728x90 AdSpace

Hot
Menu
Zon-ol na Donate

Latest News

PHUNOM KHUA KISAT ZIA. Agelh - Khangthak Phuntui Vontawi

PHUNOM KHUA KISAT ZIA
Agelh - Khangthak Phuntui Vontawi
Phunom Khua

- 1650 AD pawl in Pu Tun Thang in Phunom Khua na sat hi.
- 1930 Kum in Khristian Biakna hong tung hi.
- 1969 Kum in Mataw Lam tung hi.
- June 12th, 1928 ni -in Zolai sang ki hong in June 3rd, 2013 ni-in Tan 10 (High School) Sang ki hong/ngah hi.
Tualphui sam teng:
  1. U Tun Thang   (Hau Nung)
  2. U Tun Lam     (Nam Zo)
  3. U Mang Hil      (Suante)
  4. U SUan Thawng (Thang pang te)
  5. U Phut Lam  (Buansing te)
1. PHUNOM, SUANGZANG, leh VALUI te a hihi. Tua zawh ciang bel Leeikhua ah teng hi. PHUNOM in ta Mang Thang leh Mang DO nei hi. Eng zang khua hongsat kik hi.

Engzang Khua a sat cil in inn (7) tua pan tai to khang to to in Luika a ten lai tak in inn  80 pha hi. Luikaa khua a satpa Pa Khual Thang in ta nu khat nei in Dim Deih ci hi. Tua lai tak tuuk a tun sim in khuado pawi bawl zel in kum khat in nu ngak khat ta mang zel ci hi. A nu nung ciang tangval ten khua kiim pan pang hi na pi’n nungak khat mang ve ve hi.
 A Khua nawl suang tum pi nuai pan in gulpi in ne hi ciin a muh ciang gulpi khau tawh khih cip in a kaih leh kai zo lo-in thaltawh kap lum hi. Tua gulpi pau in ka lutang in vanpi ban in, kamei in leipi kawi hi cici.A gulpi seh sat in seh 80 suah aa DIM DEIH a lutang pia hi. Tua lai tak Dim Deih in zin nih nei in a zin te gullu huan pah hi. zaanuui in zingsang akk khuan ciang gulpi in zin te aw ciah meng meng un Luika khua cim ding hi ci hi. Dim Deih in a gullu a min nai hiam ci in a sut leh kamit nong sun kha diai cilai hi. 
Nee lo in vokkuang sung ah bua intua teh dah lua in a zin te 2 tawh tai pah in khua nawl a tun teh khua cimm hi ci. Tua zawh teh Dim Deih Bualtung khua ah teng in pasal neilo pi in nau pai in ta pa khat nei hi.Teel Mang cihi. Tua lai tak in umm guikhat zam in Dim Deih inn ciing dong zam hi. Koi pan hong pai hiam ci in a kan leh Luika khua Dim Deih  vok kuang pan a hih lam a mu uh hi. Uumpi khat ngah in a ham ciang lo-in Teel Mang tak khop na ding at khek in Tell Mang tua sung ah koih in nawi a duh ciang bek in pia hi. A Nu a hih lam thei sak lo in Teel Mang a let ciang a Nu ta un ki teng pah hi . 
Tua pan ta thum nei aa Hau Nung te ciim nuai pan Saizang ,,Zophei,,Vangteh cih bang in ki teng hi.Vangteh botung lai ah Suante leh a nuai lam ah Haunung te teng hi. Vangteh pan Tumzang ah taileu leu uh hi. Tualai tak in PU HAUNUNG ii ta Pu, Mung Thang leh Pu, Mung DO in Engzang khau sat kik leu leu uh hi. Pu Mung Thang teeng suak in Pu MungDo pen Tedim gam Tumzang ah tai hi. Tua pan Vaalgam Haiciin ah teng hi. Pu Mung Thang Engzang aten lai tak in ngalten sim in Hingzang ah ki tuah hi.Hingzang a ten lai tak in pul tung in Ai san leu leu hi.A ai ngah namun pen Taangkam in PHUN (Luck) om nakhua PHUNOM khua na ci hi.
Phunom khua a sat cil in Inn 5 pha aa pasal lum tawi thei cingh tengh (80) a phak na ding thu na ngen uh hi. Khuasat nga teng pen a ma sa a nga teng hi.
Zomi te lak ah MA degree a ngah ma sa sia S.t Hau Go  hi aa Phunom sang ii admision NO.ooo1 a hi hi. Phunom khua pen khuano mi te pian khiatna hi in Phunomkam pau peuhmah koi koi ah ii teeng zong in khuano pau zang in khuano mi ii hi hi.
Khuano koi pan hong pai hiam? Mualbem ukpi Pu Khan Thuam in Mualbem pan en in hua thaangmual nuai aa khuano ling leng va pai un la siah vadong un ciin a sawl tak te paipai zel in a sawt ciang in Phunom cih sang Khauno cih zat nuam sa zaw a hih man inKhuano ki tang hi.
Khuano mi ii ten na khua (22) ki pha hi. Ki phawk na ding deih na tawh 1953 kum in Khuano Youth  Association [K.Y.A] ci-in ommaih na ki nei aa kum sim OCTOBER tha ta-in ki nei hi. Khuano mi te pawilian pen in khaudo pawi hi-in, ngei na kicing tak in ni 3 sung ki bawl hi. Khuado la Khuaila, Lamkawila Tonla, Tual omla cih te phunom mi te in na phuak uh hi.
Mualbem Khua ah Pu Khan Thuam, Saizang ah Mang Sum, Kuulciangsial a khan hun… Thang Ho  leh Lian Do hun … Kawlzang ah Pu Ciang Phut… Phunom ah Pu Mung Thang leh Pu Mung Do te hunpan ki pan Khuado  aki nei ahihi. Phunom ii cih pen PHUN A OM khua,  kaam a om na khua a hih bang mah in na khem peuh ah a ma sa bel ta ii hi hi. A hi zong in hun hong ki khel ziau a masa te nunung hong hi ta in  Ei khang ciang in na them peuh ii nu nung ta hi. Ni dang in ii hauhna Zunun pih in Hau Nung ii hi aa, Tu-in ngual ban loh na ii NUNUN pih ta zen hi. Koi pan lam pial khial ii hi hiam? A  kua ma ciat in ngaih sut huai mahmah hi. 
Source : 
phunom.wordpress.com

Laibusaal pan ngetna :
Khua tuamtuamte tangthu kikan toto in, ngah khak bangbang hong kikoih toto hi. Hih sang-in acing, akim zaw in, akem te in, nong khak nang un huhna kong ngen uh hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PHUNOM KHUA KISAT ZIA. Agelh - Khangthak Phuntui Vontawi Description: Rating: 5 Reviewed By: Cinpu Zomi
Scroll to Top