728x90 AdSpace

Hot
Menu
Zon-ol na Donate

Latest News

" PIANNA TUUN LEH ZUA " By - Evan. Lang Do Khup

" PIANNA TUUN LEH ZUA " 
Agelh ~ Evan. Lang Do Khup

Pa cih kammal pen kipatna, piangsakpa, pianna, a bul cihna ahi hi. Piancilna Pasian pan a hong kipan ahi hi.malakhi 2:10 na ah Eite khempeuh in, eite a hong piangsak Pasian ahi PA khat bek nei hilo i hi hiam? na ci hi. Tua ahih manin hong piangsakte pen Pa kici a hi hi. Pate zong leitungah mihing a ih pian khiat nadingin Pasian in azat, ih leitung Pasian ahi uh hi. Banghanghiam cih leh Pasian in a thupha te Pate tungah koih a leitung ah nuamsa a khansau theih nading pen Pate in hong piak theih ahi hi.


A thupha pen Pasian a' hi a, Pate in hong zek khia uh ahi hi. Eite khempeuh pianna pen Pasian pan hi a, leitung ah ih suah khiat theih nadingin Pasian in ih Nu leh ih Pate' tungtawnin hong piangsak ahih leh, thupha ih ngah ding khempeuh in zong ih Nu leh ih Pa te tung a tot loh phamawh ahi hi. Ih ngah ding thupha khempeuh ih Nu leh ih Pa in kem ahih manin Nu leh Pa a lungdam sak, a lungkimsak te in thupha tam ngahding ahi hi.

Thupha a nei Pasian ih zahtak mah bangin, a hawmkhia Nu leh Pa zong ih zahtak ding ahi hi.Nu leh Pate' sung panin a piang laigui kizom lian nangawn thupha ngah dan kibang lo hi. Nu leh Pa a lungdamsakte mah in thupha tam ngah uh hi.

Pa ih cih pen singkung bang hi leng ih bul. ih zung ahi hi. Tua ahih man in kidem thei lo kilianzaw thei lo hi. Singkung khat bangzah takin a pal lunin a gah phazongin azung a bul na kip kei peuhleh a tuk ding hi lel hi. Ama gahphatna a kipsak ding pen a zung a bul ahi hi. Tua mah bangin Nu leh Pa lungkimsak lopi a hauhna pen a zung kip lo singkung tawh
kibang hi.

A zung kip lo singkung pen agahphat semsem leh a tuk ding naisemsem cih na ahi hi. Banghanghiam cih leh a gah lel in akung hong tuk, hong puk ding hi. Tua mah bangin Nu leh Pa lungkimsak lopi a, huahna pen a hauh semsem leh lau huai semsem hi. Banghanghiam cih leh a hauh semsem ciangin kisathei semsem a, Nu leh Pa loin nungta mawh keng cihna lungsim nei ahih manin, a puk dinga zawn ding a nai semsem ahi hi. Tua ahihman in Nu leh Pa pen dem khak loh ding a thupi penpen ahi hi.

Eima ut thu-in ih minam ih khel theih lohna muntak pen Nu leh Pate' thupina ahi hi. Minam leh beh pen Nu leh Pate' thupina ahi hi. Minam leh beh pen Nu leh Pate' tung pan ahong piang hi a, ei deih ei utna minam khat peuh ah ki-om thei lo hi. Ih Nuleh ih Pa zomi na hi uh a hih manin ut ta leng ut ta kei leng zomi ih hi hi. Bangzah takin ih gina zongin ih Nu leh ih Pa Mangvom Mangkang ih suahpih thei tuan kei hi."Pa aw, Zomi nahih khak pen hamsia lua teh, kei pil ta ka hih manin mangkangte hong suahpih mai ning" cihbang om thei tuan lo hi. Bangzah takin pilna ih hau ta zongin ih Pate tawh ih vangliatna kikim thei ngei lo hi.

Tate in Pate kamsiat nadingin ih samsia thei kei a, ahih hang in Nu leh Pate in tate kamsiat nadingin hong samsia thei uh hi. Moses thukham hun lai-in tate in Nu leh Pa a samsiat khak uh leh kithat lian lel hi.(Pai.21:17 Siam 20:9) Tua ahih manin Pate pen gina ta leh gina ta kei leh ahi bangbangin zahtak lel dingin Pasian in akoih ahi hi.


Source : 
Hauh na leh Khansau na thu
sim"
~ Evan. Langh Do Khup

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: " PIANNA TUUN LEH ZUA " By - Evan. Lang Do Khup Description: Rating: 5 Reviewed By: Cinpu Zomi
Scroll to Top