728x90 AdSpace

Hot
Menu
Zon-ol na Donate

Latest News

GULLU MUALAH NICKLE OM LO - Lian Khan Khai

GULLU MUALAH NICKLE OM LO
- Lian Khan Khai

Nickle
Muhkhiatna: : Kum 1500 kimin Germany gam SAXONY a mine sung nasemte in tausik atawhna pan suang namthak khat mu uh a, dawimangpa’ suang hi’n teh ci’n devil’s copper/ Kupper Nickle ci’n na phuak uh hi.  Tua mun panin mite in Nickle cih suang namthak khat akitheikhia ahi hi.  1751 kum ciangin AXEL CRONSTEDT in arenic a kihel sik namthak pen NICKLE ci’n min kicianin na phuak a, leitung bup in NICKLE hong kithei hi.  Nickle pen Sulphide ore le Oxide ore ci’n leisungah nam 2in kimu thei hi.  Leitungah Sulphide ore atampenna in Canada gam Sudbury mun hi a, Canada gam pen leitungah Nickle ahaupen gam zong hipah hi.  Russia, South Africa, Australia gamte-ah zong Sulphide ore kito kawikawi hi. Akizatna: :Nickle pen Platinum, Palladium cihte tawh zong kibang kawikawi a, sik dang tawh gawmkhawmin Alloy tuamtuamin kizang hi.  Nickle Steel pen a kekseu theilo sik hoih mahmah nam hi a, Nickle 65% le Copper (dalsan) gawmkhawm le’ng Stainless steel cih sik namhoih mahmah khat kingah hi.  Ngun, Cobal, Titaniam, Aluminium, Carbon cih dat tuam tuamte tawh Alloy (gawm) in van tuamtuam bawlnaah kizang kawikawi hi.


Tuhun ciangin technology khangto mahmah a, nickel, copper, chromium tuamtuamte nidanga kigawm sin ngei nailote kisin kawikawi ta hi.  Nickle ratio nam tuamtuam tawh kisina quality zong ni danga i theih ngeiloh i zak ngeiloh quality hoih zaw zong kisin-in kibawl khia theita hi.  Tua ahih manin mailamah nickle i zat nading hong tam semsem ding a, bangzah ciangin i zatna hong tam ding hiam cih kigenkhol theilo phial hi cile’ng kikhial lo ding hi.

Gullu Mual:
Gullu-a om suangte pen Oxide nam hi a, ahi zongin leitungah Nickle Oxide tawhna mine golpen ahi Australia gam Nisuahna lama New Caledonia tuikulh pan akito Nickle Oxide te tawh kibang zo lo hi. Caledonia pen khuahun sa mahmah a, kum khatin guahtui letmat 200 val bang zu ahih manin Nickle Oxide pian nading a kisam khempeuh kicing hi.  Hih khuahun in chemical leaching tampi piangkhia sakin nickle oxide te lei maitang pan pi 100 kim a, leisan lak panin kitokhia thei pah hi.  Gullu kimah pen guahtui letmat 70 kim bek zu a, nickle oxide taktak omzo lo hi.  Tua bek thamlo Gullu suangte i huan na’ng le nickle sitngiat i ngah na’ng process pen baihlo hi.  Gullu mual tawh a kizomto India gam Moreh ah zong nickel oxide khuk mun ding khat India kumpi in survey a bawl uhleh Gullu mual tawh kibang hi cih mukhia uh hi. Gullu le Moreh a nickle oxide dinga alamet uh suangte pen New Caledonia pan akito suangte tawh kibang lo hi.  Hi thute i etkak ciangin Gullu ah nickle oxide asit, acil taktak omlo hi kici thei hi.


Source :
ZOMI SIAMSIN MAGAZINE [ Vol 2, 2008 ]
Page 141.


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: GULLU MUALAH NICKLE OM LO - Lian Khan Khai Description: Rating: 5 Reviewed By: Cinpu Zomi
Scroll to Top