728x90 AdSpace

Hot
Menu
Zon-ol na Donate

Latest News

ZOMI IDENTITY & ZOMI MOVEMENT. Thukum: GSKhup


Leitungbup Zomi Innkuan Kipawlna
Executive Council
Project Proposals 2016

ZOMI IDENTITY & ZOMI MOVEMENT
Thukum: GSKhup

Hopihna

Dear … muan leh suan, seppih;
LZI EC Panmunlen, Makaipite aw,

LZI Kipawlna Ngimna Bulpite a tangtun theihna dingin LZI EC Pawl pen Mabante ah madawk in ma apang ding ahih manin, Zomi Identity leh Zomi Movement tawh kisai in bangci bangin ma pang ding ihhi hiam cih thu kikumle’ng ci in hong zawn ing. Zomi Identity leh Zomi Movement tawh kisai in hici bangin khensat ni ci in hong sung ka hikei a, LZI Kipawlna Maban ding in anuai a bangin khinkhai in kikumle’ng ci in thu ahong sung hizaw ing. Kikup dan ding lampi (Guideline) dan a hong sung cihciangbek hi. Ka thusunna sau mahmah ahih manin, lungduai takin hong simsak un ci in hong ngen ing.
Lai hong simsak Makaipi akua mahpeuh tung ah nakpi takin lungdam ing.
Meeting sung ahzong hun ngahna tawh kituak in thusunnate hong hilhcian thei ning. Lungdam eileh.

Preface (Thukong Honna)

Leitungbup Zomi Innkuan Kipawlna’ Ngimna Bulpite anuai a bang ahi hi.
1.      Zogam nusia in muntuam gamtuam ah a teng, tuipi galkaai Zomi-te in minam zia leh tong, leh ngeina hoih khempeuh kemcing in, leitung bei dong in minam kipkho khat in adin’ tawntung zawhna ding,
2.      Gam tuamtuam a om tuipi galkaai Zomi taangpi taangta buppi tawh kisai thu leh late kikumkhawm a, vaihawmkhop theihna ding,
3.      Zogam leh Zolei, leh Zomi-te’ nuntak zia a khantohna ding kikumkhawm in pan’khop theihna ding,
4.      Zomi minam buppi tawh kisai vaite, mun tuamtuam a om Zomi-te tawh kikumkhawm in vaihawmkhop theihna ding.

Hih Ngimna Bulpite sung ah;
“..minam kipkho khat in din’ tawntung zawhna ding..”,
“..tuipi galkaai Zomi taangpi taangta buppi tawh kisai thu leh late..”,
“..Zogam leh Zolei, leh Zomi-te nuntak zia..”,
“..Zomi minam buppi tawh kisai vaite..”
cihbang thuthuk pipi kihel a, LZI Kipawlna in Minam vai, Taangpi vai, Zogam vai, Zomi vaite avaan ding a kiphut a hihna kilang mahmah hi.
Minam vai, Taangpi vai, Zogam vai leh Zomi vaite tawh kisai thu leh la vaihawm in maban kalsuan theihna dingin Minam kiciaptehna, Taangpi thuneihna, Gam leh Ki-ukna, Minam thuneihna bang teng ahi hiam cihte LZI Kipawlna in kician takin khung sinsen a, makai leh pawlmite kipumkhat in, thu leh la lamsang a dinmun leh sandan kihualna leh maban kalsuanna ah loma ih kiton ding kisam hi.

Tua ahih manin LZI Kipawlna Ngimna Bulpite atangtun theihna dingin “Zomi Identity & Zomi Movement” tawh kisai thu leh late limtak in khinkhai in kikup dingin thu hong sung hi ing.


Identity (Minam Kiciaptehna)

Ø  “Zomi”
LZI Kipawlna sung a kipawlkhawm Pawlmite’ Minam Min in “Zomi” hi cih thu kipom ahih manin “Leitungbup Zomi Innkuan Kipawlna” min akiphuak ahi hi.

