728x90 AdSpace

Hot
Menu
Zon-ol na Donate

Latest News

Online ah Lasa siam in aminthang, Lia Mary Kim Hatlangh Tangthu tomno leh Dotna dawnna.

Online ah Lasa siam in aminthang, Lia Mary Kim Hatlangh Tangthu tomno leh Dotna dawnna.



Min : Ning Ngaih Kim @ Mary Kimnu Hatlangh

Suahni : July 05, 1995

Nuu leh Pa min :  Pa Go Lam Kim leh Nu Ning Ngaih Lian

Beh : Hatlangh

Pute Beh : Gualnam

Status : Single

Khua lui : Tonzang (Kham Khua)

Pianpih sanggam u leh nau : Niang Lun Ngai (High School kah lai)

Khankhina Khua : Sawbua Yeshin, Kalay Myone (a pianna khua)
Siamtu Ropui (Zomi version) tawh Asakna.


Biakna Pawlpi : SDA

Tui kiphumna : 2007 kum in Sia Hmun Ling in Sawbua Yeshin khua ah tui phum hi.

Pilsinna leh Sangkahna :
·         Sawbua Yeshin Adventist Seminary ah tan lang pan tan giat dong kah.
·         Godwin Heights High School pan High School zo.
·         Tulaitak Grand Rapids Community College ah college first year Accounting akah laitak hi.

Ukkna :
·         Lasak
·         Maanzaih
·         Limsuaih

Laisiangtho abulphuh : 
Nahum 1:7 Topa hoih hi. Lungkham hun in a mite huh a, amah a bel mite limtak in kem hi.

Kammal hoih abulphuh : “Hope for the best and prepare for the worst.”

Minam Kipawlna sung leh Biakna Pawlpi sung ah nasepna, na mapan na leh kihelnasate nong gen thei diam?
Minam sungah bel bangmah sepzawhna nei nai keng, ka lungsim bek mah hi. Biakinn ah bel la makai sem theizel ing.

Tu lai tak nasang kah kawm in nasep na nei hia?
Hunbit in Sang kah’ ka hih man in nasepna nei kei ing.

Lasakna tawh kisai in natupna leh nangimna ee leh?
Single album khat bawl zo photphot nuam ing.

Bang hun pawl ah Single Album /Khui bawl zo ding in na ki ummawh aa leh?
Ka Sang man ciang…..


Ei Zomi namte’ minam vai ah na muhna leh nadeihsakna tawm nong gen thei diam?
I minam akhantoh theih nading in, ki pumkhatna leh ki itna kisam sa ing. Ki tottot, ki selsel hun’ hi nawn kei, koici leng igam, ilei khangto ding cih bek’ ngaihsun hun hita…

Zomite Lai lam leh Pilna lam ah na muhna leh deihsakna nong gen thei diam?
Eimite’ i khuak ahai hi hetlo ihih man in i pilsinna tek ah gam leh minam a ding, ngaihsun kawm in hanciam tek ni.

La dawng bang zah bang phuakta nai hia?
Phuak nailo kei ing. Ka phuah sawmsawm laitak  hi… Kipat sawmsawm ta ing… hehehe

La phuah kipat sawmta na hi mawk leh Mipi aitang in lungdam hang ei leh… Tua leh bang La nam phuak sawm naihia? Pasian la maw? Zawlla maw? Gam ngaih la?
Lawm leh gual la, Zawlla phuak nuam ing. Kei deih la style bel Country, r & b, Pop hi. Kawl lasiam Wine Su Khine Thein dan ee… hehe

La album sung leh Online ah na lasak dawng bang zah cih nonggen thei diam?
Go Mung (Dumdee) album sungah duet dawng nih sa khin ing. Aihang hih album ki hawm nai lo hi. Tualo online tung khawng ah cimphawng sa zeel cihloh tuabang sakna taktak nei nai keng.


