728x90 AdSpace

Hot
Menu
Zon-ol na Donate

Latest News

Tate Pattah Siamlohna-in Tate' Khuak Cidamna leh Khantohna Nawngkaisak thei. Agelh - Vung Hau Lun

Tate Pattah Siamlohna-in Tate' Khuak Cidamna leh Khantohna Nawngkaisak thei
Agelh - Vung Hau Lun

      Tate muhna ah Nu leh Pa ki tawt kiselna ki nuakna-in tate' khuak cidamna leh khantohna nawngkai sak hi ci hi.

          Mipilte in a kantelna ah innkuan sung haksatna a thuak kum (11) nuaisiah naupangte pen a khuak khantohna/picinna zekai-in mi lungsim damlo piangthei hi ci hi.

         A tungaa Innkuan sung haksatna ih cih pen sum leh paai, nek leh dawn haksatna cihte saangin anuai aa haksatna te ihcihnopna hi zaw hi.

• Tate muhna ah Nu leh Pa ki tawt/ selna

• Tate a mawhciangin thunem tawh a tel dong thuhilh dingsaangin a hang kanlo in tawtgawp/satgawppahna

• Tate lakah itzawk deuh neihna


• Innkuan sung ah itna ki lakkhiat lohna

• Tate kampau khat peuhpeuh naupang kampau hi ci-in awlmawhlohna/ thupit ngaihsutlohna

• Nasep hanciam lualiangin innkuanpih Zi leh Tate hun piaklohna

• Innkuanin ki holim hun neihlohna

        Tua bang innkuan sung haksatna a thuak naupangte pen agol ciangin zong lungsim damlo mi (ahkl) innkuan sung nopsalo in a tangtat, mi tawh ki thuah theiloin amah guak akithuah a hehpihhuai mi hong suak thei hi.

          Tua ahih manin innkuan sungah haksatna, ki theihkhialhna khat peuhpeuh hong om leh zong Nu leh Pate-in tate muhna ah kitawng kiseel lo-in tate muhlohna ah limtak kikup ding thupi mahmah hi. Tate-in mawhna khat peuhpeuh hong bawlkhak leh zong tawngpah, satpah lohin a hang limtak kantel phot aa ahoihloh nate tate' tel dingin hilhding thupi hi. Tua hih leh tawtgawp satgawpna saangin mailam ah tuabang mawhna hong bawl kik lo zaw ding uh hi. Tua hi-aa innkuan sung ah itna kilak khia-in ki-it diamdiam ding pen Pasian' deihna tawh zong kituak bekthamlo-in Tate' lungsim pumpi cidam in mipil milian hong suak ding uh aa gam leh minam hong khangto ding hi.

Ref :
Neuroimage: clinical

Source :
to:Cinpu Zomi <cinpuzomi@gmail.com>
date:Sat, May 21, 2016 at 7:08 AM
subject:Tate pattah siamlohna in tate' khuak cidamna leh khantohna nawngkaisak
mailed-by:gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Tate Pattah Siamlohna-in Tate' Khuak Cidamna leh Khantohna Nawngkaisak thei. Agelh - Vung Hau Lun Description: Rating: 5 Reviewed By: Cinpu Zomi
Scroll to Top