728x90 AdSpace

Hot
Menu
Zon-ol na Donate

Latest News

Zomi Khangthak Lasak Siam, B. Muan Ngaihte Mimal Tangthu.

Zomi Khangthak Lasak Siam, B. Muan Ngaihte Mimal Tangthu.

Min :  B. Thanglungmuan Ngaihte @ B. Muan Ngaihte 

Pa' Min : B.Tualkhanpau Ngaihte

Nu' Min Man Za Ngai

Beh :  Biangtung Ngaihte

Status :  Single

Khualui : Bungpilon


Suahna : Bungpilon Khua, 

Suah Kum : 10th. October 1990 

Tenna Khua : Bungpilon (Temporary : Royal Academy, D. Phailian, Lamka)


Tulpaan Kai
B. Muan Ngaihte


Pianpih Sanggam : Pasal 3 leh Numei 1.
(i).  Thangthiansong (B.Com 2nd. Year / Rayburn College)
(ii).   Khamkhansuan (Class - XI / Ebenezer College)
(iii). Langlalzon
(iv).  Niangdeihching (Class - IX / Royal Academy)

Biakna Pawlpi : EBC

Pianthakna       : Isaiah 1 : 18 (Topa in hihbang in cihi: Tu-in hongpai unla , Thu kikumkhawm ni. Na mawhna te uh puansan a bat hang in Vuk bang in hongngo diing hi. Na mawhna te Sibang a asan hang in tuumul bang in hongkaang diing hi.

Tui Kiphumna  : 29th. October 2000 AD (Bungpilon Khua)

Tuiphuum Siampipa : Pastor M. Gin Za Tun

Pilsinna leh Sang kahna :
(i).  Class - A to Class -V (Convention English School, Bungpilon) - 1996 to 2003
(ii).  Class - VI  (Bungpilon Govt. High School) - 2003
(iii)  Class - VII to Class - VIII (Convention English High School, Sinzawl) - 2004 to 2005
iv)  Class - IX to Class - X ( Rayburn High School, Lamka) - 2006 to 2009
(v)  Class - XI to Class - XII ( Rayburn College, Lamka ) - 2009 to 2012
(vi)  Class - BA  ( Churachandpur Government College) - 2012 to 2015

A uuk : Laasak, Makai tetawh holim, Tv et.

Nasepna / Kihelna / Mapanna :
(i). Secretary (Information) - Zogam Artistes Association Gen. Hq. Lamka (ZAA).
(ii). Secretary (Information & Publicity) -Nationwide Gospel Music Festival (NGMF).
(iii).Secretary (Information & Publicity) - Zogam Film Development Association (ZoFIDA)
(iv).Asst. Music Secretary - BYF, Zoan EBCC.

A tupna leh Angimna : Pasian thukim pihna leh Pasian deihna tawh kituak in i Minam Zomi aa ding aa sem diing.
Aman Honpi.
B. Muan Ngaihte


Laisiangtho abul phuh : Laate 37:5 (Topa' tung ah na vaiteng aap in. Amah muang in; amah in hongsem diing hi.

Zomi te Minam vai a muhna leh a deihsakna : 
Zomi te pen Minam khat diing a Pasian in hongbawlte hihang. Himahleh hunkhatlai a kipan Muntuam Gamtuam a kithehzak ziazua in Pau-awkaihte hongtuam zekzek a, Gamtat khuahei te hongtuam kha hi. Himahleh hiaite hang aa kikhen a kideidan diing hilo hi. Pu Zosuan-- Zomite, Beh leh Phung kibang, Pau leh Haam kidanglo hihang. Koimun Koimun ah ihteng in ih khuasa zong in Gamgi in hongkhen zong, Lungsim a ih kikhenloh a ih ki iitdiing uh ka deihna leh I Zomi mipite in ihtheih diing aa ka deih thu hi.

Zomi lailam leh pilna lam adeih sakna :        
Zomi te pilna zong leh Siamna neite I Minam khenzaak tu hilo a Gawmkhawmtu hihdiing ka deih hi.

