728x90 AdSpace

Hot
Menu
Zon-ol na Donate

Latest News

Cidamna : Kawngnatna Ahang Tuamtuamte. Agelh – Sianu Vung Hau Lun

Kawngnatna Ahang Tuamtuamte.
Agelh – Sianu Vung Hau Lun


Na Kawng a na ngei hiam?
Na ngei mah ci-in hong dawng kim phial dingin hong um ing.

Mi a tamzaw in kawng natna kithuak ngei ciat hi. Pawlkhatte bang ahih leh a kawngna salua-in tang din zolo liang uha a kuunkawm un pai kheukheu uh hi. Kawng natna ahang pen kawng zangin nasep gimlua aa kawng natna leh kum tam hangin kawngnatna bek thamlo adang ahang tuamtuam zong mipilte' kantelna pan kimukhia hi.

1. Vitamin D kicing in na ngah loh hang hi.
Kawng a damlo den phadeuhte en le hang Vitamin D kicing in a ngahlote hi ci-in Dr. Stewart B Leavitt in gen hi. Vitamin D kicing aa ngahlohna hangin Kawngguh leh kawng nuaisiah guhte damlosak thei hi.
"Tua bang hong piangloh nadingin Vitamin D nikhat in 200 IU ngah lecin kawng natna tampi hong phatuam ding (ahkl) hong damsiang ding hi" ci-in Leavitt in gen lai hi. Vitamin D pen zingtuung nisuak awina pan kingah thei hi. A dang Vitamin D kihel nek leh dawn tuamtuam leh thazate zong kine thei hi.

2. Hunman in dai na len loh man hi.
Hunman in daileenglohna in gilzial a mong lamah pumpi ading a kisam nawnlote kikholsak hi. Tua a kikhol vante in mun gol hong la ahih manin kawngguh hong nen a kawng a hong na ahi hi. Sungkhak zawh a sawt ciangin kawng hong na thei hi.
Tua bang hong piangloh nadingin tui tampi dawn in. Fiber dat tam kihel mehteh mehgah tampi ne in. Exercise hun manin bawl den in.

3. Na lungkham/ na lunggim luat man hi.
Pumpi cidamna pen lungsim cidamna/nopna tungah a tamzaw phial kinga ahih mah bangin lungkiat hun, lunggim, patauh hun ciang kawng na thei hi.
Tua bang hong piangloh nadingin na khat peuhpeuh ah na hih theih tawpna tawh hanciam inla hong piang bangbang tawh na lungkim zawh nading hanciam in. Na puaklah vangikte Topa' tung ap in, thala tawntung in. Na khempeuh a hoih lamin ngaihsun zaw in.

4. Na kawngguh a kawi man hi.
Kum tam semsem ciangin kawng satakte hong thanemna hang leh Calcium dat kicing lohna hangin kawngguh kawi thei hi.
Tua bang hong piangloh nadingin Calcium kihel nek leh dawn tam nek in (gtn. bawngnawi). Pumpi thauluat loh nadingin kidawm in. Exercise hun manin bawl in. Zatep khawl in.
Ref :
Myawady Health
က်န္းမာေရး Page
Vitamin D (Wikipedia)

Source :
Hau Lun -> Na Dam Nuam Hiam? (Facebook Page)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Kawngnatna Ahang Tuamtuamte. Agelh – Sianu Vung Hau Lun Description: Rating: 5 Reviewed By: Cinpu Zomi
Scroll to Top