728x90 AdSpace

Hot
Menu
Zon-ol na Donate

Latest News

ZU. Agelh - Suang Khan Thang

ZU 
Agelh - Suang Khan Thang
Photo : Cinpu Zomi

Pasian bawlsa khempeuh a pha hi a, hehpihna phat-in a kisan leh bangmah tan-na ding a omkei hi. Banghang hiam cihleh Pasian thu tawh ahi zong-in thu ngetna tawh ahi zong-in a ki siangtho-saksa ahi hi. (I Tim. 4; 4-5)



Pasian piansak na khempeuh hoih hi. Ahi zong in mihingte zat siam loh man-in a sia tang nate zong om thei hi. Zu zong zat siam peuh leng si le sa aa ding zatui namkhat hi a, lawm le gual kikholhna, pawi khamna, zin le leeng dona,tuamtuamte ah zatloh a phamawh hun zong om hi. Ahi zong-in guih theih kham theih khat ahih mah bang-in zu huan, zu zuak, zu neek-te zang khai ngaihsutna I thaangzat loh nang-in thu khun ( Upadi ) tawh ciangtatna kinei hi. I Kawlgam sungah zong Thangho neu laiphial a kibawl 

(a) The Burma Excise Act 1917 

(b) The Burma Excise Rules 1928 le 
(c) The Burma Excise Directions 1929 te tudong mah-in kizang lai hi.

Zu Hang

Zu icih bang himawk hiam leh? The Burma Excise Act sung ah “ Alcocholic liguar means all liquid containing more than two percent of alcohol by valume, also unfermented tari (ထန်းရည်) and any substance which the President of the union may, by notification cation, declare to be alcoholic liquar for the purposes of this Act ’’ ci hi. Alcohol 2% sang tamzaw a kihel tui khat peuhpeuh zu kici ahih man-in zudawn hikeng ee, beer hilel ci aa I dawn kanghkangh beer tezong alcohol 4% pan 8% dongbang a na kihel hi gige hi. Excise policy tawh kisai-in tom genleng zudawn ngeina hong kiam semsem nading siah ( tax) tam don toto ding I cih maidiam aw, a kicing in a nuai a bang ahi hi.

a) Mipi sungah zu neek zu dawn ngeina hong tam semsem ding hanthawn loh ding,
b) Kumpi thu kimpihna lo tawh zu huan a tam semsem loh nang, siah(tax) don tohtoh ding, cih deihna pi hi. Tua hi a zu huanna pan siah (tax) donna in zu hong tawm semsem nading gakna hizaw a, zu huanna tung pan siah (tax) tam pipi ngah ding cih lam-etna hilo zaw hi.

Tua ahih leh zu in a khum, a al, gil vahna cih lah hi peuhmah lo ban ah val nek in, kham lua kha leng zong lua gawp in, lutang nasak a, ni nih ni thum sung annkam na ngawn hong limsak lo hi napi bang ding-in pawlkhat te in zu lotawh omthei lo zah dong in koici kipat tah khak mawk I hiam! Mikhat zu nek kipattah khakna in a naui a bangin A pan H hang hi kici ahih man-in I theihtek nading le I kidaal nading in kong pulak hi.
a) A – Advertisement ( Mi tangko siam hang)
b) B – Being a man ( Kei picing ta ing cihna pan)
c) C – Curiousy ( Koi bang ahitam ci a sin nopna pan)
d) D – Disharmony in Diaty Life ( Nisim vai taang tan lohna pan)
e) E – Expectation ( Social Expectation)
f) F – For friendship ( Lawm le gual kigual nopna pan)
g) G – Gain or Pain ( Nuam man zu ne ahi keileh dah in zu ne)
h) H – Hospitality ( Mi zu le sa vak peuh neknekna pan)

Lawm aw, nang zong zu peuh na lunggulh ngeungau kha thei hiam? Zu ne ngei zel khat na hih leh a nuai a dotnate na dawng lecin nuhvei himah ei na cih leh zu a lunggulh pianta na hih man-in zu nek khiap ding hanciam kul ta a, thumvei himah ei na cih leh zu in siatna hong pia nuam ta hi ci-in na kidop kul ding hi.

a) Mi tawh zu na nekkhawm liatam na hai a hawm ciang in nipiak ngak lo-in nang le nang na kibut hiam?
b) Na inn ah kei leh zu sai ah khat veivei nangkia zu nane thei hiam?
c) Mi tawh zu na nek ciangin na hai sung ah na lungkim dong na but khit teh na lawmte na but pan hiam?
d) Na innkuan sung ah buaina na neih uh ciang in zu na ne thei hiam ( zu tung na tu hiam?)
e) Nisim in zu nekna tawh tawldamsak ding in na ngaihsun hiam?
f) Zan nitak in zu na kham luat man-in na nasepna mun pai zolo cih bang, ahi zong mi tawh na kiciamsa ciampel cihbang ahi zong in na hi ngei hiam?
g) Na lungkham ciang le na lung himawh ciang zu tawh na ki  hehnem thei hiam?
h) Zu nanek loh ni-in na omzia nuam lo cihbang na hi thei hiam?
i) Khat veivei zing tungtung zu na ne thei hiam?
j) Zan a na zunek vain a ngaihsut kikte tel nawn mel lo-in na om thei hiam?
k) Zan a na zunek zah hong kidot ciang na dawng khial thei zel hiam?

Nang zu nanek man-in zu huan, zu zuakte’n sum ngah-in hauh lawh tase mah leh nang le na innkuanpih in zawn lawh in natna a tawmtawm nahih lam ngaihsun pah in.


Source :
Tedim BEHS No.1 Sangpi GOLDEN JUBILEE MAGAZINE 
pan laimai 266 - 267.

Zomi eLibrary/Laibusaal in Mipi ading deihsakna tawh atei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZU. Agelh - Suang Khan Thang Description: Rating: 5 Reviewed By: Cinpu Zomi
Scroll to Top