728x90 AdSpace

Hot
Menu
Zon-ol na Donate

Latest News

Cidamna : Singpi hongpiak pumpi cidamna thupha te.

Singpi hongpiak pumpi cidamna thupha te.


Zogam ah a limpian singgah khat ahi, Zomite in singpi/ munawi icih singgah pi’ hong piak cidamna thupha te in;

(1) Pumpi thakhauh sak ahih manin natnate pan dal
Singpi sungah pumpi thakhauh sak vitamin C tampi kihel ahihmanin virus, bacteria cih lungnoneute pumpi sung a lut loh nading dal hi. Sisan sung kihel sikang (leucocyte) te nasep thakhauh sak ahihmanin pumpi kidalna pen hoihsak mahmah hi. Singpi tang hai 1 dim bang nekna hang bek nangawn in pumpi aading akisam antioxidant datte piazo hi.

(2) Cancer natna dal
Singpi sungah vitamin C bek thamloh isoflavone cih bang antioxidant tampi kihel ahih manin cancer pianloh nading dal bek thamlo in teek le huai baihna zong piangsak lo hi.


(3) Gilpi angawi nel sak
Singpi ah meima pianloh nading a dal datte kihel ahih manin gilpi-um na le angawi-na tawh kisai natna te a pianloh nading in dal hi. Azang dat (fiber) tampi kihel ahih manin sungkhak na piangsak lo in gilpi nasepna hoih tuamsak ahih manin sung man sak hi. hih a zang datte in gilpi-um cancer pianna ding pan dal hi.

(4) Mit le cilesa hoih sak
Singpi ah vitamin A kihel ahihmanin mittha le cilesa te hoihsak tuam hi.

(5) Tha omsak
Singpi sungah fructose le sucrose kici akhumdatte kihel ahih manin tha omsak sing-gah khat in kiciam teh hi. Tha a omsak hangin thau hoihlo ahi saturated fat le cholesterol te kihel lo se hi.

(6) Sikhang kiam tuam sak
Singpi sungah Potassium dat kihel ahihmanin sikhang kiamsak bek thamlo in lungtang natna le pumlangzaw natna piantheihna te khiam tuam hi.

(7) Haihut natna noptuam sak
Singpi kung i a zung pen haihut natna veite aading zatui hoihkhat in kigen hi.

(8) Guh le taang khauhsak
Singpi sungah magnesium dat kilim hel ahih manin Calcium hupna ding thapia mahmah hi. tua ahih manin guhletangte khauhsak in guh paatna (osteomalacia) tawh kisai natna te piangsak lo hi.

(9) Sisan hoihsak
Singpi sungah sikdat (iron) kihel ahih manin sisan thanem natna (anaemia) pianloh nading pan dal zo hi. Tua bek hilo sisan luanzia zong hoihsak tuam hi.

(10) Thyroid gland cidam sak
Singpi sung aa akihel sumngodat (copper) in thyroid nasepnate ah kisam mahmah hi. Adiak in cileng hormone bawlna ah huh hi.

Ref :
Health update journal

Source :

Zingsol

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Singpi hongpiak pumpi cidamna thupha te. Description: Rating: 5 Reviewed By: Cinpu Zomi
Scroll to Top