728x90 AdSpace

Hot
Menu
Zon-ol na Donate

Latest News

Cidamna : Cisa, Khuasik Natna (Malaria). Agelh - Sianu Vung Hau Lun

Cisa, Khuasik Natna (Malaria)
 Agelh - Sianu Vung Hau Lun

Cisa khuasik natna ahi Malaria a kici natna pen Malaria lungno ( P.falciparum, P.malariae, P.ovale, P.vivax leh P.knowlesi ) a nei thote in hong pet leh kingah thei hi. Tua thote in zan hun sungin hong pet nuam deuh ahih manin zan hun sung thopeh a thuakte (gtn. Thopuan khunglo-in a lumte ) in tua natna ngah thei hi.
Malaria natna pen naupang uham a kuamapeuh in ngah thei hi. Malaria natna a tam deuhna mun (gtn. Khualum in thotamna khua, Mandalay) ah va pai-in thopeh thuak leeng kilawh baih mahmah hi. Naupaai nupite lawh naupangte in tua natna thuak leh lauhuai zawdiak lai hi.

Malaria natna neite kihil ziate
1. Cisa khuasikin liing (Cisa kah zeel kiam zeel )
2. Gilna (sungpai thei)
3. Sin golsak (Hepatomegaly)
4. Zel golsak (Splenomegaly)
5. Kal siasak (zun pailo)
6. Ci leh sa kham (golh)
7. Pumpi-ah a khumdat tawm (Hypoglycaemia)
8. Gawng (Weight loss)
9. Dangtaak pahpah

Hong nasia zaw leh
1. Lutang na lua
2. Nungzang na
3. Luaksuak in luakhia
4. Cisalopi-in pumpi votcipin ciliing 
5. Lungsim palang, om daan ding theilo
6. Sikiam (Blood pressure fall)
7. Lungtang kinawh sai
8. Liver (sin) leh spleen (zel) gol

Khuak sungah malaria lungno lut leh
1. Lutang nalua
2. Luak suak in luakhia 
3. Lungam/lungvai
4. Cisa kah zeel kiam zeel
5. Sisan hatlo (Severe anemia)
6. Lungsim manlo (mental disturbance)
5. Sibup (khua phawklo)

Malaria natna neite kihil ziate bangin hong kihil in tua natna nei-in na kiupmawh leh ni khat sung (24 hours) a manlangpen in a nai pen zato-ah kilak pah in. Tua natna na neih leh a kisam zatui zahate tawh limtak kibawl pah lecin Malaria lungno khuak sung lut manlo-in lauhuainate tawh na kipelh thei ding hi.
Malaria natna ngahloh nading koici kidal ding
Malaria ngahloh nading in kidalna zatui (malaria vaccine) om nailo hi. Ahih hangin a nuai aa bangin kidawmin zang thei le hang phatuam mahmah hi.
1. Thopuan khunglo-in zan lum kei in.
2. Puan bansau bombi saute silh in.
3. Na inn na huang sungah tho a tamloh na'ng in siangtho sak in.
4. Thopehlohza (mosquito repellent) kizut in.
5. Na inn kongkhakte-ah thodalna (ျခင္လံု သံစကာ) thuah in.
6. Na veng na pamtenguh tho a tawm na'ng in thozakhu mutsak in.


Ref :
-Fourth year Adult Health Nursing Text Book ,University of Nursing .
-Wikipedia.

Source : 
Hau Lun -> Na Dam Nuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Cisa, Khuasik Natna (Malaria). Agelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top