728x90 AdSpace

Hot
Menu
Zon-ol na Donate

Latest News

PAWLPI THU ( ECCLESIOLOGY)


Pawlpi tawh kisai-in telkhialhna a tuamtuam om hi. Pawlkhatte’n Pawlpi cih pen mihing khut tawh kilam biakinnpite bangin a ngaihsun zong on hi. Pawlkhatte’n Pawlpi pen leitung kipawlkhopna, naupang pantahna, innkuan khantohna dinga kipawlna, u le nau kigawmkhopna cih ciang bekin a mukha zong ki-om thei hi. Pawlkhatte’n hih thu tello pi-n Pawlpi ding zongin lungmang uh hi.

Tu’n Pawlpi ih cihin bang hi-a, banghun in kipan-a, banghun ciang om ding cih leh Pawlpi hihna tomno khat ih enkhawm ding hi. Na khat peuhpeuh ih muhna le ih theihna a dik tak ciang bekin a dika nuntak kalsuanna kinei thei pan hi.

 Pawlpi cih bulpi pen Greek lai-in ECCLESIA (Εκκλησία) hi-a, “Samkhia” or “Saptuam” cihna hi. 

A. Pawlpi thu hilhcianna

 1. A tuamtuam hilhcianna:
 Muhna nihte:

a) Covenant theology: Khazih’ pawlpi ih cih pen Thuciamlui pan Thuciamthak sung khempeuh a huam Pasian a um khempeuhte ahi hi.

b) Dispensational (Chafer, Scofield): Khazih’ pawlpi ih cih pen Penticost pan Rapture kikal sunga Pasian’ thu-um, tatkhiat, gupkhiatna ngahte ahi hi.

Etkhop ding:

1) Eph. 3:5-6,9,10 Pawlpi pen nidanga, a kigenkhia lo a ki-imcip Jewte le Gentilete kigawmkhopna ahi hi.
2) Matt.16:18 Zeisu in Pawlpi hong om ding genkhol hi “I will build My church”
3) Eph. 5:25-27 Pawlpi dik pen Zeisu’ sisan tawh a kilei ding Pawlpi ahih manin Zeisu sih ma-in om theilo ding hi.
4) 1 Cor.12:13-14 Pawlpi dik pen Pentecost ni Kha Siangtho hong pai ma-in om theilo ding hi, banghang hiam cih leh tua Kha Siangtho mahin thu-um mite Zeisu’ pumpi sungah hong phum ding ahi hi.

2. Ahi banga hilhcianna

a) A kipatcilna: Penticost ni-ah Jn.14:16-17; 15:26-27; 16:13; Sawl.1:8; Sawl.2

b) A pianzia

1. Minam tawh kizopna: Pasian in Jews te khawl sak phot dinga Gentiles te lut sak ding hi. Ahi zongin Zeisu hong pai kik ciangin Jews te in hong zuan kik ding uh hi. Sawl.15; Rom.11:13-17, 25-29 

2. Thusim: 

Tanglai pek pana ki-imcip thusim pen tu’n Sawltakpite tungtawnin hong kipulakkhia ta-a, tua in Jew mi Gentile mi, minam khempeuh in Zeisu’ upna sungah Zeisu’ pumpi khat suakkhawmin Jew mite tunga Messiah kamciam thupha khempeuh luahkhawm uh hi. Tua Pawlpi thu pen tanglai hunin kuamahin thei kha lo uh hi 1Cor.2:7-8; 15:51; Eph.2:11-22; 3:2-6; Col.1:27; Gal.3:29; 1Pet.1:10-12 

3. A tuam vilvel pumpi 

- Israel tawh kizom khalo Rom.12:3-5 
-Mithak or pumpi thak 1Cor.12:13 
-Jews le Gentiles mite tawh a kigawmkhawm pumpi thak 

c) A kicin hun _ Rapture ah 

1) A pian zia ding: Hih laktohna pen LST lui lai-a Israelte tawh kizom khalo-a Pawlpi bek tawh a kizom Pasian’ thusim ahi hi (1Thes.4:13-18; 1Cor.15:51-57

