728x90 AdSpace

Hot
Menu
Zon-ol na Donate

Latest News

Zomi Daily : Online News & Magazine (www.zomidaily.org) Tangthu tomno… (Milestones)

Zomi Daily : Online News & Magazine (http://www.zomidaily.org/) Tangthu tomno… (Milestones)


12 January 2008
The journey starts here…
Hihni in thalmual.com domain register kibawl in “Online News & Magazine” nasep akipan ahihi. Website bawlnading in Joomla CMS kizang masa a, tuahun laitak in Joomla Version 1.0 bek hipan hi. Hih hunlai in Zomi sungah Website kician tamlo ahih manin, Zomi te’n Online tungpan thuthak lathak nuamtak in a simtheihding uh lunggulhna leh deihsakna tawh ahithei bangbang in News leh Article tuamtuam ki kaikhawm a, Website tungah ki suaksak pahpah hi.

24 January 2009
Hihni in zomiinnkuan.org domain register kibawlbeh a, thalmual.com tawh laihding geelna kinei hi. Ahi zongin Zomi Innkuan Singapore (ZIS) in azatzatsa zis97.org pen alem nawnloh ciangin ZIS Oficial Website dingin ki piakhia hi. Leitungbup Zomi Innkuan (LZI) hongkipat ciangin zomiinnkuan.org domain pen LZI makai te’n lunggulh mahmah uh a, ahi zongin ZIS adingin aki piakhin himawk ahih manin leitungbupzomiinnkuan.org azangzaw uh hongsuak hi.

14 January 2011
Kum 3 sungbang thalmual.com tawh Media nasep akisepkhit ciangin Zomi sungah a tangzaizaw leh Zomi khempeuh in anekkim theihding lunggulhna tawh zomidaily.com domain register kibawlbeh a, thalmual.com sung aom Article khempeuh zomidaily.com ah kituah hi.

Khangthak Zomi Nungak, Tangvalte’n ih Zolai leh Zopau akepcingnop nading in Zolaitawh nisim in thuthak suaksakding
To promote Zomi & Zolaito the world
Zomi Daily pen Zomi sungah nisim thuthak tuamtuam kizak tuahtheih nadingin News Portal kiciankhat ahihtheih nading kilunggulh mahmah hi. Tuaban ah Zolai tawh akigelh, Zomi te phattuamna hong piatheiding thului Articles tuamtuam zong kikaikhawm in kikoih hi. Zomi Daily in Zomi sungah sim leh mal, khua leh tui, beh leh phung, pau leh ham awkaih deidan aneihloh banah Biakna (Religion) leh Gamvai (Politics) te ahzong guptuam, paihtuam kineilo hi. Tuaban ah Zomi te biakna, upna Denomination tuamtuam ahi RC, Tuiphum, AG, SDA, EBC, Laipian, etc… cihte laigelh sungpan Zomi te ading phattuamna aomnakleh kisuaksak hi. Gamvai Politics thuzong ahunzui leh thuthang ombangbang in kisuaksak theizel a, ahihhang Politics lamah koimah kipawlna tawh kisawhkhalo hi. 

Gamvai, Minamvai, Biaknavai cihte banah leitung sumzonzia (Economics), ki makaihzia (Leadership) cihte akipan Technology lamdong in aomthei bangbang kisuaksak zelhi. Laisim Zomi te kikal ah Media ihcih mahbang in Kaingawi septheihding kilunggulh masapen ahih manin, nakhempeuh alaihawl, alailak ah “Moderate” takin kisuaksak, kipulakkhia a, mikim leh Zomi kipawlna khempeuhtawh ki uitui takin sepkhop bawlkhoptheih nadingzong lunggulhna lianpi kinei hi. Zomi Daily pen mimal leh kipawlna khatpeuh tungah ki ngalo a, sum leh paai lamahzong tuciangciang Financial Independance takin kuamah ki konlawhlo hi.

Zolai ngiattawh thului leh thuthak tuamtuamte Zomi Daily ah ahunhun in koihzawh nading kihanciam mahmah hi. Manglai pan inzong Zolai ah lettheih bangbang kiletkhia a, siamman leh telman hilozaw in ukna leh veina banah Zomi sungah kisapna aomman in aki semkhia hizaw a, khialhna leh kicinlohna tampitak omding hi. Mundang Website tuamtuam paninzong akilasawn tampi omkhading a, Direct in akilasawn peuhmah aneite leh laigelhte zahtakna tawh “Source:” ci-in atawpna ah kigelh hamtang dinghi. Akigelh khalo aomlehzong hehpihna tawh ongzasak kik un. Hihpen Zomi sungah Copyright Infringement tawh buaina aom liannailoh hangin Media lam khatlekhat zahtak kipiakna, Credit kipiakna hi a, Source: gelhdetding Zomi Daily in thupi kisa mahmah hi.

Zomi Daily in “Public Domain” kibulphuh in na kisem ahih mahbang in, Zomi Daily website tungah konggelhkhiat uh thului, thuthak khatpeuhpeuh suaktatak in na Website leh laihawmte ah nakoihsawn theihi. Zomi Daily tungah Credit piakding leh piaklohding cihtepen alasawnte mimal ngaihsutna tungah ki ngazaw hi. Migelhsa thului, thuthak khatpeuhzong ei gelhtawm bangin tawmkhatcik laihin puahtawm cihte kizanglo a, Zomi sungah Media a ukte’n ihzatkhak hetlohdingzong thupi kisa mahmah hi. Zomi Daily ii sepleh bawlna tawh kisai kisapna, hawmthawhna, kuppihnop cihte aomleh zomidaily@gmail.com ah nong kuppih nadingun kongzawn uhhi.

