728x90 AdSpace

Hot
Menu
Zon-ol na Donate

Latest News

Cidamna : Zika Virus natna.

Dotna le Dawnna: Zika Virus natna i cih bang hiam?
Agelh – Zingsol


Zika Virus natna i cih bang hiam?
Lungno apua Aedes tho pehna panin mihing te tungah akizeel, Zika virus hangin apiang ahi hi. Tua natna i alim le meelte in cisa, ciphual (asan), guhbulte (joints) natna, mitang sanna (conjunctivitis/ red eyes) ahi hi. Tuabang nat atut ciangin nasia lualo a nitampi pan kaal khat cihbangdong sawt thei hi. Atamzaw in nak natlua kisalo ahih ciangin zato tunzawhna’ng natna a tuatlo uh hi. Zika hangin asizong tawm hi.

Zika natna hanga apiang lim le meelte koicibang hiam?
Zika lungno avei mi 5 ah 1 peuhmah cina uh hi. Tua a natlawhte ahzong naknat lualo uh hi. Tua ahih manin mitampi te in lungno avei gige lamuh amau le amau akitheilo uh hi.


Zika lungno avei te atamzaw pen cisa, asan liplep in ciphual (rash), guhbulte (joints) na, mitsan gega (conjunctivitis/ red eyes) uh hi. Atamzaw in lungno apua tho i pehzawh ani 2- 7 sungin atunga bangin natna kilanghkhia hi.

Zika natna neih le neihloh koici theitheih ding?
Cisa, asan, aphual liplep (rash), guhbul (joints) na, mitsan cihbanga na piangleh cidamna lamte tawh kimuh hamtangding. Tuabang te tuakin tunai a khualzin na na neihleh cidamna lamte gending. Tuapan Zika ading ahizong tuatawh akivalak natna tea hi Dengue cisa nat ahih keileh chikungunya te adingin si sit kul khading hi.

Zika ading zatui kibawlzia (treatment) bang ahia?
Dalkholhza (vaccines) aomloh mah bangin Zika piangleh ‘hih’ cih bang landing zatui kibawlna (specific treatment) omlo hi.

Zika Virus ngahloh nading kikoici daltheih ding?
Kidalna za (vaccines) om nailo hi. Natna ngahloh nading ahoihpen in nang le na innkuanpihte thopeh lohna ding in innsung, vengsung, khua sung ah thokang buk theih loh nading sep khol theih teng sep khol ding ahi hi.

Zingsol

 -----------------------------------------------------------------------------------------------------------------

Cidamna : Zika Virus natna.
Agelh - ZAM iNFO

Zika Virus bang hiam?
Zika Virus cia akigen den pen Tho pehna pan a hong piang natna nam khat hi. Hih natna pen Brazil gam pan April 2015 kum in a kimu khia hi in, hong kipatna mun min pen Zika khua pan hi. 1947 kum pek a om khin hih tuak hi.

Zika Virus bangci dan in hong kipan hiam?
Zika Virus pen uham leh naupang in zong ngah thei uh hi. Hih natna aneite pen mitsan, luna, guh-leh-taang kizopna teng zong na, ciithak, vunkaang in a ci uh zong sa hi. Pawlkhat leuleu luaksuak, cibawk, ngong na, khuh cih danin om uh hi. Guhlehtaang kizopna cih lo buang adang natna neuneute pen nithum sung khawng in dam pah lel hi. Ahizongin Zika Virus tawh asi om hi cih pen November 2015 kum in kikipsak pan hi.

Zika Virus pen bangci dan in kithehthaang a hiam?
Tho (Aedes) pehna pan hipipen hi. Nawizu pan, zun leh khaksawh/cil pan, bawtui pan kilawh thei hi aci zong om a, tua te a takpi mah hiam cia a kikan saan laitak hi.

Zika Virus ngah lohna dinga kidalna zatui a om nai hiam?
India in kidalna zatui/zaha mukhia khin ci. Research nasia takin a kibawl laitak hi.

Bang zatui/zaha tawh kikem leng hoih pen ding hiam?
Paracetamol mah kizangh phot ding hi. Zatang dang bangmah zat ding siavuan ten kipsak nai lo uh hi. Tu tadih in zatui/zaha a kimu zo nai lo hi phot hi.

Kikep dan ding pawl khat
Thopuan khung den ding, puan bansau silh ding in, tho ong peh lohna dingin thopeh dalna zatui ih vun tungah zuut den ding. (Source:Global New Light of Myanmar)


ZAM iNFO

Source :
Zingsol
ZAM

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Zika Virus natna. Description: Rating: 5 Reviewed By: Cinpu Zomi
Scroll to Top