728x90 AdSpace

Hot
Menu
Zon-ol na Donate

Latest News

Sakollam Tangpi Kipawlna (Sakollam Social Society) Thu leh Sakollam,Tedim Zogam Tangthu.


Sakollam Tangpi Kipawlna
Sakollam,Tedim Chin State Myanmar
Lainambat,SSS/ 9 /2013

 To,

 Athu;                     Ih ki pawl na ii ngimna theih sak na leh ma ban ah hong panpih theih na dingun huh ngetna

1.    Ho pihna
                     Mun tuamtuam a om pianpih sanggam te maw “Tang bang na dam kim uh hiam?”ci-in min bang pian na “Dimtui Vang Khua” Sakollam veng pan in bang zal ziat suan in kong nohset uh hi.

2.    Kipawlna a pian khiat na
                                Ih theih sa ciat mah bangin ih bang sungah a huam kim khan tot na ding lung gulh na tawh Sakollam veeng sung  Pa Vung Kap Go tee-inn (Zogam Vill) ah (29,May,2013) ni-in khangno pawl khat in ki muh khop na na nei ungh.Ki muh khop na ah (Sakollam Social Society) Sakollam Tangpi kipawlna  neih dingin thukim na ki nei a,ki kip sak pah hi.


3.    Ngimna
                                Ih kipawlna in a nuai a bangin ngaimna nam  4 i nei hi.
(a)   Veng sung ah lammei thuah zawh na ding leh khantot na tuamtuam sep khiat zawh na ding.
(b)   Laipil na pi a,sangkah na ding  sum a hamsa mah mah sangnau pang te pan pih zawh na ding.
(c)    Zato leh Clinic te ah a ki lak zolo ci na, lu na te panpih na piak zawh na ding.
(d)   Kham theih guih theih zat na hang a,a piang siat na leh pilna siamna te ngah na hang  a, ih ngah ding hamphat na cih te khangno te tawh ki muh khop na nei in,pilna piak zelzel ding,cih te a hihi.

4.    A beisa ah mapan nasate
(a)   Amasa in kipawlna ah a ki hel teng in,ih hih zawh zat ciat sum ki khonin (ေစတနာဂွင္) pawlkhat hong pan pih na tawh Fund sum (185000Ks) ki nei hi.Hih teng mah masuan in a haksa zaw diak sangnau pang (13) tung ah pan pih na ki nei hi.Laibu(geilh nai loh)Laibu pi(gelsa),sangsum,PTA,ASL cih te ki piak sak hi.
(b)   America a om ih sanggam te hong panpih na tawh ih veng sung KamHau Road dung te ah khuam 1 hal in,Lammei (35) ki thuah khin a,nitak in taang zihziah ta hi.
           (c) Sialtaan tui bek ki kham sam lo a,veng sung a tuinak te mah zong puahphat ding ong ki sam hi.Gam kang in singkung te ong tawm ciang tui tawm ding lunghih mawh na tawh tuinak mun nih ah sing no 50 ki suan hi.

5.    Manban a ding ngimna
(a)   America ah om ih sanggam te ong panpih na tawh lamnuai (nuailam veng) teng ah zong lammei 35 mah thuah biah mahmah dingin ka hanciam lai tak uh hi.
(b)   Kipawlna sung ah a ki hel panmun len teng inkha khat in 1000/- ciat ki dong in October kha ciang sangnau pang 13te (Excersion) leh ball pen te tawh pan pih na ki nei kik ding hi.
(c)    Ih veng sung siangtho na ding lunggulh na tawh ninbung(recycle bin) (20) koih ding zong ngim na ki nei hi.
(d)   Ih veng sung ah Cycle ong tam pianta a lam kawi te ah khat leh khat ki taih in liamna baina om thei zel hi.Mai lam ah hi bang accident a tawm na ding in taklam tawn a,a ciah a kuan ih ki peilh diamdiam na dingin thunei te tung ah phalna ki gen dinga hong phal uh  leh Kamhau Road lam lai zang ah a kang tawh  zut na ding ki lung gulh hi.
(e)   lamkaa te ah zong speed khiam na ding zong bawl ki sawm hi.

6.    Thukhup na leh huh nget na
                Hih a tung a bangin ngimna leh sepkhiat nop tampi a om hang in (a)* na lo buang a sum ding om nai lo a geel kholh na hi phot hi.
                Tua a hih man in mun tuamtuam a om sanggam te aw ih veng sung ah a huam kim khan tot na dingin ka phawk khak loh uh thuman pha tampi te ngaih sut hoih nong piak ding uh leh sum leh pai mahmah tawh ma nong panpih ciat na ding un muan na leh lam et na lianpi tawh tha zawn in huh n aka ing ngen uh hi.




