728x90 AdSpace

Hot
Menu
Zon-ol na Donate

Latest News

Cidamna : Na thau nuam hiam? Agelh - Thangpi Naulak

Na thau nuam hiam?
Agelh - Thangpi Naulak


Mi gawng lua sangin a thaute mah etlawm zaw deuh hi. Tua banah a taangpi thu in a gawngte sangin a thaute cidam zaw uh hi. Mi gawng pawlkhat thau nuam lua in a lungsim uh bang gim thei zel hi. Tuabang mite adingin thu tamlo cik khat kihawm sawn ni. Bang bang hitaleh Doctor te dot masak ding hoih pen hi cih phawk ni.

Mi gawngte a gawnna hang uh a tuam tuamte kan masa ni:
1. Nu leh pa sutna: Nu leh pa a gawng namte a tate uh zong gawng nuam deuh hi. Na gawn hang pen na nu leh pa na sutman hi thei hi.

2. Gilzang hatlo: Gilzang a hatloh ciangin kithau thei lo hi. Bang hang hiam cih leh gilzangin neek leh dawna thahatna omte deihbangin hupzo lo in ek-ah paikhia kik zel hi.

3. Gilpi hatlo: Na gilpi a hatloh ciangin na ann neekte gilpi in hoihtakin gawizan zolo hi. Tuamanin thauna dingin ann tam ne zolo thei hiteh.


4. Sisan niam: Sisan niam cih ciang sisan tawm cihna hi. Sisan tawm ahihmanin a ci uh daang hi. Tuabang sisan kitangsamte adingin thau ding baihlo hi.

5. Neeklimlo: Thau theih nangin neeklim ding hoih hi. Ann leh meh bang nam neek ding kitangsam cih theih huai hi.

6. Pianpih: Mi pawlkhat a cidamlo leh a neeksia zong ahi tuanlo a gawng lim limo m uh hi. Tuate pen pianpih gawnna kici thei ding hi.

Thautheihlohna hang a tuam tuamte genkhin ta ihihmanin tun thau theih nang akitangsam te gen kik ni. Damdawi(zatui+zatang) ahi lo eima’ bawltawm theihte hi.

1. Butter sikkeu neu dim khat leh cikhum sikkeuneu dim khat mah gawm dingin gilsung a hawm laitak ne ding. Sun niangtui dawn ma deuh leh nitak ann neek ma in ne thei leeng hoih hi. Hih pen a tawm pen kha khat sung bang neek kuuul hi.

2. Nahtang a hoihmin mah mah khat leh bawngnawi lum vit vit hai khat leh Ghee sikkeuneu dim khat gawm ne zo den leeng hoih hi.

3. Leenggah keu bawngnawi ah zanthapai diah ding tua pen gilsung a hawm laitak ne ding. Tua in sisan tamsak thei hi.

4. Nai nih hal in vitamin tam neek theih ne zel ding.

5. Neeklim ding

6. Ann neek kham phetciangin tui dawn zel ding. Tua in gilpi ann gawizan nuamsak hi.

7. Nisimin minute 30 sung bang excer la denzo ding.

8. Sun ann neek khit ciang minute 30 kiim ihmu zel ding.

9. Kipak tak leh lungmuang taka om hithiat sawm ding.

Company tuam tuam in thauna ding zatui leh zatang bawl uh hi. A hoih leh hoihloh na theihnop leh sin lecin na thei ding hi.

1. Khusmanda avaleha: Sikkeuneu dim khat bawngnawi tawh helin zing thawh tung leh zan lupma a neek ding ahi hi. A tawm pen kha khat akizom a neek kuul hi.

2. Swamala compound: Hih zong zing thawh tung leh zan ihmut kuan ciang bawngnawi hai khat tawh dawn khawm ding hi. A tawm pen kha khat akizom in neek kuul hi.

3. Ashwagandhaveleha: Hih pen a tui hi in pasal adingin hoih diak hi. Tuilum aihkeh bawngnawi tawh dawn khawm ding hi.

4. Chavan prash: Suaklu leh singgah dangte pana kibawl hi. A tunga I gensate mah banga neek ding hi ziau lel hi.

5. Draksharishta: Sikkeuneu dim thum tui aihkeh khuaizu tawh hel in ni khat in thumvei neek ding. A tawm pen kha khat ne zawm ding.
6. Ashwaganda choorna: Ghee, khuaizu aihkeh bawngnawi tawh helin nikhat thumvei neek ding.



Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Na thau nuam hiam? Agelh - Thangpi Naulak Description: Rating: 5 Reviewed By: Cinpu Zomi
Scroll to Top