Zomi Pil tungtuang leh madawkte lakpa'n Etteh taak asak diak makaite :   
Zomi Piltungtuang leh madawk tampi telak pan'n adiak in Pu Chin Sian Thang (President ZNC / ZCD) leh Pu Thanglianpau (President  ZRO / ZRA) te minam a iitna uhleh a kipiakna uh ettehtak kasa hi.


Gamdang zin nasa : 
Tuciang ciang in Pasian' huhna tawh KAWLGAM Zomite omna mun  a tamzaw 5 vei bang napaita ing. India Gamsung ahbel Tonsim / Champhai, Shillong, Imphal, Guwahati, etc. te hiphot.

Mundang Gam apai nopna 3 :      
1. USA, 
2. London, 
3. Malaysia (Zomi te omna peuhpeuh).

Leitung ah lasak siam asak diak mi 3 :      
1. Charice, 
2. Guy Penrod, 
3. Eminem.

Zomi sung ah lasak siam asak diak mi 3 :       
1. Thawnkham, 
2. Jenny Zenthiansiang, 
3. Kapno.

Zomi Sung ah Laphuak siam asak diak mi 3 :       
1. Thawnkham, 
2. V.Siampu,
3. T.Pumkhothang.

Zomi sung ah Music siam asak diak mi 3 :       
1. Kyawkhine @ Khuppu, 
2. Deihpi (Falcon), 
3. Go Hau.

Zomi Sung kimawlna lam ah siam asak diak 3 :       
1. Khanthang Paite, 
2. David Kc Ngaihte, 
3. Siam Hanghal.

Zolai tawh kibawl laibu adeih mahmah bu 3te : 
1. Nang leh Nang kisin in (Rev. Dr. Pum Za Thang Tombing), 
2. Hauhna leh Khansauna Thusim Evan. Langh Do Khup), 
3. A Tullo Lungtup (Biography of Salpha Tunkhopum Baite)

Manglai lakpan laibu adeih mahmah diak bu 3 : 
Prism of the ZO People. 

A Thuluui/Article Lai a atsa te :
(i). Rangoon aa Unau 2 hutkhiakna tawh kisai
(ii). Nationwide Gospel Music Festival (Sermon)
(iii).Zomi Namni 2016 Kalaymyo Report.
(iv). Zomi in koiciang huam ?

B. Muan Ngaihte thuluui / article at khat.


Zomi In Koichiang Huam Hiam...?
~ B. Muan Ngaihte


#The Term "ZOMI" meaning ZO People or ZO MAN is derived from the Generic name "ZO" the Progenitor of the ZOMI. - By. Sukte T. Hau Go

Zomi ichih chiang in Zo suan, Zo Tate chihna ahihi. I theihsa mahbang in Zomi te pen British Kumpi in ei hondong hetlo in amau deihdan leh Hoihsakdan in Gam thum (India, Myanmar leh Bangladesh) ah hon khenzaak uhhi. Khenzaak a i omciang in Mituam-satuam kisakna lianpi leh ki chiziatna liantak in isung ah vaihawm hi. Huaikia leng hilo in Burma ah CHIN, India ah KUKI leh MIZO ci in mintuam ciat in hon khenzak uhhi. Huaiziak in Zomi-Zosuan in koiciang huam hiam chih hiai ah awlmawhna liantak tawh lai kahon gelh hi.

MUN-LEH-MUAL
                Mun -le-mual, inten-loutenna ah denlam a i gensa mahbang in Gam thum ah khenzak in i omta uhhi. Khenzak a i omna gam chiat uah mi-le-sa hihna nei in i khosa uhhi. India ah lomkhat i khosa ua, Bangladesh (Chitagong Hilltrack) lak ah tamkhop i khosa ua, Myanmar ah atamzawsem khosa in khenzak in i omta uhhi. Mahni omna mun ciat ah kip mahmah in Gam leh leitang humna in mahni sanggam mahmah tawh ki gamla leh ki-keelki mahmah in i om zawmah uhhi. Himahleh tuhun ciang in Pasian hehpihna tawh kikawmtuah thei in Internet tungtawn bang in kinaizaw sem a thu-le-laa kikum a kikawm tuah thei in i omta uhhi.  Pasian in Abraham kiang ah "Na siikna ciangciang na gam ahi diing" acih bang in ei Zomite zong i omna mun ciangciang i gam ahi hi.

