728x90 AdSpace

Hot
Menu
Zon-ol na Donate

Latest News

Cidamna : Tate Pattah Siamlohna In Tate' Khuak Cidamna leh Picinna Nawngkaisak Thei. Agelh – Sianu Vung Hau Lun

Tate Pattah Siamlohna In Tate' Khuak Cidamna leh Picinna Nawngkaisak Thei.
Agelh – Sianu Vung Hau Lun

Photo Credit : www.itnonline.com

Tate muhna ah Nu leh Pa kitot kiselna ki nuakna in tate' khuak cidamna leh khantohna nawngkaisak hi ci hi.

Mipilte in a kantelna-ah innkuan sung haksatna a thuak kum (11) nuaisiah naupangte pen a khuak khantohna/picinna zekai-in mi lungsim damlo piang thei hi ci hi.

A tunga innkuan sung haksatna i cih pen sum leh paai, nek leh dawn haksatna cihte sangin a nuai-a haksatnate i cihnopna hi zaw hi.

• Tate muhna ah Nu leh Pa ki tot/selna
• Tate a mawh ciangin thunem tawh a tel dong thuhilh ding sangin a hang kan lo-in totgawp/satgawppahna
• Tate lakah itzawk deuh neihna
• Innkuan sung ah itna kilakkhiatlohna
• Tate kampau khat peuhpeuh naupang kampau hi ci-in awlmawhlohna/thupit ngaihsutlohna
• Nasep hanciam lualiangin innkuanpih Zi leh Tate hun piaklohna
• Innkuanin kiholim hun neihlohna


Tua bang innkuan sung haksatna a thuak naupangte pen a gol ciangin zong lungsim damlo mi (ahkl) innkuan sung nopsa lo-in a tangtat, mi tawh kithuah thei lo-in amah guak a kithuah a hehpihhuai mi hong suak thei hi.

Tua ahih manin innkuan sungah haksatna, kitheihkhialhna khat peuhpeuh hong om leh zong Nu leh Pate in tate muhna ah kitawng kiseel lo-in tate muhlohna ah limtak kikup ding thupi mahmah hi. Tate in mawhna khat peuhpeuh hong bawlkhak leh zong tawng pah, sat pah lo-in a hang limtak kantel phota a hoihlohnate tate' tel dingin hilh ding thupi hi. Tua hih leh totgawp satgawpna sangin mailam ah tua bang mawhna hong bawlkik lo zaw ding uh hi. Tua hi-a innkuan sungah itna kilak khia-in ki-it diamdiam ding pen Pasian' deihna tawh zong kituak bek thamlo-in Tate' lungsim pumpi cidam in mipil milian hong suak ding uh a, i gam leh minam hong khangto ding hi.

Ref :
Neuroimage: clinical
က်န္းမာေရး ဆိုင္ရာ ဗဟုသုတမ်ား

Source :

Hau Lun -> Na Dam Nuam Hiam? FB. Page..

Laigelh Sianu Vung Hau Lun in Zomi eLibrary / Laibusaal ading in Phalna hong piak ahi hi. 

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Tate Pattah Siamlohna In Tate' Khuak Cidamna leh Picinna Nawngkaisak Thei. Agelh – Sianu Vung Hau Lun Description: Rating: 5 Reviewed By: Cinpu Zomi
Scroll to Top