728x90 AdSpace

Hot
Menu
Zon-ol na Donate

Latest News

SEX AWARENESS KI SAM NASA UH HIAM? Agelh - Thangpi Naulak

SEX AWARENESS KI SAM NASA UH HIAM?
Agelh - Thangpi Naulak

Sex pen mihing nuntakna ah va mawk thupi simloh ding hi tuan lo hi. Mihing i hihna hong bukimsak khat ahi hi. Bang hang hiam cihna Pasian in mihingte adinga ana bawl hi mawk hi. Tua manin sex(nu le pa mawhna) lunggulh theihlohna pen mibatlohna khat ahi hi. Ahizongin ut bang banga phengzat dingdan hi lo leu leu hi.

Sex tungtanga ah nidanglai i pi leh pute hun sangin kisia zaw ta mawk hi. I pi leh pute pen zi leh Pasal zawn tungtang bangah na pilvang mah mah uh hi. Mo a va dawt uciangin hun sawtpi kingak sak uh hi. Bang hang hiam cih leh a pu apa khang pan in tua a makpa ding uh bangmi hiam cih sittel masa uh hi. A khangthu uh limtak in kan masa se uh hi. Kaunei nam ahi hiam, cih leh mihai omna khanggui ahi kha uh hiam cihte limtak in kan masa uh hi. Tua teng a theihkhit dipdep uciangin thukhensatna nei in mang pan bek uh hi.


Namdangte bangle in Zomi te pen na ki ngai diak uh a, lo lamah kilawm in, zanciangin na kiheel zel uh hi.Ahizongin tuabang kawmkalah lawm kingaite in kilangsaksak lua khawllo uh hi.A kingaih mah mah uh hangin numei te bangin a lawmngaihpa te uh zahtak uh hi.Mi muh tanglaia a kianga tut ding nangawn zum ngaihsut uh hi.Tangval ten zong numei mawk mawlpih (molest) khollo uh hi.

A diak in numei te pasal tawh minsiat khak lau in pilvang mah mah uh hi.Pasal ten bel a lawmngaih te uh a luppih theih uleh zi di in deih tak tak zolo uh hi.A hang pen a mau’ luppih theih khat midangten zong na luppih thei dingin ngaihsun uh hi.Tua banah zawlgai khak ding lau mah mah uh hi.Bang hang hiam cih leh zawlgai pen a zumhuai mah mah a kingaihsun khat ahi hi.A zi ding ua a ngaihsut tak tak te uh pen luppih sawm lo zaw uh hi.Banghang hiam cih leh sianthona thupi ngaihsut uh cihna hi.Kibuan(rape) zong tulai zah in tam sam lo hi.Tua pan sex ah a kikep zawh zia uh kilang thei hi.

Tu khawhun leu leu ciang kiteen ki baih ngaihsut ta in, tuaman in a kikhenkik zong tam hi.Sawt zong kimu nai lo pi in kingai thei pah vanglak cih khawng hi ta mai hi.Nu leh pate bang a mo dong hi nawn lo zaw in, a va gen lem ziau dan uh hi ta hi.Khristian i hih ma sangin khristian i hih khitciangin sex ah siangtho zo lo zaw phial hi hang.Tua ahihmanin Sex Education bang zong a kisap hun hong om ding hi. 

Leitung khantohna technology te mah mah zong kizang khial hi.Eimite bawl sex video Clip khong muhding om ta mawk hi.Music video nangawnah zong a sexy lam deih ta mawk uh hi.Pawlkhat kizep kipuahna te zong uang lua mah mah deuh hi.Tua in pen sex lam lunggulha piangsak thei ahih manin hoih lo hi.Tua ahihmanin sex lam kihilhcianna awareness zong kisam simta mai hi.Bang hang hiam cih leh i kiim i pamah nuleh pa tawh a om lo naupang kepna tampi om ta hi.Tua te a hang tampi te’ laka khat pen sex zatkhialh hang hi zen hi.Sex lamah kideekzo hi le uh tagah tu a sangin tawmzaw ding hi.


I khangno ten Cosmopolitan Magazine tuam tuam sim nuam ta i cih leh, Sex tawh kisai thu ana kitamgelh man khawng na hi peuhset hi. Hih laibu te ah bangci’n sex zangnuam thei ding cih lamsang nagelh uh ahihmanin sinnopna lungsim peuh neihlawh thei lai uh hi.Bang anghiam cih leh neek leh dawn hoih in cidam mawk uh ahihman hi.Hih bang sex lunggulhna neihna pen mawhna hi pah sam lo hi.Ahizongin tua lunggulhna i khristianna tawh kituak lo a zatkhialh khakna pen mawhna hi zaw hi.Sex zatkhialhna pen Pasian’ huat pen mawhna khat ahi hi.
I population tawh kituaka AIDS vei i tam luat in zong Sex i zatkhialhzia hong kilangsak hi.Tuhun ciang natna hoihlo tam ahihmanin pilvanga kikep siangtho ding hoih hi.Nauphiat (abortion) bang om sim ta mawk in, hih te sex awareness om leh phiat kuul se lo in zong a piangthei thu khat hi.Private hospital te’ summuhna khat bel hi kik bil bel.

Kristian ethics pan in kiteen maa sex zatkhawm pen a kilawm het lo khat ahi hi.Hih lamsang a tam thei thei i kigenpih ding kitangsam hi.Pasian Dan siangtho a kiteen khawng i thupi ngaihsut kuul hi.Bang hang hiam cih leh Khristian i hih manin ut bang banga phengtat ding te hi lo hihang. Tua ahihmanin lamman kihilh ding thupi hi.Sex Education cih leu leu zong pilvan a kuulna ah, kidalna (gaitheihlohna) lamsang khawng i va hah gen luat a tuate hanga sex promote i bat khak ding lauhuai zel hi. Bang hangin numei ten angkawm (uire) zel uh hiam? Pasal te hawmthawh uh hi mawk hi.Hih te khawng ipip hun hi nawn lo zaw in a solution zawn ding hi zaw hi.Sex education veve zong khat leh khat kitangsap kibangkim lo ding hi. Namdang lakah i minsiat loh nang nang, natna hoihlo i ngah loh nang,i cidam nang adt. in, i khristiana tawh kituak Sex awareness kisam nasa uh hiam?

Source :
Posted 7th December 2011 by Thangpi Naulak
Dei Gratias
Laigelhpa Thangpi Naulak in ama laigelhte Zomi eLibrary / Laibusaal ading in phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: SEX AWARENESS KI SAM NASA UH HIAM? Agelh - Thangpi Naulak Description: Rating: 5 Reviewed By: Cinpu Zomi
Scroll to Top