728x90 AdSpace

Hot
Menu
Zon-ol na Donate

Latest News

THE NATIONAL SUNDAY LAW.

THE NATIONAL SUNDAY LAW


Translated: Sya Kai Lun Mang

Editted:       Sya Lian Kap Sang

ASUNG-A THUTE
  1. THU MASA
  2. KII NIH NEI GANHING
  3. GANHING TELCIANTAK-IN KITEL LAHKHIATNA 
  4. GANHING ATHUTENG KIPHOLAAKKHIATNA
  5. ADIIPKUATHUAI THU 
  6. GANHING II CIAPTEHNA
  7. GANHING II CIAPTEHNA LIM 
  8. LEITUNGBUP KIDONA
  9. THUNUNG BEHLAPNA LAI

CHAPTER I
KII NIH NEI GANHING

      Tua ni pen August 2, ni hi. Kuwait gam sungah Iraqte’ galkidona sunga kizang siikpeinei mawtaw (tank) puakkham-a, kumpite patauhna, buaina piangsak-in, alauthawng mi zalom tampite’ nuntaakna tavai sakin kikheelna piangsak hi. Gam, minam tampi linglawng hi. Gam tampi democracy ki-ukna sungah kihei hi.  Leitungah kumpi khat, ki-ukna nam khat bekin hoihhna, lungmuanna ong piathei takpi ding ahi hiam?  Tuipi sunga khe (8) nei ngasapi banga alipkhaphuai siattatna in leitung hong valhtum, hong vukcip ta ding ahi hiam?  Ahi keileh leitung galpi (3) na in tuate abeisak zo ding hiam?

      Apatauhhuai, thusia leh lasiate apianna ahang abulpite’ paizia leh auphuailo thu leh late atom-in i en ding hi.

      Mihingte’ mittang US gam bekah hong tungta hi.  Hibanga buaina, kitukalhna kawmkal sungah suahtaakna bucing tawh akidim athahat penpen gam khat ahi hi.

      Walter Cronkite pen Melmuh Tongsaan (TV), Radio khawngah thupiang khat pepeuh hoihh takin ahilhcian asiam mahmah pa hi-a, gamdang mun tuamtuam-a thupiang, buaina, thunawngkaite hoihh takin enpha, simpha in apulaak khit ciangin USA gam thu hi bangin hong gen hi, “Hi gam pen mihingte’ lamet tawpna gam hoihh khat ahi hi” ci hi. 

      Ahi zongin, i gam sungah thu atuamtuam piang hi.  Tua pen alamdang thu khat hi.  Na khempeuh kikheel bilbial hi.  Athu paizia khat na phawkkha ngei hiam?  US kumpipa John F. Kennedy ii lutang leh ngawng ah thautang khuah mahmah tumsuk, pailet in   atuanna kumpi mawtaw nunglam ah kipuuksuk hi. Gam sunga om mi khempeuh in lamdangsa-in um zolo tek uh hi. Kumpipa John F. Kennedy hong si hi.

      Tua ni sun, inn lam zuanin kaciah kawm-in kagilpi akizialgawp bang keei hi.  Mi khempeuh in lamdangsa in lampi tengah kileh kawikawi uh-a, bangmah paumeello-in inn lam zuantek uh hi.  Mi pawlkhat akhitui uh luang hi.  1960 kum kipat laipawl-a hi banga kumpipa’ kisuamlup akipan lungkimlo-in deihna lakkhia-in buaina, thumaanlo-in sumbawlna leh kikheemnate eite lakah meikuang bangin hong kizeel hi.

      “March 13, 1964 nizan, New York khuapi sunga veng khat sungah mi (38) in agamdai, a zahtakhuai avengte Uu nailang sung kithahna thupiang teng atawlet uh panin en demdam uh-a bangmah cise tuanlo uh hi. 

      Catherine Genovese pen amaa inn mai-ah tem tawh kidawt ngekngek-a kithahna, mi (38) in en ngeingai uh-a, kuamah in phelh peuhmahlo uh hi.  Pawi kilak, pawi en bangin avengte in tawlet panin en demdam uh-a, tua kithahna-a thupiang teng azawh dong en ngeingai in tua khit ciangin, alupna tek vuah alum dingin kilehkik tek uh hi.”

      Ahi zongin, lungsim tatziate kikheelkheel hi.  Tuni tuhun in mite in ngongtatna, tatsiatna deihlo-in, muhdah, zadah uh hi.  Khua sungah guta khat in numei khat ii sumbawm suhkhiatsak-a amukha mihonte hehlua ahih manin nungdelhpah uh-a, asilo bek khat in satgawp, vuagawp uh hi. Lungsim tatziate pen tuhun-a thusia alauhuai thute in kheelta hi.  Hibang thute ii hong pianna thute i en dinga i leitung hong ngawngkaai sak thu leh late i en, i sin ding hi.

      Suangtum atam mahmah na keugaw gam tuikulh khat panin thupiang hong kipan hi.  Van leh leimonga guamthukpi kizom deda-in mial ngeungau hi.  A keugaw suangpeek tamdeda kidawhna mun, tanzauna mun ahi deda khat ah mi khat tu hithiat hi.  Amin pen Mangmu Pa John kici-a, mangmuhna ngah in hong om dide hi.  Mangmuhna sungah amuh thute pen lamdang thei mahmah hi! Ganhing lamdang! Akido galkap honpi! Minam tuamtuam hong khangto! cih te lamsang (tawh kisai) mangmuhna mu hi.

      Hih leitungah hong khangkhia ding minam, gam, athahat hong khangkhia-a aom ding te genkholhna (Prophecy) sungah hong pulaak pen alamdang thu hilo hi.  John in amangmuhna thu pen USA gam ah hong piang ding thu alim lakhol thute hi-a, tua thute in nang hong sukha, lawngkha takpi kha maiding hi!

      Thupiang ding hong kipulaakte hoihhtak-in cian-et mahmah in.

      “Tua ciangin, leisung panin hong pusuak ganhing adang khat kamu hi.  Tua ganhing in tuu bangin kii nih nei-a, akampau zia pen gulpi kampau tawh kibang hi.” Mang. 13:11. “Ganhing”cih pen genkholhna (Prophecy) sungah “kumpi gam” limciinna in kizang hi. Dan. 7:23.

      Genkholhna (Prophecy) sungah “tuipi” sung panin ganhing khat hong pusuakkhia acihna mun ah tua “tuipi” cih pen hong khangto ding “mi honpi leh mi tuamtuam” (mi tampitak dimleet-in aomna mun) cih limciinna in kizang hi. Mang. 17:15. “leisung panin” hong paikhia, hong pusuak acih leuleu ciangin, hi atunga “tuipi” cih thu tawh kilehbulh hi. Tua ahih manin hiteng munah gamsimtham sungpan in athahat minam lian khat hong dingkhia ding hi.  Amaa thahatna leh thuneihna akip nadingin minam dang leh gamdangte’ thahatnate tuhkhia, suankhia setuanlo-in, hih hong piangkhia ding athahat minam leh avangnei gam pen abeisa hunin kuamah in a luahngeilohna mun leh gam panin hong dingkhia ding hi.  Tua athahat, avanglian gam (leitang) pen kuamah in luah ngeinailo, uk ngeilo ahihang akimu khia gam khat ahi hi. Tua hong dingkhia ding athahat gam pen sisan luanna tawh akiphutkhia Europe sunga gamte bang hilo-in tua gam pen “tuuno bangin” daitak leh lungnophuai takin hong dingto ding hi.

      Hih atunga i genkhiat thu leh la tawh akituak hatna, liatna leh bulkip muanhuai anei leitunga hong dingkhia ding leitungthak gamthak pen bang gam hi ding hiam cih ahiau khat natelthei hiam?

      Hi taktak hi! Tua hong dingkhia ding gam pen United States of America (USA) ahi hi.

      Leisung panin hong pokhia singno bangin hong kithehthangin hong kizelkhia ding hi. 

      Abeisa kum zalom hunlai-a aminthang lai gelhsiam mipil khat in hi bangin gen ngei hi, “hih kuamah ii luahnailoh gam pan hong dingkhia hih gam ii pianzia telhak in lamdang hi; hoihtak, limtak, damtak-in akituh khaici bangin eite ukna athahat gam lianpi ahi hi.”

      “Tuuno bangin kii nih anei hi.”
Tuuno bangin kii nei cih adeihna pen khanglai thahatna, migitna, gamsung ki-ukna leh asuakta biakna neihna cih limciinna nei hi.  Mikangte’ tungpan USA gam in suahtakna taangkona leh gamsung ki-uk zia thukhun in hih atunga thute’ paizia athupi hong lakkhia hi.  Hibanga thuguikhunte tektek hangin i gam (USA) pen minam lian, athahat gam hong suak hi.  Leitung mun tuamtuam panin bawlsiatna, mat leh heek thuakna anei mite in lametna lianpi tawh USA gam hong mitsuan ciat uh hi.

      Ahi zongin, tuuno bangin kii nei ganhing in “gulpi bangin kampau” hi.  Tua ganhing masa aomna mah-ah ganhing masa pen leitung leh atunga mi khempeuh zawhthawhna tawh abia sak hi. Tua ganhing nihna in nalamdang lianpipi bawla, mi khempeuhte’ muh in vantung panin leitungah meikuang nangawn akiasak thei hi.” Mang. 13:12, 13.

      Uphuai keimah si ee!

      Na mitte uh hong unla ngaihsun un. Hih hong kilakkhia thupiangte aban aban in na etkawm in leitung nate’ pianzia alamdang thute na thei ding uh hi.

      “….. Gahing masa omna-ah nalamdang bawltheih nading thungah ahih manin a nalamdang bawlna tawh leitungah aom mi khempeuh khem-a, namsau tawh asi ding zahin akisat liamsa hi napi anungta lai ganhing pahtawi nadingin milim khat abawl nadingun agen hi.” Mang. 13:12-14.

      Hih bangthu tawh kituak in US gam gamneu hi ci-in nangaihsun, nageel khangei hiam?

      Hih thu pen koici bangin piang thei ding ahiam?

      Lunglut takin sim phapha un!   

      Tuuno bangin kii nei cih thu leh gulpi’ kampau bangin mihing taksa meelpua-a akikheelna hong lak hi. A kikheel takpi mah ahi hi! Hih gam (US) “gulpi” bangin apauna pen gal thahatna azatna kawk hi. Eite in i theih ding thu ahih mah bangin, hih atunga thuguikhun pen Mang. 13 sunga Kamkei banga aom ganhing masa in zong zanga tua in biakna thukhun pen zawhthawhna tawh zui ding thapia hi!  Hi bangin, gamtatna pen US gam in aneih suakta-takin biakpiakna zat ding phalna thuguikhun tawh kilehbulh hi.  US gam ii thuguikhun sungah hi bangin, gen hi, “biakna khat pepeuh kiphuhna, kiphuatna lamsang (tawh kisai) ahih kei leh tua biakna te ii suakta-taka abiakpiakna aneihna uh Congress (US aa gamsung palaite’ kipawlna) in khaamna, daltanna thuguikhun bawl theilo ding hi.”

      “Gulpi bangin kampau” – ii gam (US) hi i citakpi maw? Hithu lamsang (tawh kisai) buaina na zangei,na theingei hiam? A tawpna ah lungsim puakzia tatziate thuakzawh huainawnlo-in hehsuahhuai mahmah ahihna naphawk khazel hiam?  Ngongtatna, siattatnate hong om, hehhuai nasa uh hiam?  Gamsung ki-ukzia, biakna vai, mihing’ nunzia siatluatnate hangin naheh hiam?

      Dipkuat, patauhhuai hun leh nite i etciang banghangin i gam, i kumpi, i minam hi bangin, a “Kampauna” kitel thei hi. Kum khat sungin Americante in nu leh pa thaangtatna tawh kisai lim leh daatsian alahkhiat nading un $ 4 million sum leh paai zangngam lel uh hi. Nu/pa kikhenna, kimaakna hangin innkuan tulzalom tampitak kisia-a, mihing lungsim leh nuntaakna tampi susia hi.

      Mihonpi kithahna, khangham pitek putekte awlmawh lohna, numei leh naupangte bawlsiatna in mihing’ lungsim sukha mahmah hi. Mihingte neih leh lamh mahmah inzong numei, pasal, naupang akua maapeuh nuntaakna susia zaw behlap tamai hi.

      American mi tulzalom tampitak zatui, zakang zangin guihtheih khamhtheih sungah awkcip-a, “zatui kham lua-in kisiacip” uh hi. Zatui, zaha, adang khamhtheih guihtheihte hangin “muhkhialhna mittang tuamtuam” tawh leitung paizia athu tuamtuam kimukhia thei-a, mihingte’ ngongtatna leh lehtatnate hangin mihonpite’ nuntaakzia dipkuat patauhna hong piangsak hi.

      Federal Communication Commission (Gamsung kizopna thulente) te in nungdeuh-a, athupuakna uh-ah, “American khangno kum (5) pan kum (14) kikaalte-in Melmuh Tongsan (TV) sunga mihing 13,000 nasiatak-in akithahna amit uh tawh mu uh hi.” US Senate Sub-committee (US gamsunga thukhunlen Upabulte’ Kipawlna sungpan amengkhia kipawlna neuzaw) te in kum (10) sungin buaina, ngonghtatna thu pen Melmuh Tongsan (TV) sungah hong tam lahkhiat tektek banah mihingte’ nuntaakna sungahmihingte in tatzia ngeina ginalo sepna 200% bang hongkhang hi ci-in gen uh hi!

      Pulaakkhiat dingin zong, alauhuaiphial nakpitaka alipkhaphuai daatsiante pen khangno, khangham cih omlo-in inn sungah kilak, ki-en zihziahlel maita-a, khangno, khanghamte’ lungsim ah hong om tamai hi.

      Ang pumpi zuakte , numei leh numei, pasal leh pasal lupkhopna leh guihtheih khamhtheihzongsanghte, AIDS (Pumpi zawngkhal natna) leh ARC (AIDS and Related Complex- AIDS leh akizoppihthu tuamtuam) te zong bangmah theinailo khangmoite’ nuntaakna sungah hong kizeelta hi. Mizawngte atamzaw tham hong kisia-a, sihna hong tam tektek banah lamet bei-in athuum ataauna uh leh athuaknate uh kimu thei, kiza thei hi. Life Magazine (laiawm) in apulaakna ah tua bangin zongsatna hoihhlo anei, mizawngkhalte ki-ummcih liliai in sual tungah lum demdam uh-a, abei kuankuan aneihathatang ahatnate uh saalkhia-in, aban aban in nui lingling uh hi.

      Melmuh Tongsan (TV) leh Radio cih khawngah thu leh la ahilhcian, agenkhia nasemte khat in hi bangin, gen hi, “ American minamte anunung akingakna mun atanzaaulam manawh in alum alet in tuuksuk taktak ta uh-a, lungsim ginalo, gamtatsiatna sungah muuktusukta uh hi, lamet omnawnlo, akiphongkik zonawnlo athahatnate uh kiam suksuk in beilam manawhta hi.”

      Kum (10) hong tunkik simin ngongtatna, siattatnate azah nih  kibehlap toto hi.

      Sumbawlna lamsang (tawh kisai) bang thu piang ahiam?

      I gam pen cimawh, sum haksatna thuak hi. Leibat tam semsem in bangthu hongpiang ding cihthu lungngai in mitampitak-in lamdangsakna tawh ahun uh bei toto ta hi. Kumpi zum nasepna pan atawlnga khin nupakop tampitak-in an, neektheih tuamtuam alaaktheih nadinga kipia zumlaiciaptehna, zatui thohtheihna laidal cihte neinawnlo, ngahnawnlo-in nupa hihna pan kikhen zawding maw kiteenna kipsakin nungta geigai zawding cih tawh buaita uh hi.

      Gamsung ki-ukna thu leh biakna thaanghuaina thu tampitakin ki-ukna thukhunte siasak, buaisak langdo’phialta uh hi! Mipite heh in lungso uh hi. Minam sungah hehna hong tungta hi. Manphatna,kiamsukna, kikheelna leh ahun zui-a hehna, thangpaihna (genkholhna thute amanlang theithei-a atangtunna) hangin Zeisuit siampi (Zeisuit cih pen 1534 kum-a Ignatius Loyala akicipa in aphuatkhiat Roman Catholic pawlpi akemding, ahuu ding cih ngimna tawh akiphuankhia kipawlna khat ahi hi. Society of Zeisus zong kici hi) khat ii hehna tawh agingkhia kammal khat oma tua pen, “American gam ii ki-ukna thuguikhun-a zahtak dingte, zahtakna apiak zia telzo mahmah keng, American minamte kikokhia-a, kote tungah thumanna, gamtat hoihna, migitna ong pia un…. America’ gam ii thuguikhun tawh kituak-in hong pia un ci-in, American mipite akikokhiat ding kazanuam hi ci hi.”

      I gam (US) pen “gulpi bangin kampau ding” cih thu lamdangsakna nanei hiam? Tua gamsunga Pasian’ nasemte in minam, gamsung cimawh haksatnate lemtuah, abei nangin ahanciamnate hangun mi tulzalom tampi gamsung ki-ukzia buaina, sepna thu tuamtuam lakah kidiah-in hong omna uh lamdang asa pawlkhat om hi. Nakhat pepeuh sepkhiat ding veina lungsim kinei hi. “ilektrik pawlpi” (Electronic Church) makaite in Khristian mimal awn 50 akhanlawh, athalawp theih nang-uh vaihawmna khat hong semkhia uh hi! Taangpi ading ahoih lunggulhna hangin nasiatakin, kithuhualtak-a tha leh ngal kipumkhat ding sepna hong om hi.

      700 club (700 kipawlna) aphuankhia, thugensiam Pat Robertson akici amah leh amah gamsung ki-ukna vaihawmna kipawlnate lakah azalian, panmun asang theithei alunggulh a hanciam khat hi-a, ama’n hi bangin, gen hi, “ Ettehhuai mihing nuntaakna, nopsakna, lunggulhna aneite leh nunnuamtakin khuasakna adeih minam leh gam khat Khristiante in lunggulh-a apatkhiat keimawkleh hih US kumpi pen Trilateral Commission (USA gamsunga aom mipite’ aading kipawlna) leh Council on Foreign Relations (Gamdang tawh kizopna kipawlna)” thute panin ikep ding nakpitakin, thupilua mahmah hi. Hi Pat Robertson in Khristiante Pasian kiangah kilehkik ding agenna ah, “ki-ukna gam leh kumpi thukhun neihna sungah Khristiante zong lawptakin akihel ding gen hi.”

      US News & World Report (US thukizakna leh leitung thupuak) kipawlna in hi bangin, gen hi, “ A thu masa aom khin cihbang hiselo-in gam ki-ukna lamsang (tawh kisai) asiangtho galdona nasiatakin, hihgam ah vuicing takin hong piang hi.”

      “A zenzen in, ei minam i gambup-in Pasian kiangah azuankik, aciahkik hilehang i thuak haksatnatehong hoihkikzo thei ding hiam cih lungsim leh ngaisutna pen kizel zihziah hi. Hithu pen ahoihkik nading Khristian teng kipumkhat leh piangthei dinghi ci-in gam makaite in gen uh hi.” Robert Grant akicipa in“Khristian teng kipumkhat leng eite in na khempeuh i semzo ding hi. Eite in thukhun khat pepeuh ahihkei leh thukhun bawlphat kik nading zong buaina om lo-in i kheelzo ding hi. Tua thu pen eite in i lunggulh i sepnop thu taktak ahi.” Gambup Melmuh Tongsan (TV) panin thu taangkona ah Robert Grant in hi bangin, pulaakkhia hi: “Eite in na khempeuh i sem, i bawl thei hi, gam thuguikhun zong i puahphakik thei hi. Kumpi, gam makai ding zong i teelthei lel hi. i gam sungah thuguikhunte i kheelthei-a, i bawlbehthei lai hi. Tua thu in zong eite asem, abawl dingin phalna hong pia beklo-in hamphatnahong pia hi. Eite thuguikhun nuai ah anungta ding i hih mah bangin Pasian thu tawh akituak asia aphakhenteltheihna thuguikhun nuai-ah zong i khuasak ding zong kul veve hi.” Hithute pen mikhatbek ii ngaisutna bek akipulaakkhia hituanlo hi.

      Thuvanpi ahi H. Edward Rowe in hi bangin, dawngkik hi, “Kumpi gam makaite’ tungtawn in gamsung ki-ukna thukhun bawlphatnate leh mipi theiin pulaakkhiatna ding gam makaite in hong bawl nangin thuum ngeetnguut ni cii, himah hi!

      Hibang thupiangte in nakpi takin, lamdangsakna hong guanbeh-a, gambup-a akihawm thupuak laidal leh thugenna phual atuamtuamte in mipi tungah ngetna thu hi bangin, thupuak pulaakhia hi “Sunday ni zatding zuihding khensatna nei in thuguikhun taangkokhiat ding pen kumpite’n vaipuak (tavuan) nei hi. Sunday ni gambup in zuihding, zatding in khensatna thuguikhun khauhtak-in hong kibawlmasiah i gamsungah sumbawlna, nasepnate lawhcingin daupaina omthei ngeilo ding hi! ci hi.

      Carolina gamkhen khanglam-a palaai, ai-awh asem Anderson in Carolina gam khen sungah khantohna, pumkhatna aom theih nadingin Sunday ni bek zatding, zuihding cih thukhun ataangko khiatna pen mi tampitak-in thukim-in, paakta ngeingaitek uh ahina zong i etciang lamdangsak luatding zong hituan nawnlo mai hi. Adang abeisa US kumpite in ahihloh, aseploh uh thu sem nuam-in apankhia nuam, alunggulh tua US kumpi’ pa in angimna alahkhiatnate kua in lamdangsa nawn ding- tua thu pen pawlpi leh gamsung kumpi’ ki-ukna akitatkhia, akikhenkhiasa anungta kik ding, akigawm kik dingin thukhun bawlna ahi!

      “…. Akampau zia pen gulpi kampau tawh kibang hi. Amaa mai-a aom ganhing masa ii thuneihnakhempeuh azang hi.” Mang. 13:11,12.

      Tu ciangciang athu paizia taktak i theinaikei hi! Alipkhaphuai, adipkuathuai thute asin dingin kigingkhol ni.

      Tu-in dotna athupi khat om hi-  Ganhing masa kua ahiam?


CHAPTER III
GANHING ATHUTENG KIPHOLAAKKHIATNA

NAKHAWL PHOT UN! Chapter (2) na “Ganhing ciantak-in Kitellahkiatna”na sim nai kei zenzen khak uh leh hi Chapter (3) sim nai kei un.

Khialhna aom loh nadingin hi thute kiciantak-in en ding hi hang.

“Tua ciangin, gulpi in tua ganhing tungah amaa vaangliatna, amaa tokhom leh thuneihna (aana) lianpi apia hi. Mang. 13:2

Kumpipa’ galkapmang Belisarius Ostrogoths minamte Rome khuapi pan anawhkhiat kum 538 A.D hun-in Kumpipa Justinian in Khristian khempeuh leh leitungbup ah Pope amakai a-ukpi dingin taangko khia-a Rome khuapi Pope tungah “pia” in Pope ki-ukna ong phuankhia hi.

Rome khua minamte in amaa tungah “tokhom” pia hi. Hi thupen ong pianmaa kum zakhat laipek-in hi thupiang’ ding kigenkhol khin hi.

A uphuai vetlo thu ong pian hun, 538 A.D. kum panin 1798 A.D. kum dong 1260 kum sungteng Pope in ukna thuneihna (aana) nei hi. Pope pen mat leh hen-in kinei-a Napoleon’ galkapmang Berthier in Pope pen manin France (Piantit) gam ah ciahpih hi.
Sizah dongliang-a liamna meimaa ahi hi. Pope in kum 1260 sungteng ukna thuneihna (aana) nei hi. Hi thupiang pen akituak kha zenzen thu ahi hiam? Bang hangin galkapmang Berthier in hi bangin nasem ahiam?

Napoleon in leitung uk nuam hi. Pope pen Napoleon’ ukna lampi, alunggulhna anawngkai’ theihna lampi ah na om sese hi. Amau tektek mah in genkholhna atangtung sak te ahihna uh akithei thei uh diam? ci-in ka ngaihsut ciang lamdang kasa hi.

“…Sihna ding zah liamma nei ngei napi-in damkik-a, leitung mi khempeuh in lamdangsa-in tua ganhing azui ngeingai uh hi.” Mang.13:3.

“1929 kum in Vatican City (Vatican Khua-pen Italy gam ii khuapi Rome khua lai-zang-a om khua ahi hi) pen ki-ukna atuam in anei thei gamneu khat dingin Italy gamuk kumpite in phalna, ciaptehna pia hi.Tun Pope pen kumpi khat ong hi zel leuleu hi. March, 9, 1929 kum in amah (Pope) in hi bangin, gen khia hi, “Hi leitungbup-a minam khempeuhte (pawlpi) tawh ong pang khawm uh hi.” San Francisco Chronicle (San Francisco Khangtaangthu) laihawm ii amai lam laimai ah leitungah athupi ciapteh ding thukimna letmat akigelh/akiciamteh thu kigen hi.Tua sungah hi bangin, kigelhi, Mussolini leh Gaspari te in leitung taangthu ah ciapteh ding kilemna letmat thuhna nei uh hi…Kum tampi-a akinei Liamna maa damna kibawl ta hi.” Hi thupen lamdang mahmah hi. Lai Siangtho in tua liamna maate damkik ding hi acih kammal pen tua laihawm tadensa mah in amal kibang tektek mah ong taangko khia hi.”

538 A.D. kum in hi kipawlna lianpi pen thupaizia zui-a khauhtak-in ong kipatkhiat nailoh hangin hi thupiang ding tawh kisai alampi kisial khin kitawnkhin ahihna Sawltak Paul in mu khin hi.Tua bangin atheihkholh, amuhkholh theih nading bang thu piang ahiam? Hi tengah athupiangte ki pulaakkhia hi.

Zeisu vantungah akahtoh khit ciangin, Kha Siangtho ii thupha piakna leh makaihna tawh taanglai Khristian pawlpi pen nakpitak-in khangto mahmah hi. Anungzuite in bangci bang thute thuak kha ding cih thu Zeisu in genkhol khin hi.

“Tua ciangin, note hong kibawl sia-in hong kithat dinga, Keimaa hangin mi khempeuh in note hong mudah ding uh hi.” Matt.24:9.

Hi thu pen athupaizia zui-in ong piang khin ta hi. Hiteng-a alamdang thupiangte en phapha un.

Rome kumpi Nero hun sungin Khristiante’ kibawlsiatna leh akithatnate Tacitus in hi bangin, pholaakkhia hi, “Amau (tanglai Khristian)te’ kithahzia, kibawlsiatzia pen kimawlna tawh kibang phial hi. Amaute’ vun pen ganhing gilote vun tawh khui khawm-a, abakbak, aphelphel in ui-te in pet nen dikdek hi. Singlamteh tung khawngah kikhailum hi. Amau khailum-a, meikuangpi sungah kikhia in zan khuamial muhtheih nadingin meivak dingin hallum hi.”