“Zomi” min pen bangci bangin a kiphuak ahi hiam cih thu tawh kisai san dan tuamtuam om hi.
1.      Pawl khatin Pu Zo’ suan leh khak ih hihna hang hi ci hi.
2.      Pawl khat in Zhou Dynasty suante hihna tawh kiphuak hi ci hi.
3.      Pawl khatin a kikan zolo tangthu sung ah ko leh ko “Zomi hi ung” akici minamte hi ung ci hi.
4.      Pawl khat inbel, minam buppi kipumkhat theihna dingin ahong gawmtuah, atamzaw in asantheih minam min in Zomi hi cih dinmun kisiksan hi.

Hih san dan tuamtuam tawh kisai in minam kician minam picing khat hihna tawh thu kician khat kipsakding kisam a, tua pen tangthu limtak in kanin, hilhcianna kician neih ding kilawm hi. Hih in LZI Kipawlna maban khat hi kici thei hi.

Tuaban ah, Zomi min pen Minam min ci in a kiciapteh hangin, tua “Minam” a cih in a khiatna banglian ahi hiam cih thu kician takin kitelkimlo hi. Hih Minam ih cih pen anuai a dinmunte sung pan koizaw ahi hiam cih thu kitel takin kipsak ding kilawm hi.

Minam dinmun tuamtuamte:
1.      Ethnic
2.      Indigenous People
3.      National Race
4.      Tribe

Zomi-te kammal a kicinloh man maw, ahihkei leh, thutheihna kicinloh man maw, ahihkei leh, minam dinmun a niam man maw, “Minam” cih kammal in bang dinmun gen ahi hiam cih thu, khat leh khat ih sandan leh ih theihna kibanglo hi. Tua manin akipumkhat ding minam khat sung ah kitelkhialhna nangawn ahong om bangin, minam dangte hong ciaptehna mahmah ahzong dinmun tuamtuam kitung hi. Tua ahih manin, LZI Kipawlna in hih Minam Min leh Minam Dinmun pen limtak kikup ding kilawm hi.
Who are the Zomi? (Kuate Zomi ahi hiam)

Kuate Zomi ahi hiam cih tawh kisai sandan zong kibanglo hi. Zomi kici minam khat sungbek ah anuai a bangin sandan tuamtuam kimu thei hi.

1.      Those who call themselves Zomi (Zomi by blood):
“Zomi ka hi hi” a kici mite bek Zomi ahi hi cih sandan anei pawl khat ki-om hi. Zomi hi ing a kicilo peuhmah Zomi hilo a, Zomi hi uhteh vakici theilo hi, amaute Minam dang hipah hi cihna ahi hi. Hih sandan pen suakta takin ei leh ei kipulak theihna, kiciapteh theihna siksan a Minam min phuahna hi a, Zomi min tawh kilawh theihna dingin Human Rights / Democratic Rights / Self Determination a siksan ahi hi. Hi sandan pen GZA leh LZI/ZIUSA Makaipilui khat ahi, Dr. Do Kham in thukim hi.

2.      Zomi = Chin – Legal Name / per Constitution:
Chin minam hi ing a kici khempeuh Zomi mah ahi hi. Zum lam pan ahi zong, Thukhunpi sung ah ahi zong, Chin in hong kiciamteh a, Chin min pen Zopau in Zomi kici hi cih sandan anei pawl khat ki-om hi. Zomi-te tangthu khempeuh a kiciapteh ciangin Chin minam in kikhum a, ei leh ei Zomi kici in, minam dangte in Chin minam in hong thei uhhi cih ahi hi. Hih sandan pen tangthu ciaptehna, a omsa Thukhunpi leh Zum sung a kizang min siksan in minam min lawhna ahi hi. Hih sandan pen TA kipawlna Makaipi khat ahi Prof. Dr. Thang Za Tuan in thukimngei hi.

