawm cik in an kham ding hi. Khua kim khat in mihing in li ve tang a’vaw hang-in li a  a keu hi.

Jun Kha Zamini u-pa te in ki lem na lai a’at hi. Gal a’ki do ma ina Zamini khua lian nga laka a’lian khat a’hi hi. A tu nung ciang in khua no a’hi ding hi.

Awsatila khua u-pa te in ki lem n alai a’at nai ke u hi. Bulagajila khua le Tulki khua a’ki lem na lai a’ki at nai kei hi.

Kalkalte khua, Bawmbai khua, Madazat khua le Zangvung khuaa ning kum pul pi tung in tu kum a’tung jo hi. A hi hang-in ning kum bang-in tu kum mi tampi a’shi nai ke u hi.
Khalkha khua Vuan Dawk topa in khang sang Kawl khua a’cia ding hi. Ama za lai pa Smit mang pa hong pai ding hi.


Phalam mang pi pa in Engalik gam ama khuapi a’cia ding hi. Kum khat khitciang in Kawl gam a’pai kik ding hi. A hi hang-in Kham Tung khua a’awm nawn ke ding hi.

Mang pi pa a’thak in masa bel Khalkha Vuan Dawk topa a’hi. Tua khit ciang-in Phalam Vuan Dawk a’hi. A tu in Mang Pi Pa a’hi. A min in Hed topa a’hi hi.
________________

Hi lai in kam ki za na lai a’min a’hi hi. Kham Tunga a’awm Tapidaw te le Lawki te in Pashian thu a’hi hang-in Kham Tung khua mihing hi na thu a’hi hang-in Kawl gam a’ki pan gam dang khempeu mihing te a’hi na thu a’shin the na-ding a’ki bawl hi. Tu in Kham Tung gama Kham Tung lai the mihing tam a’awm u hi. Kum shim in lai shim the a’tam sem-sem ding hi. Tua mi te in lai shim ding a’tawm a’ne u hi. Khua dang pan a’ki hu shim the lo u hi. Amaute in Pashian lai shim, Pashian thu the ding a’awm ke. Tua ciang-in tua lai in kong at kong bawl ding hi.

Mang Kang khua mihing te in tua bang lai a’tampi a’ne u hi. Tua hi ciang-in van nne a’ki za na thu khempeu tua lai shunga a’shim u hi. Kawl te in zong a’ne u hi. Kacin te in zong a’ne u hi. Tua hi ciang-in Kham Tung te in a’ne le a’pha ding hi.

Kham Tunga kam tuam a’tam a’awm u hi. Lai shim the mi laka Tedim te a’tam pen hi. Tua ciang-in tu in Tedim kam bek kong bawl ding hi.

Hi thu ki za na lai in kha shim in a’bawl ding hi. Kham Tunga a’ki at ding hi. Khang lama Zangvung khua shik taw lai at na in a’bawl ding u hi. A ki pat na in lai a’lian i bawl lo ding hi.  Kham Tung mihing te in tua lai a’de le tu nung ciang-in a’tam zaw lai i bawl the ding hi.

Hi lai in a’man bang za a’pha ding hiam i ci le kum kha man ka ngen ke ding hi. A hi hang in mi kim khat in a’man a’pia nawp le ka kham ke ding hi, a’man ka sang ding hi. Kum khat in a’man hamu a’hi ding hi.

Thu khat a’awm lai hi. Kham Tung mihing te a-ding hi lai a’ki bawl ding hi. Tua hi ciang-in Kham Tung mihing te in thu a za nuam pen mihing khat in hong hil le ka ut hi. Khalkha khua lai na khak le kema ka’nga ding hi. Na’at nawp te lai shunga hong at in la ke kianga hong khak in. A ki at na a’pha le tua lai shunga ka’kawi ding hi. Sang mang pa bek in tua lai at jo lo hi. Note a’khempeu in hong hu ta un.
SANG MANG PA
______________

Ning kuma Kawl Lai Shiang Tho lai a’shin tang val kim khat te in van pua me leng na sem ding in Mi Vawm te khua a’pai u hi. Tua tang val laka Vial Nang a’awm hi. KHua luia Sang Mang Pa in Vial Nang lai khat a’nga hi. Tua lai tu in a’ki kawi jo hi.

Mesopotamia
Expiditionary Force D.
9, June 1919
Topa aw:
            Tonu taw na ta te taw Tapidaw te taw na vek pi in na’ci dam u hiam. Topa Pashian in hong he pi man-in kema in ka’ci a’dam hi. Tu in hi lai Mesopitamia gam Shargat kampa ka’awm u hi. Tu mung kha ni khat ciang-in sak lam Musal khua ka pai ding u ka’um hi. Ka na sep na tampi awm ke hi. Mai lam ka tung ciang-in bang na ka’sem ding u hiam ki the ke hi.