 2) A hun ding: Pasian in Gentile mite lakah a nasep a kicin hun ciang (Rom.11:25) Pawlpi aadingin Zeisu hong pai ki ciang (a nunung pen pengkul) 1Thes.4:16; 1Cor.15:52

 B. Israel pan Pawlpi tuampianna

 Israel                                                                       Pawlpi

 Nasepna:Thuman kem/dal                        =           Thuman tangko khia
Ngimna: Leitung bup kumpigam               =           Leitung bup teci
Thuzuihpi: Moses’ thukham                      =           Khazih’ thukham
Kha Siangtho tawh kizopna: Ompih zel    =           A tawntunga ten deen
Tapa tawh kizopna: Kumpi                       =           Lutang         
Kumpigam tawh kizopna: Sila ukna gam  =          Khazih tawh ukkhawm
Lametna: Second Coming                         =           Rapture

 C. Pawlpi le Khazih kizopna 

Christian hihna pen biakna dangte tawh kibang het lo hi. Biakna dangte pen a pasian uh tawh kizopna cih bang om hetlo-a, Christian pen mimal mipum a om a nungta tawntung Zeisu Khazih tawh kizop pawlpi ahi hi.

 1. Tuucingpa le Tuute (Jn.10).

a) Tuucingpa = Zeisu Kongpi tawna lut = Tuucing man (true shepherd)
v.1,2 Amahmah Kongvang hi pah = Lutna khat bek om.
A’ tuute a min tawh sam (v.3), Makaih (v.3)
A tuute taangin si (v.11,15)
Nidangin tuucingte mawhmaina ngah nadingin a tuute kigo-a, hehpihna hun the tuute aadingin ih Tuucingpa hong kigo hi.
Nuntak tawntungna pia-in kepbit hi (v.28,29)

 b) Tuute (Thu-um mite)
Zeisu thei uh (v.4,14)
 Zeisu nung zui uh (v.4,27)
 Tuucing Hoihpa : Jn.10:11, Si La. 22
Tuucing Lianpa: Heb.13:20,
 A thawhkikna le tu huna A’ nasepna La. 23
Tuucing Mangpa: 1Pet. 5:4,
Hong paikikna ding La. 24 2. 

2. Lenggui le a hiangte (Jn.15).


a) A bulpi (Setting)

Zeisu’n a nungzuite tungah sawtlo-in A’ Pa kiang a ciah ciang, A’ nungzuite tawh kizopna ding thu na genkhol hi (Jn. 14:20).

Jn. 15 sungah pen Zeisu’ nungzuite gahkhiatna ding thu ahi hi.

 “Kei sungah” = Kipumkhatna
– A kilangkhia kipumkhatna le gupkhiatna.

“Kei sungah hong teng un” = Nuntakkhopna

– kilawmtatna ngah le nasepna ngah

 b) A kizom (Substance)
1. Gahkhia sak – Pa in (15:1-3)
2. Gahkhiat theih nadingin
– Ama’ sungah teng (15:4-6)
3. Ama’ sunga tengte nuntakna;
 - thungetna ngah (v.7)
- a kicing lungnopna ngah (v.11)
 - gah paisuak (v.5,16) c) 

A kilatkhiatna (Significance)

1) Lengguipi sunga om nuntakna panin a hiang hong tawnin a gahah hong kimukhia hi.
2) A gah = Thu-um mite tungtawna Zeisu nuntakna a kilatkhiatnate;

a) Gamtatna---------------Gal.5:22,23
 b) Thuman nuntakna----Lk.3:8-14; Eph.5:2,9; Heb.12:11
c) Mite laka nasepna----Rom.1:13
d) Nasep hoih------------Col.1:10; Eph.2:10

A kammal kepna (Jn.15:3,7)

A thupiakte manna (Jn.15:10)

3) Tupna bulpi pen (the major purpose)
(v.8) Pasian’ minthanna ding.

 3. Innpi / Biakinn The building / temple (Eph.2:19-22)

- Israelte’n biakinn nei uh hi (Pai.25:8)
- Pawlpi pen biakinn hi pah hi (Eph.2:22)
a) LST sungah Zeisu suang (stone) a hihnalim namnih in kigen hi.
1) Israelte a palkhak uh suang (Isa.8:14-15; 1Cor.1:23; 1Pet.2:8)
 2) Pawlpi aadingin innbul suang le innkeu suangpi (1Pet.2:6; Eph.2:20)

b) Pawlpi pen biakinn tawh kigenkak hi.

