728x90 AdSpace

Hot
Menu
Zon-ol na Donate

Latest News

Mual kawi Khua Thu

Mual Kawi Khua Koi Lai  ah Om Hiam? 
Leitung galpi nih na ciangin Mangkang te in mawtaw lampi hong sial uh aa, Tedim pan Tonzang kantan in Tuitum khuasung kan tan sak in Nakzang pan in Meitei gun tungah sik lei dawh in kan tan sak uh aa Meitei gun pan in tai 8 na a om  “Mual Kawi”
khuasung kantan sak in Tuikhiang tawn in Singgial taang ah, Kansau khua tungnungkan tan in Cikha pan in Behiang khua kan in tuapan Singngat khua tawh kizom in India gamsung tawh hong ki zom sak uh hi.

Hih Mual Kawi khua pen Melmawl vum  leh Khuailum vum ki kal ah om aa,Nakzang leh Tuikhiang kikal ah om hi.Nakzang gunlei pan in tai 8 gamla in, Tuikhiang pan in tai 10 gamlat na ah om hi. Khuatawh ki nai pen lui min te pen, Luipi leh Mualkawi lui ki kalah om hi. Mualkawi lui pan in tai 2 gamla in, Luipi panin Falong 2 khawng gam la hi.Luipi tui ne uh hi.Tonzang khua pan Cikha lam tai 14 na ah om aa,Singgial pan Tonzang lam tai 14 na ah om hi.

Meitei gun leh Kaphi lui (ngasa tam mahmah ngasate zong alim diak te) omna Kaphi lui ki tuah na pan tai khat, tai nih kigam latna mun Tedim leh Imphal ki zopna mawtaw lam dung ah teng uh hi.  
Hih Mualkawi khua pen 1912 kum pawl in Pu Awn Khual,Thawmte beh te maikai in aki sat khua ahi hi.Tua khuasung aom beh min te in,
  1. Thawm te
  2. Tawmbing 
  3. Hatlangh 
  4. Hang Luah 
  5. Hang Sawk 
  6. Taw Tak 
  7. Sam Te


Biakna lam pan in, 1963 kum maciang ciang biakna nam khat bek om a ABM ki ci hi. Aki thu tuak mahmah khua khat ahihi. 1963 kum ciangin SDA pawlpi hong om  in tudong tua biakna 2 te kip suak lai uh hi. 

Hih Mualkawi khua kima om khua te in, Tuipi,Pangzang,Keltal,Tui khiang, Khuabem, Singgial,Seitual,Gampum, Buangmual,Naakzang,khua te ahihi. 

Hih mualkawi khua a teng te: Sing tang kho mi hi uh aa, vaimim  an pen amau anpi ahihi.Tu hun ciangin Meitei gun zang teng leh kaphi lui pang teng ah zang lei gol pipi om aa tuate lawitawh kho sak in buh cing uh aa, buh pen anpi in nei ta uh hi.

Mual kawi gam pen Tuitum, Tuipi, Khuabem,Gampum,leh Buangmual te tawh ki gamgi uh hi. 
Kum sim pawi te in:  
1. Lungdam Bawl Christmas 
2. Khua do 
3. Lawm Anneek

Christian khua khat ahih man in, japan gal khit nung sang in, zu nung, gal ai, sa ai, atong khat beek om ngei nawnlo khua khat ahihi. Japan gal khit in, Hausapa Pu Awnkhual leh Pu Awnlian hong sih ciangin langah ki koih in ki lam hi, Tua lo midang kuamah aki lam aom lam ka thei kei hi.

Mual kawi khua pen inn 30 apha theilo khua ci in ka ciam teh  hi, ahang in, 30 val ding ciangin khua panin ki lal khia den ham tang hi. A hi zongin Topa in hong huh in tu in inn 30 sangin atam zaw ki teng ta hi.

Mualkawi khua tawh min kibang mun dang ah tampi aom khadinghi, ahih hangin hih kong gen Mualkawi khuapen ka kisak theih pih khua khat hi aa, Ka angtan pih mahmah khua khat ahihi. Ka lam kiatna khua hi aa,Pasian thupha sang khua khat hi ci in ka ciam teh hi.

Tu in Mualkawi ta te mun tuamtuam ah Topa in hong theh thang ta aa, kawlgam, India gam, Malaysia, Thailand,Belgium,Europe; USA cih bangin khua hong sat sak ta hi.Topa hong huh na tawh mun tuamtuam ah khua ih sat zongin, ih pian na khua, ih nu ih pa pian na khua mah, ih pu ih pa te pian na khua mah ih zun ih puah toh ding ei khang no te khut ah Topan hong ap hi ci in kong thei sak nuam hi.A zun apuah te khem peuh tungah Topa Pasian in thupha nam kim hong buak suk ta hen, A men!


Source ; Copyright © 2013. All Rights Reserved. www.mualkawi.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Mual kawi Khua Thu Description: Rating: 5 Reviewed By: Cinpu Zomi
Scroll to Top