728x90 AdSpace

Hot
Menu
Zon-ol na Donate

Latest News

Cidamna : Internet Connection Hatlo Zatna In Lungtang Kinawh Sai Sak In Lunggimna (Stress) Piangsak. Agelh - Sianu Vung Hau Lun

Internet Connection Hatlo Zatna In Lungtang Kinawh Sai Sak In Lunggimna (Stress) Piangsak.
Agelh - Sianu Vung Hau Lun


Internet tungpan video et ciang ahi zongin, Webpage tuamtuam ah lut ciang ahi zongin, Facebook, Viber, a kipan internet zat laitak in connection hatloh luatna hangin azang nu/pa lungtang hong kinawh sai a lunggimna (stress) hong thuak hi ci-in Ecrisson kipawlna in mukhia uh hi.

Tua bangin internet connection a hatlo pi-in a zangte' lungtang kisai pen mi pongman (ပံုမွန္) khat' lungtang kisai saang 38% khang zaw in lunggimna thuak zaw uh hi ci-in Ecrisson kipawlna in genkhia hi.

Ecrisson kipawlnate-in a kantelna uh ah mi pawl thum in khena a pawl khatnate pen internet connection hat mahmah zangsak uh hi. A pawl nihnate ahih leh internet connection hat lualo zangsak uh aa, a pawl thumnate internet connection a hat vetlo zangsak uh hi. Tua ciangin internet a zang mikim' lungtang kisai daan, a khuak nasep zia uh leh a mit hah ziate uh limtak a sittel uh ciangin a pawl thumna ahi internet connection a hat vetlo a zangte' lungtang leh khuak nasepzia a manloh lam mukhia uh hi.

Tua bek tham lo-in internet zat laitak in connection second nih kiim a zekaina bek nangawn in lunggimna a zahnih in khangsak thei hi ci lai uh hi.

Lunggimna (Stress) in lungsim leh Pumpi' cidamna hong koici Siatsak thei
ciapteh hatna hong kiamsak thei
Thu khentat siamna kiasak thei
Hong hehbaihsak thei
Hong lungkiasak thei
Dipnasak, Lungtang kinawh saisak
Lutangnasak
Gilpi nasep nawngkaisak (Indigestion)
Sungpai (ahkl) sungkhaksak thei
Zunsuak munsak
Sisan sunga a khumdat kikhelsak
Lungamsak , Luaksuaksak cih bangte beklo a dang a piansak tuamtuam zong tampi omlai hi.

Tua hi aa Stress hun sawt thuak toto lehang a lauhuai lungtang natna leh lungsim damlohnate kingah thei ahih manin Internet connection hatlo sawt zatloh ding thupi mahmah hi. Internet zat ding a kisap leh zong Connection hoih hun tel siamin zat ding thupi ding hi.

Ref :
Telegrap သတင္းဌာန
http:// en. wikipedia .org/ wiki/ Stress.%28 biology % 29

Source :
Hau Lun -> Na Dam Nuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Internet Connection Hatlo Zatna In Lungtang Kinawh Sai Sak In Lunggimna (Stress) Piangsak. Agelh - Sianu Vung Hau Lun Description: Rating: 5 Reviewed By: Cinpu Zomi
Scroll to Top