728x90 AdSpace

Hot
Menu
Zon-ol na Donate

Latest News

Tun Tomna (Thatomna). Agelh – Sianu Vung Hau Lun

Tun Tomna (Thatomna)
Agelh – Sianu Vung Hau Lun

Tun tomna, tun sangna pen Nu leh Pa suun aa hong piang ahih lam i theih kimtek sa ahi hi. Tua ban ah Nu' gil sungah i om aa kipan kum nih i phak dong (ni tul khat sung) nek leh dawn kicing tak in ngahlohna hang leh a kilawh thei natna tuamtuamte ngahin nat pahpahna hangin zong i tun khang ding zah khang zolo sak thei hi.

Leitung ah Indonesia, Laos leh Myanmar gammi-te a tun tom pen in kiciamteh hi. Kawlgam sung pan zong ei gam pen tun tom mi a tam penpen gam ci sawnsawn hi.

Nek leh dawn kicing takin ngahlohna pen ahang tampi om hi. Pawlkhatte ahih leh nek zawh loh man hi thei aa, pawlkhatte ahih leh nek ding nei napi tha-om thei dingin nek siamlohna hang ahi hi. ``Gilvahna leh antha kicing takin ngahna´´ cih khen tel theih ding kisam hi. An kia bek tampipi ne in gil a vah mahmah hang a dang dat tuamtuamte kisam ahih manin khang ding zahin kikhang thei tuanlo hi. Tua hangin a khang a khangin tun kitom semsem hi.


Tua bangin tun tomna in lungsim tha/pumpi tha (ကာယ၊ဥာဏ္ စြမ္းရည္) nem sak tuam aa pilna lam, nasep silbawlna lam kiamsak ahih manin gam leh minam ading nangawn supna hong piangsak thei hi. Tun tomte pen milak ah lungneuna, lungkiatna leh kisuangna cih bang zong om thei ahih manin lungsim cidamna zong hong nawngkai sak thei hi. Tua bek thamlo-in tuntom naupangte hong gol uh ciangin thauluatna zong ngah nuam deuh uh hi, ci hi.

Tun a khan zah dingin a khang nadingin Naupaai sung pek pan nau in a kisap zah tha kicingin a ngah nading nek leh dawn mantak in nek ding kisam hi. Nau hong suah khit ciang zong kha guk a phak dong Nu' nawizu bek khamtak in piak ding kisam hi. Kha guk hong val ciangin zong nek leh dawn kipan thei ta aa tha om nadingin an namkim in nek ding kisam hi.

Nam khatna - Tha hong khauhsak nektheih (Gtn. Buhsih, Vaimin, ေခါက္ဆြဲ, ေပါင္မုန္႔)

Nam nihna - Pumpi hong khangsak nektheih (Sa nam tuamtuam, Be tuamtuam)

Nam thumna- Natna hong dal thei nektheih (Mehteh mehgah tuamtuam, singgah tuamtuam)

Tua bangin tha om theih nading nek leh dawn ne thei le hang pumpi cidamin a kilawh thei natna tuamtuamte tawh zong kipelh ding in tun khangzah dingin khang ding hi.

Ref :
7Days
က်န္းမာေရး အေထြေထြ ဗဟုသုတ

Source :

Hau Lun -> Na Dam Nuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Tun Tomna (Thatomna). Agelh – Sianu Vung Hau Lun Description: Rating: 5 Reviewed By: Cinpu Zomi
Scroll to Top