“Sihna, bawlsiatna pan asuahtak nop uh leh Khazih taisan sak, nusia sak, sang nawnlosak-in kumpte’ tungah ki-ap sak hi. Pawl khat in Topa nusia in ki-ap kik uh-a, ahi zongin, Topa nial-a, taisan sangin sihna leh bawlsiatna mah thuak zaw uh hi.”

“Hi pupa ngeina, lawki dawibiakna in Khristiante gualzo ding cih mukhol-a, tua hi leh amau’ pasian tau-a biakinnte kisuksiat sakgawp ding cih thu thei uh ahih manin, Khristian upna leh a nungzuite bawlsia, susia, maimang sak nuam uh hi. Khristiante’ neih leh lamh, van tuamtuamte kilaksak, kibawlsiat sak hi. Khristian mi tampitak-in aneih leh alamh, a-upna uh asisan tawh teci lak uh hi. Mipil, mihai, tote, sila te, mihau, mizawng cih omlo-in Khristian ahih nak leh hehpihna cih omlo-in kibawlsia, kithatkhin lel hi.”

“Rome khuapi ii apualam mualdung leilak, suanglak anuai teng kikhuat-in kawhawmpi in bawl uh-a khuapi ii apualam kulh pan tai sau pipi kawhawmpi kibuk nadingin bawl-a, khuamial-in lipkhaphuai mah tase leh tua kuahawm dungsuk tengah Khristian asi sate’ luang kivui-a, bawlsiatna, thahna hun sungin inn bangin buk nangin nei liang uh hi. Haksatna khat om-a, ki-upmawhna, patauhna aom ciangin tua leinuai kuahawm tengah kibusa uh hi. ‘Mipawl khatte in ahoihzaw nuntaakna ah athawhkik theihna dingun leitungah suahtaak ding ut tuanlo-in bawl siatna thuakin asi uh hi.’ Heb.11:35. Thuman adingin athuaknate uh manphasa-in lungdamtak-in kipaknatawh thuak ngam lel uh-a, apuak ziahziah aampha mahmah meili bawlsiatna panin gualzo-a alasakna awgingte kithawn ziahziahte vantunglam ah kiko khia hi.”

Satan in tanglai mi siangthote vatmai zolo hi. Kumpi Nero leh Diocletian in kum tampi sung mi siangthote atul lom, atul lom bawlsia-in that uh hi.

Bawlsiatna athuak Khristian khat in hi bangin gen hi, “Note in kote ong bawlsia, mawhsak, ong thatzo khamah ding hi uh teh ahi hang, note’ thuman lohna-in kote’ mawhbaang lohna teci ong lak hi.” Tertullian, Apology, para.50.

A.D.313 masiah Khristian khat suak ding cih pen thukhaam langdona hi ci-in kingaihsun hi.Tua bangin Khristian suakte pen migilo thukhun palsat, kumpi langdote hi ci-in kingaihsun khol, ki koihkhol lel hi. Ahi zongin, Khristian phunzite ahi leh mun khempeuh ah kizel, kithehthang khin veve hi.

Tua ahih manin, Satan in asepzia, agelna pen adang khat laih ding cih pen mukhol khin hi. Tu-a asepzia, ageelzia sangin ahoih zaw tawh mainawt ding kul cih thei hi. Tanglai Khristian (Khristian LimLim)te bawlsia thahlup sangin ahoih zaw bang thu ngaihsun, geel ahiam?

Buaisak mahmah lel hi-kuamah phawkkhakloh dingin luutsim, geelsim hi. Apilvang galkapmang, makai dan mah bangin pawlpi sungah luut in sunawngkai hi.

Rome kumpi gamhuam sungah a lamdang thupiang khat ong ging khia hi.Kumpi Constantine pen Khristian ong luut hi.Khristian te zong kilung muanna, kiphatsakna, kikhalum suahna ong nei hi.

Tua ciangin, Khristiante ui leh humpinelkai ii petkhiat dingin kibawl nawnlo-a, olno tak-in, sisan luan ziau nading in kizang nawnlo hi. Kimawlna tualpi-a mihing leh ganhing kimawlna, kithahna et nading meivak dingin kizang nawnlo hi. Tu-in ahih leh Khristian biakna pen gambup zatding kumpi biakna ong suak ta hi. Na khempeuh kikheel-in athupi mahmah ding bangin ong om kik zawphial hi.

Mi khempeuh in bawlsiatna, thahna panin suahtaakna ngah-a, lungnuamtak-in tawlnga-in lungkhamnate tawh kipelhta hi hang ci-in akhamuan laitak mah in damdam in thu pawlkhat ong piangpiang ta hi.

Kilem, thuhual cih bang zia khat ahi tam maw!

Makai, uliante in minthanna, pahtawina ngah nadingin damdam-in lawki, dawibiate Khristian biakna sungah baihtak-in, ong luuttheih nadingin Khristian hihna ii thu laigilte hemkhia phot-in lamsial sak uh hi. Ahi zongin, hibang-a lawki, dawibiate Khristian sung ong luutna hangin khialhna leh lawki, dawibiakna ngeina ginalo pawlpi sungah ong luut hi.

Biakna, pawlpi sung panin buai nading, kitukalhtheih theih nadingin Satan in ageelnate lamdang sakluat ding zong hilo hi. A thuman patauhilhkholhna Pasian in ong pia hi. A diipkuathuai Sawltak Paul’ thugente lungngai-un, “Sanggamte aw, i Topa Zeisu Khazih hong pai nading thu leh amah dawn dingin eite i kikhop nading thu tawh kisai-in note kiangah kong thum nopna uh panin: Topa hong pai ding Ni hong tung khinta hi, ci-a thu kigenna hangin lunghimawh-in lungmangin, om kei un. Thuhilh khat pepeuh in hibang thu ong genkha ding uh hi. Ahi zongin, kuamaa khemsa-in ta kei un. Bang hang hiam cih leh nakpitak-a Pasian langpan’na lianpi leh hell khuk sunga tung ding ahi Agilopa hong kilat mateng-in tua Ni hong tunglo ding hi. Tua Agilopa in mite’ biak pasian akici khempeuh leh na khempeuh nial gawp ding hi. Tuate khempeuh sangin alianzaw-in akingaisut ban-ah, Pasian ka hi hi, ci-in Pasian’ biakinn sung mahmah-ah pai-in va tu ding hi. Kuamah kim-in aphawkloh gitloh gamtatna kigamta khinta-a, ahi zongin, hithu apian’ ding akhaamcippa akilakkhiat khit mateng-in ahong piang ding thu hong piangnailo ding hi.” Thess.2:1-4, 7. Hi takpi mah hi, Aman’ ong tung ding thu mu hi. Sawltakte lakah atawpna penpen ong sih khit ciangin, alamdang thuthuk nasep, siatnate nakpitak-in ong khangto ding hi.

Dotna: Bang hong piang takpi ahiam?
Bawlsiatna, thahnate ong veng khit phet mah-in pawlpi makaite khumcip, ukcip ding cih pen Satan’ ngianthukpi khat ahi hi. Kei cih lungsim khangsak ding-a, sum leh paai lunggulh luatnate guan-in pumpi lungsim khempeuh thuaksak-in, nawngkai sak ding hi. Apiangthei thei bang-in, lawki, dawibiate Khristian upna sungah onglut ciangin, kidemna, minthannopna thu tuamtuam kituhna ong om ding hi. Pawlpi ii vaihawmna, thuneihna leh vaangneihna ong khangto ding hi.

Mi ngahzawh nading, i deih khat ngahzawh nadingin, Lai Siangtho pen akoici ciang khat-a kheel ziau ding kuan haksa sa ding! Chritian upna sungah lawki, dawibiate ahon ahon in onglut nadingin lawki, dawibiate’ pupa ngeina pawl khat, biakpiakna tatziate Khristian upna sungah tunpih-a, tua mite Khristian min vawhziau in na sem zen uh hi.

Hi bangin, alipkhaphuai, diipkuathuai teng kawmkal ah-hithu teng ong piang keei hi ta mai hi!

Sawltakte in khua, mun tuamtuam-ah Khristian biakna phut kawikawi uh hi. Ahunte ong kihei toto-in, khua neuneu mun khat khat ah pawlpineu nono ong kiphuankhia hi. Pawlpi picing, pawlpi lian pen Jerusalem, Rome, leh Alexandria, Egypt cih gam mun tengah kiphut hi. Atawpna-ah Rome khua pawlpi pen asang pen dinmun ong tungto hi.

Tua ahih manin, pawlpi makaite in amau thu leh adeihna, athukhun, athupiakte akip nadingin gam sung ki-ukna-ah thuneih nading leh huzaap zawh nading pan mun ong laktoh sawmta uh hi. Hi bang-a, aliphaphuai ngimnate amaute’ deihna sangin, ong gualzo zaw uh hi. A.D. 538 kum in hithu teng ong tangtung-a, Rome khuapibup pen Rome khua pawlpi a-uk Pope tungah thuneihna (aana) kipia hi. Tua ahih manin, pawlpi-in kum 1260 sung gamsung ukna thuneihna (aana) khempeuh tawh ong uk hi. Hiteng khempeuh genkholhna (prophecy) bang tektek-in ong tangtung hi.

Uphuai kei phial ee!

Ahi zong hih aliphaphuai sak thu en pha kik ni!


CHAPTER IV
ADIIPKUATHUAI THU

NA KHAWL PHOT UN! CHAPTER2 "GANHING KITELLAHKHIATNA'', NASIM NAI KEI KHAK UH LEH HIH CHAPTER 4 SIM NAI KEI PHOT UN.

Khristiante in aKhristian pih adangte athahna thu na ngaihsun zo uh hiam? Acikziathuai ngaihsutna khat hi.

Hithu sim cian dih ni "Pasian' mite simin, azawhgawp theih nading zong kiphal hi." Mang.13:7. "Tua ciangin, mi siangthote Zeisuh tungah acihtak manun, akithat mite' sisan dawnin zukham abatna kamu hi." Mang.17:6.

Abangci lim leh meel pua hi zen ahiam? John in zong lamdang asak mahmah pen alamdang thu hituanlo hi. Leitung laibu-saal, laibu-tau dim-a aom phial zong bawlsiatna, thahna athuak Khristian mi awn 50 te pen "Khazih ii thupiak alangpangte ahih manun kithat hi ci-in ki ciamteh hetlo ding hi. Lai Siangtho neih khuan, sim khuan ngah-a, ei lungsim zawhna tawh       kizui-in Pasian’ lunggulh bangin biakpiakna neihlel ding ci-a aumte, numei, naupangte ahi uh hi. Pawlpi ki-ukna leh makaite' deihna bangin, azuilote pen aomna khua leh gamte khempeuh amun  agam, aomna pan kivatmaimanggai hi cih thu pen leitung taangthu-in, kiciantak-in pholaak hi.

"A siapipa uh Satan ii khutnuai ah pawlpi makai pipi te in thusinna nei-in gamtang uh-a tua pen alipkhaphuaithei thei-in Khristiante bawlsiat nading deihna, lunggulhna tawh akiging agamta nuam uh hi-a, thuaksiatna angahte' nuntaakna beimang samlo hi. A thuaksiate bawlsiatna thuakte-in sihna pen avaisiang pen leh athu namtui khat hi ci -in sehlel-a nunzia, tatzia, nakpi tak-in, thuakken kan hanciam nate khawlziau-a nusiat bawl mai kei leh atamzaw hibang-a, lipkhaphuai cikziathuai tak-a Khristiante abawlsiatnate pen mihing ci leh sa ii hatna tawh thuak zawh ding hilo hi." Hi i gen thute pen Rome pawlpi alangpang, alehdote' thuak ding nunzia ahi hi. A zenzen in U.S kumpi zong hi bangin,, septheihna hunpha ngah zenzen kha leh bel tuhun tulaitak-in, hi gam-in zong "Khazih ii thuhilhna, thupiak alangpangte" bawlsia, langdo takpi lel ding hi. Ahi zong tuciang ciang hi gam ii kisaktheihna thu ahi leh akikheek ngeilo ding thukhun ki-ukziate tungah minpha ngah kisa mahmah lel hi. Hi thuteng pen Cathalic Institute of Paris (Piantit gam R.C Sangpi)a makaipi H.M.A.Baudrillart in bawlsiatna thu tawh kisai pawlpi leh makaite ii lungsim puakzia ong lahkhiatna ahi hi.

Aman hi bangin, gen hi, "Upkhialhna, taangpi' thu tawh kilehbulhna thu tawh kisai mainawtna-ah aman(pawlpi) zolbawlna, thuhilhna, pilna, piakna leh lungsim kipuahphat theih nading sepna ciang tawh lungkim, picing sa zolo-in tha leh ngal, danpiakna, pumpi taksa nasak nading leh bawlsiat ding bek tawh alungkim zo pan hi."

Waldenses, Albigenses, Bohemians (Hi pawlpite pen R.C pawlpi Europe gam sung tengah ahat mahmah laitak-a upna khahsuahlo-in atuam-a ading khia Protestantte ahi hi) leh adang pawl tuamtuam te zong pen amau upna leh sanziate hangin, asimtham ahi zong, damdam-in thahna leh bawlsiatnate ong thuak uh hi. Thunung behlapna 5 Appendix5 na sim un.

Hih atunga Protestant pawlpi lakah Waldenseste pen lamdang-in tuamdiak uh hi. Pope in ukna thuneihna (aana) ong ngah masak hun lai-in hi pawlpi mite in, Lai Siangtho amau pawlpi sungah asimtham-in kem uh hi.

Pope leh siampite ii makaihna, ukna nuai panin kha adding-a mawhna khialhnate mawhmai nading amaute tungah mawhmaina thumna hanciamnate bangmah manneilo hi cih thu pen mipite in ong telkhial ta uh hi. Leitung ci leh sa pumpi in gimlua, thuakzo nawnlo-in, upna leh lam bangmah khuavak malkhat beek zong om lo-in hankhuk sungah kiphum masiah mawhna ii nasia tak-a hencipna, Pasian ii phulakkik ding ahehna thu pan launa patauhnate in ong linglawng sak in thuak toto hi.

Tua ahih manin, hibang-a khalam gitlohna, zawngkhalnate nuntaakna an pia-in, Pasian piak kamciam lametnate alunggim mite tungah lungdamna thupuakte taangko-a, Khazih pen gupkhiatna lampi leh lametna hi ci-in taangko, pulaak khiat ding cih pen Waldenses pawlpite in alunggulh mahmah thu ahi hi.

Ei mah tawh kibang-a mawhna anei, itna leh hehpihna amau sungah om vetlo-in, ahawmcip,       apuatham bek-ah itna  anei siampi leh pawlpi makaite pen i mawhna ong thumsak, ong nget sak dingin Hopa Zeisu ii ai-awh in ong kizang hi lelngel hi. Mawhmaina leh lungnopna, kilemna ngah nading, lungkhamna, mawhnate Topa Zeisu kiangah tunpih-a, paipih-in itna leh hehpihna tawh   akidim akhut ong zalhkhia Topa Zeisu mah masuan in i neihding Waldenseste in mi khempeuh hanthawn hi.

Akisat leuhleuh Amaa muuk leh khitui leh danna tawh akidim a mit leh akikuai ngieungieu a khuuk, lungkhamna tawh dah na thuak Amaa kam panin a manpha mahmah mawhnei mite in lamet na a nei nading ong pulaak khia hi.A diakdiak-in tua a genkhiat kammal pen kiza za nuam hi. "Mawhna khempeuh panin Zeisu Khrish ii sisan in ong sawpsiang hi." 1John 1:7.
Rome pawlpi' tatzia leh ngeina, thute hangin mi tampitak khemna pan kipelh hi. Mawhnei mite' kikal-ah mihingte mah in palai asepna pen akhiatna omlo mannei lo ahihna thei tel uh hi.

Hi bang amumal meello, ahi themthum mite pawlkhat dingin Honpa Zeisu ii ong itna thuciamna pen atelthei ding pen nakpitak-in thupi suah keei phialleh kilawm hi. Ong piak lametna in nakpi takin lungnopna ngah sak-a, hibang-a khuavak lianpi in amaute tuamcip-in vantungah tuate pen kituah to, kila to leh kilawm hi. Hibang kammalte kizapha pha zel den nuam hi. "Ka ki-aapna, kipiakkhiatna Pasian in ong sangthei taktak ding hiam? Kei tungah lungkimna nei in ong nuampih ding hiam? Amah in ong maisak, ong sang zo ding hiam? "Hithu adawnkikna hibang ahi hi. "Na semin vangik pua-a aom mite aw, Ka kiangah hong pai ta un. Note tungah Lungsim tawldamna Ka hong pia ding hi." Matt 11:28.

Upna in kamciam lenkip hi, alungdamhuai dawnkikna hi bangin,, kizathei ta hi. "Biakpiakna ding lampi sau pai ding ong kulnawnlo hi; asiangtho munte-ah thuaklah, gim pipi-in vapai ding kisam nawnlo hi, Zeisu kiangah kahihna bangbang-in kazuan thei-a, Aman' kathungetna ong simmawh sak, ong guaksuak sak ngeilo ding hi. ‘Na mawhna kimaisak khinta hi.' Keimah, kei teekteek ii mawhna kimaisak zo hi!"

Thuman alunggulh mite' ading alamdang, aciliaphuai, Thu Siangtho kammalte amaute' lungtang sungah azaktheih dingin kigenkhia hi. Tua pen Pasian' awkhum kammalte hi-a, tuate in nuntaakna dinmun khialhnate kiphawkkik sak theihna, teltheih, zaktheih ding ong tel sak hi.
Thu leh la, munkhat khat ah athuman thupuakte zaktheih muhtheih in ong om nawnlo hi. Amaa nunzia leh alampi leitung dangah suankhia ta-a, ahih kei leh amaa nuntaak khuasakzia akitelzo nawnlo khuamial, guamthuuk, kuahawm sungah heikhia hi, ahih kei leh thuman ading ateci lahna munteek teekah amaa guhte aphum, aki-vui zong hikhaphial ding hi.

Waldenses thupuak nasemte in Satan' ukna gam ong luahzo, ukzo keei uh hi.

Hibang mite' nuntaakzia khauhtak-in aom takpitna leh taanglai pawlpi' upnate citaktak-in a letcipna uh in, Rome pawlpi' upkhialhna, lampialna atawntung teci lahna leh pholaakkhiatna ong suak-a nasiatak-in muhdahna leh bawlsiat nopna lungsim khangsak hi. Lai Siangtho thumanpha kammalte a-upna uh-a nusiat, ataisan noploh na hangin nakpitak-in Rome pawlpi in amaute        abawlsiat nopna lungsim khangsak-in lungduainate bei sak hi. Tua ahih manin amaan (pawlpi) hi mite leitung panin botsat nuam hi.

Pope Innocent VIII in hi bangin, thu pia hi- "Thukhun zuinuam lo-in aphengtatnuam, mite' heh nading-a aom, taangpithu azuinuamlote aw, azenzen ciampeel-a, apaupeng nuam peuhmah         agunei gulpi akisatzan dikdek bangin khialhna (danpiakna) thuak hamtang ding uh hi." (thunung behlapna 6Appendix.6).  

Amaute' gamtatna, lungsim puakzia hangin bawlsiatna, danpiaknate athuakding hilo zaw uh hi. Pope ii geelna, sawlna, thupiakna tawh kizui-a Pasian abia nuamlo peuhmah khauhtak-in, bawlsiatna angah athuak ding uh hi zaw hi. Hi bangin,, thu palsatna, hangin nenniamna, langdona leh bawlsiatna pen mihing ahih kei leh Satan' nasem, agilo mite in tua thupalsatte' tungah atamthei thei, a-uangthei thei-in pia ding uh hi.

Sihna in amaute nungzui hi, ahi zongin, amau sisan in akituh khaici puaksuk, kisuan-a alimci, a gahpha ong gah khia veve lel uh hi. Mun tuamtuam-ah amaute kithehthang uh-a, "Zeisu ii thu manpha leh Pasian' kammalte teci pangin taangkona" adingin athuakngam, bawlsiatnna, anawk ngamte ii kipiakkhiat nopna lungsim ong nei ding uh-a, tua teng mahtawh atawpna hun beina lam ah ong kikhinto to ding hi. Mang.1:9.

Eite i pianmaa pekpek in hibang-a ngongtatna, tatsiatnate om khinzo hi cih phawk tawntung un. Ahi zongin, "ganhing" ciaptehna ngahna vai tawh kisai patauhilhkholhna pen tuhun laitak ading ahi hi. A sawtlo-in tua ganhing' "ciaptehna" thu tawh kisai na tel ding uh hi.

Eite in i theihkhitsa, i sinkhit thu ahih mah bangin tua thuneihna (aana) anei pen in "hun leh thukhaamte kheel ding ong sawm ding hi."Dan.7:25.

Koici bangin hi thu ong piang thei ahiam?
Khristian ong suak tua lawki, dawibiate-in milim biakna pen zongsang khin uh ahih mah bangin, pawlpi in thukhaam nihna sunga milim biakna tawh kisai akikhaamna thute kheel, phiatsiang hi. Amaute-in biakinn sungah milim koih uh hi! Ahih hang taanglai lawki, dawipasian' milimte biakinn sungah akoih, asuang taangun asisa mi siangthote' milim koih, suangzaw uh hi! Hibang-a asisa mi sianthote' lim suangna hangin, amaute' theihna, sinna leh biakpiakna khangto sak tuam ding hi ci-in, kithuhilh zen uh hi. Ahi zongin, apiangkhia athaman bawl kilamdang mahmah hi.

Biakinn te sungah milim bang hangin kisuang cih thu akimtak-in na theihnop leh thunung behlapna 7 Appendix 7 na en in.

Tua in "ahun leh thukhaam kheel ding sawm hi"cih thu kigen hi.

Zum panin thukimna tawh ong kitaangko khia-a, alipkhaphuai thupiakna en dihni- "Pope in hun leh nite kheel theihna thuneihna (aana) nei-a, thukhaamte zong laihtheihna thu nei hi, Zeisu Topa ii ong piak zuih ding thukhaamte na ngawn-a kipan mihing' bawl thu khempeuh zong maap theihna, thupiakna nei thei veve hi." Decretal,deTranlatic Episcop.

Uphuaikei phial veh ee!
Hi thupiakna kasimcil-in lamdangsa-in kakam kaheuhau liang hi. Zum panin Pope in hibang-a, thukhun zuiding apiakte pen Lai Siangtho sunga kammal pian dekdekte mah zang sese ahih manin lamdang kasa mahmah hi! Thukhaam kuana aphiat, abeisak tang' un thukhaam sawm mah apha veve ding in amaute in Thukhaam Sawmna ni suah ziau lel uh hi. 

(Appendix 8na sim un).
Satan in thukhaam nihna hepkhiat, paihkhiat ding thu bawl hi. Tua bek tawh ama'n kicingsa nailo hi. Pawlpi makaite-in thukhaam lina zong kheel uh hi!

Mihingte-in lamdang sak luatloh nadingin hi thukhaam Lina pen damdam-in ahun tawh kizui-in hanciam-in kheel toto hi. Hi thukhaam lina ong kheelna pen Satan ii nasepna lakah ahoihpen pen leh asiamna ahi hi.

Hibang-a lipkhaphuai, diipkuathuai thu asim dingin kigingpha pha in.

Hih anuai-a lungsim ong patau sak, ong lunghiang sak thute ong bawl, ong sem khia, zuihding-in thukimna laidal thupi mahmah tawh kipsakna anei pawlpi makaite' genna thukhunte en suk ni.

"Dotna-hibang-in pawi tawh kisai thukhun, zuih ding thukhun atuamtuamte ong bawl thei, ong phuankhia thei dingin, Roman Catholic Pawlpi (R.C) in thuneihna (aana),  aneihna bangci bang thu tawh nang teci lakthei ding na hiam?
"Dawnkikna-hi pawlpi in ukna thuneihna (aana) aneilo hi leh tu-hun biakna tuamtuam leh makaite-in hi pawlpi nasep, athukheel kheel teng thukimpih hetlo ding hi- ni sagih ni Saturday ni Sabbath ni ci-in akitan'na, azuihna pen kaal khat-a ani masa ni Sunday ni pen Sabbath ni hi ci-in zuihding, tan'dingin na laihhetlo ding hi (athuneihna aom man ahi hi!) tua teng khempeuh ong laih zenzen uh hangin, Lai Siangtho' sawlna kammal khat zong omlo hi." ADoctrinal Catechism by Stephen Keenan, pg 174.

Tua thu pen apiang dingin uphuai hetlo mah hi ven maw!

Cardinal Gibbons (R.C. pawlpi' khalampu-Cardinal)in hi pawlpi' nasepna, mihingte phattuam nading-a asepsak nate hangin Sabbath ni pen Saturday panin Sunday ni tawh kheelna pen khialhna omlo-a akilawm akituak thu khat ahi hi." aci hi.

Amaute' tungah hih dotna kidong leuleu hi.

"Dotna: Sabbath ni pen bang ni ahiam?
"Dawnkikna: Saturday ni pen Sabbath ni ahi hi.

"Dotna: Bang hangin, Saturday ni sang'in, Sunday ni pen Sabbath ni hi ci-in zui i hiam?
"Dawnkikna: Saturday Sabbath sang'in Sunday Sabbath i zuih/zatna pen bang hang hiam cih leh A.D. 364 kum in Laodicea Council (Laodicea Pawlpi Khawmpi)in Roman Catholic Pawlpi in Sunday ni zuih/tan’ dingin kheel hi." The Convert's Catechism of Catholic Doctrine, pg.50 (Third Edition).

A taktak-in thukhaam lina in bang agennuam ahiam? A genna hi teng ah ki mu thei hi.
"Sabbath ni asiangtho-a zat ding phawk un. Ni guksung nomau' na semin, na nasep ding khempeuh uh na hi ding uh hi. Ahi zongin, a ni sagih ni in Topa note Pasian’ Sabbath ni ahi hi. Tua ni-in note, na tapate, na tanute, na nasempate, na nasemnute, na ganhingte uh ahi-a, peemtate in, ahi zongin, na bangmah nasem kei ding uh hi. Bang hang hiam cih leh a ni guksung tengin, TOPA in van leh lei, tuipi leh tua sunga om khempeuh bawl-a, a ni sagih ni tawlnga hi. Tua ahih ciangin, TOPA in Sabbath ni thupha pia-in siangtho sak hi." Pai.20:8-11.

Sunday ni asiangtho-a zatding ahihna tawh kisai Lai Siangtho' thupiakna, sawlna om hetlo ahihna thu pawlpi makaite-in theihna anei uh hiam?
Lai Siangtho sungah Sunday ni asiangtho-a zatding aom lohna thei mah uh hi! Hi anuai-a thu en dih ni.