Zomi Daily ah suahsakding in Articles, News theihhuai tuamtuam hongpuak honggelhsak khempeuh tungahzong lungdamna lianpi kong pulak uhhi. Zomi Daily is an online news portal for Zomi around the world. Nowadays, Zomi people are scattered all over the world, and internet is the best tool to keep in touch each other. Thus, Zomi Daily takes initiative to let Zomi people stay connected online, especially on www.zomidaily.org. Plenty of Zomi News, Zomi Article, Zomi Poem, Zomi Song, Zomi Video, Zomi Culture, Zomi Literature, Zomi Philosophy, Zomi Lifestyle and anything related to Zomi are compiled here, JUST FOR YOU.

Zomi Daily Website is showcased on Joomla Community Showcase Portal since 03 April 2011 http://joomla.org

Zomi Daily :: Online News & Magazine

ZomiDaily Media i tup leh ngim, kalsuanzia pen minambup huam Media phualpi in kaciamteh a, hibang ngaihsutna hoih hong phuangkhia, Chief Editor te zong zahtak huai ngimngiam kongsa hi. Minam ading ngimna kician tawh kalsuan ZomiDaily hangin angtang ing. Khankum sawt in Zomi Nampi ading akizang paisuak Median nasepna ahih ding ka lunggulh hi.

03 April 2011
Zomi Daily Website pen Joomla CMS tawh akibawl masa ahih mahbang in “The Joomla! Community Showcase” ahzong hong helsak uhhi.

27 April 2011
Global Zomi Alliance
GZA (Global Zomi Alliance) apiankhiat nadingin Singapore gamsung ah 2011 April khasung makaipi te aki muhkhopding ciangin gamtuamtuam pan sunsiah tunna aneinuam Zomi te’n Online tungtawn in apiaktheih nading Zomi Daily Website tungah ki vaihawmsak hi. Ni 10 sungkhawng bekbek ahun ki ngahlai himah taleh Zomi Daily Website tungpan in Online Fundraising akibawl pen US Dollar $850 (Singapore Dollar $1013.69) ki ngahsakziau in, aki ngah khempeuh avekpi in Singapore aom Rev. Nang Sawm Piang tungah kikhak pahhi.

01 November 2011
2012 kum Faisal Cup ah aki helding ZEC Football Players sangnaupang te ki mawlpuan Uniform Team khat aiding ki panpih hi.

14 December 2011
Man Nuam Mang (Delhi) Operation huhna
Lia Man Nuam Mang pen Saipimual khuami Pa Go Za Thang tanu hi a, Delhi ah alungtang (Heart) vang ahih manin Operation bawlkulding cih Sia Lalpu in Zomi Daily tungah huhna hongngen hi. Heart Operation bawlnading India sumin Rs. 55000 beiding ci ahih manin, Online tungtawn in huhna ki ngetsak, ki tangkosak kawikawi a, 03 October 2012 ni in Operation kibawl theihi.

25 December 2011
BOM tagah tetawh ankuang ki umkhawm
Tedim aom BOM (Bethesda Orphanage Ministry) tagah kepna aom sangnaupang te 2011 kum Christmas Pawi abawl nading un Ks.100,000 kikhak hi.

19 January 2012
ZONET – Zomi International Network panin 2011 kum ading in “ZONET REPORTER OF THE YEAR – 2011” cih pahtawina hongpia uh ahih manin, ki lungdam mahmah hi.

20 February 2012
Tongsan Media Group panin 2011 kum ading in “TONGSAN PEN AWARD – 2011” cih pahtawina hongpia uh ahih manin, ki lungdam mahmah hi.

01 May 2012
Joomla CMS 2.5 Release akibawl ciangin Version 1.5 LTS pan 2.5 LTS Update pen buaihuai mahmah himah taleh Website Downtime siat hun omlo in ki Update theihi.

17 January 2013
Zomi Online Dictionary panpihna Zomi Online Dictionary tongdot.com hongbawlkhia ahi Tg. Khaipi panpihna leh lungdam kohna in January 2013 kumin $50 kikhak hi.

06 March 2013
Laisiangtho App panpihna
Laisiangtho App https://itunes.apple.com hongbawlkhia Solomon Khen panpihna leh lungdam pihna in March 2013 kumin $50 kikhak hi.

23 April 2014
Hihni in zomidaily.org domain register kibawlbeh a, .com leh .org anih in Domain Mapping tawh kizangkhawm hi.

06 July 2014
Joomla CMS pen Database Error tuamtuam tawh lemtaklo ahih manin, WordPress CMS tawh kilaih hi. WordPress zatzawh buaina lianpi kituak nailo hi.

29 August 2014
Pu Khawm Pau MacBook leinading panpihna
Leitung thuthang tuamtuam hong gelhkhiazel ahi Pu Thang Khawm Pau in MacBook khat aleizawh nading 2014 kumsung in Online Fundraising ki bawlsak a, $1211.74 ki ngahsak hi.

Web Development
Zomi Daily (www.hornbilldaily.com) panin kipawlna, biakna mintawh Website adeihte ki panpih hi. Bawlsaksa pawlkhat…
www.fgatulsa.org Full Gospel Assembly, Tulsa, USA 7/27/2016
Zomi Daily – Our story so far… – Zomi Daily http://www.zomidaily.org/our­story/ 5/7
 www.zomiyouth.org Zomi Youth Association Myanmar
www.zomimalaysia.org Zomi Association of Malaysia
www.zcamalaysia.org Zomi Christian Assembly
www.stjosephsentul.org St. Joseph Church, Sentul, Malaysia

Source : 
ZD.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Daily : Online News & Magazine (www.zomidaily.org) Tangthu tomno… (Milestones) Description: Rating: 5 Reviewed By: Cinpu Zomi
Scroll to Top