728x90 AdSpace

Hot
Menu
Zon-ol na Donate

Latest News

PATE’ THUPITNA MIPIL TUAMTUAMTE GEN' KAMMAL HOIH. Agelh - Rev. Mang Khan Khup (Canada)

PATE’ THUPITNA MIPIL TUAMTUAMTE GEN' KAMMAL HOIH.
Agelh - Rev. Mang Khan Khup (Canada)

Pate’ thupitna mipil tuamtuamte’ thu gente in :

1. Pa khat in siapi zakhat sangin manpha zaw hi. (Mikang paunak: English Proverb)

2. Ka neu lai-in, ka Pa banga  ahat, kei hong hu zo ding, mi dang kuamah ka ngaihsun thei kei hi. (Sigmund Frued) 

3. “Pa aw” ci a, aw nem tawh sapna tampi a zapa mi hampha a hi hi. (Lydia M. Child)

4. Pa in ta a piak ciang, a nih un nui a, ta in Pa a piak ciang, a nih un kap hi. (Jewish Proverb)


5. Keipen nate (material) a it lua nungak ka hingei kei hi. Ka Pa in: “Hongit kik theilo nate it in nei ngei ken,” ci-in hong hilh den hi. (Imelda Marco; Philippine kumpipa tanu)

6. Papi khat in a tapa huh dinga, a khukdin ciangin' a sangdin pen hun ahi hi. (Knights of Pythagoras)

7. Khat veivei, a zawng penpen Pate in a hau penpen gamh a tate luahsak thei hi. (Ruth E. Renkel)

8. Ei hong muangte in eite pilna hong guan hi. (T. S. Eliot)

9. A tate a hilh lo Pate pen a thumang lo a tate tawh a mawh na kibang hi. (Confucius)

10. Ih taksa leh sisan hilo in, ih lungtangin Pa leh tate hong kizomsak hi. (Johann Schiller)

11. Pa thupi te’n Ta thupite nei uh hi. (Euripides)

12. Naupang deihlote pen Pasal lak pan hawlkhiat ding hoih zaw hi. (Rechard Henry Dana)

13. A tate’n pilna a neih kei leh a Pate ki mawhsak hi. (Sente’ paunak; Chinese Proverb)

14. Kei ka neu lai-in ka Pa in, “Nangpen leitungah a lamdang penpen pasal no na hi aa, na ut peuhpeuh na bawl thei ding hi,” ci-in honggen den hi. (Jan Hutchins)

15. Leitungah kuamah Pa na ci kei un; vangtunga om na Pa uh khat bek a om hi. (Laisiangtho)

16. Pasal khat bangzahta in a zawn hang, phamawh kasa kei hi; innkuan a neih nak leh a hau hipah hi. (Colonel Potter)

17. Naupang te’n Pa kician a neih ding sangin Pate in ta a neih ding baihzaw hi. (Pope John XXIII)

18. Tapil in Pa lungdam sak aa, ta hai-in Nu lunggim sak hi. (Paunak Laisiangtho)

19. Pasian pen Pa na cih theih laiteng na tagah ngeikei ding hi. (M. K. Khup)

20. Pasian kiang pan ka ngah letsong lian pen in; A mah Pa ka cih theih na a hi hi. (Unknown)

Pasian in Pate a it leh thumang siam dingin hong bawl henla, Pate zong tate a pattah siam dingin thupha hong pia kim ciat tahen.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PATE’ THUPITNA MIPIL TUAMTUAMTE GEN' KAMMAL HOIH. Agelh - Rev. Mang Khan Khup (Canada) Description: Rating: 5 Reviewed By: Cinpu Zomi
Scroll to Top