1) Zeisu pen Pawlpi’ foundation, innkeu Suangpi, (Eph.2:20-22; 1Pet.2:6)

- Nungzuipite pen a bulpite hi (Eph.2:20-22)
*Zeisu thu a genkhia masa pente (1Cor.3:10)
*Thuciamthak a gelhkhiate
 * Zeisu sapte hi (Lk. 6:13; Sawl. 9:3-6)
* Tuiphumpa John kipat huna kipan Zeisu thawhkikna, a vankahna dong a theikha, a mukha ahih pelmawh kul hi (Lk.24:46-48; Sawl.1:8; 4:33; 1 Cor.9:1; 15:7-8)
Paul in a tawpna penah ama tungah kilangh ci (He is the last one to see Jesus).

The signs of an Apostles (Mat.10:1; Mk.16:17-20;Act.3:1-7;5:12-16; 2Cor. 12:11-12)

Hite Paul hunlai in bei (Phil.2:25-27; 1Tim.5:23).

 2) Thu-um mimal khat ciat pen a nungta suang hi-a (1Pet.2:5) Pasian nuntakna tawh a kizomte hi (2Pet.1:4)

 4. Sang pen Siampi le a siangtho siampi nam (1Pet.2:5-9)

 LSTho lui sunga siampi liante biakpiakna in Zeisu’ lim hong laka, LSTho lui lai-a biakpiakna in Zeisu’ kipiakna lima hi hi.

 a) Sang pen Siampi = Zeisu (Heb.7)
Melchizedek tawh a kizom ---Thuciamlui hun banga Levi gui bek hilo.
- Amah pen O.T siampite makaipa, tawntung Siampipa. Amah a up khempeuh tungah Gupkhiatna hong pia pa hi.
- Ama thawhkikna tawh biakpiak khin ciangin Siampi gui thak hong pankhia hi (Heb.7:13-14; 8:4; La.110:4)

 b) Kumpi siampi nam (1Pet.2:5-9; Mang.1:6)

 Thu-um mamal pen siampi nam ih hi paha, ut hunhunin siangtho pen mun kilut thei hi.

Hih pen Reformation makaipite bulphuh khat ahi hi.

 1) Biakpiakna (Heb.13:15) O.T hun lai-in meihal biakpiakna a nak thupit zahin N.T hunteh Pasian phatna le lungdamkohna pen Pasian lunggulh pen ahi hi.

 c) Biakpiakna ah a kihelteng;

(Rom.12:1-2; Phil.2:17) Ei mahmah
(Phil.4: Neihsa tawh
(Heb.13:16) Nahoih sepna tawh

d) Thungetsakna O.T hunah (Heb.5:1-3)

N.T hunah (Heb.10:19-22; 1Tim.2:1; Col.4:12; Eph.6:18-19)

 5. Lutang le Pumpi (1Cor.12)

 Hihin Pawlpi le Zeisu kizopna pen pumpi khat tunga nate kizom dimdiama nuntakkhopna hong lak hi. a) Lutang = Zeisu (Eph.1:22-23; 5:23; Col.1:18)

b) Body = Thu-um mite (Col.1:18)
1) A khangto pumpi (Eph.4:11-16)
2) Pumpi nate in a nasep uh a tuam tek hi-a, tua dingin Pasian in hihtheihna mikim tungah Ama’ deihna bangin hong hawm sak hi; (Rom.12:3-8; 1Cor.12; 1Pet.4; Eph.4)

 6. A Nunung Adam le a kibawlthak (Rom.5:12-21; 1Cor.15:45-49)  

a) A nunung Adam in Zeisu hi Mithakte luting ahi hi.
Adam masa -Si -Mawhpaihna thuak.
Adam nunung – Nuntakna – Diktansakna.