Roman Catholic pawlpi' Cardinal Gibbons in "Faith of Our Fathers. pf.111 sungah, hi bangin,, gen mah hi, "Piancilna thubu pan Mangmuhna thubu dong simthei khamah niteh ahi zongin, Sunday ni asiangtho-a zatding thupiakna tawh kisai sawlna laimal khat, gual khat nangawn mu vetlo ding hi teh. Eite in asiangtho-a i zat sawm ngeiloh Saturday Sabbath zui dingin thupiakna, sawlna Lai Siangtho sungah kimu thei hi."

Na theihsa ahih mah bangin, Council of Trent (A.D .1545 kum) kikhoppi-ah biakna makaite-in "zuizia, tatzia ngeina" pen Lai Siangtho mah bangin thuneihna aana nei ahihna pulaakkhia uh hi! Amaute' lungkimna bang bangin, Lai Siangtho pen kheel theihna, laihtheihna, thuneihna (aana) Pasian in pawlpi makaite’ tungah pia hi ci-in amaute in um uh hi. "Tatzia, hekzia leh ngeina" cih pen mihing bawltawm thuhilhna cih nopna ahi hi.
Zeisu in hi bangin,, gen hi, "Mihingte bawltawm thukhaamte, Pasian' thukhaamte zahin mite tungah hilh uh ahih manin, Kei hong biak hangun akimanna om lo hi,' ci-in adawng hi. Matt.15:9.

Lawki, dawibiate pawlpi sungah ong luttheih nading, tua mite pawlpi sung ong lut nading abaih zawk nangin, milim atuamtuamte biakinn sungah asuang, akoih mah bangun, tua bang deihna mah tawh Sabbath  zong ong kheel uh ahi hi.

Hi thute koici bangin kipan khia ahiam?

Babylon kumpi' khan lai-a kipan tanglai pek-in lawki, dawibiate adingin, "Ni" pen pasian taktak, abulpi-in nei uh hi. "Ni" pen Sunday ni biakpiak ni in ong zatna hangin, na khempeuh alemtuah nuam pawlpi makaite-in tua bangin Sabbath ni pen Saturday ni panin Sunday ni-ah zat/neih dingin ong kheelna, ong laihna uh hangin, na tampi akheelzo, atangtun zo ding lametna nei uh hi. Nambat khatna-a kipat-a kipan (tuni ciangdong kizang toto)Saturday Sabbath azui Zeisu teekteek (Luke 4:16) Romans minamte ii muhdahna athuak Zeisu minamte tawh zong hi bangin biakpiakna ni te laihna hangin akigamla toto, akisawhkha kha nawnlo ding cihna thu zong ahi hi. Nambat nihna-lawki, dawibiate in taanglai hun-a kipan biakpiak ni-a azat uh Sunday ni mah zang le hang Khristian pawlpi sungah tua dawibia, lawkite ong lut ziahziah zaw ding cih ngimna zong ahi hi.

A ngimna bangun ong tangtung takpi hi. Atul tampi dawibia, lawkite Khristian pawlpi sungah ong lutbeh uh hi. Santheih kim ding ngaihsutna tawh Satan' geelna pen agentheihhuai, adahhuai nasep asem, ong suak hi. Hi bangin,, kheelna pen damdam in ong khang semsem-a, ahi zongin, lungsim thumanna anei, acitak Khristiante ahih leh lung patau-in, diipkua hi. Amaute pawlpi makaite kiangah ong pai-in hibang-a Vaanglian Pasian' thukhaamte hangsantak-in alaih ngamna uh, atoknawi ngamnate bang hang hiam cih theinuam uh hi! Hibang thute ong piankhiat ding pawlpi makaite-in theikhol khin hi-tua mah bangin, dawnkik nading zong kigingsa-in, nei khin uh hi. Tua pen sepkhiatna lakah ahoih penpen ahi hi. A zenzen in, mikhat in Lai Siangtho hoihtak-in telkei leh ahoih thu khat ahiphial dingin kilawm hi.

Zeisu ong thawhkikni (Sunday) ahih manin tua Sunday ni pen biakpiak ni dingin, kizangh, kitaang hi ci-in tuhun ciangin, mite tua bangin thuhilh uh hi.

Tua bangin, i zat ding Lai Siangtho sungah akigelhna gual khat zong omlo hi, ahi zongin, tua bangin amaute kithuhilh uh hi. Hithu lamdangsa lo na hi uh hiam? Tua thu nang teekteek-in zong zakhin kha maiphial ding hi teh!

Kumpi Constantine Khristian ong suah-a, kipan Khristian biakna pen kumpi biakna ong suak ahihna na phawk uh hiam? "Ni" abia mihonpi tul zalom tampi pawlpi sungah ong honlut ngeingai-a kipan pawlpi sungah asawtlo-in huzaapna ong nei uh hi. Pawlpi ulian, makai atamzaw pen "Ni" bia biakna sung pan ong lutte ahi uh hi. Rome kumpi gam ong linglawng-in, ong kippha nawnlo ahih manin, kumpi nasem, ulian, makaite tawh thukikupna Constantine Kumpipa in ong nei hi.

"Bang hih ding i hi hiam?" Kumpi ong kip nading leh kipumkhat nading eite in bang semleng hoih ding ahi hiam?

Pawlpi makaite' thukikupna ahun ong lap bilbel cih ding ahi hi.

"Sunday law om sak ni (Sunday ni bek zatkhop ding geelna). Mi khempeuh in Sunday ni nasep tawlnga-in tua ni pahtawi ding thuneihna (aana) sawlna thupiak ding geelna hi."
Tua pen ong hi takpi hi! Hithu hangin "Ni" biakna pan Khristian ong lutte lungkimsak-a, tua in lawki, dawibiate tawh zong kipumkhatna nei sak zo pah-in, nidang sangin, Rome kumpi gam pen kipumkhatna ong nei zaw pekpek hi.

Constantine kumpipa in makaite' ngaihsut (cian) piakna tawh kizui-in A.D.321 kum in a masa pen pen Sunday law ong bawl hi! Hi tengah tua thu tawh kisai ciaptehna taktak kimu thei hi.

"Kumpi nasem, khua sung mi khempeuh leh sumbawl mimal khempeuh in azahtak kaai Sunday ni tawlnga ciatta uh hen!" Edict of March7, 321 A.D. Corpus Jurius Civils Cod, lib.3, tit.12, lex.3. (Hi thu taw kisai a kicing in na sim nop leh Appendix 9 na sim in).
Pasian deihna leh lungkimna bang-a aom lo, Pasian azahtaklo Khristian pawlkhatte pen buaina, nopmawhna aneihna uh ong kithei ta uh hi. Satan in kiim leh paam ah na nakseplua ahih manin, lawki, dawibiate "Ni thupi" pahtawina, zahtak nading thuneihna (aana) tawh tawisanna na ngah ding-a ahih kei leh athaman thuak ding cih thu bek ong om hi. Kumpipa in Sunday ni zat ding thukhun ong piak akipan Khristian atamzaw in Honpa Zeisu in azat ni sagih ni Sabbath ni mah   azui suak teitei ong om to hi. Ong piang ding thu Pasian in atheikholh mah bangin, mihingte' mawhna lungsim hangin, "hun leh thukhaamte kheel ding hanciamna" thu zong ong genkhol khin hi. Satan in leitungbup khemna, a-uphuaiphial ding ziaunate ong sem khia hi.

Lai Siangtho nei ding, simding pen siampite in khaam, phallo hi. Tua tawh kizui-in khang khat khit khang khat (Lai Siangtho lo-in) mihingte in Topa' Sabbath ni tawh kisai mangngilh diaidiai ta uh hi.

Tua bek hilo-in hunkhat khit hunkhat pawlpi tawh kisai thu kikupna lianpi kineizel zel hi. Leitung piansakna phawk nadingin Pasian in ong piak Sabbath pen mi atamzaw in nuaisiah tektek uh-a, Sunday ni pen lamsang in pahtawi uh hi. A tawpna ah lawki, dawibiate' pawi neih ni te pen "Topa Ni"-a zat dingin kheel uh hi (by Pope Sylvester,314-337 A.D)tua bektham lo-in ngeina khat bangin sehsak lel uh-a, Pasian'thukhaam lina athumang-a tua thukhaam azahtak, apahtawi mite "samsiat” uh hi.

A bulpi-in thukhaam hepkhiat, paihkhiat theih nadingin, "Ni" biakni dingin Sunday ni tawh ong bawltawm in ong zang/tang uh-a, Lai Siangtho pen ong nawlkhin uh hi, leitung in a-up, asantheih dingin, thuneihna (aana) tawh tawsawn uh hi - hi thu abawl mite pen khemna leh zuauthu tawh nasemte ii kumpi ahi hi!

Satan in thukhaam nambat lina adangdang thukhaamte' sangin, amuhdah zawkna na thei uh hiam? bang hang hiam cih leh hi thukhaam nambat lina in leitung, vantung leh tuipi sung-a aom na khempeuh abawl-Pasian ahihna thu gen ahih manin Satan in hi thukhaam nambat lina zadah, huatna in nei hi. Pai.20:11. pasian khat pepeuh bia-a adang thukhaam kua (9) teng (thatlo ding, gulo ding, cih atuamtuamte) zuithei kha mah ni teh ahih hang thukhaam nambat lina zui cih pen ni sagih ni tawlnga, thupha apiak mah bangin, mihingte-in azuih nangin thu apia leitung, vantung Abawlpa bia cihna ahi hi-tua mah bangin, Pasian tawh a-ithuai, itna tawh kidim kizopna aneite zong i hi hi.

Kum zalom tampi ong bei toto ahih mah bangin, Lai Siangtho tawh akikop khalo mitampi tak-in Pasian' Sabbath ni ong phawk nawnlo uh-a, Sunday ni zatna, zuihna pen atawpna ah bulkip takin ong om ta hi. Hithu tawh kisai tuhun ciangin, mi tampitak-in awlmawh nawnlo-in, phawkkhak in zong ong nei nawnlo hi.

Kong gensa mah bangin, Waldenses akici biakna kipawlna leh adangdangte in zong, hi "khim zinghun" sungin, asimtham-in Lai Siangtho nei kim ciattek uh ahih manin, Zeisu in zong azuih Sabbath ni-Lai Siangtho Sabbath mah akhang akhang in kemcing-in zui tek uh hi. Ahi zong tua bang-a Lai Siangtho Sabbath azuite pen thukhaam palsatte hi ci-in kiciamteh zaw behlap hi. Tua bang mite kimatna ong thuak uh ciangin, asih dong mah uh bawlsiatna athuak uh hi. Bawlsiatna athuak tua mi siangthote alipkhaphuai, mihing meel zong apua nawnlo amau' luanghawmte-in leitungah hi pawlpi makaite in, tha leh ngal, hiamgam ahihna uh pholaak khia hi.

Ni tawpni-a, Pasian' mi siangtho acitak mite in, hi bangin,, gen uh hi, "Pasian thupiakna zui-in Zeisu tungah acitak Pasian' mite' adingin thuakzawhna kisam hi." Mang.14:12.
Tu hun khangthak ah pawlpi makaite-in, Sabbath ni pen Pasian kheel hilo-a, mihingte kheel ahihna thu kisikna kam ong pauta uh hi. Hi anuai-a  Protestant makaite (R.C.pawlpi ahi lo          adang Khristian pawlpite Portestant kici hi) ii Lunghimawh patau uh-a, atheihkhiat uh thute  i en ding hi:
Methodist- "Ni sagih ni Sabbath zuilo-a, nipi khat sung pan ani masa ni i zuihna pen a thuman thupiakna tungah akingaa, bulphuh in akizui hi peuhmah lo hi. Ni sagih ni zuilo-a kaal khat-a ni masa ni zuih ding thupiakna Lai Siangtho sungah om hetlo ahihna akua mapeuh in thei ding uh hi." Clovis G.Chappell,Ten Rules for Living,p.61.
Baptist- "Saturday Sabbath ni a siangtho a zatding sangin Sunday ni a siangtho in zat ding hi zaw hi ci thupiakna lai Siangtho sungah om vet lo hi,"ci in "Khristianity Today"magazine editor a sem ngei Harold Lindsell in Khristian Today,November 5,1976 kum in pulaak khia ngei hi.
Episcopal- "Ni sagih ni tawlngak ding Lai Siangtho thukhaam in ong sawl hi.Tua i tawlngak ding nipen Saturday ni ahi hi.Sunday ni a siangtho in zat ding hi ci thupiakna Lai Siangtho koi mun peuhmah ah ki pulaak lo hi."Philip Carrington,Toronto Daily Star,October 26,1949.
I sanggam, i lawm Roman Catholic Pawlpi mite in hi bangin, kikheelna ong piankhiat zia thei uh hi. Amaute in hi bangin, gen hi. "Council of Laodicea (Laodicea khua kikhoppi)kikhoppi abawl hun laitak-in Roman Catholic pawlpi in azahtakhuai, avaangnei Saturday Sabbath zatna panin Sunday Sabbath biakpiak ni tawh ong kheel uh ahih manin, eite khempeuh in zong Saturday ni Convert's Catechism of Catholic Doctrine,Third edition,p.50.

Catholic Press (Catholic Thusuahna Laihawm) in hi bangin, gen hi, "Sunday ni biakpiak ni dingin zatna pen Roman Catholic te' phuatkhiat ahi hi, tua bangin, Sunday ni zuih/tanna pen Roman Catholic thuguikhun sung bekah kimu thei-a, kaal khat sunga ni tawpni Saturday ni zat sangin nipi khat ii a ni masa Sunday ni zat ding hi cih kheelna thupiakna tawh kisai Lai Siangtho sungah akipatna pan atawpna dongah mal khat,  gual khat beek kigelh lo hi.

Ni sagih ni tawh kisai Lai Siangtho lui sungah 126 vei leh a thak sungah 62 vei Pasian in gen hi. Nipi khat ii a ni masa Sundy ni tawh kisai Lai Siangtho athak sungah 8 vei kigelh hi. Saturday ni Sabbath biakpiak ni sangin, Sunday ni Sabbath biakpiak ni-a zat zawkding ahihna thu Lai Siangtho in asawlna, athupiakna amu, atheikha khat pepeuh aom khaak zenzen leh Roman Catholic siampi khat in $ 1000 kapia ding hi ci-in, pulaakkhia ngei hi. Ahi zongin, tua bangin thupiakna, sawlna om mah hi aci khat zong om nailo hi. Kei mahmah in zong tua bangin,           kapulaakkhia ngei-a ahi zongin, kua mah peuh mah in ong dawngkik nailo hi.

Nipi khat ii ani masa ni tawh kisai giat (8) vei, Lai Siangtho sungah akigelhna thu alamdang in na et paknop leh thunung behlapna 10 (Appendex 10) na sim un.

Hi bangin, ganhing’ thuneihna (aana) anei kii neu in, "hun leh thukhaam kheel ding sawm hi" ci-in Daniel 7:25 sungah kigelh hi.

Thukhaam nambat nihna kibotkhia, kipaikhia-a biakinn sungah milim kikoih zawta hi. Hun leh ni tawh kisai ahih leh thukhaam nambat lina in gen hi. Adiipkuathuai thu taangkona en dih un: "Pope in hun leh ni te kheelna thuneihna (aana) anei hi, thukhaam leh Zeisu ii thupiakte nangawn akipan na khempeuh adeih bangin, bawl theihna, maapna zong nei thei hi." Zeisu ii thupiak sawlnate deih bangin, bawl theihna, maap theihna, thuneihna (aana) zong nei-a tua mah bangin, thupia in gamta zelzel hi."

Decretal, de Tranlatic Episcop Cap
Eite' biak i Pasian pen migi-in, thuman hi cih na lungsim sungah koih un. Athupaizia theihkhak lohna hangin, Pasian' thukhaam nambat lina palsat in, Sunday ni biakpiakna dingin, azangkhate ahi leh kikhialsak, kimawhsak lo ding hi. Ahi zongin, thei pipi mah in Pasian' thukhaam palsat-a, a thupaizia thei mahmah napi azui nuamlo te ahi leh mawhna bawl hi ci-in, kiciamteh ding hi. Pasian' thukhaam khat pepeuh zui nuam lo-in, palsatna pen Honpa Zeisu ii na asak nangin , mawhna bawlna ahihna leh kisikkik kei le hang, Topa tawh tawntung nuntaakna tanlawhna ahih lam Pasian' galte in thei mahmah uh hi.

Satan' tatzia, na sepzia pen thuk mahmah ahihna Pasian' nasem tampi tak nangawn-in phawkkha lo hi. Pawlpi makai tampi takin hi thu pen pawlpi mite' theihkhak loh nadingin, nakpi takin hanciam uh hi. Lipkhaphuai, kinialhuai mahmah sam na ven ahi zongin, athu pen aman taktak ahi hi. Pawlpi sunga nasem siate peuh mah in zong nidang hun lai-sia masa te ii sin dan tawh akilamdang thu leh la asang kahnate ah sin tuan hetlo ding uh hi. Tua mah tawh kizui-in a sia masa te ii hilhdan mah in apawlpi mite uh hilh uh hi. Hi athuhilhzia uh pen akhang akhang in kizom paisuak hi. Pasian in ni sagih ni Sabbath thu tawh kisai athuhilhnate na tello sawnsawn tek uh hi. Ahi zongin, citaktak-in Lai Siangtho asimciat ciat, akanciat ciat na hangun, amaute' mitte kihong in thu ong telthei uh hi. Mi atamzaw in apawlpi siate ii thuhilhna bek tawh a lungkim ziau in, Lai Siangtho leh Pasian deihna bang thu teng hiam cih na kantel nawnlo uh hi. Hi thu kong gente na um uh hiam?
Amaute’ suahtak nading ong tankhia Honpa Zeisu ii thu a-itna uh tawh athumang uh ahih manin, leitung mun khempeuh ah Lai Siangtho sungah alamdang thuman Pasian' Sabbat ni azui, atang tul zalom tampi tak mah om ahih manin, ken Pasian min ka phat hi.

Pasian' Sabbath ni asiangtho-a zat ding na kipat-a kipan nang sungah lungnopna, nuamna ong om ding hi. Na lungsim sungah lungnopna, akhum mahmah nuamnate ong dim ding hi. Hi banga na gamtatna hangin, Pasian in itna tawh ong thupiakte palsat nawnlo na hihna leh Amah tawh akinai semsem-a atonkhawm na hihnate nang sungah kiphawk thakna na nei ding hi. Mangmuhna thubu sungah nitawpni ciangin, acitak mite in, "Pasian thupiakte zui-a, Zeisu a upnate apom suak" mi siangthote' thu lakkhia hi. Mang.14:12.

Pasian' ong piak thukhaam nam sawmte kisam nawnlo, beita hi ci-in, Pawlpi siate in athuhilh nangun Satan in nakpitak-in, hanciam mahmah hi. Ahi zongin, Pasian' thukhaam gukna (that kei un), giatna (gu kei un), leh kuana (zuau thu gen kei un)te palsatna pen cik ciangin, bang hun ciangin, thuman hi, khialhna omlo hi kici thei ding ahiam? Hi thukhaamte pen siata leh phata leh, bang dinmun bang thu ahiphial zongin, a omlo thei lo thu ahi hi bang hang hiam cih leh hi te pen Pasian leh nang' kikal-ah anamtui kizopna ong pia thukhun ahi hi. A zenzen in khat, na palsat khak zenzen leh avekin apalsat na hi hi (James2:10, 11). Hih Pasian' thukhaam sawm pen lawm kingai mi nih tawh kibang hi-avek in ahih kei leh bangmah om vetlo khat zaw saangsaang ahih kul hi.

Zeisu in hi bangin, gen hi, "Moses' Thukhaam leh kamsangte' thuhilhnate aphiat dingin, hong pai hi, ci-in hong ngaihsun kei un. Tuate aphiat dingin, hong pai hi lo-in, amaute' hilhna             akicingsak dingin, ahong pai ka hi zaw hi. Hoih takin, na phawk ding uh thu panin: van leh lei      abei mateng, hi thukhaamte aneu pen khat nangawn deihna tangtung lopi-in, mawkmailo ding hi." Matt.5:17, 18. Vantung leh leitung tu ciangciang bei mangnailo hi. Eite pen i thu mangna tawh hilo zaw-in, akhawnkhong Pasian ong piak hehpihna hangin, gupkhiatna i ngah hi cih thu pen athuman ahi hi (Eph.2:8). A siangtho takin upna tawh Pasian ong piak gupkhiatna pen eite in, piakkhong akhawnkhong in ngah thei i hih manin, Pasian min kaphat hi. A zenzen in mi khat in, Pasian' thu mang nuam vetlo-in, atawntung-a, thunial nuam den mi khat ahih leh Pasian thu zui dingin, akipiakhia nuamlo taktak ahih manin, tua bang mite in, Pasian it hetlo cihna hi-a,           akhawnkhong-a kipia tua piakkhong pen ngahzo lo ding uh hi. Tua bang mite pen apiangthak nai lo mi ahi hi. Pasian' mi taktak i cihte pen athumang mi ong hi ding uh-a, Pasian it mahmah uh     ahih manin, alungnuam mi ahih banah, Pasian langpang-in, mawhna bawl sangin, si hithiat nuam zaw ta lel uh hi! Zeisu tawh tonkhop ciangin, thumanna cih pen alungnop huai mahmah thu khat ong suak ta hi!

Moses in, thukhaam khat bek ngahlo ahihna thu mi tampitak adingin lamdang mah ding hi. Sinai mual tungah Pasian in atawntung-in akipden ding thukhaam nam sawm Moses tungah pia hi. Thunung behlapna 11 (Appendix 11) sungah akigen mah bangin, Moses tungah Pasian in biakna, pawi leh ngeina tawh kisai thukhaam zong pia hi. Hi thukhaam sungah ganhing tawh kisai gangawhna thahna leh pawi tawh kisai thuguikhunte kigelh hi. "Mawhna hangin, thu ong kibehlap" ahi hi, tua thu in, Pasian' Tapa singlamteh tungah ong kipiakkhiat ding thu akawk khol ahi hi. Mawhna hangin, hi bangin, kipiakkhiatna ong om ding ahihna thu mihingte' lungsim ah athaksuah den dingin, deihna tawh akibawl ahi hi. Tua mawhna, khialhna, aneilo tuuno-in, "leitung mite' mawhna apuakhia ding Pasian' tuuno" limciing hi. John 1:29. Zeisu pen eite       ai-awh in ong sihtakpitna hangin, biakna leh pawi tawh kisai thukhaam pen kisam nawnlo hi.

Pasian in, mihingte tungah apiak thukhaam adang khat om lai-hi. Tua thukhaam pen cidamna tawh kisai thukhaam hi-a Siam.11 leh Thkna.14 sungah kimu thei hi. Hi bang thukhaam hangin, Pasian mite pen leitungah acidam pen te ahi hi. Tu hun-a, leitungah aom i neih natna, adang minam tuamtuam te ii neih alipkhaphuai natnate Pasian mite in, ngahlo zawpah uh hi. Amaute    Amah tawh kibangin eite in zong gilpi, pumpi i neih tek mah bangin, hi banga, acidamhuai, pilna, hoihna tawh akidim tu hun-a, cidamna tawh kisai thukhaamte azui mi akua mapeuh in zong, hi banga, lungnop huai thumante, hamphatnate ngah ding uh hi. Tua bang mite in, alipkhaphuai cancer, lungtang natna atuamtuam ngahlo zaw deuh pah uh hi. Eite' biak Pasian pen thudik, migi hi! Tuate hangin, a-ithuai Pa-Zeisu tawh kingaihna, kilawmtatna ong piangsak hi.

Biakna le pawi tawh kisai thukhaamte ahih leh singlamteh tungah ong bei khawm hi. Hi thukhaam sungah ganhing biakpiakna, sa leh zu (dawn theih tui) tawh biakpiakna leh kum khat sungin, akilaih bialbial kaal khat sungin, akizang pawi sabbath nam sagih te zong kihel hi.

Hi thu khempeuh in, Singlamteh tungah sihna ong thuak Zeisu Honpa' sihna akawkkhol ahih banah eite adingin, tu hun ciangin, mannei nawnlo hi. Hi banga, sa leh dawn theih tui(zu) tawh biakpiakna, kha thakte leh sabbath atuamtuamte pen "mailam-ah ong piang ding thu lim leh meel lakkholhna hi-a, tu-in ataktak ahi Zeisu Khazih pumpi ong omta hi." Col.2:16, 17. Tuate pen singlamteh ii "aliim" ahi hi. Paul in tuate pen "zuihding-a kibawltawm thukhun" ci-in gen-a, tuateng khempeuh "Singlamteh ii Pupi Zeisu tawh kikilhcip" khinta ahih manin, om nawnlo, siangta hi ci-in gen hi. Col.2:14. Ganhingte that in biakpiakna i bawl ding kisam nawnlo ahih manin, ka kipaak mahmah hi, nang ee leh? Kum khat sunga akilaih bialbial pawi sabbath sagih te pen adang dang pawi tuamtuamte tawh kipaikhia-a "Topa' Sabbath" tawh kilamdang mahmah in, kibang lo hi, "Topa'Sabbath" ahih leh kaal sim-in ong tung den hi. Hi leitungah Pasian tawh kizopna i neih nadingin, kaal sim-a ong tungden Sabbath pen Pasian in amite tungah zuih ding, tanding bek ong sawl bek hi lo-in, vantung nangawn-ah zong tua Sabbath i zuih ding thu Lai Siangtho in gen hi! Isa.66:22, 23. Pawi thukhaam leh thukhaam nam sawm      aki lamdan na alamdang takin, akilahkhiatna na sim nop leh thunung behlapna 11 (Appendix 11) sim un.

Mihingte ii khang taangthu sungah alianpen pen khemna nasia mahmah Satan in mitphial khat ong bawl hi.

Hi bangin, adiipkuathuai thu en dih ni-Catholic Pawlpi Thuneite-in, thu taangkokhia uh hi: "Lai Siangtho in hi bangin, gen hi," 'Sabbath ni asiangtho-a zat ding phawk un! Roman Catholic pawlpi in hi bangin, gen hi, hilo hi! Keimah ii thuneihna tawh kei mah in Sabbath kahemkhia-a, nipi khat ii ani masa ni zuih dingin, note thu kong pia uh hi. Tua ciangin, en un, leitung mi khempeuh in zahtakna lianpi tawh Roman Catholic Pawlpi ii thupiakna zui in na om ciat uh hi!" Father Enright, C.S.S.R. of the Redemptoral College, Kansas City, Mo., as taken from History of the Sabbath. pg. 802.

Lamdang mah ei! Lai Siangtho in agen lamdang hetlo hi: "Gulpi in tua ganhing tungah amaa thuneihna (aana) pia ahih manin, mite in tua gulpi abia uh hi. A ganhing zong bia uh-a, "Hi ganhing tawh akibangin kua om a, kua in amah su zo ding ahi hiam? a ci hi. Tua ahih manin, akigo Tuuno’ laibu sungah anungta ding mite' min, leitung pian'maa pekin, akikhumna-ah akiello leitung mi khempeuh in tua ganhing bia ding uh hi."Mang.13:4, 8.
Hi bang thu uphuai keiphial veh ee!