3.      Re-unification Movement – Connection by blood/generations
Minam khat pen ki-ukna gam thum: Myanmar, India, Bangladesh gamteng ah a kikhenthang hangin si khat sa khat, sanggam unau laizom khat, minam khat ahi hi. Minam min in Zomi hi a, gam tuamtuam ah a kikhen manin, a gam zui a Thukhunte tawh kituak in min lawhna a kilamdang bek ahi hi cih sandan anei pawl khat ki-om hi. Hih sandan zong nam nih in kikhen thei a, tangthu kipatna tawm khat kilam dang hi. Pawl khat in sung khat a piang Zosuante hihang cih bulphuh in, pawl khat in Zhou Dynasty khang a kipan minam khat hihna kizom suak in tu khang hun ciangin minam min “Zomi” hihna sung ah kigawmkik ding hihang ci uhhi. Zosuante hihna a siksan sandan pen Aizawl khuapi abulphuh ZORO Pawlpi in kiplet a, khanggui zom minam khat hihna tawh Zomi ah kigawmkik ding cih sandan pen ZNC Pawlpi makaipilui khat ahi Pu Thang Khan Gin leh, ZRO Pawlpi in thukim hi.

Zomi with Reference to Chin (Chin min tawh Zomi-te dinmun tehkakna)

Kuate Zomi ahi hiam cih sandan nam thum leh li a omna tungtawn in, Zomi leh Chin minam min kizopna tawh kisai sandan tuamtuam kineilai hi.

1.      Chin = Zomi
Chin minam khempeuh Zomi hi a, Zomi-te pen Chin minam in hong kiciamteh hi ci in Zomi-te minam dinmun pen Chin minam tawh a tehkak pawl khat ki-om hi. (hih thu tawh kisai in a tung lamah kuate in Zomi ahi hiam cih thulu sung ahzong kipulak hi).
2.      Chin = Zomi + Laimi + Khumi + Mara + Cho + Asho + Zotung
Zomi pen Chin minam nuai a namkee khat hi a, Zomi, Laimi, Khumi, Mara, cihte a kigawmkhop ciang in Chin minam kici hi ci in, tu laitak a Kawl gam ki-ukna nuai a om Chin State siksan in Zomi-te minam dinmun pen Chin minam tawh a tehkak pawl khat ki-om hi.

3.      Zomi ≠ Chin, Zomi ≥≤ Chin
Zomi leh Chin kibang peuhmahlo hi, Zomi pen minam kician khat hi a, Chin minam hilo hi. Minam tuamtek ahi hi. Gam khat, gamkee khat sung ah a ki-omkhop hangin ahi zongin, tangthu sung ah vai a kihawmkhop hangin ahi zongin, a thu a la, a mun a mual leh dinmunte hangin Zomi-te in Chin minamte tawh a kipangkhawmbek hi ci in Zomi-te minam dinmun atuam vilvel in aseh ki-om hi.

4.      Zomi > Chin + Paite/Kuki + Mizo
Chin min pen Kawl gam sungbek a kizang Zomi-te hong kiciaptehna min khatbek ahi hi. Zomi sung ah Kawl gam sung a Chin minam buppi ban-ah, India gam sung a om Paite, Kuki, Mizo leh Chakma cih namkee tuamtuamte a kigawmkhawm hi ci in Zomi-te minam dinmun pen Chin minam tawh tehkak dingciang ahilo in sandan anei ki-om hi.

Constituents (Namkeete)

Minam min Zomi a hihna a bulpuh sandante sung panin Zomi nampi nuai a namkee (Tribes) tuamtuamte anuai a bangin ciangtanna kineiciat hi.

1.      Zomi =      Tedim + Teizang + Sihzang + Saizang + Zo + Dim + Khuano + Thado + Hualngo                               + Ngawn + Paite + Vaiphei + Gangte + Simte + Hmar + etc.