Suih Lunglen (Mizo La)
Sa - Mary Kimnu Hatlangh


Tua leh hih Go Mung’ album sung ah na duet sak khop uh pen bang la ai hia? Album hong ki hawm ding lawp mahmah hangei. Bang hun pawl ah kihawm zo in na um aa leh?
Pasian phatna la hi. Aki hawm ding hun bel cian lian nai keng…

Ei Zomite’ Laphuah dan tawh kisai, na muhna leh na deihsakna nong gen thei diam?
Laphuak ciang ei idea ngiat zang in mi phuahsa lamal teng khawng, la kawikawi in iphuah loh ding mah kisam sa ing.

Zomite’ Lasak dan, na muhna leh na deihsakna tawm nong gen beh thei lai diam?
Kalai… Genbeh thei ee…
Asak lam ah bel siam thei mahmah hang. Ahi zongin ilasak ciang silh leh teen, Omdan (performance) cihte amun leh ahun kikhen thei nai kei.

Zomi Musician’te na muhna ee leh?
Siam thei sa mahmah ing. Amau hang in angtang ing.

Zomi Piltung tuang Madawk tampi’te lak pan etteh taak nasak diak teng leh etteh taak nasakna ahang nong gen thei diam?  
          1)    Pu Chin Sian Thang (A minam a veina tawh matleh hen thuak, tua kawmkal ah a mipih te nangawn in support kimlo lai, aihang lungkia lo in mapang, manawt veve)
           2)    Dr. JM. Ngul Khan Pau (A thugente’ Manpha sa ngiat ing.)
           3)    Dr. Dal Lian (Pilna sangpi nei in, Pilsinna Sang hong lai ahih man hi.)

Gamdang na zin nasa Gamte : Malaysia

Gamdang na pai nopna diak gam 3 :
1)    France
2)    China
3)    England

Leitung ah lasak siam nasak mi 3 :
1)    Celine Dion
2)    Sia
3)    Charice

Zomi sung ah lasak siam nasak mi 3 :
1)    Stephen Mang
2)    Ching Ngaih Lian
3)    Taa Pi

Zomi sung ah laphuak siam nasak mi 3 :
1)    CK Khai
2)    Zogam Lalpu
3)    Thawn Kham

Zomi sung ah music siam nasak mi 3 :
1)    Cin Pi
2)    Khuppu @ Kyaw Khine
3)    Thawn Thang

Zomi sung ah Kimawlna lam siam nasak mi 3 :
1)    Suan Lam Mang (Ayeyawady United FC)
2)    Pau Sian Sang (Chin United FC)
3)    J Siam Hanghal ( Bengaluru FC)

တစိမ့္စိမ့္ရင္ထဲမယ္ cover by - Mary Kimnu (Kawl la)

Zolai tawh aki bawl laibu na deih mahmah bu 3 te :
1)    Hauhna leh Khansauna Thusim. Agelh – Sia Evan Do Khup
2)    Lungsim Limlang. Sia Rev. Job Thawngno
3)    Zonu Tongluan (Laihawm)

Manglai lakpan laibu na deih penpen te :
1)    A Night Divided
2)    To Kill a Mockingbird

Lai simna i Manphatna leh Athupitna' na muh dan tawm nong gen thei diam?
Laisim pen thupi sa mahmah ing. Lai tam sim zo te zong zahtaking. Laisim zo te’n pen thuhoih thumanpha tampi thei uh ahihman in thu khawng honggen le uh zong zaknop bek hilo in ei  ngai te mahmah in pilna kingah beh thei lai hi. Tua ahihman in  kei a kipan ivek in lai tampipi sim zawh sawm in Zomi eLibrary ah hawh zelzel ni.


Kizopna ding :
Facebook : Mary Kim Hatlangh
Instagram : _iamkimnu_

အေဖ့ေအးရိပ္ (Kawl la)
Views 775K.
Like 12K.
Share  40,908.
Comment 173.

Angahna la alink :

Agelh - Cinpu Zomi ( www.laibusaal.com )


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

2 comments:

Item Reviewed: Online ah Lasa siam in aminthang, Lia Mary Kim Hatlangh Tangthu tomno leh Dotna dawnna. Description: Rating: 5 Reviewed By: Cinpu Zomi
Scroll to Top