Hun leh nite abei, amangthang om lo hi. Khazih leitungah aom hun lai-a, nite leh tu hun ei khanga nipi kaal hunte akibatzia na sim nop leh thunung behlapna 12 (Appendix 12) sim un.
Hih Pasian thukhaam leh anite tawh kisai Lai Siangtho mat ding aneilo pawlpi sia pawlkhat in hi bangin, gen kha ding uh hi, "Pasian’ thukhaam leh athu tawh kisai bangmah lunghimawh kei un. Nisim in, Pasian bia un ahih kei leh ni sagih ni khat pepeuh zangin, Pasian bia un. "Pilna nei Lai Siangtho siam pawlpi sia pawlkhat na ngawnin zong hi bangin, gen uh hi. "Lai Siangtho tawh kisai na zuihna, na upnate uh lunghimawh dah un, tuate khanglui vai lua lel hi. A hoih nuntaakna neihsawm un, na khempeuh ahoihpen pen ong piang ding hi. "Saturday ni asiangtho-a zatding sangin, Sunday ni biakpiakni-a, zatna tawh kisai pawlpi sia pawlkhat in citaktak-in hi bangin, gen ding uh hi, "Ni sigih Sabbath ni Saturday ni pen Lai Siangtho sungah Sunday ni tawh kilaih hi cihna thupiak om hetlo ahihna kathei mah hi, ahi zongin, tua bang thu apianzia man taktak mipite genzen zen khaleng kanasep kataanlawh kha ding hi."

Ahi zongin, anasep asuplawh ding alauna tawh kisai-in, agamtang Pilat Mangpa zong buaina sungah tunlawh ahihna na phawk uh hiam? Mipite hi bangin, ong kikokhia-a, "Hi mipa na khah peuhmah leh nang pen Caesar' lawm na hi kei ding hi," (John 19:12), Pilat Mangpa zong lungpatau hi. A zenzen in, Zeisu suahtakna pia khazen zen leh mi honpite in, koici bangin, lehdo ding cih kigen theilo hi. Tua bang hi leh anasep tanlawh ding hi! Taangthu sungah hi bangin, kiciamteh hi, "Pilat in  mihonte lungkim sak nuam ahih manin, Barabbas khah-a, Zeisuh asat khit ciangin, singlamteh tungah thah dingin, galkapte' khut sungah a-aap hi." Mark 15:15.

Tua thu bel khauhpai mahmah ei!
Keimah in kong genkik hi-lamdang sa kei un, leitung mi khempeuh tua ganhing' nungzui-in, abia ding uh hi-lamdangsa kei un! Amaute’ nasep ataanlawh loh nading ahih kei leh mihingte in amau nuntaakna tek hu nuam uh ahih manin thukimpih-in  azui ding uh hi.
Hi thupiangte hoihtak-in, sittelna tawh thuman athei mipi atul atul-in, Lai Siangtho lamzuan kik-in ong ciahkik uh-a, atawntung atawpdong Zeisu nungzui suak uh ahih manin, Pasian min ka phat hi. Pasian in naupang khat na ngawn-in atel dingin deih ahih manin, atheihbaih mahmah dingin bawl hi.

Vantung Pasian leh Tapa Zeisu lungsim takpi tawh citaktak-in a-it takpite bek atawpdong khauh takin ding suak ding uh-a, tua ganhing ii "ciaptehna" ngah loin zong abia kei ding uh hi.

Gen kizomlo-in, gen dihdih leng-tua alauhuai "ganhing ciaptehna"-acih pen bang ahiam?           Adiipkuathuai thu pawlkhat athei dingin kiging un.


CHAPTER V
GANHING II CIAPTEHNA

NA KHAWL PHOT UN! CHAPTER 2 "GANHING KITELLAHKHIATNA" NA SIMNAI KEI KHAK UH LEH HI CHAPTER 5 SIM NAI KEI PHOT UN.

“Ganhing ii ciaptehna" leh "Pasian ii ciaptehna"cih thu nih pen akilehbulh thu ahi hi. Ni tawpni ciangin, mi khat ciat khat ciat in, hih ciaptehna nam nih lakah khat peuhmah angah kha ding vive i hi hi.

Pasian' ciaptehna lim ateel mite, ahih leh alamdang Amaa bawlsa gamah Zeisu tawh om khawm kha ding uh-a, eite' ngaihsutna mawk mawk tawh i bawltawm theihloh anopci gam nuam sungah i mangkhawm ding hi. Tua munah itna, hehpihna, migitna leh lungnopnate tawh kidim ding hi. Ganhing ii ciaptehna anei, asangte ahih leh mei-liipi sungah kikhia ding uh hi.

Mihingte ahih leh! Eite in i deihloh thu khat om-a tua pen ganhing ciaptehna ahi hi!
Khemna, zuauna teng lakah zuauthu tawh akidim phadeuh thute atelkheh dingin, i kipanta ding hi-hi banga, kikhemna, zuauthute hangin, hi leitung pen tua bang khemna sungah atawntungin lamet bei-in mangthang ding hi. Hi thu pen sa-ngawngsau'(kala-oh) nung zang "ciaptehna" thu tawh kisai Pasian in ong gen ding thute hoihtak-in ngai ding hi hang.

"Tua ciangin, vantungmi athumna in amasate gel hong zui leuleu-in nakpitak-in, "Tua ganhing leh alimbia-in ataltang ahih kei le akhut tungah ciaptehna angah mi peuhmah in, Pasian' lenggahzu zong dawn ding uh hi, Pasian in amaa hehna ahi leengahzu khauh pen amaa hehna hai sungah adimtak-in, sung khin zo ta hi. Tua bang mite pen asiangtho vantungmite leh Tuuno mai ah meikuang leh kaat khu twah gimna kipia ding hi." Mang. 14:9, 10.

Ganhing ciaptehna tawh kisai baih takin i tel theih nading lampi nih om hi. Nambat khat-amaa thuneihna akiciaptehna lim leh meel bang hiam cih tua ganhing dong un. Siangtak-in, tua thu ong gen ding hi. Nambat nihna- "Pasian ii ciaptehna" bang hi cih zong masa un, tua "ciaptehna" pen atuampi khat, akilehbulh thu ahi hi.

Tua ganhing ii ciaptehna thu tawh kisai i ngah khak ding patauhna tawh nasiatak-in, patau hilhkholhna ong kikokhiatna adeihna pen tua ganhing ciaptehna angah mite pen Pasian alangdo taktak te ahih manin, nakpitak-in ong kihilhkhol hi zaw hi. Tua ahih manin, tua ganhing ciaptehna angahte pen mangthang taktak ding ahih manin, ong kihilh ahi hi. Pasian ii ciaptehna a ngah, a sang mite ahih leh a-itna, akhamuanna uh tua ganhing sangin, Pasian tungah ong lakkhia zaw ding uh-a, sihna, bawlsiatna athuak uh hangin puuk tuanlo ding uh hi! Hi mah ei!, thuneihna (aana) leh zawthawh bawlna ong zangtei tei ding uh ahihna Lai Siangtho in gen hi (Hi bang tatzia pen ganhing ii deihmah mah nasep zia ahi hi).Tua ganhing' thuneihna (aana) anialte pen kibawlsia ding, kideihlo ding, neihsa vante zuak khuan leh leikhuan kipia lo ding banah a tawpna ah thahna sihna kipia ding hi!

A lamdang, diipkhuathuai hih kammalte enpha pha dih uh. Tun ahih leh "ganhing ii ciaptehna" amaa thuneihna (aana) tawh "sihna thupiakna"te lakin agamtatna thu phawktek ni.

"Tua ganhing nihna in, ganhing masa lim dingin, akibawl milim sybgag ahu amuap ciangin, hong pau thei-a, tua milim abialo khempeuh athah theih nading thu angah hi. Tua ahih manin, tua ganhing min ahih kei leh amin tangin, a nambat ciaptehna atungah anei lo mi peuhmah, van lei van zuak in paikhia thei lo uh hi." Mang.12:15,17.
Abang lim hi mawk ahiam!

Bangci bang lampi tawh hi thute na en phial zongin, buaina, gimna in, hi leitung ong vukcip hi ta hi. Mi tampi takin hi thu ong phawkkha, thei kha ding uh hi. Tua hun pen ong sawt nawn hetlo ding hi.

A lungsim takpi uh tawh Pasian a-itte in mihonpite' deih bang, sep bangin, ong zui hetlo ding uh hi-bang bang apiang zong laulo ding uh hi. Sihna ii alauhuaina thu ah zong hangsantak-in, ding ngam ding uh-a, anungta Pasian ii ciaptehna ataltangte tungah ngah ding uh hi. Hi thu nang zong na teel hiam? Hi thu pen thu mawkmawk hilo hi-hi thu pen atawntung nuntaakna tawh kisai thu ahi hi, ahih kei leh akilehbulh thu zong hi kha thei hi.

Pasian'ciaptehna thu tawh kisai hi bangin, gen hi. "Tua ciangin, Pasian' ciaptehna atawi vantung mi khat, ni suahna lam panin ahong paito kamu hi. Leitung leh tuipi suksiat theih nading vaangliatna akipia vantungmi lite kiangah amah in nakpitak-in gen-a, "Pasian' nasemte, a taltung uh-ah ciaptehna i bawl khitmaa tengin, leitung, tuipi leh singkungte susia nai kei in," a ci hi."Mang.7:2, 3.

"Huih" cih thu pen Lai Siangtho genkholhna sungah "galpi" ahih kei leh nakpitak-in kisankhiat na ci-in kigen hi. Leitungbup galpi asawtlo-in, ong piang dinga, eite in zong asawtlo-in, i mu ding hi. Ahi zongin, hi teng munah galpi, siatnate ong tunmaa, Pasian mite leh anasemte in Pasian ciaptehna angahkhit tek masiah gimna, haksatnate akibawl nailoh nadingin, vantungmite in susia nailo-in, ahun ngaklai ding ahihna kigen hi. Tu-in Pasain mai-ah na khempeuh siatna, hoihlohna, gamtatsia/khel atuamtuam tawh kidim dinga, siatna, bawlsiatnate ong tung takpi ding hi, ahi zongin, Pasian' hehpihna leh itna, athukhualnate in ong lehkaihkik phot ding hi-ahih hang tua hun pen sawtvei hetlo ding hi. Tua hun ciangin, "meikhupi ii tuamcipna" hun leh gal leh sa tawh kidimna hun ong tung ding hi. "Athahat gam leh minam", adang minam atuamtuamte in "kilemna" thu ding tawh kisai kikumpha pha keei zelzel ding uh hi. Gam tuamtuam, minam tuamtuamte in kilemna ding thutawh kisai gengen in, hanciam kawmkawm mah-in "pilna sang, van hoih nono tawh gal kidona" ong sawm ngeingai in, ong kiging phengphang ding uh hi. "Kilemna, kilemna" ci-in mi tampitak kikokhia, lunggulh in buai keei ding uh-a, ahi zongin, kilemna om lo ding hi.

"Ganhing ii ciaptehna" ong kithakhauhsak, kikipsak nailian hetloh hang lamet loh, geelkholh het loh-a, ong piang ding thu zong hi tuanlo hi. Ahi zongin, asawtlo-in, vantungmite-in, phalna ong pia in ong kipan hak nawnlo ding hi! Pasian' ciaptehna ngah mi pawlkhat akibawlsiatna T.V, Radio ahi zong atuamtuam pan i zakna, i muhna aom mah bangin, mihingte in "Pasian' ciaptehna" leh "Ganhing ciaptehna" akilamdan zia ong telkhia ding uh-a, amau muhzia, ngaih sutna tawh ong om ding uh hi. Alamdang thupiangte na theih nadingin Pasian in hi laibu nang adingin, ong piak, ong teel sak zong hi kha ding hi! Tu laitak nasim thu leh thupiang pen ong kituakkhawm, ong kituntuah thu cih zong hipeuhmah lo hi. Satan in bangzah-in daltan, khenkhia, gakcip nuam mah tase leh Pasian in Amaa "ciaptehna" thu tawh kisai apaizia athei ding, hih ciaptehna thu angah thei dinga kihel thei dingin akiniamkhiat, alungduai Zeisu nungzuite ong hungaih, ong ngakngak hi.

Hi ganhing ciaptehna leh Pasian' ciaptehna thu tawh kisai mihingte ong buai, ong kihel ngeingai bek thamlo-in, atawpna teelna, khensatna ong nei ding uh hi-tua hun abeina hun ong hi ta ding hi! Tua ciangin, mihingte ading hehpihna hun ong beita dinga, gimna nam sagih leh leitung' beina ong hi ta dinga alamdang gal kidonate zong ong tung ding hi, (Hi thu tawh kisai asawtlo-in i sim toto ding hi).Tua hun ciang na dinna, na omna mun pen tu laitak nang ii khensatna, teelna ong hi ding hi!

A masa pen thu ah Pasian' "ciaptehna" bang ahiam? Ciaptehna i cih pen zumvai tawh kisai thukhun tawh kituak-a nasepna ahi hia? Thukhun, thukhaam cih pen ukna thuneihna (aana) anei kumpi ii ciaptehna lim leh meel tawh kipsakna letmat kituum suk hi. Ciaptehna pen nam thum bangin kikhen hi:
1. A-uk kumpi' min
2. A-uk kumpi' zaa /dinmun
3. A-uk kumpi' mun leh gam teng
A-uk kumpite' ciaptehna lim leh meel pen thukhaam leh sum tungah ciaptehna letmat akitup suk ciangin, thukhaam tawh kituak hi ci-in kizang thei pah hi. Acitak gam minam khempeuh in tua thu zui ciat uh hi. Psian in zong Amaa' thukhaam, thukhun ciaptehna lim leh meel tuumsuk ahih manin, acitak leitung khuavannuaibup in anungzui hi.
Kumpi ii ciaptehna lim leh meel letmat akitupsuk ciangin, thukhaam pen anungta, vaangnei khat ong hih mah bangin, Pasian' ciaptehna lim leh meel zong Amaa thukhaam sungah om hi. Hi   tengah Pasian in hi bangin, gen hi: "Ka nungzuite aw, Pasian in kei tungah hong piak hi thute, limtak-in kem in koih cing un." Isa. 8:16.

Eite koi munah ong kiciamteh ahiam? I taltang tungah ahi hi. Amaa thukhaam pen i lungtang sungah om hi. Thuciamna athak sungah Amah in hi bangin, kamciam ong pia hi:
"Topa in hi bangin, ci hi: Mailam hunah amaute tawh thuciamna khat Kabawl dinga, amaute sungah Kathukhaamte guan'in, amaute’ lungtang tungah Kagelh ding hi." Heb.10:16.

Pasian' ciaptehna eite in i teel ciangin, Kha Siangtho in i taltang tungah tua ciaptehna ong pia hi. Tua i taltang tungah "amailam khuak" om hi. Hih i mailam khuak pen i thungaihsutna, i thutheih theina mun ahi hi. Pasian ciaptehna na taltang tungah na sangna, nangahna pen tua ciaptehna thungaihsut theihna sungah akem, akoih cih deihna nei hi.Tua thu sungah nang upna na nei hi. Tua thu tungah cihtakna na nei hi.

Kumpite in amau "ciaptehna lim leh meel, letmat" te azat uh ciangin, amau kumpi thukhaam a ukna leitangah ong khauh sem sem mah bangin, Pasian in zong Amaa thukhaam akhauhzawk nadingin, a "ciaptehna lim leh meel” zang hi. Pasian' ai-awh in, Pasian dan mah in ganhing in zong amaa thukhaamte akhauhsak nadingin a "ciaptehna lim leh meel” azang hi.

Pasian' ciaptehna lim leh meel khen thum teng koi tengah mu thei na hiam? Amaa thukhaam, a thu laigil, alai zangah kimu thei hi. Deihtak-in kiciantak-in en dih ni:
"Sabbath ni asiangtho-a zat ding phawk un. Ni guksung nomau'na semin na nasep ding khempeuh uh na hih ding uh hi. Ahi zongin, a ni sagih ni in, Topa note' Pasian' Sabbath ni ahi hi. Tua ni-in note, na tapate, na tanute, na nasempate, na nasemnute, na ganhingte uh ahi-a, peemtate in ahi zongin, na bangmah nasem kei ding uh hi. Bang hang hiam cih leh a ni guksung tengin, TOPA in van leh lei, tuipi leh tuate sunga om khempeuh bawla, a ni sagih ni tawlnga hi. Tua ahih ciangin, TOPA in Sabbath ni thupha pia-in siangtho sak hi." Pai.20:8-11.
Lai Siangtho sung hi mun teng bek ah Pasian' ciaptehna lim leh meel muhna hi bek ding hi. Tua ciaptehna lim tawh kisai thu nam thum pen hi teng ahi hi.
1. Amaa min - "TOPA"
2. Amaa Aa/Dinmun - "PASIAN (PIANGSAK PA)
3. Amaa-ukna gam/mun - "Vantung leh leitung,tuipi leh asunga om khempeuh".
Hi thu pen lamdang mahmah hi! Eite kiang panin Sabbath ii athuman, asiangthona Satan in hanciam takin selcip, daltan hi. Hi pen Pasian' lim leh meel ahi hi.
"Sabbath pen Pasian ii ciaptehna lim leh meel taktak mah ahiam? ci-in nang dotna nei kha mah ding hi teh. Ezek.20:20. sim in. "Keimah in, TOPA ahi note' Pasian Ka hihna na phawk nading uh leh note tawh i bawlsa thukimna lim dingin Sabbath na siangtho sak un, 'Ka ci hi." Ezek.20:20. ("Lim ciaptehna” cih adeihna pen "ciaptehna''letmat mah tawh kibang hi-Rom.4:11 sim un).

Adang akitel zaw aom ding hiam? Pasian’ ciaptehna lim pen Sabbath ahi hi.
Satan in hi thu tawh kisai nakpitak-in, hanciam ding ahihna thei hi. Tua thu teng ganhing in hemkhia, botkhia bek lo-in, adang khat tawh behlapna anei pen lamdang sak ding zong hi lo hi!

Pasian' Sabbath pen Sunday ni ah ong laihna thu ataangko khiatna alamdang akammalte en dih un- "Hi bangin, Sabbath ni laihna pen Catholic Church (R.C.Pawlpi)in amau sepkhiat ahihna gen hi. Hi bangin, gamtatna (tun tel thei ta diam!) pen biakna tawh kisai ganhing (pawlpi) in thuneihna (aana) aneihna ciaptehna lim leh meel ahi hi.”! Sunday ni biakpiak ni in zatna pen Pope ii thuneihna (aana) alahkhiatna lim ahi hi. Ciaptehna lim leh meel-Sunday ni biakpiakna zuihna, tan pen "ganhing ii ciaptehna lim ahi hi!"

Tua thute pen khauh mahmah in tel haklo hi. Pasian in Amah pen athuman Pasian Ka hi hi ci- hi. Pasian in Sabbath ni pen na khempeuh Abawlpa ahihna leh Amaa thuneihna (aana) alahkhiatna lim leh meel dingin ong piak ahi hi. Hih ong piak thute i zuihna in Amaa vaangliatna, thuneihna i zuihna, i theihpihna ahi hi. Ahi zongin, Catholic Pawlpi in athupiang hi bangin gen hi:

"Hi lo hi! Nipi khat ii a ni masa ni zui un, tua ciangin, en un leitungbup in asiangtho Roman Catholic pawlpi' thupiakna zahtakna tawh athumang hi." "Hi pen Pasian' thukhaam ka-uk zawhna, kagualzawhna ko ii thuneihna CIAPTEHNA ahi hi."

Ahi zong Sunday ni atang, azui a-ithuai i sanggam u leh naute in ahoihzaw thei zawlo uh ahiam? Amaute in ganhing ii ciaptehna a ngah uh hiam?

Hi lo hi! Pasian' thukhaam lina tel mahmah-a, apalsatte tungah mawhna kisuan ding hi. Lai Siangtho in hi bangin, gen hi, "A hoih, a manin gamtat ding thei napi-in agamta lote akhial ahi hi." James 4:7. Tu'n nang leh kei in hi thu thei i hih manin, eite tungah vaipuak om hi. Asawt lo-in, i vekpi-in i thei ding hi. Ni tawpni hunah Pasian in hithu pen leitung adingin alianpen i kisittel nadingin, ong bawl ding hi. Bawlsiatna nakpitak-in, ong om ciang na ngawnin, Pasian pen itna takpi tawh it-a , athu amangte leh Piat Mangpa banga Khristian min apua lelngel mite kikal ah kikhenna lianpi ong om dinga, tua banga Khristian min pua bekte pen mihonpi' deihna bang zui-in, asang te ahiziau mite ahih leh kisia takpi ding uh-a, ganhing' ciaptehna ngah-in a nuntaakna uh bei lam manawh ding uh hi. Tua "ciaptehna Lim" pen Mangmuhna 13 sunga "kii nih nei ganhing" in thuneihna (aana) neihna apiak maateng thukhun tawh kizui-in ong gamtang     nailo phot ding hi.

Thukhaam palsatna hangin a-ithuai 'Honpa'ii lungsim a nasak dingin eite in bang mah  i sem nuam kei takpi hi.Tua bangin, thukhaam palsat lehang i Topa alungsim kitamzan ding hi. A tamzaw en lehang i Topa alungsim kitamzan ding hi. A tamzaw mawhna in i Topa' lungsim sukha penpen hi. Eite' mawhna ong paihkhiat sak nangin, Calvary mual singlamteh tungah Zeisu in nakpitak-in, lungsim tamkham-in ong thuak sia hi. Amaa pumpi sung panin sisan ong luangkhia hi. Eite ong itna khum ngaungau-in neem dikdek hi. Ganhing' ciaptehnate hipah pah-a, a sang, a zui mite in alungsim takpi tawh theipi pi mah-a, Topa' lungsim asu tamzan nuamte ahi hi. Amaa thukhaam zui ding i khensatna leh i zuihna hangin i Topa alungdam sak te i hi hi.

A lamdang atuam diakin, Sabbath ni pen i Topa Pasian biakpiak ni in i zat nak leh tua ni pen eite adingin, kaal khat sungah lungnop pen pen ni ong suaksak ding hi. Na lungkhamna, na nasepna, na gamtatna tua Sabbath ni ni bup sungin, akoihkhia, ahemkhia thei i hih banah Zeisu tawh ahoih mahmah anuamhuai mahmah tawlngak khopna anei ii suak dinga pumpi ci leh sa tawh tawlngakna bek hilo-in mawhna, lungkhamna panin kipelh-a khalam cidamna, lungnopna, suahtaknate anei, angahte i hi ding hi.

Sabbath ni tawlngaa theilo-a nasep anei na hi leh zong Ama'n ong ompih, ong kem veve ding hi. Hi hangin, khialhna, buaina, supna bel om hi ci-in, ken kathei tuan kei hi. Ahi zongin, Sabbath ni nasep na pan tawlngaa-a, tua ni biakpiak ni-in i zat takpi leh alamdang Pasian ompihna, thupha atuamtuam leh na lamdang tampi na mu ding hi. I Pasian in Sabbath ni tawh akipelh    nasep ong pia takpi ding hi, ahih kei leh tua Sabbath hangin, nasep ong pia takpi ding hi! Ong pia takpi ding hi ci-in kong ciam ngam hi. Tua pen Pasian hang ahi hi! Tua bang ong pia ding pen i biak Vangtung-a aom Topa Pasian ahi hi.

Hi thu tawh kisai leitung mi khempeuh in upna sittelna kingah ciat tek ding hi. Nang mah bangin leitung mi awn zalom tampitak-in zong hih alamdang thuman mukhia, theikhia ding uh-a, nidang sangin, Zeisu tawh kinai zaw-in, lampai khawm ding uh-a, lungnopna zong atamzaw ngah ding uh hi.

Hi tengah dotna adang khat ong om hi-ciaptehna khut tungah ngah cih pen bang agen nuam ahiam?
Na phawktek uh hiam? -Taltang tungah tua ciaptehna ngah cih pen nang mahmah in na lungsim, na khuak tawh um cihna hi-a, tua upna tungah nang citak mahmah cihna zong ahi hi. (Tua ciaptehna lim ngah na tawh kisai i pumpi pualam-a, lim leh meel te midangte in ong et ciangin, kua tengin, ciaptehna lim ngah-a, kua tengin ciaptehna lim ngahlo cih pen mite in ong etna uh tawh ong thei ding uh hi. Tua thu tawh kisai asawtlo-in, i sin to ding hi). Tua ciaptehna lim khut tungah ngah cih adeihna pen tua "ganhing ii ciaptehna lim leh meel" thuneihna, aana ong kipiak ciangin, tua bang akhut tungah angah mite pen tua ciaptehna thu tawh kisai upna, santheihna lungsim nei sam loin a nasep a taanlawh loh nang, a nuntaakna uh adal theih nang leh van lei theihna, zuak kiktheina khuan adeihna uh bek tawh a uploh uh hang anung azui pongpong te cih na hi-a, 'Khut'cih adeihna pen nasepna, nuntaak nading khuasakna cih limciinna nei hi.

Hi pen adiipkuathuai, alipkhaphuai ngaihsutna ahi hi! Hi bangin, suahtakna tawh akidim i gam (U.S.A) ah koici bangin, ong piang thei ding ahiam? A zenzen in, "ganhing ii ciaptehna lim leh meel" in ukna, thuneihna (aana) ong neih ciangin, "ganhing ii ciaptehna" mi khempeuh in angah nading koici bangin, na ong sem ding ahiam
Tua ahih leh zong "ganhing ii ciaptehna lim leh meel" acih pen kua hi ding ahiam?



CHAPTER VI
GANHING II CIAPTEHNA LIM

"Ganhing ii ciaptehna Lim" cih pen kua ahiam?
Tua in bang sem ahiam?
Kua in amaa tungah thuneihna (aana) pia ahiam?
I sintoh toh kawmin ong kilangkhia ziahziah ding hi. A thu teng pen Mang.13 sungah om hi. A lim leh meel hi teng ah kimu thei hi.

"Tua ciangin, leisung panin ahong pusuak ganhing adangkhat kamu hi. Tua ganhing in tuu bangin, kii nih nei-a, a kam pauzia pen gulpi kampau tawh kibang hi. Tua ganhing masa aomna mah-ah ganhing' masa thuneihna (aana) khempeuh mah zanga, aliammaa adamsa tua ganhing masa pen leitung leh atunga om mi khempeuh, thuneihna (aana) tawh akibia sak hi. Tua ganhing nihna in ganhing masa lim dingin akibawl milim sungah ahu amuap ciangin, hong pai thei-a, tua milim abia lo khempeuh athah theih nadingin thu angah hi. Tua ganhing in alian aneu, ahau azawng, sila leh sila ahi lo, mi khempeuh in ataklam khut tunguh ahih kei leh ataltang tunguh-ah ciamtehna aneih nadingun thu apia hi. Tua ahih manin, tua ganhing min ahih kei leh amin tangin, a nambat ciamtehna atungah aneilo mi peuhmah van lei van zuakin paikhia theilo uh hi." Mang.13:11, 12:15-17.