2.      Zomi =      Tedim + Laizo + Lai + Zotung + Zophei + Matu + Cho + Asho + Mara + Khami
                        + Paite + Kuki/Thado + etc.

3.      Zomi =      (Tedim + Teizang + Sihzang + Saizang + Zo + Dim + Khuano + Thado + Hualngo
                        + Ngawn + etc.)
                        + (Paite + Vaiphei + Gangte + Simte + Hmar + Kuki + etc.)
                        + (Laizo + Lai + Zotung + Zophei + Matu + Cho + Asho + Mara + Khami + etc.)
                        + (Mizo/Lusei + Chakma + Khasi + Karbi + Bodo + etc.)

Zomi Inhabited Areas / Zogam

Zomi kici minam khat dinmun tawh kisai sandan tuamtuam hangin tua minamte’ gam ahi Zogam in koiciang huam ahi hiam cih sandan zong a kibanglo hipah hi. Zogam in ahuam mun leh mualte anuai a bangin sandan tuamtuam kimu thei hi.

1.      Zogam =    Tedim Township, Tonzang Township, Cikha Township, Kalay Kabaw Valley, Lamka                        District, Northern Champhai District

2.      Zogam =    Chin State, Kalay Kabaw Valley

3.      Zogam =    Chin State, Kalay Kabaw Valley, Partial Rakhine State, Partial Magwe Division,                                 Mizoram State, Partial Manipur State, Partial Assam State, Partial Tripura State,
                        Partial Sittagong Hill Tracts, Partial Megalaya State

Issue/Conflicts (Thubuai/Buaina/Nawngkaina/Supna)

1.      Identity crisis:
Minam min tawh kisai sandan tuamtuam a om manin Minam kiciaptehna kician aneilo, Minam kicianlo kitang hi.

2.      Failure to unify:
Minam min tawh kisai sandan tuamtuam a om manin minam maban kalsuanna, gam khantohna ding kalsuante ah kithutuahna ding haksa hi.

3.      Lack of solidarity:
Minam khat sung ah Minam min hangin kithutuahna a omloh ciangin, Minam picing a hih zawhna dingin leh minam tuamtuam lak ah kip takin din zawhna dingin kipumkhatna om zolo hi.

4.      Misrepresentation:
Minam min tawh kisai sandan tuamtuam hangin a kithutuaklo minam kisuak a, kipumkhatna omlo ahih manin, gam leh minam tawh kisai thulianpi khat peuh a om ciangin sandan leh dinmun tuamtek panin kimainawtciat hi. Minam khat sung ah kikhenthang in kipumkhatna a omloh kawmkal ah, aituam hamphatna dingin minam buppi tangin a dingnuam pawl ki-omta ahih manin minam kisuplawh hi.

5.      Inconsistent cooperation:
Gam leh minam buppi khantohna dingin vai a kihawm ciangin minam dinmun sandan kibanglo ahih manin, ma pankhopna loma kikim theilo, vaipuak kibanglo hong suak a, vaihawmna pawl khat pen khantohna dingin a nawngkai hong suak thei hi.

6.      Missing mutual understanding:
Minam khat sung ah kithutuaklo, kipumkhat theilo, loma kikimlo in hong om ciangin, sandan kibanglo pawl tuamtuam kikal ah khat leh khat kimuanna kiam semsem a, minam khat hihna nangawn a kikhuallo zahdong in ngaihsutna lutthei hi.

7.      Disintegration of identity:
Minam min tawh kisai sandan kibatloh manin, thu leh la tampi hong nawngkai semsem a, sandan kibanglo dinmun panin minam min nangawn a mangthang thei ding dinmun hong tung thei ding hi.

8.      Eruption of internal fights:
Minam min tawh kisai sandan kibanglo dinmun pan nawngkaina, buaina hong om tam semsem ciang, minam khat sung ah pawl khat leh khat kimawhsakna hong om a, minam buppi kithutuah ding sangin kigalbawlna a om thei ding hong suak hi.