            Tampi, tampi in ka’hong cia nuam u hi. Ka mi te kianga Topa Jesu it na, gup na ka’hil nuam ma-ma hi. Pashian in ke hong he pi hi’n thu na’nget sak in.

            A dang thu, Hausa te le Tapidaw te thu ki shia a’man te thu Topa in dawng ding hi. Sea Poku in a’ci hi. Kema in tua thu ka’za ciang-in Topa Pashian de na bang hi hen hong he pi hen, Tapidaw te hong kem tawn-tung hen ci in thu ka’ngen hi. Bawl shia na a’thuak te in Topa Pashian kianga thu ka’ngen hi. Lai Shiang Tho a’ci ma bang-in hong piang hen. (Mate 5:11; Zako 1:2-3).
VIAL NANG
______________

THU UP NA
            Mihing khat in Tapidaw a’shuak le tua mi pa in Pashian thu a’um hi, ka’ci hi. Pashian thu up na in bang ci nawp na a’hi hiam. Pashian thu a’man in ka’um hi, a’ci mi in Pashian thu um tak pi a’hi hiam. Tua bang a’hi ke. Le tung gam khempeu shunga Pashian thu a’man hi ci a’up mihing tampi a’awm u hang-in tua mi te Tapidaw a’hi ke u hi. Kema in ka’pa thu ka’um a’hi hang-in ka’pa ka’bia ke hi. Mi dang khempeu te a’thu ka’up hang-in tua mi te gam’ta ka’ jui ke ding hi. Dawi te in Pashian thu a’um u hi, ci in Lai Shiang Tho shunga a’ki at hang in tua dawi te in Pashian a’bia ke u hi. TUa ma bang a’hi hi. Mi khat in Pashian thu a’up mawl le a’ki cing jo ke. Pashian thu ka’up mawk le Tapidaw ka’hi ke hi. Pashian thu a’man hi ci a’um khempeu in ju a’tang ke u hi, ni pi a’tang ke u hi, dawi thawi na a’tang ke u hi.

            Khat ve Tamandaw Petaju le Johang in Pashian thu a’hil lai-tak mi tampi te in Tapidaw a’shuak u hi. Tapidaw a’shuak te laka mi pa khat in pui-sam masa pa a’hi. Petaju in na-lam-dang na a’bawl caing-in tua mi pa in: Ke khut a’tunga ka’nga mi te in. KHa Shiang Tho a’nga na-ding-in ke kainga tua thu pi hong pia in, ci in dangka a’pia hi. A hi hang-in Petaju in:Pashian a’he pi na dingka taw na’le nawp man a’hi ciang-in nag taw na’dangka in na’ki shia khawm ta hen, ci in thu a’pia hi. Tua pui-sam pa in min thang na nga na-ding in Pashian thu a’um hi. A hi hang in ama in Tapidaw a’hi ke.

            Tua bang a’hi le Pashian thu up na a ci nawp na in bang a’hi hiam. Topa Jesu in le tunga a ‘awm lai-tak-in: Note in na’hong it le kema thu na ngai ding u hi, ci in a’nung jui te kinaga a’gen hi. Zako in:Ka u te ka;nau te aw, up na ka’ne a’ci hang-in gam ta a’pha lo mi in bang pha tuam a’ne a’hi hiam. Tua up na in ama hong gum jo doing hiam, ci in Lai Shiang Tho shunga a’at hi. Tua hi ciang-in mi khat in Pashian thu a’up le Pashian thu a’ngai ding hi.

            Tua bang ma a’ hi hi. Mihing khat a’ci a’na le za to ina a’pai hi. Za to pa in tua ci na pa za tui a’pia a: Ni khata thum ve na’ne in, vai mim na’ne ke in, nit hum shunga na tho ke in, ci in thu a’pia hi. Tua ci na opa in vai mim a’ne a ni shim a’tho a za tui a’ne ke le za to pa thu up pa a’ki ci ding hiam. A ki ci ke ding hi. Tua hang ma in mihing khat in Pashian thu a;ngai le tua mi pa Pashian thu a um hi. A hi hang-in ama in Pashian thu a’ngai ke le Pashian thu zong a’um ke hi. Tua hi ciang-in mihing khat in:Tapidaw ka’shuak nuam hi, ci in ke’kianga a’hong gen le: Pashina thu na ngai in, ci in thu kong pia hi.

            Pashian thu up mi khempeu in Pashian thu na;ngai ta hen.


*****************************************************************
(Zomi eLibrary / Laibusaal in Zomi khempeuh in Zolai hanciamna te thei in, Lai i Thupitna, i tel semsem na-ding deihna tawh, hanciam in aki tei/type kik ahi hi.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: TEDIM KAM KI ZA NA LAI. AUTOBA KHA 1919. The Chin Hills News Description: Rating: 5 Reviewed By: Cinpu Zomi
Scroll to Top