Mihingte aw! Ong paizia ding kangaihsut khak ciangin, kagilpi kitumbu zial liang hi.
Piang theilo phial leh kilawm zawzen mah hi ven, Pasian' kammal Lai Siangtho in ong piang takpi ding ci hi.

Amasa-in ka gam ka itna ong gen sak un. Europe gam huampi sung panin ong kilehkik khin phet kahi-a, kong kilehkik zong nuam kasa hi. Ahi zongin, thute pen Pasian' gen kammalte ahi hi.

U.S.A. (Kii Nih nei Ganhing), ganhing masa thukhaam, thuneihna (aana) neihna ong khauhsak in thuneihna tawh ganhing masa "ciaptehna" abia dingin, ahang khat mi khempeuh tungah ong nei ding hi. "A hang"cih kammal pen Greek kam bulpi pan kila hi-a, adeihna pen "ut taleh ut kei taleh asem dinga sawl"ci ahi hi.

National Sundy Law pen i gam sungah khauhtak-in, thupiakna ong kipan ding hi. Hi thute ong pian nading ahang teng leh ong tung ding thupiangte tawh kisai Chapter 1 sungah nasim khin hi.

Tua "kii nih nei ganhing" pen U.S. hi ci-in eite in i thei khin hi. A masa ganhing pen Pope ahi hi. Ganhing ii ciaptehna lim pen biakpiakna, biakna thuneihna cihna hi-a, tua pen i gam sunga, ganhing thumanlo teci panna thuhilhna neite tawh kibang sitset hi -tua pen atamzaw Protestant te ahi hi.

Siangtak, khatak in le tangtak-in gen le hang, Mang.13 sunga thu in alamdang thupiang eite ong lak hi, tua ong kilakkhia thu pen America gam-a Protestantte in Pope akibiak nading ahang ong bawl ding uh-a, Sunday law cih thukhun piakna tawh "ganhing ii ciaptehna lim" ong ngah ding uh hi tua ciangin, amau' thupiak, mihonpi' sanzia, tatzia azui nuamlote-in thuman nakpitak-in thuaksiatna ngah ding uh hi!

Mihing khat in hi bangin, khalam tawh kisai nasiatak-in thakiamna zawngkhalna dinmun ong tunga tua thukhaamte ong patkhiat, ong bawlnate hangin, i gam sungah "ganhing ii ciaptehna lim" ong tungsak cih bek hilo-in, tanglai hun-a bawlsiatna thupaizia, tatdan ong lakik, ong zangkik ding uh-a, mi khempeuh in "ganhing ii ciaptehna lim" angah theih nadingin nasepzia, paizia ong bawl ding uh hi.

Hi thu pen kiciantak-in, siangtak-in, ong piang ding hi! Tua ganhing ii thuneihna, aana neihna leh "ciaptehna" akhauhsak, apiangsak dingin, i gam sunga thukhun i neihna tungtawnin ganhing in na ong semlo dinga tua "ciaptehna lim" pen America gam Protestantte' kiang pan ong kipan ding hi cih thu na thei ding hi.

I it i gam ii thukhaam zui zaw-a, Pasian' thukhaam nial zaw ding cih thuneihna (aana) tawh a tawsawnna ahi kei leh Topa deihna zui nuam zaw-a, gam ii thukhun palsat zaw ding cih thu kikalah khat pepeuh ong kitelsakna thu hangin, i nunna ah nopmawhna, lungsona tawh kidim hi. Hi thu pen kisittelna taktak ahi hi! Nang pen azenzen in Pasian tungah acitak, a um mahmah mi khat na hih leh Topa Zeisu ong paikik maadeuh hun tomno sung nasep neilo, van lei theihna, zuak theihna khuan ngah loin, sihna bang zong na thuak phial ding hi.
Hi thu pen ong piangthei buang ken teh na ci ngam hiam? Hi thu pen ongki panpan khin ta hi. Biakna tawh kisai kipawlna lian, pawlpi lian Lord's Day Alliance (Topa' Ni Kipawlkhopna) cih banga kipawlna lianpipi te in hih Sunday Sabbath zuih ding tawh kisai adeihna uh athu leh lai tawh zong khenkhia khin uh hi. Hi thuguikhun pen "Pawlpi leh Gam Ki-ukna Kikhen Khiatna"      akitamkham sak thu a hi hiam?

Roman Catholic pawlpi (R.C.Pawlpi) ii laihawm-Catholic Twin Circle-in hi bangin, gen hi, "America minam bup in Kumpi leh Congress (Gamsung Thuguikhun lente) tungah Gam Minam Thukhaam dingin thuguikhun ngetna hoihtak-in, bawl leng hoih ding hi, gamsung thuguikhun puahphat ding akisapnate ah zong sabbath tawlngak ni (Sunday ni acinopna hi) khat i gam bup i minam bupin Taangpi Tawlngak Ni dingin, thukhaam bawlpha leng hoih ding hi" ci uh hi.

Tua banga athunei kipawlna atuamtuamte in deihsakna, veina taktak ong nei ding uh hi. Amaute in ahoih zaw ding deihna tawh nasem uh hi. T.V (Meelmuh Tongsan) panin thuhoih nono pilna lakding ong khahkhia, ong lakkhia ding uh-a, innkuan anop nading, thu tuamtuam pilna lak theih ding ong sem khia ding uh hi. Ahi zong, amaute in atheihloh uh thu om hi, tua thu pen U.S. kumpi in National Sunday Law ong patkhiatna thu ahi hi-Lawki, dawibiate tatzia 'ni biakna te' Roman pawlpi thuneite-in pawlpi sungah ong zat ciangin, Sunday ni biakpiakna zatna thu ong oma tua 'ni' biakna pahtawina tawh Sunday ni biakpiak ni in, zat sangin Pasian ong piak biakpiak ni mah azang dinga akhensat, azang mite' adingin biakpiakna tawh kisai suahtaakna tua mite in suplawh, taanlawh ding hi. -hi thu hangin, 'ganhing ii ciaptehna lim" thuneihna (aana) neihna ong khauhsak tuam ding hi! Hi banga, thuneihna uk cipnopna tawh akipan khia thukhaamte zui ding phamawhsa lo-in amau bang thu teng semkhia ahihna uh athei tua mite in "ganhing ciaptehna" ngah taktak ding uh hi!" Bang hang ahiam?

Mihing’ bawltawm thukhun leh ngeina thu zui nuamzaw uh ahih manin, Pasian' thukhaam zuihloh ding, palsat ding tha ong nei zaw uh hi. Zeisu in hi bangin, gen hi, "Mihingte’ bawltawm thukhaamte, Pasian' thukhaam zahin mite tungah hilh uh ahih manin, kei hong biak hang un      akiman'na omlo hi' aci hi."Mark 7:7.

Kei ong khialsak kei un maw, Ka gam leh kumpi ka it hi. Athupaizia ong hawmsawn, ong gen ka hi zaw hi.

Mailam hun ah i gam sunga ong piang ding bawlsiatna, gambup Sunday law ong tun nading tawh kisai diipkuatna tawh kidim in na lungmang biaibuai uh leh (kei lungmang buaina mah banga) kong gen theih ding thu khat om hi -Pasian tawh akinai zaw dingin, hanciam un! -nidang hun-a na om zia uh sangin, akinai zaw dingin om un. Ama'n nang ong huh ding hi. Hi thu i gen teng khempeuh amanlang mitphiat sungin ong tung takpi ding hi.

Na um uh-a, na um kei zong un, keima pianna, khankhiatna gamke Virgina ah hi thute ong piang takpi khin ta hi. Kei cih nop pen Sunday law thupiakna leh sihdan piakna thu ahi hi.
A kinialhuai, lipkhaphuai thu kigen khinsa en dih un:

1610 kum in, Virginia gamke ah amasa pen America gama Sunday law ding thu hi bangin, ngetna, pulaakna om hi: "Numei, pasal akuamaa peuh in sabbath (Sunday) ni in zingsang biakpiakna hun akipan sun hun siangtho tak-a kikhopna thu taangkona hun ah kiphuahphatna, damna thak ngahta uh hen, tua ciangin sun hun-a kipan asiangtho biakpiakna sun hun sungin, thu leh la upna, dotna, dawnna, theihnopna theihna hun zang ciat uh hen tua banga nialnopna,  akhialhna aom leh amasa in tua bang thute ah kaal khat sung angah ding uh huhna, panpinate    angah nawn kei ding uh hi, a nihna thu ah tua bangin panpina, huhnate ataanlawh banah satna, gawtna ngah ding uh hi, athumna ah tua bangin anialte, athutangpeekte sihna dan kipia ding hi!!! -Laws-and-Orders,__,Politique,__and Marrial, for-the-Colony-in-Virginia (Thukhaam leh Thupiakna-Siangthona-Gam ki-ukna thu-Kidona_Virginia gamke): amasa in hi thu pen a galhang lieutenant-General Sir Thomas Gates in May 24, 1610 kum-a ataangko khiat ahi hi.

Tanglai hun-a Sunday law tawh kisai Virginia gamke ki-ukna thukhun laibu sungah om lai hi ci-in na thei uh hiam? Om lai bek thamlo-in kipaikhia, kikhenkhia lo hi.

Richmond khua-a aom sitni khat in hi bangin, gen hi (Sunday law thu tawh kisai agen na hi), "Hi thukhun bel zatsuak theih dinga thukimhuai thukhun hilo hi. Biakna tawh kisai thuguikhun khat ahih manin, gamsung ki-ukna thukhaam bangin kizang theilo ding hi." Bang bang akici zongin, tudong hi thu om lai hi.

Tu maa kum (200) lai-pek in gamke pawl khat ah "alungkhamhuai adahhuai thukhaamte” kibawl ngei zelzel in, kiphiat khia zel ngei hi. Ahi zongin, gam ki-ukna thukhaam in "ganhing ii ciaptehna lim" thakhauhna, thuneihna pia ding hi.

Na telta hiam? Pasian in agen thute thei-a eite patau hilhkholhna ong pia hi-tua patau hilhkholhna pen itna thuhilhna ahi hi.
Ei leh ei teci kilahtheihna laidal, nambat khat pepeuh nei-a, Sunday law thukhun azuite pen van lei theihna, zauk theihna, hunpha kipia ding hi. Amaute in "tawmvei sung" phattuamna ngah ding uh hi. I tuah ding i phuut ding thu haksa anasia mahmah zuihloh aphamawh-a akibawl thu i tuak, i nawk kha ding hi.

Sunday law minam bup, gambup sungah ong tun theih nading, akipat nading bang thu in ong toknawi, ong pan masa ding hiam?

Gamtatna, ngongtatna pen athupi atawsawnpi khat ahi hi. Sihdan piakna, thahna thukhennate ong kipan kik leuleu ta ahihna na phawk kha hiam? Hi mah hi! Gamtatna, ngongtatna pen kepzawh thu, dal zawh thu hi nawnlo hi. Mite in lauthawng mahmah ta hi. Mipite gamtatna, ngongtatna zadah-in, heh lakta uh hi-tua ahih manin, hi thute hangin sihna, thahna thupiakna ong kizang kik hi. Bang hang hiam, khatvei sawtlo deuh khat laito zum gei-ah tawlnga hi. Laibu tau tungah akikoih tadensa thulu khat kasim laitak-in thu khat ka lungsim ah ong lutvat hi. A thulu pen hi bang ahi hi, "Mithatpa pen sihdan, thahna thu kipia hi."

Florida gamke sunga Wildwood khua-a naupang numei kum nih apha khat tangvalno khat in that ahih manin, sihna dan kipia hi. Tua naupang pen kitaipih, kibawlsia in, ahing tangin lei sungah ki phum hi. Mite zaw zen! hi bangin, ngongtatna alipkhaphuai thupiangte hangin, thahna dan piakna ong kizang kik ahihna thu ahang tu-in na thei ta hiam?

Thukhenpa mahmah in zong thahna dan piak theih nading in teci akim-in om ahih mah bangin, piaktaak hi ci hi, tua mah bangin, hi bangin, thukhenpa in taangko-in thupia hi, "A taktak-in mihing, numei buanna hangin sih dan piakna cih pen adiakdiak in lipkhaphuai, gitlohhuai, siattat vai, kihhuai-in tatsiatvai mahmah hi." –Citrus Chronicle News.(Citrus Chronicle Thupuak)

Tua "Citrus Chronicle News in,hi bangin gen hi, "Tua thu kisitna hun a man ciangin tua mawhna nei tangvalno innkuan pi te in tangvalno pa kawi-in,tawp uh hi."

Mithat, numei abuan, nu leh nu , pa leh pa om khopna, aneite, mitphial dawi tawh kipawl-a nasemte sih dan piakna thu tampi tak Lai Siangtho sungah kigelh hi (Pian.9:5,6:Thukna,22:25-29;Siam.20:13;Pai.22:18). Nung kum mihing 400 sangin atawm zaw deuh sihdan piakna U.S. gamah kibawl hi. Tun ahih leh asazian ah 1100 bang hita hi! Sihna dan piakna tawh kisai mipi lakah thu kaikhopna kinei-a, hih si daan piakna maa in ah khat in adeih pulaak uh hi. Lai Siangtho' genkholhna tawh kizui-in hi thute ong piang toto ding hi.

Diipkuatna, patauhna vive hi! Hi sihna dan piakna tawh kisai thu pen Pasian it-a, athu amang mite tungah ong kizang ding hi! "Tua ganhing nihna in ganhing masa lim dingin, akibawl milim sungah ahu amuap ciangin, hong pau thei-a, tua milim abialo khempeuh athah theih nadingin thu angah hi."Mang.13:15.

Nungdiak deuhin New Jersy gamke Atlantic khuapi lampi khat ah Sabbath ni atang mi khat leh mihon pawlkhat kiholim ngeingai uh hi. Tua mihonpite in hi bangin, gen hi (Tua Sabbath a tangpa' min pen Tony ahi hi), "Saturday ni Sabbath na zuihna panin Sunday ni biakpiakna na zuih nading thuneihna (aana) tawh thu ong kipia-in ong kisawl leh nang bangcih ding na hiam? Tua hangin, na nuntaakna ong sukha leh bangci ding na hiam?" ci-in adot beh uh hi. Tony in hi bangin, adawngkik hi, "Ka nuntaakna no deih bangin, ong bawl un, ken bel Lai Siangtho mah ka zui ding hi."

Lamdang mah ei! Tua lampi tunga apau mihonpite in  agen uh thute athei mah uh diam maw?

Bang thu ong piang cih mite in athei uh hiam? Tha leh thuneihna (aana) zang cih pen "gulpi" tatzia ahi hi. Pasian in, hi banga gitlohna, siattatna i gam sungah ong tunpah loh nangin Pasian tungah thungetna kanei hi. Pasian in ong tungsak pah lo ding ahih manin, lungdamna kako hi-bang hang hiam cih leh 'Pasian'ciaptehna Lim Amaa nasem, amite in ataltang tunguh-ah ciaptehna angah masiah hi bang thu ong piang nailo ding hi.

Sunday law ong om theih nang atawsawn, tha apia nambat nihna pen sum meetbawlna, vanzuak, van lei nasepna leh buaina, siatna, cimawhna hangin ong piang baih zaw ding hi. Hi bang thu tawh kisai note in zong thei tek, phawktek na hih manun, athu bang mah kong gen beh sawm nawn kei hi.

Sunday law ong piang nangin a tawsawn thu anambat thumna pen biakna makaite hang ong hi ding hi-pawlpi makai leh mihonpi in hih Sunday law thukhun ong piantheih nang ong toknawi ding uh-a mihonpite-in zong hi thukhaam khun ding, neih ding akisam  ahihna phawksak ding uh hi. Chapter 1 na sungah zong laihawmna pan ahi zong, Radio leh Melmuh Tongsan thu taangkona pan ahi zong, laihawm atuamtuam panin gamsung mipite in hi bang thukhun neih ding akisapna hi bangin, pulaakkhia ding uh hi "Kumpite in, Sunday ni gambup in tawlngak ni dingin thuneihna (aana) tawh ong taangko-in kipsakna ong neih masiah sum meetbawlna, van lei van zuakna buaina, haksatna pan suahtakna kingah zolo ding hi." Tun nang leh kei in hi thu ong kipatzia ding leh genkholhna ong tangtun zia ding i thei khin hi, gambup minam in "ganhing ciaptehna lim" thuneihna akhauh theih nadingin ngetna nei ding uh hi. Ahi zongin, Lai Siangtho atelcian meello taangmi taangtate' adingin hih ngetna, thumna pen thuhoih anam tui hi ding hi.

Sunday Law ong piantheih nang atawsan thudang khat pen na lamdang bawlnate ahi hi. A khawnung thu ah hih na lamdang tawh kisai nakpitak-a lunglutna, lungulhna ong om henhanna na phawk kha tek uh hiam? Pasian pen na lamdang abawlthei Pasian taktak mah ahi hi. Tua thu mah hangin, na lamdang khempeuh Pasian kiang panin ong pai hi ci-in mi tampitak-in i mu hi. Lai Siangtho tellualo ahihna tawh kizui-in amaute pen Satan' bawl na lamdangte in khemin, hai sak ding hi. Hi thu en dih un---
"Tua ciangin, gulpi kam sung, ganhing kam sung, leh amanlo kamsangpa' kam sung panin, uiphuk tawh akibang kha gilo thum ahong pusuak kamu hi.Tuate pen dawite' kha hi-a, na lamdangte    abawl uh hi. Avanglian Pasian' Ni hong tun' ciangin akuankhia uh hi." Mang.16:13, 14.

Hi tengah, athupi pen Pasian mah bangin, dawite in zong na lamdang bawl thei uh hi. Hi bangin, khemnopna thute mah bangin, leitungbupin khemna thuak dinga ganhing ii ciaptehna lim biak nading leh ciaptehna ngah nading in khemna thuak ding uh hi. Na lamdang tampi tungtawnin mi atamzaw-in, Pasian' thukhaam pen eite ong gakcip, ong nuaisiah thu hi ci-in asiksan ding uh thu pawlkhat ong mu ding uh-a, aminam, gam leh nuntakzia sum meetbawlnate asiatluat ding khualna tawh amau hoihsak ngaihsutna tawh ong kal suan ding uh hi!

Hih zuau tawh akidim na lamdang teng lakah mi awn zalom tampi ahing khem denden zo           athuguipi pen hi-a, asisa it leh ngaih khat tawh kiho theina, vantung pan asisa it leh ngaih khat tawh akihokik thei bangin, ki-um ahih manin hithu in mi tampi lampial pih hi. Tua ahih manin, Pasian' kammal thugil taktak atheilo mite adingin, hih asisa tawh kihopihkik theihna, hi bang na lamdangte amaanlo upkhialhna tawh mihingte tuamcip hi!

Asisa mite' 'kha' tawh kizop theih nading, kihokik theih nading lunggulhna, hanciamnate Lai Siangtho in akua maapeuh tua thu tawh kisawh vetloh ding ong khaam-a, tua bangin i gamtat ciangin, kha nin, dawi tawh kiho theih nading azawnzawn, asamsamte i hi hi. Tua ahih manin, Lai Siangtho hun sunga anungta mite zong hi bangin, gamtatna ong neih uh ciangin, sih daan kipia hi.

Ahi zong tu lai-khangthak hun sungah zong hi bang thaang, guampi sungah kikia thei veve hi! Satan in bel hithu tawh kisai nasepzia ding athupaizia koihsa-in nei khin hi. "Greeley ii thu sittelna, kantelna tungtawnin America mi Li lakah asisa mite tawh kizop ding hanciamin lungulh uh hi! America leh Iceland gama aom meigong alaang bangin asisate tawh kizopna aneihna uh siangtak-in pulaakkhia uh hi!

Sunday Law thukhun ong kiphatkhiat nadingin gamsung ki-ukna thuguikhun tawh ong kipan masa, ong kisukha masa ding hi. Pawlpi leh gamsung ki-ukna ii kikhenkhiatna amungpi            thuguikhun pen amasa-in kinuaisiah, athaneem nang koihkhia ding uh hi. (a diakdiak in a masa thukhun puakkhatna).

Akhua nungah hih amasa thukhun puahphat kikna mite in akikupna thu khawng na zakha, na phawkkha ngei hiam? U.S. gam sunga gamke tampi takin zong thukhun puahphatna, kheeltuak   aom leh zong kikumkhawma vaihawm ding lungulh zawta uh hi, ahi zongin, ong phawkkholh sak, lunghimawh ding khat ah pawlpi makai tampitak-in, tu laitak-in "pawlpi leh gamsung ki-ukna thu te kikhenna" om khin ngei ahihna um hetlo uh hi! Genkholhna thu tawh kituak-in hi-a athupi gamsung ki-ukna thuguikhunte pen adangte tawh ong kisawhkha nawnlo-in, ong kisai nawnlo ding hi. Ahi hang Pasian in atate hi thute tawh kisai i hihtheih tawpin anangzo, alencipzo dingin eite tungah lametna ong nei hi. Biakna hangin, om na mun atuamtuama ala Pasian tate in amau sisan pen biakna tawh kisai bawlsiatna leh gawtbawlna, lungduai zawhlohna thupanin asuakta dinmun, khamuanna angah minam leh gam ahi dingin, amau nuntaakna asisan ong piakhia uh hi. Suahtakna tawh akidim i biakna pen man nei nawnlo-in, bei hiahiiai-a, bang mah sepna lah om tuanlo-in, tua banga abei mang dingin mu nuam na hi uh hiam?

Sunday ni kikhopni-a azangte hi-a kipawlkhawm thei tengin, hi leitung kikheel nading lungtupna tawh na lianpi pi vaihawm-in semkhawm ding uh hi. Pawlpi makai tampi takin, apawlpi mite gamsung ki-ukna thu (nainganzi) kimawlna ah makaih khinta uh hi. (National Sunday Law pen ki-ukna kumpi gam sungah biakna thukhaam dingin ong kikipsak hun-a kipan tua thu hangin pawlpi pen gamsung ki-ukna thu (nainganzi) sungah akoihtheih nading lampi hon sak tuama, biakna tawh kisai thukhaam te a om thei nading in pawlpi leh gam sung ki-ukna ii kikhen na te a phiatsiang theih nang, tua bang atuam ding om nawnlo-in, apuuk thei nang hanciam ding hi). Hi thu pen alipkhaphuai thu leh patauhhuai thu ahi hi, ahi zongin, gamsung ki-ukna sunga makaite leh pawlpi makaite in pawlpi leh gamsung ki-ukna thu atuamtuam-in, kikhenkhia-a aomna pen ong langdo ding uh hi. Hi thute na phawk kha ngei hiam? Hi bang thu selcip, imcip het lo ding uh hi. Hi mah hi! Hi pen diipkuathuai hi.

Sunday law pen tu laitak-a, alipkhaphuai, asinkhamhuai buaina lianpi pite leptuah nadingin ong zang ding uh-a, leitungbup Khristian teng kipumkhat nadingin Sunday Law ong paulam ding uh hi.

Zankim laitak huih vot hiauhiau in kanungzang teng ong zen dakdak-a, Washington D.C. khuapi gei-a, akhauhpai mahmah AM station (Mipi Kingakna Mun) ah nakpitak-in, kikona aw kaza hi. Sikvot bangin, vot dekdak hi,tua munah mi pawlkhat in Sunday ni siangtho nipi dingin zatna tawh Pasian kiangah mipi gam mite ong ciahkik-a, hi minam gampite Sunday tanna sungah ong kihel-in kisikna ong neih masiah kote, hi panin, ka kihemkhia kei ding uh-a, tua bang thu ong tangtun kei leh Pasian' samsiatna ko tungah ong tungta hen ci-in mi kiko ziahziah hi. Tuate pen biakna makaite hi-a, mihingte "ganhing masa abia dingin” thuneihna (aana) tawh sawlna ahi hi. Tua ganhing masa abia dingin pawlpi athupi pen nasep ding thu ahih leh bel tua ganhing ii thuneihna aana zui ziaulel le teh hithei lel-a Pasian' thuneihna aana zuih zong kul selo hi, tua bangin, gamta le teh Pasian mai-ah Pasaian sangin tua ganhing pahtawina napiakna leh na biakna apicing dinmun ong suak zaw pah ding hi.


CHAPTER VII
LEITUNGBUP KIDONA

William Shakespeare in hi bangin, gelh hi. "Lampi totna khempeuh akantan akimu theilo kigitna maa i gei-ah om hi, akisel akimu theilo Pasian' lungduaina leh Pasian' hehna kigi kikaalah kigitna maa omhi.

"Alian mhamah buaina in Pasian'mite ong ngak gige hi. Tua buaina in leitung ong ngak hi. A thupi akhauhpai mahmah khangtawn haksatna lianpi i mai ah om hi."

"Tua cingin, saidialpuan asilh vantungmi in, "Na mite acing, alian vantungmi Mikhael hong kilang ding hi. Tua ciangin, leitunga mihing apianzawh-a kipan anasia penpen gimna hun ong tung ding hi. Tua hun ahong tun ciangin, Pasian' laibu sunga amin kigelh, na mite khempeuh akihonkhia ding hi." Daniel 12:1.

Mang.14:9, 10 sunga ganhing ii ciaptehna lim ngahna tawh kisai anasia mahmah patau hilhkholhnate akizak ciangin, mi khempeuh in khensatna alungsim tek ah nei ding uh-a, hehpihna hun ong kikhak ding hi. Pasian' mite in nasiatak-in Kha Siangtho kibuakkhiatna ngah ciat ding uh hi- "Topa omna mai-ah no suahna, thaksuahna ngah ding uh hi." Tua ciangin, amaute ong pai ding haksatna, mangbatna pan suahtakna ngah dingin, akigingsa-in om ding uh hi. Amaute’n "anungta Pasian ii ciaptehna ngah ding uh hi. Migilote ahih leh ateel, amuan mahmah uh asiapa (Satan) tawh kinusia ding hi. Pasian' hehpihna, anel dikdek Amaa itna     amaute in nial ahih manun, Pasian' thukhaam palsat-in puuk uh hi. Ahaihuai Satan' hehna sungah kibuk nading neilo ding uh-a, tun amaute Satan' hatna in hu zolo ding hi. Tua ahih manin, Daniel 12 sunga, akingen atawpna haksatna gimna lianpi sungah leitungbup amah in khiasuk ding hi. Mang.16 sunga akigen gimna nam sagih mah bangin Pasian' hehna hi leitung khuavannuai lakah langdona hangin, thaman kibuasuk ding hi. Egyptte amau biak pasian hangin angah uh gimna nam sawm tawh akibang in ganhing ii ciaptehna lim leh ganhing abiate tungah tua gimna nam sagih tua mite teekteek tungh kibua ding hi.