9.      Loss of trust/brotherhood:
Kithutuaklo, kipumkhatlo, kilangpanna khang semsem hileh, atawpna ah unau sanggam laizom khat sung ah ki-it kikhualna abei ding hita hi.

10.  Collapse of one people:
Zomi min tawh kisai sandan kibatlohna pan minam khat, sanggam unau laizom khat sung ah ki-it kikhualna hong bei hileh Minam mangthang kisuakta ding hi.

Key Players (Thuneite/Madawkte)

Tuabang ahih leh, Minam kiciaptehna leh Minam min tawh kisai thu a khung, vai a hawm kuate ahi hiam, mailam hun ah hih thute tawh kisai in thu a khung thei ding, vai a hawm thei ding kuate ahi hiam cihte ih kanciang in, a bulpi in Gambup Thukhunpi leh Kumpi tung ah kinga masa hi. Tuaban ah, abeisa hunbek hilo, mailam hun ah, anuai a Kipawlna, Pawlpi leh Vaihawmnate in Minam kiciaptehna leh Minam min tawh kisai in thu leh la avaan thei ding, madawk in ma apang thei ding dinmun ah om ahih manin, LZI Kipawlna inzong ahi thei zahin hanciam in ma panding kisam hi.

1.      Constitutions/Regulations & Governments
2.      Zomi National Congress (India)
3.      Zomi National Congress (Myanmar)
4.      Zomi Re-unification Organization
5.      Leitungbup Zomi Innkuan Kipawlna
6.      Zomi Council
7.      Global Zomi Alliance
8.      Zomi Congress for Democracy
9.      Referendum/Census & National Conventions
10.  Forums/Consultations/Movement

Identity Time Line

Minam kiciaptehna, Minam min tawh kisai abeisa tangthu sung ah Zomi-te bangci bangin kiciamteh ahi hiam cih thu anuai a bangin kimu thei hi.
Milestone Events                          Identity                         Platforms/Sectors
1.      Before 1892 – Tiddim                           : Kamhau                                 : Administration
2.      1896 – Chin Hills Regulation Act          : Chin                                     : Law & Regulations
3.      1916 – World War I Labor Corps             : Sukte/Kamhau/Sihzang         : Administration
4.      1937 – India/Burma Seperation                : Chin Hills Battalion              : Administration
5.      1946 – Political Party                               : Khamtung Suahtak Vaihawm Pawl
6.      1947 – Panglong Conference                   : Chin                                      : Administration
7.      1947 – Burma Constitution                    : Chin                                     : Law & Politics
8.      1948 – Burma Independent                      : Chin / Chin Special Division: Administration
9.      1948 – Falam Conference                         : Chin / Tiddim                       : Administration
10.  1950 – Chin Affairs Council                     : Chin/Zomi National Day      : Movement – Political
11.  1953 – Zomi Baptist Convention             : Zomi                                      : Movement – Religion
12.  1965 – Zangkong Zomi Siamsin               : Zomi                                      : Movement – Student
13.  1972 – Zomi National Congress               : Zomi (India)                         : Movement – Political
14.  1974 – Burma Constitution                    : Chin / Chin State                : Law & Politics
15.  1988 – 8888 / Zomi Student Union          : Zomi                                      : Movement – Student
16.  1988 – Coup / SLORC                            : Chin / Chin State                : Administration – Military
17.  1988 – Zomi National Congress               : Zomi (Myanmar)                   : Movement – Political
18.  1993 – Zomi Reunification Organization : Zomi                                      : Movement – Political
19.  1997 – Zomi Innkuan (Singapore)            : Zomi                                      : Movement – Civil Society
20.  2005 – Zomi Innkuan USA                      : Zomi                                      : Movement – Civil Society
21.  2008 – Myanmar Constitution               : Chin / Chin State                : Law & Politics
22.  2009 – Leitungbup Zomi Innkuan            : Zomi                                      : Movement – Civil Society
23.  2010 – Global Zomi Alliance                   : Zomi                                      : Movement – Civil Society
24.  2012 – Zomi Congress for Democracy     : Zomi                                      : Movement – Political
25.  2013 – The 3rd World Zomi Convention : Zomi                                      : Movement – Political
26.  2014 – Myanmar Census                        : Zomi                                     : Law/Legal & Referendum
27.  2014 – UN ECOSOC Consultative          : Zomi                                      : Movement – Civil Society
28.  2015 – Myanmar General Election           : Zomi / ZCD                          : Movement – Political
29.  2016 – Zomi Khawmpi USA                   : Zomi?
30.  20?? – Myanmar Constitution               : Zomi? / Federal?
31.  20?? – State/District/Self Adm’d. Area    : Zomi?
32.  20?? – Sixth Schedule/Union Territory    : Zomi?
33.  20?? – Zogam                                           : Zomi

