728x90 AdSpace

Hot
Menu
Zon-ol na Donate

Latest News

NA TATE SEX TUNGTANG GENPIH MAI IN. Agelh - Thangpi Naulak


NA TATE SEX TUNGTANG GENPIH MAI IN
Agelh - Thangpi Naulak




Numei pasal hihna pen Pasian hong piak ahihlam leh zatkhiat a hoihlohnate kisin sak huai hi. Si leh sa lunggulhna bek hi lo in mihing nuntakna dinga kitangsam khat hi.
Tate Sex education hilh a kuul nate;
Itna bang hiam cih naupangte hong khantoh ciangun a theih siam na ding. Itna pen piak khiat leh ngah ahi cih a theih nang uh. Sex ah lungkimna a neih theih na ding.Naupang ten amau hihna theician a, numei te numei ah pasal te pasalah a lungkim theih na ding. Amau pumpi taksa a zah tak theih na ding uh. Taksa hiang tuam tuam ten nasep tuam ciat nei uh hi.Tua te limtaka kep a siam theih nang  un thuhilh kuul hi. A pum pi ah kikhekna khatpeuh a om ciang lamdangsa lo a-a theih siam nang uh.Nuntakna hong kipat dan leh a thupina a tel siam na ding un. Nuntak kilawm a neih theih nangun ki hilh kuul hi.
Nu len pa ten tate sex lamah lam man lo a tawt khak loh nadinga hilh pen mawhpuakna khat hi. Tate hi lam a genpih ngeilo ten a tate dinmun thei siam lo uh hi.Tua manin nu leh pa ten tate kiangah kum naupang lua a kiteen hoih lohzia khawng genpih zel ding hoih hi. Tua banah virginity a aathupi zia leh kiteen ma a  thaangtat luat a hoihloh zia te kihilh ding ahi hi. Nungak/tangvalno tung  in zahmawh leh a kiim teng siantho sak a kuulzia te zong genpih ding kisam hi.
Tate sex Education a genpih te pen a tate un zawlta khawng paai lo zaw deuh uh hi. Sex tawh kisai natna hoih lo te ngah lo zaw deuh pah uh hi. Tua banah nungak tangvalna lama phengtat cih te om lo zaw deuh hi. A hun tung ma a sex zat nop lohna amau te lungsimah kituh hi. Tate kepzia ah nu leh pa ten a naupan lai pan in ngaihsun ding tampi om hi. Tuhun ciang leitung se mah mah ta ahihmanin nu leh pa ngaihsun ngam ngeiloh dongin tate na gamta thei uh hi.
Taten sex tawh kisai dotna a neih ciangun limtaka don leh hilhcian zel ding.Hong nungak/tangval kuan ciangun sex lamah zong a lungsim uh hong khang hi. Tua ahihmanin sex education eima’ siam dana piak pen tate gamtat khialh loh na ding ahi hi. Kun naupang lua a kiteen in sex life ah lungkim lohna omsak thei hi. Bang hang hiam cih leh a nungak/tangval hun sung uh tawm lua ahihmanin kham zo lo uh hi. Tua ahihmanin a hih theih leh kum 25 kiim a kiteen ding hoih bek hi.
Ta ten theih nop tampi nei uh hi. A diak in sex tawh kisai thu te nu leh pa dong ngam ngei lo uh hi.Tua ahihmanin nu leh pa ten hilhcian zel ding thupi hi. Ta numei te kiangah tanagval maingap luat a hoih loh zia hilh huai hi.tangval te nopneh theih dinga a om loh na ding un hilh ding ahi hi. Kiteen ma-a sex a zatpih theih loh uh numeite pasal ten thupi a sakzawk lam uh theisak ding. Tanu te a minsiat loh nangin nu leh pa ten thuhilh ding hoih hi.
Ta pasal te zong zi neihmasiah kuamah tawh sex a zat loh nang un genpih ding kitangsam hi. Teen pih nop loh dingte gaai sak khak loh nang un hilh ding hoih hi. Tua banah numei paktat leh kizuakte tawh a kithuah loh na ding un genpih kuul hi. Hih dan nu leh pa ten a hilh kei ua leh midang kuamah in hilh tuan lo ding hi. Zomi ten school ah sex education kisinsak nai lo hi hang. Nu leh pa lo buang kuamah in hidan in midang tate thuhilh khollo ding uh hi.Tua ahihmanin nu leh pa te a khialh khak loh nangun nu leh pa ten hilh ding pen a mawhpuakna uh ahi hi.
Leitung khantohna tawh kitawn in Magazine tuam tuam hong piang hi.Ahizongin Magazine suaksak te zong a pilvaan ding uh hoih hi. Sex lam a tam gelh luatna hang un khangnote lungsim a hoihlo lam in makaih thei uh hi. Mizoram bangah Magazine tampi khawng nuam mawk uh ahih manin sex leh romance lam hah gelh peuhmah uh hi. Tua in a khangno te uh siasak zaw hi.Khasim a suak magazine pawlkhat diktawn,zawlaidi etc. khawng tuadan vive kigelhna hi zen hi.Nu leh pa ten zong taten bang magazine sim uh hiam? Tua a magazine sim uh amau adingin hoih maw hoih lo cihte theihpih ding ahi hi. Tua hi lo a-amau ut banga na omsak ua leh mawhna lampi tawn thei uh hi.

Source :

4th April 2012 by Thangpi NaulakDei Gratias


Laigelhpa Thangpi Naulak in ama laigelhte Zomi eLibrary / Laibusaal ading in phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: NA TATE SEX TUNGTANG GENPIH MAI IN. Agelh - Thangpi Naulak Description: Rating: 5 Reviewed By: Cinpu Zomi
Scroll to Top