Hi banga alamdang thu i sin, i theihna leh apaizia lim leh meel i et ciangin, Pasian pen thuman mahmah, migi mahmah ahihna i mu dinga, hi gimna angah mite pen thumang hetlo ahihna leh huathuai mahmah ahihna i tel ding hi, tua mah bangin, Pasian pen thumanna neilo, athukhenna ah thuman hetlo hi ci-in, leitung khuavannuaibup in gen lo ding hi. Alipkhaphuai gimna anam thumna akibuak ciangin, Pasian' vantungmi in hi bangin, gen ding hi, "Aw Topa, nang pen a thuman Pasian na hi hi. Bang hang hiam cih leh "Amaute in mi siangthote leh kamsangte' sisan luangsak uh ahih manin, tu-in amaute' dawn dingin sisan apia na hi hi. Hih in amaute ngah dingin akilawm ahi hi " acihna thu kaza hi." Mang.16:6.

Vantung Pasian to bawlna leh langpang nading thukhaam kibawla, Pasian’ thumang Amaa mite pen bawlsiatna, zahkona leh tu-mahmah in zong sih daan piakna thuak uh hi- "Biakinn apualam pan-in vantungmi sagihte kiangah nakpitak-in akikona awging khat oma, "Leitungah vapai unla, hai sungah aom Pasian' hehnate va sung khia un," acih awging lianpi tawh agenna kaza hi.

Tua ahih manin, akhatna vantungmi vapai-in leitungah ahai va bunga, atungah ganhing ciatehna aneite leh alim abia mite tungah kihhuai meimaa a na mahmah ong piang hi." Mang.16:1, 2.

Na pumpi tung khempeuh ah meimaa avei dingin kingaihsun dih ve!

Theih ding, hi banga, a na mahmah leh atum-ngaungau meimaa pen ganhing ii ciaptehna lim       angahte leh abiate tungah kithuaksak, natna kipia ding hi. Hi thute ong pian ciangin, bangci bang ong suak ding ahiam?

Hi banga nasiatak-a, akilawhthei natna thu nitaklam thutaangkona ah ong kigen thute ii alim leh meel-in na ngaihsun thei hiam? Amau nuntaakna ahuutzawh nading, lungnop nading, anasep ataan ding uh lau ahih manin, "tua ganhing ii ciaptehna" sanga, azuite in tu-in ahih leh amau kimuanna, khamuanna, lungnopnate ngah nawnlo-in taanlawhta uh hi.

Pasian tungah kisikkik ding, mawhmaina Pasian tungah nget ding sangsik-in, hi bangin, natna meimaa lianpi pi aneihna uh hangin, "Pasian min zaangkhai bawl" zaw uh-a, "akam pan un na a sakna uh kiko ngeungeu" zaw uh hi.

Tua bang mite anuntak hun uh kum awn zalom tampi tak akipiak beh uh zong kisikngei nawnlo ding uh ahihna Pasian in theikhol khin hi. Tua bangin, gimnate ong kibuaksukna akipat ciangin, na khempeuh atawntung adingin kikhensat khin ahihna nathei ding uh hi. Leitung zatui lam pilna tuamtuamte in zong dam sak zo nawnlo ding uh hi. Siavuante' zumkhan, zatui zuakna munte ah hehna, thangpaihna, thuaksiatnate ong kikokhiatzia ding alim-in na sehkhol thei hiam? Tua banga natna, diipkuatna hangin lungtang kisaina, thuaksiatnate bang zatui namte in dam sak zo-in um na hiam?

Hi banga lipkhaphuai meimaate mikim tungah ong tunglo ding hi. Hi banga, kakhawnung thamtham ciangin, bawlsiatna, zahkona athuakte lungmuanna, khamuanna ngah zaw ding uh hi. Pasian' vantungmite in amite in amaute om pih ding akemcing ding hi. Sihna, thahna thu kawmkaal-ah a Topa Pasian a-itte, athu amangte tu-in ahih leh Zeisu tawh kinaizawta ding uh hi. Amaute thahna, sihna daan piakna athuak uh hangin, Pasian' tate ahih leh silo ding uh hi. Zeisu in amaute honkhia ding hi. Migilote bawlsiatna, kialtunna, puulnatna thuak uh hangin, Pasian' mite ahih leh Amah in akhutkuak muanhuai sungah kem ding hi.

Thakhat thu-in apatauhhuai thu khat ong om ding hi-tui khempeuh sisan suak ding hi!
"A nihna vantungmi in tuipi tungah ahong bunga, tuipi tuite misite' sisan tawh kibang hong suak ahih manin, tuipi sunga aom nuntaakna anei khempeuh asi hi." Mang.16:3. Hih gimna nam thum akibuak ciangin, tuipi, gunte sisan suak ding hi. Hi tengah "kha" cih kammal pen "anungta piansak Nate” acihna ahi hi.

Misite' sisan na mu ngei hiam? Tua sisan pen uih, muat in, khal suah in om dehdah hi. Pasian' mite amudahte in amau sisan ong bua khia uh hi. Tu-in amaute in athuak acikziathuai meimaa    athuaknate anoptuam zaw deuh bangpian khat aom na, "misite' sisan" pan ong luangkhia sisan cihdan thute alim in ngaihsun dih un. "Tua ciangin, biakna tau panin aw khat hong ging a, "A Vaanglian Topa Pasian aw, na thukhennate thumanin thutang hi," a cihna kaza hi." Mang.16:7.

Tuipi piau geite en dih un! Mihingte patau-in lau uh hi. Koi tengah amau dawn ding uh hiam?Mi Siangtho, Pasian thu amangte' sisan amaute in buakhiat sak, luangsak ngei khin uh hi.Tun        amaute in adawn ding uh tui pen sisan ahi hi.

Tua a-uphuai hetlo thupiang ong om hi. Leitung nitang, khualum, asa adalna pen beita hi.
"Alina vantungmi in ni tungah ahai hong bunga, ni in asatna tawh mite akanggawp hi. Ni sa in mite kanggawp ahih manin, mite in hi gimna tawh kisai-ah thu anei Pasian asamsia uh hi. Ahi zongin, amawhna uh panin kisikik-in Pasian aphat ding uh utlo uh hi." Mang.16:8:9.
A cikziathuai thuaksiatna migilote in tu-in thuakna ngah ta uh hi. Sa veva lianga akangtum ding phial satna leh meimaa lianpi akigawm gentheihna athuak uh hi.

Moses' khanlai mah bangin, na lamdang tampi Pasian leh Satan kiang panin, ong om ziazua ding hi. Dawimangpa in Kha Siangtho' piakkhong piakte ahilolam-in heikhia ahih manin, migilote in    athu taktak tello ding uh hi. Na lamdang lianpi pi bawla, alamdang thu tampi abawl mihingte in Pasian' Sabbath nuaisiah, zahko, palsat ding uh-a, tua Sabbath apahtawi, alamsang, azuite bawlsia ding uh hi. Amaute Pasian' maipha ngahna sungah khamuanna aneite ahi uh hi. Ahi zong amau hehna, thangpaihna tun lian mahmah ta hi. Hi banga, thumang nuamlote tawh kisai Zeisu in hi bangin, gen hi, "Kei tungah 'Topa, Topa Aw,' hong ci mi khempeuh, vantung ki-ukna sungah lutthei kimlo ding uh-a, vantunga om Ka Pa'deihna bangin, agamta teng bek lutthei ding uh hi. Tua ni ciangin, mi tampi in Kei kiangah, "Topa, Topa aw, Nangmaa min tawh thu hilhin, Nangmaa min tawh na lamdang lian tampi bawl hi lo ka hi uh hiam?' hong ci ding uh hi. Tua ciangin, kei mahin amaute kiangah, 'Note Ka hong thei ngei kei hi. Siatna agamta mite aw, Kei kiang panin kihemkhia un,' kaci ding hi." Matt.7:21-23.

Huih votsak theihna set (A.C) te zong tua ni asatna avotsak zo kei ding uh hi. Inn leh lote    siikbeelsa tawh kibang ding hi. Migilote' adingin, nopna, lungnophuai zawkna cih bang koi mun koi munah om vetlo ding hi.

Hi gimnate pen mawhnei mite' thuak dingin kilawm kituak mahmah hi. Mihingte' ngeina leh tatzia tawh kituak in "nibiak ni" cih pahtawina ni tungah nei uh ahih manin, tu-in Pasian in amaute adingin ni apia hi. New English Bible (NEB) Lai Siangtho in, hi bangin, gen hi, tua mite in gimna nambat lina athuak uh ciangin, "cikziathuaina tawh kidimin kang veva" ding uh hi.

Tua ni ong tun ciangin, tua mite in ni dangpek-a anawlkhin, athusimloh Pasian' huhna, Pasian' hehpina nuai-ah khawl nuam mahmah ding uh hi.

Pasian' tate ahih leh gam simtham tengah kibu lai ding uh hi, gam simtham sungah Elijah’ neek ding apiate mah in Pasian' tate aneek ding uh pia in Pasian' tate ahih leh vantungmite in kem ding uh-a, akisapna teng ahuh den ding uh hi. Pasian' kamciam pen hi bang ahi hi - "Acimawh,   azawngkhalte in dawn ding tui azon laitak bangmah amu kei ding uh-a, adangtak-a, akikona uh amawkna suak dinga, Kei mah Topa in amaa kikona kaza ding hi, Kei Israelte' Pasian in amaute Kataisan kei ding hi." Isa.33:15,16:41:17.

Athumanglo mite in genthei-in haksatna sungah puukcip ding uh-a, khua-ul luangin, gimna thuak ding uh-a, akeu-gaw agawlte in tuiduh in kiko ding uh hi, Pasian in amite tungah hi bangin, kamciam na pia veve hi. "Topa pen nang hong kem, na taklam khut tungah aliim hong koih-in, ni in nang hong gimsaklo dinga, zan-in kha in zong nang hong sukha lo ding hi." Late 121:5-7.

Pasian leh Amaa "ciaptehna" apahtawi uh sangin ganhing leh "amaa ciaptehna" pahtawi nuam zawa ateel mite in amau teel ahi khuamialna, lungzingna ngah ding uh hi. Tu-in amau teelna tawh kizui-in ateelna bang mah apia hi.

"Angaana vantung mi in ganhing tokhom tungah ahai hong bunga, tua ganhing' ukna gam sung tengah khua hong mial hi. Mite in, na a sak manun aleeipet uh-a, ameimaate uh na a sak manun vantung Pasian asamsia uh hi. Ahi zongin, agamtatsiatna uh panin kisik nuamlo uh hi." Mang.16:10, 11.

Tua thute na ngaihsun thei hiam? Mihingte avukcip ding tua diipkuathuai launate pen mihingte’ lungsim tawh ngaihsut hang kicing zolo ding ci-in kaum hi. Pilna sang anei, ahau, leitung nate thu athei mipilte leh athu khual hetlo mihonpite akua kua ahi zong launa, muhdahna leh patauhna in zawmcip, zawngkhaal sak zo mahmah ding hi. Mihonpite patauhna, diipkuatna lianpi sungah buaigawp ding uh hi! Hi bangin, ahi ziazua, ahi nengnang kawmkaal ah Lai Siangtho in hi bangin, gen hi, "Leitung pen khasiathuai mahmah hi;…bang hang hiam cih leh anlaak nading leitang kisiacip hi…leitung asingkungte vul dikdek hi, bang hang hiam cih leh mihingte' sung panin nopsakna kibei sak, kipai khiat sak hi."  "Ganhingte koici bangin thuum-in taau hiam? A kikhawlkhawm bawng, ganhing honte kithehthaang hi, bang hang hiam cih leh neek ding lopa omlo hi." Joel.1:10-12;17-20. Oh! A zenzen in, amaute in avaanglian Pasian' hehpihna hoihtak-in asangthei, adawngkik uh hi leh Topa in a-itna khutte zal mah hi ven tun ahih leh zekaai ta hi.

A thumang nuamlo mite in Pasian' ciaptehna lim azui asangte kiangah van lei theihna, zuak theihna khuan piakloh dingin thu apia hi.Tu-in tua banga van lei theihna, zuak theihna khuan    apia nuamlote kial tunna leh neek ding neilo-in, gentheihna athuak keei hi ta uh-a, khuamialpi sungah khua mulo-in gentheina athuak keei hi ta uh-a, khuamialpi sungah khua mulo-in, azawt keei uh hi. Alamdang atuam diak hi khuamialna pen athuman khuavaak panin ataikhia tua mite lungsim' sungah nasiatak-in ong lut khuamialna limciingna ahi hi.

Pasian mite bel kibubu lai uh hi. Tua mite in abeisa nipi kaal pawlkhat lai-in anasepna innte taanlawh, anuntaakna uh suahtak nading-a ataikhiatgawp uh pen ahai biakna makai leh dawi mangpa' vantungmi anungzuite in thuneihna (aana) tawh asawl gawp man ahi uh hi. Tua mite in Khazih a-upna uh hangin aneihsa teng taisan uh hi. Amaute Pasian vantungmite in aneek ding uh an pia in aom laitak-in migilote akisiatna mu ding uh hi. Athumang Pasian' mite tungah hi bangin, kamciam pia hi- "Aneek ding uh anluum kipia dinga, adawnding uh tui zong kipia takpi ding hi." Na kiangah mi tulkhat, na kimkotah mi tulsawm, hong tuk in asih hangin, nang bang mah na ci kei ding hi. Na mit tawh na en bek dinga, migilote akithuhkikna na mu ding hi, na tungah siatna ong tung lo dinga, na inn-ah gimna hong tung lo ding hi." Late 92:3-10.

Gimna angana ong tun ciangin, migilo tawh akidim hi leitung ong heh taktak ta ding hi. Hi bangin, siatna, gentheina, haksatna ong tungna pen Lai Siangtho sunga Pasian' Sabbath           apahtawi, azuite hangin athuak hi hang ci-in, ong ngaihsun ding uh-a, sihna tawh tua mite leitung pan botkhia, longhkhia ding uh hi!

A ni ding kiseh khin hi. Zankim laitak-in, a hun, anai ong tunga tua ni tua hun ciangin, a thumang Pasian' mite sihna daan piakna thuak ding hi ta uh hi!

Apiangthu khempeuh i et ciangin, Pasian' mite gim thuak ding kisehkhol, sehsa-in om leh kilawm hi. Suahtakna ngah nading asun leh azan Pasian tungah thungen kikokhia uh hi. Pasian in amaute nusia tamai khin ahiam? Adang bang mah asep theih aom loh hang hi bangin, Topa' nungzuite in haksatna, gimna athuaknate pen anop mahmah vantunggam ading akiging khol, akisakhol ahi uh hi.

Hi bangin, gimna leh buaina kawmkaal ah agukna vantungmi in hai asungsuk hi-
"Agukna vantungmi in Eufrate Gun lianpi tungah ahai hong bunga, nisuahna lam kumpite hong pai nading lam abawlkholhna in tuite hong kangcip hi. Tua ciangin, gulpi kam sung, ganhing kam sung leh, amanlo kamsangpa' kam sung panin uiphuk tawh akibang khagilo thum ahong pusuak kamu hi. Tuate pen dawite' kha hi-a, na lamdangte abawl uh hi. Avaanglian Pasian' NI hong tun ciangin, gal ado dingin leitunggam khempeuh-a om kumpite akaikhawm dingin, akuankhia uh hi. Tua khate in Hebru pau-in Armageddon akici munah kumpite akaikhawm uh hi." Mang.16:12-14-16.

Na lamdang bawl theihna teng hangin hi teng munah dawimangpa' kha ninte in Pasian leh Amaa mite ado dingin, leitung a-uk kumpite, leitung mite tua kidona adingin "amaute akaikhawm" hi. Hi thupen leitungbup kidona Lianpi ahi hi. Tua gal kidona pen Armageddon gal kidona ahi hi.    Asia, apha kikaal hi leitungin agaldona atawpna hita ding hi. Mi khempeuh in amau lampi ding,   apawlpi ding teel khinta uh hi. Migilote pen abucing, apicing dinmun ah oma, na khat pepeuh     amau hamphatna vive ahi dingin, kilawmphial hi -hi thupen David leh Goliath kikaal kidona tawh kibang hi.

"Armageddon" cih kammal pen Hebrew pau in mal nih akigawmna pan ong pai ahi hi, Hebrew pau-in "Har"leh "Megidon" ahi hi.

Hi gal kidona cih pen Megido gamkuama, kidona cih ziau bek agen hilo hi. "Har" cih kammal      adeihna pen "mualtung" ahi hi. "Armageddon" cih kammal in hi leitung khuavannuai-ah Pasian leh Amaa tungah acitak mite migilote in apawl ding uh kaikhawma agaldona uh agen ahi hi. Hi gal kidona pen leitungbup adona ahi hi. U.S.A. gam sunga "National Sunday Law" pen leitungbup, minam atuamtuamte kiangah ong kizeel, na tawh (ni khat ni ciang) sihna daan piakna sungah upna dang aneite thahna athuak dingin, khensatna leh tua bang mite abul panin longhkhiat ding thu ong om ding hi.

Nasiatak-in buaina ong om tak ciangin, leitungah Khristiante' kipumkhatna ahang bulpi ong piang theihna (na lamdang bawlnate leh Satan' ong bawl upkhialhsakna) pen makaite in ("leitung kumpite") thuneihna tawh thupiakna ong bawl uh-a, Sunday Law tawh zuinuamlo,         alangpangte pen sihna, thahna thuak ding uh-a, tua teng hang mah in hi leitung in pen tuahsiatna, samsiatna  athuak dingin em sa-in ong om ta hi.

Pasian mite ahih leh thong sungah pawlkhat, gam simtham leh mual tung tengah kibu ngeingai lai uh-a, Pasian kepna, huhna mah ngak in thungen uh hi. Dawigilo vantungmite ii tawsawnna leh hahsawlna hangin galvan tuamtuam tawh akithawi migilote-in thahna, gawtna abawl dingin, kithawi zihziah khinta uh hi. Tu-in ahih leh nakpitak-in, khuamialna gimthuaknate sung panin Israelte' Pasian in acitak Amaa mite honkhiata ding hi. Hi leitung maitang panin amuhdahhuai upna dang neite ading uphuailophial ong suakmaina hun kiseh khin hi. Zankim laitak gimna   nakpitak-in, aom laitak-in thahna thupiakna ong kipau ta ding hi. Zankim laitak gimna lianpi aom laitak-in, Vantung Pasian in Amaa mite hotkhiatna nasep ong kipan ta ding hi.

Bang thu piang ding cih thu en dih ni-
"A sagihna vantungmi in huih lakah ahai hong bunga, biakinn sung tokhom panin nakpitak-in aw khat hong gingin, "Man khinta hi," aci hi. Tua ciangin, khua hong phia-a, aging lianpi hong oma, van hong ging-in nakpitak-in zin hong ling hi. Ziinliing khempeuh lakah anasia pen ahih manin, mihing apian' zawh hi bang ziinliing om ngei nailo hi. Khuapi phel thum kisuah-a, gam sunga om khuapi dang khempeuh kisia hi. Pasian in Babylon khuapi mangngilhlo-a, amaa hehna ahi leenggahzu ahai sung panin Babylon khuapi adawn sak hi. Tuikulh khempeuh lengmanga, mual khempeuh maimang hi. Gial golpipi, khat ciangin, tawi sawmthum val agik, van pan in mite tung ah hong kia hi. Tua gimna nasia lua mahmah ahih manin, tua gialte hangin mite in Pasian            asamsia uh hi." Mang.16:17-21.

BABYLON KHUAPI-A PAKTAT NUMEITE' PIANNA NU in minam khempeuh tungah Khristian leh ni biakpiakna nasep tatzia ahi akihelzau gawp leenggahzu minam tampitak adawn sak hi. Tun Pasian' hehna lenggahzu aman adawn ta hi.

Pasian' mite sihna, thahna daan piak ding thu Satan in khauh takin hanciam-a, anasepna pen mihingte amaa thu tawh khem kawikawi-in, akawikaihna-ii atawpna nasepna ong hita ding hi. Pasian in amite ong huh nading, amite atatkhiat nading nasep kalsuanna ong neita ding hi. Bang zahin athupi hotkhiatna hi ding!

Leitunga aom na khempeuh angei bang lo-in siatna lam manawh ta hi. Muallianpi pite pen huih laka athellen gawp buhkung, singteh tawh kibang ding hi. Migilote alauhuai diipkuatna tawh zawngkhaal-in puuk cip banah apiangkhia thute lamdangsa-in linglawng ding uh hi, ahi zong Pasian' tate ahih leh amaute akihotkhiat ziate lungdam kipaktak-in dawnin, en ngeingai ding uh hi. Suangtum, suang neente mun khempeuh kithelthang zihziah hi. Tuipite hehna tawh kilok zuahzuah ding uh hi. Leitung pen kizialgawp in kilumlet ding hi. Leitung maitang mahmah zong kitamkham zihziah hi. Aki peh dimdem mualkawite tumcip, muhkhak-in omlo phial ding hi. Tuikulhte amunlui ah kimu nawnlo ding hi. Sodom khuapi tawh akibang leitunga khuapi tampitak tuipi tuihualte in nawkpaai ding hi. Giallianpi pi "tawi sawmthum agik gialpite” in siatna lianpi piangsak-in leitung akizialgawp phial hi. "Talent" khat pen 63 pound gik hi. (Taanglai Greek, Roman te' hun lai-a tawitehna pen "Talent" ci hi), Hi bangin gialpite' kiatna pen thauppi,   meepite tawh agilo khuapite kapneen dikdek-a sukzan dikdek bangin ngaihsun un.

Mizawngte kiangpan ameet tampi tak la-in zawhthawh thu tawh angah sumte tawh alamh uh inn lianpi pi, inn hoihpi pite vut leh vaai asuahnate amit uh tawh amu hi. Thongin kaawmpite kicim hi, tua ciangin, kiniamkhiatna tawh anungta Pasian' tate ahih leh mat leh henna pan suahtakna ngah uh hi.

Pasian' sawlnate azuinuamlo mite' puukna, siatna, gentheihnate ii adiipkuathuai, lamet beinate i genkhiat ding haksa hi. Pasian' thukhaam ii galte, alangpangte, thuhilhsiate akipan mi tampi takin thuman acih bang a hiam cih thu upna thakte anei ding uh hi. Ahi zongin, zekai, luata hi, amaute in aphuatkhiat bulkip neilo-in alinglawng Roman pawlpi' patkhiat sabbath thu ii a thuman athei ding uh hi. Amaute mi mangthang ahihna tampi takin telta hi. Amaute in abaih,   a-olna lampi teel uh-a, a minthang theithei pumpi leh ngeina, tatziate teel zaw, nuamsa zaw uh hi-tua ciangin ganhing ii ciaptehna lim angah uh hi. Pasian' kammal siangthote sangin, biakna makaite' tatzia zuizaw uh hi. Mipi, taangpi zuihna lampi pen akhial omlo hi ci-in aup theih nadingun kimakaih uh hi. Tun' ahi leh akhasiatna, alungkhamna, adahnate hangun nasalua uh ahih manin, khatak-in apawlpi siate uh mawh sakin ko gawp hi.

Hi leitungbup kidona lianpi in Zeisu Khazih ong paikik nading leh gimna lianpi ong bung suk ding vantungmite' vai ding lamsialkhol hi.

"Kumpite' Kumpi leh topa te Topa" ong pai kik nading vantung-a meiite omzia in alim leh meel ong lak hi. A zahtak kaai Pasian' omna mai ah daii takin amite in leitung tawh ong kinai zaw tektek-a ong kilang suksuk lim leh meel gal et uh hi. Tua lim leh meel pen avang' ong tang zaw tektek-a, vaangliatna, minthanna tawh akidim aong pai suk Zeisu ahi hi. "Vantung aom van galkapte in" ong zui suk uh hi. Mang.19:11, 14. Vantungbup pen a tuamtuam-in tang pempam-a vaangtang pha mahmah ding hi- "atulsawm lom atulsawm leh atul atul in" hi zihziah ding hi. Leitunga aom laitui, laikung, laidalte tawh zong kilakhia zolo ding hi. Hi bangin, asiangtho,        alamdang vantung khuapi pen mihing' lungsim tawh geel zawh ding hilo hi. Anungta, akikhin liitliit meei paak ong nai semsema, mit khempeuh in a-ithuai Zeisu mu ding hi. Tun ahih leh       alutungah Ling lukhu kikhusak nawnlo-in amanpha ate ziahziah kham lukhu khu amanpha Amaa lutungah khu ding hi. Amaa maitang panin atang zeizai ni tang ii vaangliatna kimu ding hi.

"Apuan tung leh akha tungah,"kumpite' Kumpi, topate' Topa," ci-in amin kigelh hi." Mang.19:16.

Vaanglian Kumpi alamdang meeilom panin ong tuaksuk laitak-in akuang meivak tawh kituam ding-a, tua laitak-in leitung liinglawng dinga kizialgawp ding hi. Leitang pen kipei kizial gawp in mualte aom na panun kikhin ding hi. "I Pasian hong pai-a, amah dai om mawklo hi. Amaa mai-ah meei husia oma, akimmkotah huihpi om hi. Amite thu akhen theih nadingin tunglam vantung leh leitung asam hi." Late.50:3,4.

"Tua ciangin, leitung kumpi leh miliante, galkap mangte, mi haute leh mi thahatte, silate leh sila ahi lote-a kipanin akua mapeuh, mual tung-a leihawm lakah bu uh-a, mualte leh suangtum lianpite kiangah, "Kote tungah hong kiasuk unla, 'tokhom' tungah atupa' maitang leh Tuuno' hehna panin kote hong liah un. Amaute' hehna hangin gimna hun hong tungta ahih manin, kua in thuakzo ding ahi hiam? a ci uh hi? Mang.6:15-17.

Ciammui, kheltatnate khawlta hi. Samsiatna leh zuau thu gen kamte daita hi. Cikziathuai lauhuaina, gimna kawmkaal ah Pasian' mite lungdamtak-in akikona aw te migilote in aza ding uh hi. "Tua ni ciangin, En un, amah pen eimaa Pasian ahi hi, eite hong hon dingin amah i ngak hi. Amah pen eima Topa ahi hi; amah i ngak hi. Amah in eite hong honkhia ahih manin lungdamin kipak ni," kici ding hi." Isa.25:9.