Zeisu thawhkikna in mithak ahite aadingin gah masa pen ahi hi. Heb. 2:14

Sihna mangpa a zawhna dingin Pasian hihna panin mi hong suak phot hi.
Jn.10:18 Mi bangin hong si-a, Pasian hihna tawh sihna pan thokik hi.
 Phil.2:7-11 Pasian hihna pan mi, mi hihna pan Pasian hihna ah kilamto.

 b) A kibawlthak 2Cor. 5:17
 – Mithak in hong bawl Eph. 1:20-23
– Nasep thak 1Cor. 15:20,49
 – Nuntakna thak Phil. 3:20-21
 – Pumpi thak 1Jn. 3:2
– Mun thak 6. Mopa le Mo (Eph. 5:22-23)
 a. Mopa = Zeisu 

Zeisu in a zi ahi Pawlpi aadingin a itna hong lahkhiatna thumte;
- A beisa hunin ---Eph. 5:25 
- Tuhun-in---------Eph. 5:26,29 
- Mailam hunah---Eph. 5:27 (c.f Mang. 19:7-8) 

 b. Mo = Pawlpi 

Pawlpi in a Pasal ahi Zeisu a itna; 
A Pasal tungah ki-ap ---Eph. 5:24 
Zahtak---------------------Eph. 5:32-33 

 D. Pawlpi Mawhpuak 
 Pawlpi mawhpuak pen nampi thum in kikhen thei hi. 

 1. Pasian’ min thang sak ding (Eph. 1:6,12,14; 1Cor. 10:31) 
2. Lungdamna thu tangko ding (Matt. 28:19-20; Sawl. 1:8) Thuneihna khempeuh a neipa in a thuneihna tawh hongs awl hi. “Pai un” “Nungzuimi suak sak un” “Tuiphum un” “Hilh un” 
3. Khat le khat kiphattuampih ding /to edify the saints. (Matt. 28:19-10; Eph. 4:11-16 
Upna le khazih theihtelna ah khangto-in, itna tawh nuntakkhop ding ahi hi. 

 E. A Tawpna (Destiny)  

1. Rapture (1Thess. 4:13-18) Zeisu in Ama’ zi ahi Pawlpi a laktohna hun ahi-a, Amah tawh a tawntung omkhawm den dingin huihlakah thakhat thu in hong la ding hi. 
 a. Zeisu huihlakah a pumpi mahmah tawh hong pai ding----(1Thess. 4:16) 
b. Zeisu’ sunga site hong tho kik ding (1Thess. 4:16) 
c. A nungta laite thakhat thuin kikhel ding—(1Thess. 4:17; 1Cor. 15:51; Phil. 3:20) 
d. Hinihte a tawntungin Topa tawh omkhawm dingin kilaktohna hi (1Thess. 4:17; Jn. 14:1-3). 
e. Thakhat thu in piang ding hi (1Cor.15:51) 
f. Hih pen O.T hunlai-a kuama tunga Pasian’ pulak loh thuthukpi khat kici hi (1Cor. 15:51). 

 2. Thaman (1Cor.3:10-15; 2Cor. 5:10). 
Judgment Seat of Christ Judge: Pasian’ Tapa 
Subjects: Thu-um mite 
Matter: Zeisu’ bulpi tunga, a lamtoto thu-um mite 
Basis: Nasep dik le diklo 
Results: Nasep gilte’n thaman ngah ding uha pawlkhatte nasepna ahih leh mangthang ding hi. 
Time: Gimna lianpi hun sung (Note; 1Cor. 4:5; 2Tim. 4:8; Mang. 19:7-8) 

 3. Hong paikikna le Ukna (Mang. 19,20) 
 a. Zeisu a vangliatna tawh a zi ahi Pawlpi tawh hong pai kik dinga, hih leitung kum 1000 sung a zi tawh hong uk ding hi. 
b. Zeisu’ zi (Pawlpi) pen a Pasal tawh hong tonkhawm dingin kiging sa-in om hi (Mang. 19:7-8, 14)
 c. Pawlpi in Zeisu nuai-ah Kumpi siampi nam bangin hong uk ding hi. 

