728x90 AdSpace

Hot
Menu
Zon-ol na Donate

Latest News

Thawhbat gah leh cidamna.

Thawhbat gah leh cidamna

Mehteh mehgah te in mihingte cidamna ding thapia mahmah hi. Tua lak ah Zogam ah a limpian singgah namkhat ahi Thawhbat gah i cidamna lamah ahoihna thute in kong suaksak uhi.

(i) Cancer natna pan dal
Thawhbat gah sung ah a kihel chemical van pawlkhatte in cancer saneng (cells) te susia zo aa ahih hangin a cidam saneng (cells) te ahih leh susia lo hi. Tua hi aa prostrate cancer, kamsung cancer te panin dalzo hi. Tuabek hilo thawhbat sung kihel Oleic Acid in nawi cancer a pianlohna dingin zong dalzo hi.

(ii) Lungtang sihui natna kiamtuamsak
Thawhbat gah sung ah mihing khat i nikhat folate dat kisap zah i 23% kihel hi. Tua bek hilo unsaturated fat (mono), vitamin E, Glutathione cih datte kihel ahih manin lungtang leh sihui cidamna ah thapia mahmah hi.


(iii) Si sung om ahoihlo thau (cholesterol) te kiamsak ahih manin lungtang leh sihui cidamna dingin hoih mahmah hi.

(iv) Pumlangzaw natna pan dal
Folate in pumlang a zawtlohna dingin dal hi.

(v) Teeklehuai na zekai sak
Gluthathione akici antioxidant tampi kihel ahihmanin khangham baihna leh teeklehuai baihna te zekai tuamsak in ciilesa no suahsak hi. Khang kibang ciatciat hong nosuah sak tuam hi. Tua bek hilo lungtang natna leh cancer natna te pan zong dal hi.


(vi) Vitamin C, E leh K te kicing tak in kihel
Vitamin C, E te kihel ahihmanin pumpi sungom a hoihlo datte a pianloh na dingin dal hi. Vitamin K kihel ahihmanin si khal (blood clot) sak baih ahihmanin si kambaih sak hi.

(vii) Tha om ding vitaminte lim hup (absorb) sak
Carotenoid kihel ahihmanin a thau sungkihel vitaminte hupna ah thapia hi. A hawng tawh kinaih aa om a eng mel na mun ah carotenoid tampi kihel hi. Tua hi aa thawhbat na nek ciangin a eng na mun te sit kei in.

Koi ci kinek theih.
Thawhbat gah pen ut bangbangin a tuamtuam in kine thei himah taseleh cidamna tawh kituak nek dan theih ding kisam hi. Zogam ah thawhbat gah pen a sung a te kiat khia in bawngnawi/ cikhum/ ci cihte tawh hel in kine hi.

Ahoih pen nek danin bangmah tawh hel se loin a mah guak ne leng cidamna tawh kituak pen hi. Tua ahih kei aa leh thawhbat leh tangmai, carrot (mongla-uh san) te tawh nekhawm leng cidam na aa ding hoihmahmah hi.

Theihhuai kiukiu; Thawhbat a hawng pan lakkhiat khit aa nek pah loh ciangin huihtawh kimu leh vom hi. Tua bang ahi loding na deih leh tanpazu tui (ahkl) vinegar tui tawm theh in.

Lailet – Dr. Nang Khan Lian

Ref :
www. whfoods.com

Source :
Zingsol


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Thawhbat gah leh cidamna. Description: Rating: 5 Reviewed By: Cinpu Zomi
Scroll to Top