Leitung pen zukhaam mi bangin akivei akizial laitak-in, alipkhaphuai ahawk veva vanging aw leh leitung nate tuihual bangin kilokgawp in aom laitak-in Pasian in acitak-a Amaa mite han khuuk sung panin asapkhiatna aw kiza ding hi. "Pasian" thupiakna aw ging lianpi, vantungmi mangpa' thugenna, leh Pasian' peengkul hong ging dinga,Topa mahmah vantung panin hong pai suk ding hi. Tua ciangin, tua hun laitak-in anungta lai eite pen van kim lai-ah Topa adawn dingin asisa mite tawh hong kila khawm dinga, Topa tawh i omkhawm tawntung ding hi, cihna ahi hi." 1Thess.4:16,17. “Tomno kaal, mitphiat kaal sungin" Pasian' mite hong kikheel ding hi. 1Cor.15:51, 52. Leitung kiu li panin hong kikaikhawm mite leh akikheel khin anungta lai Pasian' tate tawh "huih lakah Topa tawh kimu khawm ngeingai" ding hi. 1Thses.4:16. "Topa in huih kiu li sung pan leh vantung mong khat pan khat kikaal ah ateel mite kikaikhawm" dinga vantung mite tawh kipawlkhawm ding hi. "Naupangnote vantungmite in anute khut sungah ap ding hi. Sihna hangin sawtveipi kikhenna anei it leh ngaih, lawm leh gualte kimu ding uh hi, Pasian' khuapi sungah lungdamna late kisa ziahziah dinga kikhena om nawn lo ding hi."

Bang zah-in athupi hotkhiatna hilo ahi hiam? Bang zah-in Avaanglian Honkhiapa hilo ahi hiam?
Avaanglian Pasian' gam sungah om nuamlo-in, Zeisu Topa' nungzui ding lunggulhpi-in neilo na hih uh leh bel hi athuman Pasian' kammalte sim nuam hetlo ding na hihna siangtak-in ken ka um hi. Na lungsim sungah hih athuman thute lunglut takpilo-in Zeisu paina khempeuh zui nuamlo-in na om lai-siah adang laibute tawh akibang lo hi laibu sunga thute asim kha ngei nailo mi na hihna kong thei hi.

Satan in hi leitung pen azawh nading thu tuamtuam pilna tuamtuam zanga, alianpen pen zuaukhemna mihingte in asan kimciat theih nading ahilo lo-in ong khemna thute na sim khin, na theikhin tek uh hi. Tua ganhing ii ciaptehna lim na ngahloh nading ong hilhkholh, patauhna lungsim nei-a i pelh theih nading ong gennate zong ii thei khin hi. Tun' Mangmuhna 17 sunga    apaktat numei ii min pen "Babylon" ahihna na theih banah taanglai Babylon hun pek-a kipan nibiakna azang, thuman leh thuman lohna akizelh, akithehthang, upna kip neilo Khristian minpua bek ahihna zong eite in i tel theita hi. Mang.18:4 sunga Pasian' gen thu taangkona sung panin zong kimu thei hi tua sungah hi bangin, ci-hi, "Keimaa mite aw, amawh gamtatna-ah kihel kha-in, agim thuakna thuakpih kha ding na hih manun hong pai khia un." Hi thu pen itna tawh hong sapna ahi hi. Amah in nang hong sam hi. Pasian' thukhaamte zui nuamlo-in Zeisu' thu       amang nuamlote, bang zah in diktat in, itna nei ahi-phial zong tua banga kipawlna panin kikhenkhia-a, kisawh kha selo-in pianthakna, kisikkikna i neih nading Pasian in ong sap atawpna hi ding hi.

Asawtlo-in mihingte amau teelna tawh kizui-in "Pasian' ciaptehna Lim" ahih kei leh "ganhing ii ciaptehna Lim" khat zaw sangsang angah ding uh hi. Hi thu pen ni khat, ni nih ci thute tawh kisai hetlo-in, biakpiakna thu tawh kisai thu hi-a, tua pen Pasian ahih kei leh ganhing ii thuneihna cih thute kikaal ah citaktak-in koi zaw pen ah om ding cih thu ahi hi. Tun - Zeisu in vantung biakbuuk-a Siangtho pen mun ah Amaa sisan tawh palai ai-awh sepna aneih laitak mahin tun "thukhenna ni leh hunte ong tung ta hi." Mang.14:7. Hehpihna hun atawntung akikhakmaa, tu-hun, tu laitak mahmah in zong Zeisu in na khempeuh Amaa tungah ap-in nuntaakna leh kilemna, lungnopnate angah dingin eite ong sam hi. A sawtlo-in hi thute ong zekaai kha ding hi.

Topa Zeisu in singlamteh tungah Amaa ii sisan manpha kei ading in ong buasuk ahih manin, Pasian hehpihna tawh Amaa thukhaamte zui-in, Amaa ni sagih ni Sabbath azui ding leh           "anungta Pasian ii ciaptehna Lim" angah ding leh hi atunga thu teng azuih dingin, ken ka khensat hi. Nang ee leh bangci khensat ding na hi hiam? Amaa tungah athuman dingin khensat-in na teel hiam? Asawtlo-in Amah hong pai dinga Amah tawh kanungta khawm nuam hi, nang ee ut lo maw? Ama'n hi bangin gen hi, "Khuapikulh kongpi sungah alut theih nading leh nuntaakna singgah anek theihna dingun apuan uh asiangin asawp mite, mai pha ahi uh hi." Mang.22:14.

Tu-hun ciangin, mi tampi takin thuman thei nuam in lunggulh mahmah ding uh hi. Mi citak,        athuman mite in thu maimai ciang tawh lungkim zolo ding uh hi. Asiang, paubanna aomlo thuman lunggulh uh hi. Pulpit tung panin akigen akhial, amaanlo thu gennate hangin amau bil nengcik khat zong liinglo ding hi. Nang pen athuman, amanpha thute citaktak-in azong, a theinuam na hihna kong thei hi, tua bang hi kei le cin Pasian' deihna lungsim leh athumanna athute tu-a tanciang dong na sim het kei ding hi.

Hi teng munah athupi dotna thu tawh kisai i lungsim sungah ong lutvat hi-Khazih tawh kum 1000 manna pen bang ahiam? Akimaisak theilo mawhna bang ahiam? Mawhna, kisuanna lungsim te nei lo-in alungnophuai thute koici ngah theih ding i hiam? Bang hangin pawlpi tuamtuam om  ahiam?

Nang ii dotna leh theihnopna khempeuh ong dawng thei ding thu leh la hi laibu neu sungah       akicing in om lo hi. Tua ahih manin, hi bang thute leh dotnate adingin laibu a nihna kong bawl hi tua pen "Kidona Lianpi" ahi hi. Hi abucing laibu sungah na theihnop dotnate' dawnna oma,        athupi dotna leh dawnna aom banah Topa Zeisu ong pai kik nading thu ah zong kiginkholhna ong nei sak ding hi.Tua "Kidona Lianpi,"laibu sungah "Bang hangin mawhna ong lut-a, tua hangin thuman thuaknate hong om ahiam? cih thu leh "Vantung mi acih te kua ahiam?" cih thu tuamtuam na thei ding uh hi. Satan' geelna, ngiimna hoihlote hong kilangkhia ding hi. Mangmuhna.12:17 sunga "acianlai pawlpi" akiphut nadingin akisam thu tuamtuam azui kipawlna om maw omlo cih thute zong na tel khia ding hi. Vantung pen bangci bang ahiam cih thu natel ciangin nakpitak-in lawp-in na lingliang dinga, Kha Siangtho nasiatak-in ong kibuaknate zong na mu ding uh hi. Hi laibu tawh kisai nang adingin na deih leh laibu lahkhiatna Sazian ah en in la,    amanlang theithei in kong puak pah ding uh hi.

Hi banga alamdang Pasian' kammalte nasim tohtohna ah i biak Topa Pasian in na innkuan sungah thupha tampi tak ong pia ta hen! No teng khempeuh tungah i Topa Zeisu ii hehpihna ong tung ta hen! Amen."


THUNUNG BEHLAPNA LAI

THUNUNG BEHLAPNA LAI-1

A.D.476 kum in Roman Kumpi gambup pen gam sawm kisuah/khen takpi hi.
                   
 “Taangthu thei mipil Machiavelli a cih in Lai Siangtho sunga genkholhnate tawh tehkak lo-in, athupiazia hi bangin, gen hi, Roman kumpi gam atawpna kumpi sem kumpi Romulus Augustus (476 A.D) ong kah ciangin, gamsung kikheelna om hi, ni tumna kumpi gam teng aluah gamte pen: Lombards, Franks, Burguandians, Ostrogoths, Visigoth, Vandas, Heruli, Suevi, Huns leh Saxons: hih gam sawm teng ahi hi.

 “Tua hun-a kipan Rome kumpi gam pen gam khat, kumpi thahat gam khat bangin, ong dingto zo nawnlo hi, U.S.A. gam bangin, gam, ke tuamtuam akipawl gam lianpi khat bangin, Rome kumpi ong ding zo nawnlo hi. Maizumna seel nading leh kiphatsak nop manin atuamtuam-a, akitheh thang khin Rome gam pen kipumkhat ding ahanciam uh hangin, gualzawhna ngah zo nawnlo hi. A dingto zel dingin, ong kithawi hangin, angei bang zo ngah zo nawnlo-in, atuamtuam, akhen tuamtuam-in kitheh thang hi.”

“Akhen tuamtuam in ong kikhenna tu-in kimu theita hi. Hih gamte pen tuhun-a Europe gam kuam, gamlim sungah muh theih leh khoih theih in ong om ta hi, paulo phunlo daaitak-in hih      a-uphuailo thute ong kilangta hi, ahi zongin, Lai Siangtho’ genkholhna athupi hi thute in           atangtunna teci lak hi.”

“The Divine Program of the World’s History,” by H.Grattan Guenness, pgs.318-321. (As quoted in “Bible Readings for the Home,” Review and Herald Pub. Assoc. London, MCMXLII, pgs 216,217).

THUNUNG BEHLAPNA LAI-1A
                          “GANHING” leh “KII NEU”
1. Tua “kii neu”in “Mihing bangin, mittang” nei hi.Daniel. 7:8
  tua “ganhing” in mihing khat min tangin ading hi.” Mang.13:18.
2. Tua “kii neu” in “ASangpenPa” bangin aom ding hi.
  tua “ganhing” in zong Mi Siangthote tawh kido ding hi.” Mang.13:7.
3. Tua “kii neu” in ASangpenPa langpang-in kam pau ding hi.” Daniel.7:15.
  Tua “ganhing”in zong akam hong khia-in Pasian zahkona, thaangbawlna apau ding hi.” Mang.13:6.
4. Tua “kii neu” pen kii sawmte’ lakpan ong paikhia, pokhia ding hi (Rome gamsawm in kikhenna.)   Daniel.7:8.
  tua “ganhing” in Rome gam kumpi’ tung panin “thuneihna, tokhom leh zaliatna” angah ding hi. (tua gamsawmte ong kiphut khit ciang ahi hi). Mang.13:2.


THUNUNG BEHLAPNA LAI-2
GANHING II KUM 1260 SUNG A-UKNA HUN

Sagih vei akipulaak khia hih kum 1260 hun sung pen Pasian’ mite akibawlsiat hun thute agen ahi hi. Tua akipulaak khia Lai Siangtho munte pen hi bang ahi hi: Mang.13:5Mang.11:2Daniel 7:25Mang.12:14Mang.11:3Mang.12:6 leh Daniel 12:7.

Genkholhna thute’ paizia thuguikhun ahongkhia atawhtang pen Ezek.4:6 le Gam.14:34 te ahi hi. Hih LaiSiangthote in genkholhna thu ah ni khat pen kum khat tawh kikim ahihna lak hi.Tua thute hang mah-in genkholhna hun leh thute pen amasa-in ‘kisim zia tawh kilak hi. Hih Lai Siangtho “tawhtang” zatna hangin, hun tawh kisai genkholhnate kicingtak-in, kilakkhia thei banah ong tel sak baih tuam hi.
                         
Lai Siangtho sungah kha khat pen ni 30 tawh kisim hi. Kum khat sungah ni 360 om hi. Hi teng pen hun tawh kisai genkholhnate i telbaih nang apaizia ong lak hi.
                          
Mang.11:2 leh Mang.12:14 sungah hun tawh kisai agenna pen “hun khat”, leh “hun nih,” “hun lang” ci-in ong kilak hi. Hih hun 3 ½ tawh kikim hi. Daniel 4 na sungah bel “hun” khat pen kum khat tawh kikim hi ci hi.Tua ahih manin, hih Daniel 4 sungah Nebuchadnezzar in Daniel genkholh mah bangin, alungsim kikhel-a, Leila-ah bokvak-in “hun sagih” sung aom hi ci hi. Tua ahih manin, kumpipa pen kum 7 sung tua bang din mun ah om cihna alak ahi hi.Tua ahih manin, hun 3 ½ pen kum 3 ½ tawh kikim hi (kum 3 ½ pen ni 1260 ahi hi).
                          
Mang. 11:3 leh 12:6 sungah, hun tawh kisai agenna pen ni 1260 hi ci-in kiciantak-in lak hi (hih hun sung ganhing in, Pasian’ mite bawlsia hi).
                          
Ezek.4:6 leh Gam.14:34 sunga kum tawh kisai agenzia i et ciangin, ganhing in sihzah dong dingin, Liamnamaa aneihmaa kum 1260 sung athuneihna (aana) zang in a-uk hi. Hih ganhing ii thahatna, vangliatna i et ciangin, tua thu genkholhnate apiangkhin takpi ahihna i mu thei hi. Tua ahih manin, Pasian in hun tawh kisai sagih vei agenna in hi hun sunga akoih, asep thu ii        athupitzia ong lak hi.
                          
Hi tengah, tua thu tawh kisai Lai Siangtho mun kigelh suk diudeu hi.
                         
Mang.11:2 leh 13:5 sungah, ganhing ii ukna thuneihna angah sung pen kha 42 sung ahi hi. (Ni 30 ciang kha khat ahih mah bangin, kha 42 pen ni 1260 ahi hi).
                          
Daniel.7:25 leh 12:7, leh Mang.12:14 sungah, ganhing in “hun” 3 ½ sung ukna thuneihna (aana) nei ahih kei leh kum 3 ½ zong kici thei hi (kum 3 ½ cih genkholhna thute akigen ciangin, tua hun ah ni 1260 hi cih adeihna ahi hi).
                          
Mang.11:3 leh 12:6 sungah, bawlsiatna hun sung pen ni 1260 sung hi ci-in kilakkhia hi.
                          
Hih hun tawh kisai sagih vei Lai Siangtho in agennopna/adeihna pen tua ganhing ii ukna thuneihna (aana) neih hun pen ni 1260 sung hi-a, tua pen kum 1260 sung cihna zong ahi hi.

THUNUNG BEHLAPNA LAI-3
                          
Hih anuai-a thu akitomlak teng pen Roman Catholic (R.C) pawlpi’ makaite in amau thuneihna tawh asepkhiat uh thute leh amakaite ii thuneihna leh aza tawh kisai thute ahi hi.
                          
“Lai Siangtho sunga Khazih ii zia leh tong akilahkhiatna min khempeuh banah Khazih in pawlpi tungah ukna thuneihna aneih mah bangin, Pope tungah zong tua bang zia leh tong te kipia hi.” Bellamin, “On the Authority of Councils,” book 2, Chapter 17.
                         
“Tua ahih mah bangin, nang pen tuucingpa, damna apia thei pa, mehteh mehgah leh an pianna lokhopa na hih banah, leitung adingin Pasian adang khat na hi hi.” Labbe and Cossart’s “History of the Councils,” Vol. XIV, vol. 109.
                          
Thuneihna Zamin puakna “Pope Pasian” Extravagantes of Pope John XXII, title 14, chapter 4, Declaramus.
                          
Antwerp Edition sunga, Extravagantes acih laibu sungah “Dominum Deum Nostrum Papam”cih adeihna pen “Eite’ Topa Pasian Pope” cihna hi-a, column 153 na ah kimu thei hi. Piantit kam tawh akiletkhia laibu sungah a column 140 na ah hi thu om hi.
                         
“Tua hun-a, kipan Pope pen aminpha khamlukhu thum kigawm kikhu sak hi, tuateng pen vantung kumpi, leitung kumpi leh hellkhuuk kumpi cih nam thumte ahi hi. ”Prompta Bibliotheca, Feraris, vol. 6. pgs.26, article “Papa”.
                          
Roman Catholic Canon Law (R.C. Lai Siangtho Thukhaam) sungah, hi bangin, kigelh hi, Pope Innocent III in hi bangin, taangko khia hi, “Roman Siampi (Pope) pen hih leitung Pasian’ ai-awh nasem mi, mihing cih mawkmawk hilo-in, Pasian phial mah in om-a thuneihna nei” hi ci-in gen hi, tuaciang tua laibu ii amundang khat sungah zong tua bang mah-in lakkhia hi, banghang hiam cih leh Pope pen “Pasian taktak mah hi-a, mihing taktak mah zong ahi,” Khazih ii ai-awh nasem ahi hi. Decretales Domini Gregorri Papa IX (Decretales of the Lord Pope Gregory IX), title 7, chapter 3; Corpus Juris Canonice (2nd leipzip ed. 1881), col. 99; (Paris, 1612), tom. 2, Decretales, col. 205.


KHIALHTHEIHLOHNA
                       
“Dictates of Hildebrand” -akici Hildebrand ii Zuihding Thupiakna Sawmnih Sagih lakah (hi pen Pope Gregory VII ii min nuai-ah akisemkhia) pawl khat pen anuai-a bang ahi hi:
                         
“2. Roman Pope (Siampi) bek mah khuavannuai ah atuamvilvel adik gamtatna anei ahi hi.
                          
“6. Pope in kizopna pan aphiat, abotkhiat khitsa peuhmah mun khat inn khat sungah midangte tawh om khawm theilo ding hi.
                          
“9. Kumpi khempeuh in Pope ii khe bek nam thei ding uh hi.
                          
“19. Kuamah peuhmah in Pope tungah thukhenna bawl thei ngeilo ding uh hi.
                          
“22. Lai Siangtho tawh kituak ahih mah bangin, Roman Catholic (R.C) pawlpi pen khialngeilo-a, mailam ah khialngeilo ding banah khialhna bawl ngeilo hi.
                         
“27. Thuman, thutang lo ukpite, kumpite peuhmah amau (Pope) in adeih bangin, aza uh khia thei-a, akisap hun ciang athu tawh kituak-in, a-ut dandan un amawhna uh zong amaisak thei lel hi.
                          
Daniel 7:25 sung Clark Commentary hi bangin, gen hi. “Pasian bek in aneih hih khialhtheihlohna zia leh tong pen amau (R.C Pope) zong anei, angah, azang dingin kisehtawm uh hi. Pasian bek mah in mawhmai theihna apia thei hi napi amau (R.C.Pope) zong apia thei, azang thei mah in kisehtawm uh hi.

THUNUNG BEHLAPNA LAI-4
LAI SIANGTHO SIMNA LEH NEIHNA KIPHALLO
                           
Council of Toulouse (Toulouse khua-a Biakna Kikhoppi) ah pawlpi makaite in hi bangin, thupiakna, thukhun bawl uh hi: “Lai Siangtho alui/athak pawlpi mite in aneih ding kiphallo hi…akizang pen pau tawh akigelh, ahih kei leh bang pau bang kam cilo-in, Lai Siangtho pen simding/neihding nakpitak-in kikhaam, kiphallo hi.” “Hi bangin, pawlpi kibanglo, upna lampialte amaute omna mun, abukna buukno, gam simtham, akiselcipna leinuai khempeuh aomna mun teng zong mengmeng, man ziahziah-a, vatmai dingin, khua-uk kumpi uliante thu kipia hi.” Council Tolosanum, Pope Gregory IX, Anno. Chr. 1229.
                          
Council of Tarrogona (Tarragona khua-a biakna kikhoppi)ah pawlpi makaite in hi bangin, thupia uh hi. “Roman kam tawh akigelh Lai Siangtho pen pawlpi mite akuamaa peuh in aneih ding uh kiphallo hi, azenzen in tua banga, Lai Siangtho aneih sim uh akitheih leh asiampite tungah           aapkik, apiakkik dingin, thuneihna (aana) tawh thu kipia hi, tua ahih manin, tua Lai Siangtho khempeuh kihaltum thei pah ding hi.” D.Lortsch, Historie dela Bible en France, 1910, p.14.
                          
Lai Siangtho tawh kisai Kipawlkhopna (Bible Soceity) atuamtuamte pen akiphuatkhit ciangin, tuate pen Communism tawh ki-ukna, gam sung ki-ukna kipawlna atuamtuamte tawh aki khat, aki bangin, kiseh, kituat lel-a, hi bangin, Lai Siangtho thu tawh kisai leh Pasian thu tawh kisai kipawlnate pen leitung tawh kisai kipawlna atuamtuamte mah bangin, pawlpi makaite in a ngaihsut sakna alamdang takin, thukhun piakna nei uh hi. December 8, 1866 kumin Pope Pius IX in Quanta Cura cih theihhuai thu tuamtuam agelhna laibu sungah hi bangin, thu tangkona nei hi. “Socialism (Neihsa atuamtuamte kipawlkhawm-a neihna leh tua bangin ki-ukna), Communism (Neihsa atuamtuamte kumpite in gawmkhawm vet-a tuate gam mite tungah zeekkhia, hawmkhiatna aneihna leh tua bang ki-ukna), thuhoih lo, supna ding deihna tawh thusim avaihawm kipawlna atuamtuam (Clandestines Societies), leh Lai Siangtho tawh kisai kipawlna tuamtuamte (Bible Societies)…hi bang nengneng kipawlna tuamtuamte bangthu bang hang cih omlo-in suksiat, phiatsiang ding ahi hi.”

THUNUNG BEHLAPNA LAI-5
MI SIANGTHOTE TAWH KIDONA
                         
Sisan luanna tawh akidim athuman taangkona ah kum zalom 11, 12 leh tuni ciang dong mah bawlsiatna atuamtuam kizom toto hi. (1845 kum kigelh) tua bang kilangdonate hi leitung ii taangthubu sungah kisim, kimu thei hi. Orlean thukhunbu sungah, biakna hangin, nuntakna piakkhiatna, thu leh taangthute ahong kilahkhiatna kipan biakna galdona leh kithahna tawh Albigeneses pawlpi (Piantit gamte phiatna leh beisakna, thu leh sepzia taangthute kantel, sittelna tawh Waldenses pawlpi bawl Peter Waldo makaihna tawh akiphuankha R.C. pawlpi sunga, khantoh nading puahtuan lo-in Pasian ading adingkhiat ngamnate uh (Lollards-kum zalom 13, 14, 15 sungteng phatna abawl mite pen Lollards kici hi), Bohemians nungzuite nasiatak-in, phiatsiang theih nading leh abul panin longhkhia-a, anasep uh akhawl theih nading alangdonate (Czech gam sunga biakna nasep asemte leh tanglai hun-a Khristian pawlpi kipawlna pen Bohemians), John Huss leh Jerome in mei tawh akihalna, tua bekthamlo-in, thu-um mi tampi tak zong kihalna thuak uh hi…Spain leh Italy gamah puahphatkikna nasepna abei nadingin, mei tawh halna leh namsau tawh kithahna, mawhsakna leh bawlsiatna ngiat tawh athuaksia Poland gam sunga, a-om thu-um mite, Bartholomew akibawlsiatna kithahna, tua bek hilo-in, asiangtho pawlpi makai thukhenna (aana) aneite damdam leh simtham-a thahna cih bangin, alipkhaphuai gamtatnate na om hi.” T.R. Birks, M.A. The first Two Visions of Daniel, (London: 1845) pgs. 258, 259.
                          
“Spain gam-a pawlpi makai thukhente’ bawlsiatna mi phazah pen “The History of the Inquisition in Spain” cih laibu sungah, kimu thei-a, agelhpen Llorente (nidang Pawlpi Thukhenna kipawlna ah lai-gelh asem ngei) ahi hi, laimai 206-208 sungah kimu thei hi. Hih Pawlpi Thunei te in Spain gam bekah zong thu-um mi tulzathum (300,000) val bawlsiatna thuaksak a tua lakah mihing 31,912 pen meilii sungah halna thuak hi. Europe gam kuampi sung mahmah ah zong thu-um mi awn tampi kithat hi.” Printed in Bible Readings for the Home, (Washington: Review & Herald Pub. Assoc., 1942) P.221.
                          
“Pawlpi in bawlsiatna, thahna bawl hi. Ahi zongin, pawlpi sung taangthu sunga, lutcil akipancil, ahih kei leh sia semding-a, akipancil pawl khat makaite in umlo-in tuabang liang dingin sehngam samlo-in, nial ding uh hi. Constantine ukna, kumpi asep zawh kum (150) khit ciangin, Donatists te (Roman kumpi akhanlai-a pawlpi nasemte) zong kibawlsia-a, khat veivei ciangin, thahna zong thuak uh hi. Piantit gam leh Spain gam ah Protestants (R.C. pawlpi ahilo Khristian dangte) zong pawlpi Makaite’ thuneihna (aana) tawh thahna thuak, bawlsiatna thuak uh hi. Pawlpi in thatang hatna, galhiam zat nading akisam leh akisam dandan in zang lualel ding hi.” The Western Watchmen (Roman Catholic) of St. Louis.

THUNUNG BEHLAPNA LAI-6
WALDENSES KHRISTIANTE’ LANGDONA, BAWLSIAT DING THUPIAKNA
                          
“Pope Innocent VII in 1487 kum in Waldenses (Kum zalom 12 hun-a, Piantit gam lyon khuapi-a sumbawl Peter Waldo in R.C. pawlpi sungah, puahphatna nasep pankhia-a, amaA nungzuite Waldenses kici) hite thah nading bawlsiat nading thupiakna  thu pawlkhat pen (Hih Pope Innocent VII ii thupiakna lai ataktak pen Cambridge University laibu Saal ah kimu thei hi) Mikanglai tawh akiletkhiatna laibu bawlpa John Dowling “History of Romanism (1871 ed.), book 6, chapter 5, sec. 62” sungah, kimu thei hi. (Cosmic Conflict Washington: Review & Herald Pub. Assoc. 1982) p. 602 sung pan akikaikhawm ahi hi).

THUNUNG BEHLAPNA LAI-7
LIM LEH MEEL
                          
787 kum Council of Nicea (Nicea khua Pawlpi kikhoppi anih veina) kikhoppi anih veina thukikupna ah biakinn sungah, milim koihding khensatna kinei hi. Hih Pawlpi kikhoppi thu leh late Baronius ii gelh Ecclesiastical Annals, Vol. 9, pp. 391-407 leh (Antwerp, 1612); leh Charles J.Hefele, A History of the Council of the Church the Original Documents, book 18, chapter 1, secs. 332, 333; chapter 2, secs, 345-352 (T ang T.clark ed., 1896), Vol.5, pp. 260-304, and 342-372.
                          
The Seventh General Council, the Second of Nicea thupatna sunga, lai-mai iii-vi (agelhpa pen J. Mendham ahi hi) sungah hi bangin, gen hi- “Milim biakna pen …Khristian mite’ nunzia sungah athangtatna, tatsiatna khat hong suak-a tua pen pawlpi sungah asimtham-in ong lut-a, hoih takin sittelna leh phawkkhak luatlohpi-in ong lutta hi. Hih tatsiatna pen adang upkhialhna, paikhialhnate tawh kibanglo-in, tha khat thu in ong kizelpah thu hi-a, hih thu pen thei gige mah-a hong kipan ahiphial zongin, hoihtak mahin, ahoihlohna leh nawlkhin taai bawlding akisap leh zong athuzui-a sep ding hi sam mah hi ven.
                          
