728x90 AdSpace

Hot
Menu
Zon-ol na Donate

Latest News

Zasan leh Zasan Kihel Meh Nekhuai
Agelh – Sianu Vung Hau Lun



Zasan meh kihel lo-in anne kha le'ng a kisam giugiau khat om ci-in i lungkim zawhloh zah dongin ankam hong limsak dingin a kisam mahmah meh nam khat in zasan meh ahi hi. Ankam hong limsak bek tham lohin cidam nadingin zong a kisam mahmah khat ahi hi.

Tua bang zasan thak a kihel meh nekna in Cancer tuamtuam, Lungtang natna, Sikhang natna leh huihdikna lampi tawh kisai natna tuamtuamte pan hong dal thei hi.

Zasan in pumpi' sisan sunga a khumdat zong a hoihbek in kem thei aa exercise tampi bawl kul lo-in pumpi' thaute kuang sakthei ahih manin thau luatna leh sikhum zunkhum natna pan zong hong dal thei hi.


Zasan sungah Antioxidant a kici dat khat kihel ahih manin zasan a nelote sa'ng a nete nosuah zaw hi.

Kum tam hangin ciaptehna khuak thanemna pan zong zasan nekna in dal thei hi.

Vitamin C kihel ahih manin pumpi' natna dalzawhna (Resistance) hatsak aa liamna tuamtuam a om leh dam baihsak hi.

Zasan sungah Vitamin B, Calcium, Phosphorus, Potassium, leh Iron (Siktha) zong kihel ahih manin pumpi cidam nading kisam mahmah hi.

Pumpi sungah nasak theih baihna protein (နာက်င္မႈကို အာရံု ခံႏိုင္စြမ္း) khaam zo le'ng khansau sak hi ci-in mipilte in mukhia uh hi. Zasan sunga a kihel Capsaicin dat in tua nasak theih baihna protein TRVPI-te dal thei ahih manin zasan leh zasan kihel meh tuamtuamte in khansau hi, ci-in mipilte'n gen uh hi.

Tua bek tham lohin annek ciang damdam in nek ding a hoih hi-a zasan i nek ciangin kinawh nek theilo ahih manin annek daan zong hong mansak tuam hi.

Ciapteh ding -> Zasan nek hoih tah ci-in tamnek luat ding zong hilo hi. A hoih bekin nek theih ding kisam mahmah hi.

Ref :
Duwun
Myawady Health
႐ိုးရာေလး က်န္းမာေရး

Source :

Hau Lun -> Na Dam Nuam Hiam?

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Description: Rating: 5 Reviewed By: Cinpu Zomi
Scroll to Top