Sakollam a minbul pen : [Nidanglai, Pu Kamhau hun lai in, zin a ki dawn ciang in( Ukpi te) tulaitaka Saangpi tual a tennis tual ah, Sakol tawh Mangpi te, Ukpi te ki a kidawn ciang; tu lai in- motor leh saikel te omnai lo ahih man in, a kizangh pen sakol mah tawh kizem bilbial in hoih sak mahmah in kidawn in zin ki tung sak hi, ci hi. Sakol tawh vanpuak leh tai, sinna, galdo na ding ahihzongh in, mi pua ding a hihzong in, lampih ding ahi zongh in, tua mun ah sakol te kisinna neisak a, zingsang tung leh sun tawntung in sakol te diangdiang lammlamm ahih manin, Sakol sinna mun, sakol sekna mun ah sakol tampi tak ki pelh duamduam, kikhel diamdiam a ki neihna SAKOL-LAMM MUN pen SAKOLLAM kici paisuak hi.

Sakollam ah Hanmun (cemetry) 4 om hi.
  • 1. Takzang han (Sakollam RC Church nuai ah)
  • 2. Mualteu han (Sakollam Zolai sang no. 4 nuai ah)
  • 3. Vuam han (Mualpang lam ah, palik zum nuai ah)
  • 4. KhuaKhang han Guanuai ah,
Sakollam ah Biakinn te
  • 1. RC Biakinn pi, Vengkhang lam ah;
  • 2. AG (Pentecostal)Biakinn, BEHS 1, nuai ah,
  • 3. ABM (TBA) Biakinnpi, Sanglamka ah,
  • 4. SDA Biakinnpi(Sakollam SDA), Lailo lamka ah,
  • 5. Laipian (PauCinHau) Biakinnpi leh Phualpi, Galkaplen nuai ah,
  • 6. ZBA Tagah kepna leh biakinn,
  • 7. TBC Thang Za Kam Baptist Churh,
  • 8. TCBC Theocratic Christ Baptist Chruch
  • 9. NAC New Apostolic Churh,
  • 10. CJC
  • 11. CBC
Sakollam ah neihlian pawlkhat
  • Kamhau Tualpi om hi.
  • Guah leh Huih dal kimawlna innpi (gynasium) om hi.
  • Tan 10 sangpi 1na(BEHS 1) om hi.
  • Galkap te om hi. (269 Artillery batallion, of Myanmar Nai Nyan Daw)
  • Suanpau' Inn (Tedim a inn hoih pen, 2005)
  • Thong leh palik zum(prison) zongh om hi.
  • A.G Sangpi(college) zongh om hi.
  • SDA tan10 (Sakollam SDA)sang (2005)om hi.
  • Pa Kim Khai mawtaw puahphatna (U KimKhai and Sons Workshop)Tedim khuksung a hih bek om hi.
  • Tedim khuapi ie neih lian bel Suangphuh (kyautdai) om hi.
  • Zogam Building (Pa ThangLamTungPau) inn.
  • SuanPau Innpi (Pa Suan Pau inn leh Zato)
Sakollam Vengpi pen Tongzang lam paina lamah om hi. Hih Vengpi sung ah Veng neuneu in kikhen lai a: Lamkaobom min tawh kivawh a, Khuaneu leh khuata te, khuadang paina lamka kiim a om te, tua lamka min kivawh pah hi.
  • Khuathak veng (Galkap te ong tunteh inn kituah a khuathak saat teng)
  • Mualtuk veng (Tonzang paina lam dung khawnawl daido teng)
  • Teeklui veng (Teklui Khua paina lamka ah om ahih man in Teklui Veng kici hi/)
  • Lailo veng (Lailo Khua paina lamka ah om ahih manin Lailo Veng kici hi.)
  • Mualpang veng (Mualpang lam ah tuam kai ahih manin Mualpang Veng kici hi.)
  • Gawnuai veng (Khawtaw lam ah om ahih man in Khawnuai/ Gawnuai veng kici hi.)
  • MualVeng (BEHS 1 nuai mualveng teng)
  • Tualpi nuai veng l(Kamhau Tualpi dang phei a teng)
  • Tualpi pamm veng (TZK
  • Palik veng,
  • Siangsawn Veng,cih bangh te leh a om vengmi te' sapdan dan in a kilo kawikawi veng min kipia ciat hi.

Source ; http://sakollamvontawi.blogspot.com .



Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

  1. I theih khakloh ding thute hongthei sak lungdam, minam ading in topan hongzang sem sem henla, thupha tampi hongpia tahen!

    ReplyDelete

Item Reviewed: Sakollam Tangpi Kipawlna (Sakollam Social Society) Thu leh Sakollam,Tedim Zogam Tangthu. Description: Rating: 5 Reviewed By: Cinpu Zomi
Scroll to Top