728x90 AdSpace

Hot
Menu
Zon-ol na Donate

Latest News

Cidamna : Sikhum Zumkhum Natna. Agelh - Sianu Vung Hau Lun

Sikhum Zumkhum Natna
Agelh - Sianu Vung Hau Lun

Sikhum zunkhum natna i cih pen sisan sungah a khumdat a tamluatloh nading in a dal insulin hormone a tawmluat hang ahkl a omloh hangin sisan sungah a khumdat hong tamluat ciang zun nangawn-ah a khum hong kihel natna gil khat ahi hi.
Sikhum zumkhum a neithei deuhte

1. Khanggui aa sikhum zunkhum a neite 

2. A thauluate
3. Lunggim dente
4. A khumdat a tamluatloh nading hong dal insulin hormone a tawmte ahkl a neilote.


Sikhum zunkhum natna neite kihil ziate
1. Zunsuak pahpah ding
2. Dangtaak thapaai ding
3. Gim baih ding (phokhongvei baih ding)
4. An nek khiamlopi-in gawng ding
5. An tampi nek hang gilkial pahpah ding
6. Ci thaksa ding
7. Liamma damhak ding
8. Mitmang ding
9. Lungsim liinglawng ding
10. Khutme kheme hik ding

Pawlkhatte leuleu ciang sikhum zunkhum natna a neih uh hangun bangmah kihillo-in sikhum zunkhum natna in hong ngahbehsak theih natnate hong pian ciang bek natna a neihlam uh kithei pan thei hi.
Sikhum zunkhum natna in hong ngahbehsak theih natnate 
1. Pumpi langzaw natna
2. Lungtang natna 
3. Sikhang natna 
4. Kal natna
5. Mittawtna
6. Sibup/khuaphawklo

Sikhum zunkhum natna a damsiang nadingin zatui zaha kimukhia nailo hi. Siavuante kiang kilakin sisan leh zun hun manin etsak ding kisam hi. A kisam zatui zahate ne-in nek leh dawn kidop ding kisam hi.
Sikhum zunkhum natna neite kidop ding
1. Annek hun mansak in.
2. Mehteh mehgah (Anteh theipuam), ngasa leh a thau kihello sa tampi ne in.
3. Buh, buhman, aalu, be tuamtuam, sathau leh a-al tam nek kei in.
4. A khum nektheih dawntheih singgahte ne vet kei in.
5. Exercise hun manin bawl in.
6. Zato hun manin kilak in.
7. Na mit hun manin lak in. (kha guk khatvei)
8. Liamma na neih leh Siavuante lak pah in.
9. Khedap bulhlo-in koimah pai kei . (khete hik ahih manin suanghiam ahkl khat peuhpeuh tawh kiat kha leh a liamlam kitheilo thei hi .)

Sisan sungah a khumdat tamlua leh a lauhuai mah bangin tawmlua leh zong lauhuai hi. Sikhum zunkhum a kiamsak zatui a kisamzah sang tam ne lua kha ahkl an hun man a nekloh hangin a khumdat tawmlua thei hi.
Sisan sungah a khumdat tawmluate kihil ziate 
1. Gilkial ding 
2. Khua-ulneel kaai ding
3. Lungtang kinawhsai ding
4. Lungam /lungvai ding 
5. Lungziing ding
6. Ciliing ding

A tung aa bangin na thuak leh a khum nektheih dawntheih khat peuhpeuh ne in (gtn.Cikhum tui).Sikhum kiamna zatui nek khawl inla Siavuante kiang kilak in.
Ref : 
University of Nursing Mandalay,Text book.
Source :
Hau Lun -> Na Dam Nuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Sikhum Zumkhum Natna. Agelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top