728x90 AdSpace

Hot
Menu
Zon-ol na Donate

Latest News

Cidamna : Dengue Haemorrhagic Fever (ေသြးလြန္တုပ္ေကြး). Agelh – Sianu Vung Hau Lun

Dengue Haemorrhagic Fever (ေသြးလြန္တုပ္ေကြး)
Agelh – Sianu Vung Hau Lun


📣📣 Alert DHF 📢📢
Phawksakna DHF
Dengue Haemorrhagic Fever (DHF) ေသြးလြန္တုပ္ေကြး a cih bang hiam?
Dengue Haemorrhagic Fever (DHF) i cih pen Dengue virus a nei tho hong petna pana kingah thei, a kilawh baih natna khat ahi hi. Tuk hun (Guahzuk hun) in alau huai penpen natna khat zong ahi hi. Kum (12 ) nuaisiah naupangte lakah kilawh baih deuh a, ahih hangin naupang natna cih bang hi tuan lo-in a gol khinsate'n zong ngah thei hi.

DHF natna bang daanin kingah thei hiam?
(Dengue) lungno nei Aedes a kici tho nute in hong petna pan kingah thei hi. Tua thote in sun hun sungin hong pet nuam zaw hi. A tamzaw in zingsang khuavak tuungin hong pet nuam deuh hi. Tua thote pen tui siangtho sungah kibu thei hi.


DHF natna ngahte' kihil ziate
Cisa - cisa kipan vat in ni 2-7 dong cisa kiam lo-in sa tansuak hi.
Ban ah sitehna minutes (5) sung gak in minutes (5 ) khitciang lakhia lehang a phual san teptap (အနီစက္) sawm pan a tungsiah om ding. (Tua pen Hess Test positive kici hi.)
Sin hong gol ding(>2.5cm)
Siteh lehang si kiam in khut leh khe vot ding, lungsim palang ding
Pumpi khempeuh ah a phual san teptap hong om ding (Khut leh khe ah tamnuam deuh)
Gilna ding
Luak suakin luakhia ding(a luakte coffee mel pua ding)
Naksi luang ding
Hani si luang ding
. A ek vom ding
Phei leh gawltang (Axillary gland) te hong khang ding
Sibup ding
A ci naipak mel pua ding (jaundice)
Kal damlo ding

DHF natna a nasiat zah a kitel baih nading khen li (Grade 4)
Grade ( 1 )
Cisa pian ding ,100 degree Fahrenheit kiim pha ding ,
ni 2-7 dong cisa pian in ni sagih khit ciang ama thu-a cisa hong kiam ding hi.
Hess Test Positive hi ding

Grade ( 2 )
Grade 1 a teng ban ah
Hani leh mukte pan siluang ding
A ek vom ding
Lutang nading
A luak Coffee mel pua ding.
sin gol ding (>2.5cm)
Axillary lymphadenopathy (phei le gawng tang bawk ding)

Grade ( 3 )
Khut dawh lenleeng sipai daan manlang in thanem ding
Si a tung leh a nuai kinai ding (20 mmHg or less)
Khutme kheme vot ding
Nawh nak ding

Grade ( 4 )
shock ngah ding
si kiteh thei nawnlo ding
Gilna ding
Sibup ding , khuaphawklo ding

Grade 1- 4 a om hangin Grade khat khit teh khat kah toto in natna nasia semsem ding cihna hilo hi. Pawlkhatte Grade 1 pan Grade 2 na kan in Grade 3 na khawngah tungvat thei hi. Tua hi-aa DHF natna ngahte limtak khoi siam ding kisam mahmah hi. Khoi daan na siam kei leh Zato ah paipih ding hoihzaw hi.
A bangcite Zato ah a manlang thei pen in puak ding kisam hiam?
A cisa luate (Cisa lua leh kisibup thei hi.)
A thazaw lua-in a lu a phongzo vetlote (Shock ngah nading kihilna khat hi.)
A luak ah Coffee mel a kihelte
A ek vomte
Hani leh muk pan si a luangte
Naksi a luangte

DHF natna veite bangci khoi ding?
A cisa ahih manin puan a paa, a siang, a kol silhsak in.
A kisap leh a cisa pen puan kawt tawh tal pan ahi zong, lenuai pan hupkhia in.(ေရပတ္တိုက္)
Innsung ah huih siangtho a kingah nadingin kongkhakte hong in.
Datsa leh tui tampi dawnsak in.
Coffee mel a kihel nektheihte pia kei in (gtn. Coffee, Milo, Ovaltine) - A Luak ah si maw, a annek maw cih a kikhen theih nading ahi hi.
Siavuante hong piak zatuite mantak leh hunman takin pia in.
Paracetamol a kum tawh kituak in kipia thei hi.
<1yr .="" 1="" 60mg="" o:p="" tablet.="">
1-4yr. 1/2tablet. 60-120mg
5yr &above 1tablet. 240mg
Aspirin leh Brufen pia kei in.
Lungsim thapia in.

DHF ngahloh nading bangci kidal ding?
Tho pan a kingah thei natna ahih mah bangin thopet thuakloh ding a thupi pen ahi hi. •Thopuan khung sa-in lum in. • • Inn-sung inn-pua siangthosak in.
Inn sungah khuavak, nitang leh huih siangtho ngah nading in kongkhakte hong in.
Puan ban sau, bombi sau teng in.
Inn kiim inn pam ah tho om theih loh nadingin lopa a kipan sawlbawkte vat siang in.
Sang kah hun ahih mah bangin sang ah thoza kap in.
Tui siangtho sungah Tho neu keuh thei ahih manin na zatloh tuite bua siang in. Bung hawm, van siate ah tui a vungloh nadingin khup in.
Tui kholnate ah tui sawt khol kei in. A bei kei leh laih zel in.
Tui laih ding a baihlohna tui kholnate ah tho a ne ngasate khawi in.
Natna na dal zawh nadingin tha om nading nek leh dawnte ne inla ihmut cimsak in.

Ref :
ဇီဝက(ေဆး-၂)
သင့္အတြက္ က်န္းမာေရး
Dr. တင့္ေဆြ
Third Year Child Health
Nursing -1 Text Book

Source :
Hau Lun -> Na Dam Nuam Hiam? (Facebook Page)



Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Dengue Haemorrhagic Fever (ေသြးလြန္တုပ္ေကြး). Agelh – Sianu Vung Hau Lun Description: Rating: 5 Reviewed By: Cinpu Zomi
Scroll to Top