Zomi Movement

Tu khang hun, gam leh minam itna akhan semsem hun hong tun ciangin, “Zomi Movement” cih kammal pen gam leh minam a’ding thu kikupna, vai hawmna mun khempeuh ah kizata hi. Ahi zongin, tua Zomi Movement kici kammal a khiatna tawh kisai sandan, theihna leh lam-etna kibanglo hi. Zomi Movement Ngimna pen anuai a bangin atuamtuam in kimu thei hi.

1.      Development – Social / Infra-Structure / Community
Gam leh minam khantohna dingin hanciamna pen Zomi Movement hi aci pawl khat ki-om hi. Pilna siamna lam, cidamna lam, inn leh lo lam, kongzing leh khuasung lam, khua leh tui lam khantohna (Development) om hileh Zomi Movement a lawhcingin a kingaihsun ding cihna hi.

2.      Self Determination –Federal State / Self Administered Region / District
Gam leh minam khantohna a om theihna in Zogam in anuai a dinmun tuamtuam a ngahna dingin hanciamna pen Zomi Movement hi aci pawl tuamtuam ki-om hi.
  • Zogam in District (Sixth Schedule) dinmun angah theihna ding
  • Zogam in Self Administered Area (Union Territory) dinmun angah theihna ding
  • Zogam in Federal State (Full State) dinmun angah theihna ding

3.      Freedom/Independent – Nation / Army / Government
Gam leh minam khantohna dingbek hilo a, Zogam in Kawl leh Vai kumpi khutnuai panin suahtakna ngahin, leitung gam tuamtuamte lak ah a picing gam kician khat in a din zawhna ding hanciamna pen Zomi Movement kici hi aci pawl khat ki-om hi.

Thukhupna

LZI Kipawlna’ Ngimna Bulpite a tangtun theihna dingin Minam Kiciaptehna, Minam Min tawh kisai in bangci bangin thu leh late kician takin khung zo ding ihhi hiam cih pen tutung a LZI EC Pawl tung ah kinga hi cih thu hong pulak ing. A tung a thute pen thusunna dinmun hi nailo a, kuppihna ciang, thu kikup theihna ding a khinkhaina ciang hipan hi. Hih thu khinkhaina panin, ngaihsutna tuamtuam hong om thei ding a, thu khatpeuh khensatna manlang tuam ding hi cih lam-etna tawh hizah ahong pulak hizaw ing. Hih kuppihna tuamtuam, ngaihsutna tuamtuamte sangin a kician zaw a kikup theihna zong om ding hi cih lam-en ing.


GSKhup
(Gosawm Khup)
President
Leitungbup Zomi Innkuan Kipawlna


Tulsa, OK, USA. May 8, 2016.


Pu GSKhup in Zomi eLibrary/Laibusaal ading in Phalna hong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMI IDENTITY & ZOMI MOVEMENT. Thukum: GSKhup Description: Rating: 5 Reviewed By: Cinpu Zomi
Scroll to Top