728x90 AdSpace

Hot
Menu
Zon-ol na Donate

Latest News

Mawhna. Agelh - Tuang Za Khai @ Khaikok (101)

Mawhna
Agelh - Tuang Za Khai @ Khaikok (101)


“Mawhna na nutsiat photloh un, Pasian tawh
na kilawmta theikei ding uh-hi.”
C.H Spurgeon

Siampi (Phungzi) nih, biakna vai-in khualzin khawm uh.

Kantan loh phamawh Guntui khat tuak dihdih uh. Tua lai ah nungaak melhoih simtham khat Guntui ngaptan dingin na kithawi thawi. A puante khepkhep in asilh ateen te akawt khak ding lautuak mahmah. A mah ngiat zongh tua tui ngaptan ding cih lautuak mahmah lailai..

Phungzi pa khat in, tua nungaak nu’ lautuakzia atheih ciang
hehpih lua-ahihmanin, a nungah pua in guntui kantanpih phei hi…

Pungzi te nih zongh akhualzin-na mabaan uh zomin pai
leuleu… Naikhat dingbangh lam apai khit uhteh Phungzi pa khat in
alawm’ kiangah:-

“Um het keng ee lawm, Ih biakna thukham in numei khoihkhak ding deih hetlo hilo ahia? Numei amawk-khoih loding te hive hangh… Banghang aa, ih thukham palsat liangin den aa nungaaknu puaphei dihdih mawk nahia?”


A den a nungaak a puaphei phungzi pa in malkhat zongh dawngkik vetlo in lampai ngeungeu hi.

Them veipi adaih khipkhep khit uhteh,
“Ka la sa!!! Ken’ tua nungaak, den aa guntui sung mahah nusiapah mai vengh ee! Nang’ tu dongciang na lungsim sungah puapua lai maw?”

Imgard Schoegl’
(The Wisdom of Zen Masters) gelh
‘Two Monks’ pan

Mihing te nisim ih nuntaakna
lungkham dingin ngaihsun hile’ng
ih hihna khempeuh lipkhaphuai-in
lauhuaina tawh kidim hi.
Ih neek ih dawn leh ih hawh ih ciahna te gen vetkei ni!
Ih diik leh ih sankhiat
huih siangtho thu na ngaihsun kha ngeihiam?
Na nuntaakna dingin na diik huih siangtho
na sankhiat khit laitak,
nuamtak in tua huih siangtho diik kik thei dingcih
lungmuan-na taktak na nei ngam hiam?
Kuamah in-nei ngamlo ding hi.

Billi P.S. Lim

Source :
A HIZOLO OMLO (Laibu).
(Tupna Kician Anei Khangnote a ding Thapiakna)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Mawhna. Agelh - Tuang Za Khai @ Khaikok (101) Description: Rating: 5 Reviewed By: Cinpu Zomi
Scroll to Top