728x90 AdSpace

Hot
Menu
Zon-ol na Donate

Latest News

Hello…(Tupna Kician Anei Khangnote a ding Thapiakna). Agelh - Tuang Za Khai @ Khaikok (101)

Hello…
(Tupna Kician Anei Khangnote a ding Thapiakna)
Agelh - Tuang Za Khai @ Khaikok (101) 


§  Haksatna pen Pasian in a-it a tate, a hoihzaw dingin hongsuihna hithei tawntung hi.
Henry Ward Beecher

§   Khatveivei Pasian in tuipeek ihsiam ding hongdeih manin, tuithukna munah hongkhia thei zelzel hi.
Herald Lindsell

§   Haksatna in mihingte thaneemsak zolo, kisiasak zolo aa, nopsakna leh cihtheihna in mihingte puuksak in kisiasak zaw hi.
William Barclay

§   Ka lampi ah tuahsiatna in hong nawkgawp in, kakhe suanzolo, nungtolh in, ka lampi nangawn ka telzo nawnkei hi. Ahi zongin, ka tuahkhak thute ahih leh pukcip nading hilo in nungtolhna lel ahih lam teltak in kathei hi.
Abraham Lincoln

§   A niampen dinmun ah ka om hangin, lungnop ding ka mangngilh ngeikei ding hi. Ka nuntaakna-a haksa pen dinmun ah ka om hangin, ka lungkia ngeikei ding hi. Zaanhun hong beiteh, zingkhua hongvaak ding aa, ni hongsuak in, Sunni hong taang lel ding hi… Nuntaakna ihcih pen a ki khelkhel ding a ngeina hi aa, hangsan tak in ih phut ngam ngiat ding a kisam ahi hi.
Maung Myint Aye

§   A kihong theilo ding tawhbu kuamah in bawl ngeilo ding hi…Tua mah bangin, Pasian in ihpuak zawhloh ding haksatna vangik hongsuan ngeilo ding hi… Lung-gim in maitai zolo in na omleh hih leitung in hong nuihsan lualua lel ding hi… Lungnuam tak in na omleh hih leitung in hong maitai ding aa, nang’hangin mi tampitak in lungnopna a ngahlawh uh leh, leitung in nang’ thupha hongpia ding hi…
Metacafe.com

§   Hunsawtpi sung lungkia lo in nathuak khit nangawn the natuah guallelhna pen, guallelhna taktak ahi: ‘hanciamna neilo in omhithiatna leh ahoih ding ngaihsutna neihlohna’ te sangin, manphazaw thampek hi.
George Eliot

§   Haksatna nathuak hunsungteng bekmah, diktatna tawh a kidim, tupna gelna leh pilna siamna te athak in a ki bawlphat hun hizaw hi. Tua-ahih manin, haksakna leh tuahsiatna cihte pen ‘Sia’ hoihpen te hizaw hi.
Abdul Halim Ali, Tan Sri

Pasian in a teeltuam mite,
suahtatna ding manawh in a makaih na-ah,
haksatna leh khelhna tampi phukha uh hi.
Ki puahphat nading hunpha khatkhit khat
Pasian in piapia hi.
Ahi zongin a mite khial thapaai uh hi.
Pasian mangngilh in dawi leh milim peuh
bia zelzel mawk uh-hi.
A Topa un thukhen tuanlo,
hehpihna leh itna bucing tawh lamlak in,
a lipkhaphuai thulela tengmah zawhpih toto in,
Canaan gam lutpih veve hi.

Leighton Ford
(Billy Graham’ tupa)

Source :
A HIZOLO OMLO (Laibu).
(Tupna Kician Anei Khangnote a ding Thapiakna)
Page 10 - 12.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Hello…(Tupna Kician Anei Khangnote a ding Thapiakna). Agelh - Tuang Za Khai @ Khaikok (101) Description: Rating: 5 Reviewed By: Cinpu Zomi
Scroll to Top