 F. Pawlpi sung ki-ukna 

 1. Pastor (Sawl. 20:28; Eph. 4:11) 

Qualifications 
1) Mimal (personal) (1Tim. 3:2,3; Tit 1:7,8) 
2) Innkuansung (1Tim. 3:4,5 ) 
3) Mi tawh kizopna (social)---(1Tim. 3:6,7) 

4) Upna-ah / Doctrinal---------(Tit.1:9-12) 

 a) Mawhpuak 
1) Tuucing (1Pet. 5:2-4; Sawl. 20:28; Eph.4:11)
 2) Thuhilh (1Tim. 5:17)
 3) Makaih (1Tim. 3:1-7; Heb. 13:17) 
4) Dal/Kem (Tit.1:7-11; Sawl 20:28-31; 2Tim. 3:16; Mang. 22:18; 2Tim. 4:2-5)
 5) Mi etteh hi ding (1Pet. 5:3) 
6) Cinate thungetsak ding (Js. 5:14) 

 2 . Upate Pawlpi masate hunin mipite tel upate in pawlpi sung na makaih uh hi (Heb.13:7,17). Hoihtakin khalna tawh kimakaih uh hi (1Cor.5; 1Tim. 5:17,19-22). Sawltakpite in thungetna tawh upa ding tel uh hi (Sawl.14:23; Tit. 1:5; 1Pet. 5:1-4). Tu hun in zong a suakta (independent) pawlpite le Presbyteriante tuabang dan mahin upa ordain nei uh hi. 

 Qualifications (1Tim. 3:8-13) 
a) Mawhpuak 
1) Huh ding 
2) Nasem ding 
3) Upate aadingin thuhilh ding mawhpuakna kigen lo hi.
 4) Pawlpi sungah ukna thuneihna ding kigen lo hi. Amau pen Pastor pa nasepna ah a huh ding ahi uh hi. 

 2. Zektanna (Ordinances) Pawlpi sungah zektanna nih oma, a nih un Zeisu tawh ih kipumkhatna hong lak hi. 

 a) Kituiphumna Greek kammal in –baptizoβάπτισμα 

1) Tuitheh /Sprinkling Tuithehna a zangte’n thu-um mite tunga KST kibuakna lim bangin ngaihsun uh hi. 
 2) Phumna / immersion Zeisu tawh sikhawm, kivuikhawm, thokikkhawm cih limlahna hi. 

 Theihbeh ding; - Hih phum tektek bekin Greek kammal baptizo khiatna lakkhia pan hi. 

- Tuiphumna tawh kisai LST muntengah phum tektek ahihna bek tawh kimu hi; 

Mk.1:5-10 Hih munah “Jordan gun sungah Johan in amaute a tuiphum hi” “Keimah in tui sungah note kong phuma, …” “Tui sung pan in Zeisu a thawhkhiat khit phetin…” 

Jn. 3:23 “…tui tampi a omna Salim khua kiang Ainon kici munah mite tuiphuma, ama kiangah mite hong pai-in a kituiphum hi”. 

Sawl. 8:38 “…Philip tawh a nih-un, tui phualah pai-in Philip in amah a tuiphum hi”. 

Rom. 6:1-5 Sim in. 

 a) Naupang tuisawmna tawh kisai; 
1)Vunatna zong a suah zawh ni 8 ciang a tan mah bangin naupang tuisawmna zong gupna ngah nadingin kisam hi.
 2) A innkuanin kituiphum uh, a cihna munah naupang zong kihel ding hi (Sawl. 16:33) 

b) Naupang tuisawpna a umlote; 
 1) N.T sunga a innkuan un kituiphum uh hi, a cihna munah naupang a kihelna omlo hi (Sawl. 16:31-33). 
 2) Tuiphumna in Zeisu le thu-um mite kipumkhatna lim lak ahih leh Zeisu tawh a kizomte bek kiphum thei hi, Zeisu’ sunga upna bekin Amah tawh hong kizom sak hi. Tua manin a um mite bek tuiphum ding a hi hi.

Rev. Lian Za Tuang (Tuangpi).


Source ; http://lztuang.blogspot.com/ )

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PAWLPI THU ( ECCLESIOLOGY) Description: Rating: 5 Reviewed By: Cinpu Zomi
Scroll to Top