PAU-LEH-HAM
                Pau-le-Ham ah zong i omna atuam dungzui in Pau tuam lawmlawm kei le zong awkaih tuamciat zek in i omta uhhi. A nai pen aa gen in Kawlgam leh India Zomi te lak ah Pau leh Haam kibang hinapi in i omna atuam ziak in akaih tuamthei aa, Pau awkaih tampi inei uhhi. Zomi te lak ah TEDIM, LOSAU, TEIZANG, DIM, KHUANO, SAIZANG, THADOU, LUSHAI, leh  PAITE PAU ci in DAPZAL, BUKPI, NGENNUNG, LOUSAU, LAMZANG, VAAL , ban ah VAIPHEI, SIMTE, GANGTE, MATE, THANGKHAL, KOM, etc. etc. ci in Pau Awkaih tampi kinei hi. Hiai Pau Awkaihte pen Minam hilo hi. Ban ah Zomite in Pau Awkaih hizah ziazua ineih lak ah Pau kibanglo zekzek tampi om hi. Ahihleh ZOMI te Pau pen Bangpau hidiing hiam? Ci a buai pawlkhat om uhhi. Pawlkhatte in Zomi na hihleh Zopau (Tedim Awkaih) in pau in ci uhhi.  Diklua hi... Ahangbel Tedim Pau/Awkaih pen ei aa mah hi. Himahleh, lungsim zai leh lungsim lian ineih a, I Zomi sung aa pau om khempeuh te i ZOPAU ahi ci a i saan’theih hoih sa ingh. Zomi te Pau-le-Haam a i kideidan louh uh thupi diing hi. Linguistics te genna ah "Pau kici pen ahun asawt dungzui in kikheng kheng thei hi..." huaiziak in, Zomite Pau in kideidan in buaikei ni, ngaklah kei lehang Pau kici hong kigawmmang lel diing hi. Naga te zong Pau kitheituah lo uh a, Meitei Pau peuh in kiho uh... Ahihhang in NAGA in kip mahmah uhhi. Ettehna khat genle hang, Unau Mizo te in Zosuan te Khempeuh "ZOFA / ZO HNAHTHLAK INNI / KANNI" cici napi in LUSHAI / DUHLIAN Pau a paulo te Mizo bang in pomlo mawk uhhi. Ei Zomi te in tuapen i ciinloh a, I Pau khempeuh Zomi te pau ahi ci a i pomsiam a, i ki iit mahmah hoih diing hi. Pau kichi pen i omna atuam ciang a tuam hilel a, Innkuan khat bangleng muntuam ciat a i teen leh Pautuam ciat in kipau lel hi. Pau pen Minam hilo a, Minam pen Sisan hizaw hi.

"Dialect is not our Identity, there can be locational variation in our Dialects"
hilel hi.