“Hih milim biakna pawlpi sungah, ong kipatcil-in biakding leh phat dingin akikoih masa hilo hi, ahih hang laisim thei lote leh Mipite’ lungsim sungah, thangah nading leh biakpiakna amannei,  athalawp sak dingin, ong kipan khia, sim theih ding laibu bang-a laithei lote’ phattuam nading deihna tawh kipan himah napi…ahi zongin, hih thu hangin pawlpi mi laitheilo, thu theilote’ ading khuavak, atawsawn zo ding deihna hang-a, akipan ahih hang deih banglo-in, hih milim biakna in, pawlpi ong buaisak, khuamial sungah ong tunpih na hi zaw hi, biakpiakna anei mite’ lungsim       alapsang ding sangsik-in nuaisiahna, hoihlohna ong tunpih hi.

THUNUNG BEHLAPNA LAI-8
PASIAN’THUKHAAM KHEELNA
                          
“Roman Catholic (R.C) pawlpi te’ Lai Siangtho sungah zong hih Pasian’ thukhaam sawmte aom hangin, hi bangin, pawlpi mite tungah Lai Siangtho sunga bangin kihilhlo uh-a, thu-um mite pen pawlpi makaite’ phuattawm thuhilhna laibu tungtawn-in kihilh zaw hi. Hi bang thuhilhnabu (catechisms) sungah, akigelh dan abat leh Pasian’ thukhaamte pen kilaihgawp-a, Pope in atuam vilvel-in puahphatkikna ong bawl hi.
                          
Thukhaam Sawm sunga anihna pen ahi milim maiah kunlo ding bialo ding cih thu pen R.C. pawlpi’ Thuhilhna laibu sungah kigelhlo hi, Lai Siangtho sunga bangin kigelhlo hi, tua banah thukhaam nambat sawmna ahi-mi neihsa duhgawh, deihgawh loh ding tawh kisai pen R.C. pawlpi in            athuhilhna laibu sungah nam nih in khen hi.” “Bible Readings For the Home,” (Washington: Review & Herald Pub. Assoc., 1942), p. 221.
                          
Hih anuai-a thukhaam sawm ong kigelh alangkhat lam (taklam zaw) pen Pasian ong piak thukhaam sawm hi-a, alanglam pen mihingte’ kheel thukhaam ahi hi.


    PASIAN’THUKHAAM            MIHING’ KHEEL THUKHAAM
1. Keimah simloh pasian dang na nei kei ding uh hi.
1. Kei pen note Pasian ka hi hi. Kei simloh alamdang pasian dang na nei kei ding uh hi.
2. Milim bawl-in Na bia kei ding uh hi.
2. Topa note Pasian min na zaangkhaai bawl kei ding uh hi.
3. Topa note’ Pasian min na zaangkhaai bawl kei ding uh hi.
3. Sabbath ni asiangtho azat ding phawk in.
4. Sabbath ni asiangtho-a zat ding phawk un.
4. Na nu leh na pa uh zahtak un.
5. Na nu leh na pa uh zah tak un.
5. Na that kei ding uh hi.
6. Na that kei ding uh hi.
6. Nu-leh-pa mawhna na bawl kei ding uh hi.
7. Nu-leh-pa mawhna na bawl kei ding uh hi.
7. Amaanlo teci na pang kei ding uh hi.
8. Amaanlo teci na pang kei ding uh hi.
8.  Mi neihsa bang mah na gu kei ding uh hi.
9. Mi neihsa bang mah na gu kei ding uh hi.
9. Na vengte’ zi na deihgawh kei ding uh hi.
10. Na vengte’ neihsa na deihgawh kei ding uh hi. (Paikhiatna 20:3-17)
10. Na vengte’ neihsa na deihgawh kei ding uh hi. Catechism, (Butters, p. 28)
                                                                         

THUNUNG BEHLAPNA LAI-9
AMASA PEN SUNDAY LAW
                           
“A.D. 321 kum ciangin, Constantine kumpipa in Sunday ni pen taangpi nipi ni dingin, zat ding thupiakna ong taangko khiat hun-a, kipan tua Sunday ni pen leitung mite in zatkhiat dinga thupatna amasa pen ahi hi. Tua mah bangin, zum, kumpi thukhenna zumpite, khua tuamtuamte leh nasepna mun khempeuh ah Sunday ni pen tawlngak ni dingin (venerabili die Solis) zat ding thupiakna ong bawl-a, ahih hang lokhawh singpuak nasep asemte bel maap hi.” Encyclopedia Britannica, ninth edition, article “Sunday”.
                          
Latin Lai tawh hih thupiakna thu asuahkhiatna amasa pen bel “Codes Justiniani (Codes of Justinian-Justinian ukpipa’ Thukhun)” kici hi, lib. 3, title 12, lex.3.
                          
High Sunday ni tawlngak ni dingin, khensatna tawh kisai Latin leh Mikanglai tawh Philip Schaff ii laibu gelh “History of the Christian Church “, vol. 3, 3d period, chapter 7, sec, 75, pg. 380, Footnote 1 sungah kimu thei hi.
                          
Hih Sunday ni tawh kisai thukhaam piakna vai tawh kisai Albert Henry Newman ii laibu gelhna “A Manual of Church History”, (Philadelphia: The American Baptist Publication Society, 1933), rev. ed., vol.1, pp. 305-307 sungah kimu thei hi.
                          
Hih Sunday ni zuih ding tawh kisai pen Leroy E. Friin ii laibu gelhna “The Prophetic Faih of Our Father (Washington D.C.: Review & Herald Publishing Assoc., 1950), vol.1, pp. 376-381 sungah kimu thei hi.

THUNUNG BEHLAPNA LAI-10
“A NI MASA NI”-LAI SIANGTHO MUNTE
                          
Thu leh la atuamtuam, leitung pilna anei Khristian awn tampi takin nipi kaal khat-a a ni masa ni Sunday ni pen biakinn ah kikhopna piak ni cih thu tawh nipi in zang uh hi. Hi banga, Saturday
Sabbath pan in Sunday nipi tawh akilaihna athu leh ala, apaizia, thu tuamtuam ahang tampi tak thei in, um veve, theih na ciang nei uh hi. Nipi kaal khat sunga a ni masa ni pen asiangtho in zatding hi ci-in Pasian in asehlohna thu leh ni sagih ni asiangtho in zatding Pasian in atuam koihna thu pen amaute in phawkkhalo ahih kei leh atheikha pipi-a agamta uh ahi hi.
                          
Hih thu pen ataktak ahi hi, Mihingte in athuneihna uh tawh akheel uh ahi hi.
                           
Ahi zongin, tua bangin akheel kua ahiam? Leitung taangthu i et ciangin, akaal masa sungin, Pasian in Sabbath abawl, apiak ahihna i telkhia thei hi. Tua ahih manin, hih Sabbath ni pen kaal sim kaal sim-in Pasian in mihing leh Amah tawh kizopni, hun zatkhopni, thupha piakni,                kithaksuak sak ni, aki-it nuntakna nei nih ii kiho ni cih bangin, asehtuam ngiat ni ahi hi (Pasian leh mi).
    
A zenzen in, Pasian in ei tawh kizopni, thupha piakni-a, aneih azat hih Sabbatn ni alungsim kikheel-a, alaih ahih leh Lai Siangtho sungah Pasian in athupi mahmah i zat dingin ciamteh ding ahi hiam?
                          
Ganhing in amaa thuneihna tawh hi bangin, Pasian ni laih ahihna thu eite in i thei hi ahi zongin, Lai Siangtho in bangci gen ahiam?
                           
Nipi kaal khat sunga a ni masa ni thu tawh kisai Lai Siangtho thak sungah giat vei kigelh hi. Hoihtak-in sim dih ni.
                          
Matt.28:1  Mark.16:1,2  Mark.16:9  Luke.24:1 1John.20:1 John.20:19 Sawl.20:7,8 1Cor.16:1,2.
                          
A masa Lai Siangtho mun nga te in bel zingsang tung Zeisu ong thawhkik ni hanah numeite apai na thu gen hi, tua ni Zeisu sihna pan thokik hi.
                          
Na Lai Siangtho sungah John 20:19 sim un. Zeisu ong thawhkik ni-in, Amah a nitak lam pawl ah anungzuite kiang apaina thu gen hi. Amaute tua bangin akikaihkhopna pen “Jews te akihtak man ahi hi.” ci-in kigen hi.
                          
Nungzuite lau mahmah hi. Topa Zeisu aSiapa akibawl bangin, amaute akibawl ding, mat leh hen athuak ding uh lau ahih manin, kigen nuamlo uh hi. Tua hangin, amaute akibu ahi uh hi.
                         
Friday ni a-it, azahtak uh-a, Topa asih ni ahihna amaute in thei uh hi. “Amaute ong kikaikhawm uh-a, sathau leh paaknamtui atuamtuam kigingkholhsa-in nei uh-a, thupiakna aom mah bangin, Sabbath ni atawlnga uh hi.” Luke.23:56. Tu-in ahih leh amaute in “Jews minamte akihtak uh manin” kong kilehkhak uh-a, abu ngeingai uh hi. John.20:19.
                          
Hi tengah hun, ni akikheelna, kilaihna kigen nailo hi.
                          
Ni masa ni akigenna asagihna pen Sawl.20:7,8 sungah kimu thei hi. Tua sungah hi bangin, ci hi, nipi kaal khat sunga a ni masa ni kiangah thu taangko khia-a, azing ciangin, pai nading nei ahih manin, kigingsa-in om-a, zankim dong thu agen hi. Amaute akikaihkhopna mun inn tung nungah meivak tampi tak kivak hi.”
                           
Hih hun pen zan laitak kikhopna ahi hi-nipi kaal khat ii a ni masa ni zan hun, khuamial hun laitak ahi hi. Khuavak hun ong kipatmaa in zan khuamial hun om hi cih thu Lai Siangtho in zong, eite ong hilh hi. Pian.1:5. “Pasian in khuavak pen Sun ci-a, khuamial pen Zan ci hi. Nitak hong bei-in zingsang hong tunga, ni khat ni ahi hi. Khuamial hun  ong tung masa hi.
                            
Lai Siangtho in ni khat pen nitum khat pan nitum khat ci-in ong hilh hi.       
                             
A ni sagih ni pen Friday ni nitum hun ciangin kipan hi. Nipi kaal khat ii a ni masa pen Saturday ni nitum hun ciangin kipan hi. Saturday ni zan (khuamial)-nipi kaal khat ii a ni masa ni-in Paul thu-um mite tawh hun zang khawm hi. Hih hun pen kikhenna, kimangpha khakna hun ahi hi. Paul in zankim hun dong athugen zomto suak-a, Eutychus akici tangvalnopa tawlet tungpan leilakah kia suk hi. (Sawl.20:19).                   
                                             
Pasian in tua tangvalnopa anuntakna kem ahih manin, asih lohna thu azak uh ciangin, amaute bang zahin nuam ding cih ngaihsut sak thei hi teh. Sawl.20:11  sungah, Paul in zingsang khua vak dong thuhilhna, thugenna nei-a, tua khit ciangin, akhualzinna uh azom suak uh hi ci-in gen hi. Sawl.20:13 sungah, Paul in tua Sunday ni zingsang sung teng Assos lam zuankawm-in khualzin hi ci-in gen hi.
                          
New English Bible (NEB) sungah hi thu pen hi bangin letkhia hi:
                          
“Sani nitakin an ne khawm dingin kakikhawm uh-a, azing ciangin, adingkhia ding ahih manin, Paul in athuhilh zankim ciang dong azom suak hi.”Sawl.20:7.
                          
I Cor.16:1, 2 sungah atawpna kaal khat sunga ni masa ni thu tawh kisai hi bangin kigen hi.
                         
Hi bangin, gen hi “Tu-in Judea gam-a om Pasian mite huhna ding sum kaihkhopna ding thu tawh kisai-in: Galatia gam-a pawlpite in ahih ding zia uh kagen bangin, note in zong na hih un. Kei ka hong pai ciangin, sumpi kaihkhop tawm-a, aomloh nadingin, na ngahna uh tawh kizui-in Nipi simin na tuam koih un la, na na khol un.” 1Cor.16:3 na ah tua sumpite Jerusalem ah apaipih ding thu ahihna gen hi.
                          
Galatia ah ahih mah bangin, Paul in zong Corinth pawlpi mite in asumpite uh kaihkhopsa-in neiuh-a, amah hong tung ciangin, abaihsa in Jerusalem-a, mi siangtho thu-um mizawngte piak theih pah dingin deih hi. Tua ni-in tua hun, tua munah biakpiakna kikhopna om hi ci-in Lai Siangtho in gen lo hi, ahih hangin, pawlpi mi khatciat in “atuam-in kholsa-a koihkholh ding” a gen hi, tua ni pen kholsa-in koih ding ahoih pen ni ahi hi. Bang hang hiam cih leh tua khit ciangin, kaal khat sung ading sum pen zat ding aphamawh ong hi ta ahih man ahi hi.Tu-hun adingin zong, kituak mahmah veve hi! “Kei kong pai ciangin, kikhoptuah, kikaihtuah ding akul nawnlo ding” cih Paul in deih ahih manin, tua banga asawl ahi hi. 1Cor.16:2.
                           
Tua hun laitak adingin, Jerusalem–a, pawlpi mite in haksatna, buaina tampi tak thuak ahih manin, mun tuamtuam-a pawlpi mite kiangah Paul in huhna sum akhawn kawikawi ahi hi. (Tu-hun adingin zong eite tua bangin thukhualna i neih ding kisam hi).
                          
Pasian’ Sabbath ni pen Sunday ni ah akilaihna Lai Siangtho mun kimu lo hi.
                          
Biakpiakna tawh kisai Paul ii ngeina leh tatzia bang ahiam?
                          
Hi tengah athu kimu thei hi.
                          
“Apai ngei zel mah bangin, Paul zong kikhopna inn-ah pai-a, Sabbath  thum vei sung Lai Siangtho siksanin mite tawh thu kikum-a…..”Sawl.17:2.
                          
Eite in zong ih etteh dingin Zeisu zong hih leitung ah a om lai-in ni sagih ni Saturday Sabbath zang in biakinn ah a pai hi.(Luke.4:16).

THUNUNG BEHLAPNA LAI-11
PAWI THUKHAAM LEH THUCIAM NAMNIH
                          
Gamtatna tawh kisai Pasian piak thukhaam (Thukhaam Sawm) leh Pawi thukhaam akilamdangna kician, kitel mahmah hi.
                          
Hite gel ii kilamdanna hoih takin en cian un. Ganhing biakpiakna tawh kisai pen singlamteh tawh kikhaikhawm khin ta hi, adang pen ahih leh om tawntung ding hi.

      Thukhaam Sawm                          Pawi Thukhaam  
                    
1.  Hih pen “Topa’ Thukhaam” kici hi.
   James 2:8
1. Hih pen
“Zuihding thukhaam/ ngeina thukhaam ahih kei leh Judah thukhaam” kici hi. Eph. 2:15
2. Pasian in akam tawh agen ahi hi. Thlna               4:12,13
2.  Moses in akam tawh agen ahi hi. Siampi.     1:1-3
3. Pasian’ khut tawh akigelh ahi hi. Pai. 31:18
3.  Moses ii khut tawh laibu sungah agelh ahi hi. II King. 35:12
4. Singkuang sungah kikoih hi. Heb. 9:4
4.  Singkuang sungah kikoih hi. Thkn. 31:24-26
5. “Atawntungin kip ngitnget hi.” Late 111:7,8
5.   Singlamteh tungah kikhai khawm hi. Col. 2:14
6. Khazih in tua thukhaam susialo, beisaklo    hi. Matt. 5:17,18.
6.  Khazih hangin Moses’ thukhaam kiphiat hi.    Eph. 2:15
     
A thupi mahmah thukhaam nihte pen “Na lungsim, na pumpi, na ngaihsutna khempeuh tawh TOPA it un.” A thupi anihna thukhaam pen “Nang leh nang na ki-it mah bangin, na vengte na it in.” Pasian’ thukhaam sawm pen hi thu nih tegel tungah kinga hi. Tua suangpeek masa  tunga thukhaam a masa li teng pen i lungsim i ngaihsutna tawh Pasian koici bangin i it theih nading, ong gen hi. Pasian leh mihingte kikaal-a zuih ding thukhaam hi. (Pasian dang atuam neilo ding, milim bialo ding, Pasian’ min zaangkhai ngaihsut lo ding, Sabbath ni-in tawlnga ding)Tua suangpeek nihna tung-a atawpna thukhaam guk tengpen ei leh ei i ki it mah bangin i vengte it ding cih thu ahi hi. Mihing leh mihing tungah i kibawl ding thukhaam ahi hi. (Nu leh pa zahtak ding, that lo ding, nu leh pa mawhna bawllo ding, gu lo ding, zuauthu genlo ding, mi dangte’ neihsa deihgawh lo ding.) Theihding: Thukhaam sawm pen Lai Siangtho lui in nam sawm in ong hilh-a Lai Siangtho thak in nam nih in ong hilh kik hi. Akilamdang leh akikheel hi peuhmah lo hi, bang hang hiam cih leh Thukhaam i cih in itna hi-a, Pasian in ki-itna hi-in, Zanni, tuni leh atawntungin akikheel ngeilo Pasian ahi hi. Gentehna: Mi khat ii thugensa i gen kik ciangin avekpi-in kigenkik deudau lo-a adeihna (point) lian i gen sawn tawh kibang hi cih nopna ah Thukhaam nam sawm leh Nam nih te adeihna kinakbat mahmah hi. Lux satpiang company te in, Lux cih tawh satpiang ong bawl uh-a, tawlkhat sung kideih mahmah in ong kilei ziahziah hi. Asawtsawt ciangin, ong kideih nonlo-in company te ong patau pian uh-a, New-lux satpiang cih ong bawl leuleu in ong kideih mahmah kik hi. Hi Lux company te in athulu bek laih/kheel uh-a, asunga satpiang laih/kheel peuhmah lo uh hi. Tua dan pian mah in Lai Siangtho lui sunga thukhaam sawm leh Lai Siangtho thak sunga thukhaam nam nih pen asunga thute adeihna kibang liinlian hi.

THUCIAM LUI LEH THUCIAM THAK
                          
Thuciam lui pen ganhing ii sisan tawh kipsakna, theihpihna kibawl hi (Pai.24:5-8Heb.9:19-20), tua mah bangin, kamciamna tungah kinga-a, Pasian’ thukhaamte zuih ding thu ong hi ta hi.
                           
Thuciam thak pen Pasian’ kamciamte tungah kinga-a i lungtang sungah, Topa in ong gelh hi, tua thu pen Khazih ii sisan tawh kipsakna, theihpihna kibawl hi.(Heb.8:10 leh Jer.31:33,34).
                          
Heb.8:10 “Ahi zongin, tu-in Israel mite tawh Kabawl ding thuciamna in hih bang ahi hi. Amaute sungah thukhaam Ka guang dinga, amaute’ lungtang tungah gelhin, amaute’ Pasian Ka hi dinga, amaute Keimaa mi ahi ding uh hi.”

THUNUNG BEHLAPNA LAI-12
(A HUN MANGTHANG LO)
                           
Hih i leitung in Ni khatvei akimkot zawh nang in ni 365, nai 5, 48 minutes, 47.8 seconds sawt hi.             
     
Ahi zongin, hi banga ahun anite Calendar peuhpeuh khat sungah i koih ding hi thei lo ahih manin i Calendar zat pen ahun zui-in kipuah toto hi. Tua ahih manin, hih leitungah “kum 1582 kum in mipilte in kum khat ciangin ni 365 sangin sau zaw hi ci-in mukhia uh-a, aksite thu athei mipilte in, ‘khapi’ phazah hoihtak-in apuah theih nading un ni sawm behlap uh hi, ahih hang ‘kaal’ akilaih bialbial dan bel kikheello hi. Thursday ali veina pen Friday 15 na in ong zom pah hi. Nipi “kaal” paizia kikheelna om sak tuanlo-in Calendar pan kipuah toto, kilaih toto hi.
                          
Kum zalom tampi sungin, “behiang kum, kum 4 khatvei ni 366 aom kum” tampi tak mah ong om tohtoh hangin nipi “kaal” paizia, aom zia pen bangmah kilaihna, kikheelna om tuanlo-in, ahun,    anai, aminute khat beek amangthang, alampi tawnlo khat zong om lo hi!
                          
Leitungah taanglai hun pek-a, kipan Calendar tampi tak om khin hi. Khangthak hunah amasa penpen tu ni ciangdong i zat hih calendar pen 45 B.C. kum in Julius Caesar in abawl ahi hi. Tu-laitak-a, akizang min teng mah tua hun lai-in zong kizang khin hi.
                           
Babylon mi namte in leitung bang-a, ni akiimkot leitung dangte bia uh ahih manin, nidang tanglai pek-a kipan kaal khat sunga, aom ni-te tua leitung dangte’ min vawh uh hi. Ahi zongin, Hebrews lai leh Lai Siangtho agelhte in tua bangin min vawhna sapna zanglo hi. Bang hang hiam cih leh tuni, tuhun-ah nipi ‘kaal’ sunga nite’ min pen Sunday, Monday, etc. cih bangin, Zeisu Khazih hun lai-in zong aom khit hangin Lai Siangtho gelhte in hi bang minte nipi ‘kaal’ sunga nite’ min tua bangin, na zanglo uh hi bang hang hiam cih leh hih minte’ ong paikhiatna pen lawki, dawibiate kiang pan ong kiphuan khia ahi hi. Taanglai hun-a, Mithra biakna azui Babylon leh Persia te’ thuneih lai hun-in akilim zuih hih biakna tatzia hangin, nipi ‘kaal’ sunga nite’ min pen leitung dangte’ min tawh min vawhna tua hun-a, kipan ana om khin ahi hi. Persia gam ah Zoroaster akici mipa in B.C.360 kum pawl-in hih Mithra pasian pen ong minthang sak hi.
                          
Mithra pasian pen athahat, agalhang pasian ci-a akibia ahih mah bangin, Roman galkapte in tua Mithra pasian bia uh hi. Hi bangin, khualzinnate aneih kawikawi na-ah Teutonic akici te’ min vawh ding ngaihsutna nei uh hi. Tua bangin, nipi ‘kaal’ te min amau biak pasiante min zong na vawh uh hi. (Hih pen Zeisu Khazih leitungah ong pai masak maa-a apiang thu ahi hi). Tua banga min kivawhte om suak-a, tuni ciangdong kizang lai-hi. Hih anuai-a min pen Teutonic pasiante minte hi-a, nipi ‘kaal’ te min vawhna ahi hi.
                          
Teutonic pasiante’ minte anuai-a bang ahi hi:

Sun       = Sunday
Moon     =   Monday
Tiu        = Tuesday
Woden = Wednesday
Thor      = Thursday
Frigg     = Friday
Seturn   = Saturday
                       
Kum khat-a, ni 365, nai 5, Minutes 48, Seconds 47.8 aom i Calendar zat pen ahun zui-in akipuah toto zel hi mah tase leh nipi ‘kaal’ sunga ni om zah leh apaizia tuni ciangdong kilaihna, kikheelna kineilo hi.
                          
Zeisu Khazih hih leitungah amasa pen ong pai maa-in taangthu siam mipil tampitak-in, “ni-min vawhna min” pen “leitung dang ahi Saturn min” pan alak ahi hi.
                          
U.S. gam sunga, gamke California-a Mount Hamilton khua sunga om Lick Observatory (Lick Na sittelna Phualpi) a makai Dr. W. W. Campbell in hi bangin, lungmuan nading teci ong gen hi:
                           
“Kaal khat-a ni sagih akizang ngeina, paizia pen Moses hun lai-pek-a, akizang ahi hi, tua ahih mah bangin, ‘kaal’ khat sunga ni om zah pen apaizia manlo, diklo, kitukalhna om hi ci-in i pauhlap nading mal khat zong omlo hi, tua tawh kizui-in tua tanglai hunpek-a, kipan tuni ciangdong hih nipi ‘kaal’ sunga aom ni-te paubanna, khialhna omlo hi.” D. W. Cross Your Amazing Calendar (Taunton:1972) pp.6,7.
                           
Aksite’ omzia tungtawnin hun leh ni-te pen apaizia, ong piankhiatna thu nakpitak-in, kizopna oma, tua hangin zong, hun leh ni-te pen athu kikantel zo thei lel hi! U.S. gam ii khuapi Washington D. C. sunga America te’ galkap ki-ukna zumpi (Pentagon) ah Aksite’ thu tawh kisai nasepna Phualpi (Department of Astronomy) ah hi thu tawh kisai lai kakhak ngei hi. Tua ciangin, tua zumpi pan in ka thudot thu tawh kisai, hoihtak-in, amau thusiamna lianpi tawh lai ong thuk kik hi. B. C. 500 kum maa-pek-a, kipan aksite’ omzia, paizia tungtawn-in hun leh nite paikhialhna, mangthang hetlo ahihna thu ong zasak kik uh hi.
                          
England gam-a taangthu leh hun paizia sittelna leh Aksite’ thu tawh kisai sittelna phualpi (British Chronological and Astronomical Association) ah amakai ahi Dr. J. B. Dimbleby in hih thu tawh kisai kumpi tampi akankhiat khit zawh ciangin, pilvang takin hi bangin, thukimna teci gen hi: “A zenzen-in mihingte in nipi ‘kaal’ hun paizia zuihding sangsiamlo, kitukalhna aom zong, utlo-in, nial ahih phial leh zong hih kha leh ni-te’ awk in valhna ong piankhiatna ahih kei leh leitung dangte ii kikheelna, akilaihna hun aom laitak-in, tuate zui-a i zatna hangin, nipi kaal sunga nite akiphawk khalo teng, akimangngilh khin hun leh nite tua thute hangin, theihkikna, ngahkikna, zattheihkikna ong piangkhia thei veve ding hi. Hih athupi vantunga aom nate nasep zia, kihualtak-in, aomna hangin, kaal khat ni sagih tawh kisai athu leh ala tawh kituaktak-in, khialhna omlo-in, amantak-in nasemsak, paipai sak thei-a, tua mah bangin, humuapna tawh            akigelh laibu, laidalte sungah hih ni sagih vai mantak-in kiciamteh hi.” All Past Time, p.10.
                          
“Palmonar Telescope” (Palmonar Aksite Etna) cih kipawlna leh amin aphuakpa, aksite’ thu athei mahmah mipil Dr. G. E. Hale in hih nipi kaal leh hun leh ni tawh kisai athuman, acik mahmah kam mal nga tawh hi bangin gen hi. ”Ni leh hun kitukalhlo, mangthang lo hi (“No Time has been lost“).


Source : 
MUC7,
Zomi SDA

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: THE NATIONAL SUNDAY LAW. Description: Rating: 5 Reviewed By: Cinpu Zomi
Scroll to Top