728x90 AdSpace

Hot
Menu
Zon-ol na Donate

Latest News

Edison Leh Tuahsiatna. Agelh - Tuang Za Khai @ Khaikok (101)

Edison Leh Tuahsiatna
Agelh - Tuang Za Khai @ Khaikok (101)


“Na inn mei-in akaat leh, tua mei tawh nakhua lumsak in!”
~Spanish Proverb

1914, December kha sung,
Thomas Edison a setzung pi (laboratory) Mei-in kanglualua miau. Dollar awnnih sang’ tamzaw tham ding mei-in kangtum-mai. Sumpong dingin a muan penpen, Dollar tengnih val ($ 238,000) tawh a lamh a inn neihsun mei-in akangtum ding hita. Edison in khua-ul sakaai-in asep abawl, ahanciam sa kempeuh tua nitaak, meikuangpi sungah vut leh vaai asuak hita.
Kum 24 apha, atapa Charles in meikuang vuavua, meikhu kizial nianua nuai ah maikhing ngeungau sa in apa zong buaibuai kawikawi. A nunung na-ah, a sam kang thingthengte huih in mut in aleng thengtheng, dahmai mahmah kawmsa in meikuangpi lam a en ngeungau, a pa galmuh hi.


“Aw… pa… dahlua ingh… kum (67) bang phata in, khangno hi nawnlo cin aa, na neih khempeuh mei-in kangtum khin sese…” Ci-in Charles khasia lua in awngkhia gawp kha hi. A pa in:- “na nu ee?” Ci-in a dot buatbuat leh, a tapa in theilo ta sawnsawn…

Edison in “Na nu manlang in vazong inla hiah hong paipih in, a nuntaak sung khempeuh hibang meikuang mukha ngeilo ngel ding hi.” Ci ziau mawk…

A zingteh, a kisia gawp a inn leh a vante en gega kawmsa in Edison in “Hih tuahsiatna a manphatzia sumtawh leizawh ding hilo hi. Pasian aw na tungah lungdam ingh. Ka khelhna khempeuh uh, mei-in kangtum khinta hi. A thak in kipan kik theita ungh…”

Tua khit nipi thum asawt phet in, Edison in a masa penpen lakhumna set (phonograph) zuak-khia ziahziah zo veve hi. 

 Brain Cavanaugh’ gelh
‘Great Value In Disaster’ pan
Mikhat peuhmawhsak in
gensiat dingsang’in,
a ma nuntaakzia,
ahihna-a-omzia khempeuh
thei masa phot in, tuakhit-teh,
amah leh amah akitel theihna ding,
lamlak in huh ding kisam hi…
Banghangin amaute tuaci gamtat in,
tuaci nuntaak uh ahi hiam?
Cih athu, theihding thupi mahmah-hi.
Mikhat peuh ih gensiat niloh sang’in
pahtawi-in pibawl theihding kisam zaw hi..
athu ala khempeuh telsinsen hilehang,
mawhna khempeuh ki maisak zo ding hi.
Topa Pasian mahmah in,
nitawpni hongtun mateng, mikhat peuh tungah,
thukhen huailo ahih na thu
honghilh-hi…

~ Dr. Samuel Johnson

Source :
A HIZOLO OMLO (Laibu).
(Tupna Kician Anei Khangnote a ding Thapiakna)


Page 17 – 19.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Edison Leh Tuahsiatna. Agelh - Tuang Za Khai @ Khaikok (101) Description: Rating: 5 Reviewed By: Cinpu Zomi
Scroll to Top