 BEH-LEH-PHUNG
                Ei Zomite pen Namdang banglo tak in Beh leh Phung nei minam te ihi uhhi. Hiaipen i thupina uh ahihi. Huaite lak ah adiak in SAILO, KHUPTONG, HAOKIP, SINGSON, HRANGCHAL, SINGSIT, HANGZO, SAMTE, NAULAK, GUITE, NGAIHTE, KHAUTE, SUANTAK, CHHAKCHUAK, TLAU, etc.etc. ci in Beh tampi inei uhhi. Hiai Beh le phung te pen Zosuan ngen kihi hi. Zomi te pen i pau- i ham in ahonkhen hang, I Beh Iphung in hon gawm hi. Huaiban ah Beh-le-Phung tawh kisai i theihkhelh sek uleh i paipih tawntung uh khat hoih kasak hetloh khat ah... Zomi te pen Beh-le-Phung nei ihi. Kikhenzaak a, Gamtuam ciat a i om uh ciang in Ipau Ihaam tuam in,Beh khat natawm kituam suak vek kha hi. BEH kici pen I Gui a hon suangtu mintam a kiphuak a tampen hi. Etsakna di’n, Kou NGAIHTE te bang Zo suan Zomi nuai a Pu NGAIHTE suan le khaak te ka hi uhhi... Khanggui ka suutna uah Zo a kipan ka suut uhhi. Pu Ngaihte hunlai in NAM KE / TRIBE a kikhenna omlo hi. Himahleh bangcik a kipan hiam in TRIBE aa kikhenna hong om in SIMTE, ZOU, PAITE leh adiak in Kawlgam ah tampi ka om uhhi. Pawlkhat in NGAIHTE nahih uleh SIMTE na hi uh peuh cimawk uhhi. Ka dawnna bel Pu Ngaihte hunlai in Simte, Paite, Zou, etc.etc. a kikhenna omlo hi. Tribe in i kikhen kha ua, i omna ciat ki hi mai hi. Huaiziak in, Zomi ihi ciat uh, ka ci hi. Baan ah, Suantak, Khaute, etc,. na hihleh Vaiphei na hi, etc. etc. I kicih a i lungsim aa hiai bang ngaihsut leh paidaan i neihpen dik hetlo hi. Government in Divide and Rule Policy aneih a, Tribe a ahon khenzaak pen sawt nai hetlo hi. Mikhat suan, Innkuan khat Minam tuamtuam hithei cihbang omlo a, huaiziak in Behkhat Nam tuamtuam a kikhen chih bang om theilo hi. Government in ahon khenzaak pen i na pomkha ua, mawk paihkhiak theih ahikei. Himahleh, ZOMI kahi ci a i pom a, Zomi ihihna i letsak mahmah diing thupi in ka koih hi.

THUKHITNA
                Tua atung a igen suk diudeute mahbang in Zosuan-Zomite pen muntuam aa iten mahbang in min tuam leh Pautuam ngen aa omkha in i kikhenzaak uhhi. Himahleh i pu uh ZO ahihman in Zomi kihi hi.I TOPIC aa ZOMI IN KOICIANG HUAM HIAM icih mahbang in Pawlkat in Pau kitheituah aa Inndongta aa kivaihawm te Zomi hipah ci uhhi. Himahleh Khang tampi paisa aa khenzaak a omte ihihman in Zosuan pawlkhat in Inndongta bang nei nawnlo in Ngeina tuampi khat zui in na khosa uhhi. Zomi ichihpen Sisan ahi a, I sisan i laih theikei hi. Ban ah Pawlkhat leuleu in, Zomi kichi pen Zomi ka hi acite Zomi hi, nang Zomi hiteh, ichih a aman apomkei aa Zomi hike'ng, achihleh Zomi vachih teitei phatuamlo hi, chi uhhi. Dik naciang bel omkha ding hi. Himahleh MINAM pen Sisan aa om ahihman in Zomi ka hi cikei in utkeita mahle uh Zosuan-Zo Sisan ahihna uh beilo hi. Tuaman in Zomi i iit a Zomi Nam i iit taktak leh Zosuante Gawmkhawm dan i siam a, iitna i neih kisam kasa hi. Zosuan khat in Zomi hi'ng, acihtheih naikei lezong i khentuam a, i tuambawllouh ding ahi hi. Huaiban ah I Zomi Movement a akitel zo nailo, Zomi a langpang khapawl bang a omtaak lehleng amah Pau awkaih leh a omna Tribe pen gensia aa, hiaite pawl Zomi langpang cihmawk loh a,iittak aa ahihna uh kitheichian sak a, pomdan i siam poimawh hi.  Nna khat peuhpeuh a gumtu a omleh a langpang om hamtang a, tuapen a thupiina ahihi. Huaiziak in, Zomite sung ah, Pau-le-Haam, Ngeina, Awkaih, Beh-le-phung, tenna mun zui aa kideidanna pen a omloh teitei diing ahihi.

"ZOMI IN TUIBANG GAWM KEILE'NG SIINGGUAL IN NUIHCIAM LEEL DIING"
               
Veina leh Awlmawhna lianpi tawh,
                                                                                                                                                  B. Muan Ngaihte Zomidiktak
Lamka,Zogam.
+918014391608
bmuanngaihte@gmail.com
Tawldam Hiuhiau
B. Muan Ngaihte

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Khangthak Lasak Siam, B. Muan Ngaihte Mimal Tangthu. Description: Rating: 5 Reviewed By: Cinpu Zomi
Scroll to Top