728x90 AdSpace

Hot
Menu
Zon-ol na Donate

Latest News

ZOMITE’PILNA DINMUN LEH I MAILAM By T. Suan Khan Mang

ZOMITE’PILNA DINMUN LEH I MAILAM
By T. Suan Khan Mang
            ( State Educational Officer-Inspector)

            Zomite pilna dinmun theih nading in sazian namnih kongpuak hi. Hih etna tungtawn in mailam ah hanciam zawkna,kitawsawn theih zawkna aom theihna ding ka lunggulh mahmah hi. Ni danghun tawh kibang lo-in tuhun ciang in Zomi te in pilna I manphatna kimu napi mi namdangte zah in kimu kideih zo nailo hi. Tua man-in Zomite kumsim tansawm ongzah anuai a bang-in konglak khiahi.

Sr no
AVUAN KUM
A PHZAH
A ONGZAH
(A+B) LST
ZOGAM BUP PASS
PERCENTAGE
KAWLGAM BUP PASS PERCENTAGE
1.
1982
2653
223
@8%
14%
2.
1983
3085
359
@12%
18%
3.
1984
3771
374
@10%
19%
4.
1985
3555
340
@10%
17%
5.
1986
4077
698
@17%
22%
6.
1987
1806
234
*13%
7%
7.
1988
2273
252
11%
19%
8.
1989
Hih kumin
Laivuan ki
Bawllo hi.

9.
1990
3744
1136
30%
26%
10.
1991
3405
435
@13%
16%
11.
1992
3615
211
@6%
16%
12.
1993
3288
631
@19%
30%
13.
1994
4049
1266
31%
34%
14.
(a)1995
(old)
2398
245
@10%
25%

(b)1995
(New)
2939
689
23%
21%

©1995
Total
5337
934
@18%
23%
15.
1996
4580
715
@16%
26%
16.
1997
5958
1589
27%
28%
17.
1998
7574
3724
*49%
34%







@ = Kawlgam bup ah a niampen percentage a on kumte ahi hi.
*= Kawlgam bup ah a sangpen percentage a on kum tea hi hi.


            Tansawm ong khempeuh Professsional University te ah kilut zolo sawnsawn a, asang on tebek in sin thei uhhi. Tua ahih man-in 1987 pan 1995 kikal Zomite I kihel zawh zah anuai a bang ahi hi.

Hih atung a sazian namnih I et ciang-in Zomite laisin pilna lam ah idin mun leh mailam I maban ding I galmuh thei ding hi. 1982 pan 1998 dong kum 17 sung Zogam bup tansawm ong pen Kawlgam bup ah 12 bei bilvel aniampen hizen hihang. 1987 leh 1998 kum in asang pen percentage in I ong hi.

A beisa kum 9 sung professional University alut zo Zomi vekpi gawm 120 kipha a,Kawlgam bup a kisam 27628 ahih man-in 0.43% bek akihel zo I hihi. 1971 pan 1995 kumgdong Zogam pan MBBS sinding khatbeek kilut zolo hi. A beisa kum 25 sung Zogam pan Siavuan khat zong pianglo hi. I gam ah siavuan 110 kisam a, siavuan 50 bek in nasem hi.

Leitung pen mihingte’ omzia tungtawn a, apiang ahi hi. Puatham nate en in a khangto I kisak laitak in, I dinmun taktak a sungtawng dong en le hang kiamsuksuk in a lauhuai mahmah I hihi. Mihingte pen I khantoh ding a thupi pen a hihi. Hanciamna nei a, a thuman mite khangto uhhi. Tuma kum 40 val lai-in Zomite thuman in citak mahmah uhhi. Zogam ah bangpiang kicile Galkap piang ci-in kidawng a, thumanna leh cihtakna hang-in khagn masate in amau pilna ciangciangtawh kituak in min lehza, na ngah uh hi.Vang na nei uh hi.Tua bang ithu phate heu deuhdeuh ta hilo hiam?

Zogam ah lai-etteh kipat kum 1975 kum hi a, apankhia pa pen khasum khanglo in 1978 kum in kipiangsak hi. 1990 kum ciang in hong khauh pai semsem a, tua bangin a khauhpai semsem nadingin a hanciam mahmah zong ommawk hi.Mailam I dinmun ding a tuakkhol lo mite a ding-in thuman lohna leh zulhzauna pen a thukim pha mahmah ihi mai lel hi.

Tu laitak eimite I hauhna I pilnate pen zuauthu bulphuh vive tamzaw hi. Tua manin khang kikhom ding haksa mahmah hi. Hih bang dinmun pan kikhel lo a I paipai leh 2020 ciangin Zogam ah a zawngteng bek kiteng ding hi. Thumanna cihtakna I nungngat man-in pilna nei kikiam semsem dinga, pilna taktak tawh na a kisep hun ciang-in zuau in akhap hong tawn dinghi. Mihaite pen mipilte’ sila suak kinken ding hi. I gam I lei ah ei’n thu vaihawm nawnlo ding hihang. Lokho,piada,innphiat,lai-at neu cih ciangciang bangbek in ipang ding a, ulian( Officer) kici peuhmah midang vive honghi ta dinghi.

Leitung kihei zia leh Lai Siangtho paizia I et ciang-in mailam ah minam hong thupi semsem ding hi. Gam leh leitang in I delhdelhna gamnem munte ei a hong hilo ding a, I nusiatsiatna gamteng ei a taktak honghi zaw dinghi.

I dinmun lungngai a I khanlawhna ding-in pilna sinna a thupi masa pen khat ahihi. Pilna sang ineih nading-in sang naupangte a pantah sangsia te a thupi semsem ahi hi. America te Educationalist John Dewey in agenna ah;
1.    The future of the nation rests upon the head of the teachers.(Minam khat I mailam pianzia ding snag siate khut sung ah om hi)
2.    No country can rise above the level of its teachers(A Sangsiate’ phatan khuma, a khangto gam omthei lohi) naci hi.
   
 Minampi lungsim a nei, deihsakna taktak tawh sangnaupangte gamnu gampa asuah zoding sangsia tampi kisam hihang. Tua bang mite in,amau bang makai piangsak zo bek ding hi.

South Africa gam Biakna makai Bishop Desmond Tutu in amite a han thotna lungngai leeng;
                        Understanding the past
                        (A beisa hunte telcian pha mahmah in)
                        Acting at the present
                        (Tu laitak in akilawm nate sem in)

Ngaihsut khophuai thute
(1)   Pasian nasemte thupi masa pen a,gupna thu bek hilo, khantoh nading leh gamtat hoihna ding limgen pha mahmah leeng;
(2)  Sangsiate in naupangte makaihzia ding(Educational Ideology, Educational Philosophy, Educational Psychology) te ciantak in en pha in, I naupangte sungah a omnawn hetlo cihtakna, hanciam nopna lungsimte guan ciat leeng;
(3)   Laisim thei khempeuh in laisim mah hahkat ciat leeng;
(4)   Khantohna manlang lua mahmah ta hih man-in, sumnei zawdeuhte in,tadensa,Journal leh magazinete leh computer network leh, internet te kan in lei in sim leeng
(5)   Pialkhiatna hanciam ngiat leeng;

*********************************************

Source :
Zolai Simbu
Kum Sawmgiat leh Kum Sawmnga cin Ciaptehna Laibu (1913-1998)

Zomi eLibrary/Laibusaal pan hanciam in aki teikik/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMITE’PILNA DINMUN LEH I MAILAM By T. Suan Khan Mang Description: Rating: 5 Reviewed By: Cinpu Zomi
Scroll to Top