728x90 AdSpace

Hot
Menu
Zon-ol na Donate

Latest News

Salpha Pu Tun Khaw Pum (C.L.Army) thu atom in.

Ngalliam pen  Pu Tun Khaw Pum a mah leh a mah' a kigen na hi aa PASAL PHA cihna a hi hi. Zomi te kipum khat na ding kapanta a cihna a hi hi.

Jan,1963 kumin C.L.A. [Chin Liberation Army ] ten a nasep kipan uh a, Sugnu khua ,Lamka khuapi. leh Singat khua a om Police Camp kap uh a, hih khua a [ S.D.O ] office te ah [ C.L.A ] te'n Dial lap[ flag ] akhai pahpah uh hi.
Tua khit ciang in gam tuam pan huhna nget ding kisam sakna in July ,22 .1963 in Rangoon[ Myanmar ] ah  [China  ] leh [ East -Pakistan ] [ tu hun in Bangladesh hi ] te palai te tawh kimu khawm ding in Pu Tun Khaw Pum a kuan hi.Hihkihona tak suak in 1964 kum ciang in Pu Tun Khaw Pum kumpi phalna tawh East-Pakistan ( Babgladesh ) ah vapai in a tun zawh  nithum ciang in East-Pakistan [Bangladesh ] President  AYub Khan tawh a tuam in kimu uh a, hih hun in AYub Khan in Pu Tun Khaw Pum pen  numei lam leh Sum leh Paii lamah a citak hiam ci in  ze et in, tua khit teh muan huai mahmah sa ahih man in, muan na taktak tawh East -Paskistan (Bangladesh ) Kumpi in C.L.A te Sum leh Paii, thauvui leh thautang leh Thau Lawng tawh tampi tak in a huh hi.Pu Tun Khaw Pum in President AYub Khan i piak License ( Gal van a mawk na a thoh thei na License) tawh a ki sap hunhun in East-Pakistan( Bangladesh ah )  Gal van thot thei hi.

1965 kum ciang in anihvei pai na ding in Pu Tun Khaw Pum leh  A lawm te'n East-Pakistan (Bangladesh ) ah Gal-van kisap tuamtuam a valakik uh hi.Hih hun ciang in C.L.A te tha hat in Battalion 2 pha ta uh aa, Camp thupi deuh deuh te uh Mualngat khau,Tengnoupal khua, Khaukhual khua or Lamka [Churacandpur] leh Teikhang khua [ tu-in Mizogam] huam te a hi hi. Hih hun lai tak in Lusei ten Gam nuaimi ( Unbderground) cih bang anei leh a thei nai vetlo hi. Tua hun lai tak in, Mizogam pen Lusei Hills ki ci hi. Kum sim in hih Lusei Hills ah kial ( Famine ) tung den hi. M.N.F makai Lal Deng pen hih Kial huhna a lai at ( Clerk ) khat hi lel hi.
Hih bang hun lai in Mizogam  leh Manipur huam sunga aom  Zomi teng kipum khat theih na a om kha diam cih na tawh Lamka kiang a om Kawnpui khua ah 1965 kumin Zomi makaite vaihawm na tawh thu ki kup khopna nei in, Zomi ulian makai tuam tuam leh Mizogam pan a hong kuan Pu Lal Deng ( M.N.F or Lusei Gamnuai mi Ma kaipa) leh mituamtuam a ki hel uh hi.

1966 kum in MNF te ngetna mang in Pu Tun Khaw Pum in Aizawl leh khuapi tuamtuam kapna ding in thauvui leh Thau tang [Rifle 303 te  zong mal 500 tungah apia khia hi.] van tuam tuam tampi a pia hi.C.L.A  te piak galvan teng teng leh a neih sa uh galvan tawh MNF (Mizo National front) ten Febuary 28 1966 in Aizawl ,Lunglei ,Memagirim ,Champhai [Tonsim ] leh Kolosip a kap uh aa,MNF dial-lap [Flag] nai 48 sung a khai uh hi.

Hih kum in C.L.A ten East-PAKISTAN [Bangladesh ah] A Thum Veina galvan la ding in Pu Tun Khaw Pum ( C.L.A) leh a Zomi gal kap te tawh a kuan leuleu uh hi. C.L.A Makai pi Pu Tun Khaw Pum leh A gal Kap teng in East -Pakistan ( Bangladesh) pan, a deih teng uh ngah khin in LUNGDAM tak in leh Lungmuang tak a C.L.A Camp (Manipur) a ciah ding in Mizogam aa Aizawl mual tung tawn aa a hong pai lai tak un, a up het loh a huh det uh Mizo National Front  [MNF] ( Lusei Gamnuai mi ) ten lampi ah C.L.A te piak sa ahi thau vui thau tang te leh galhiam te mah zangin CLA ( Zomi gal kap) te na man uh a ,East-Pakistan ( Bangladesh) pan a hong puak uh van, thua vui, thau tang leh van tuamtuam teng lak khit sak in,Pu Tun Khaw Pum bel mun tuamtuam ah sel in, a ma nung zui Zomi gal kap teng a ban a ban in mul kim het lo un M.N.F ( Lusei Gam nuai mi ) ten that ngekngek uh hi.

Hih teng bek tawh pha sak lo in C.L.A Galkap Camp a om lai teng, nuaimang ding in Teikhang Camp (C.L.A  te Centre Camp) ( Zomi gal-Kap te Camp) ah Pu Tun Khaw Pum lutpih lai un, lungmuang tak a a om HITHIAT C.L.A ( Zomi GalKap te), M.N.F ( Lusei Gamnuai mi ) ten a vatmai mang uh hi. Zomi Gal Kap te, Si san a theih sa hawk tui luan in a luang hi, tua Camp ah.

Mi hing ngaih sutna a zong thuak ngamloh khop in a bawl khit ciang un, Mai-te Command Central [ Estern command ,H.Q leh General H.Q of M.N.F ah Kha 6  a om pih khit ciang un Pu Tun Khaw Pum nuntak na a laksak mai uh hi.

C.L.A ( Zomi gal kap} Makaipi pa Pu Tun Khaw Pum leh Zomi gal kap teng Lusei gamnuai mi ( Lal Deng leh A Gal Kap , M.M.F.) ten a thah khit ciang in, Pu Tun Khaw Pum License zong lak sak in, tua tawh Bangladesh ah Thauvui thau tang thoh dinga Lal Deng te( MNF) a pai uh leh, President AYub Khan in " Koi lai ah Tun Khaw Pum om hiam?, amah a om kei leh gal van hong pia lo ding hin ci ina dawng hi" aizong Lal Deng in " Tun Khaw Pum i hong sawl hi, a mah manlo hi ci in" a khem hi, aizong President AYub Khan in gal van tawm cik bek pia hi. Tua zomi gal-kap te gal van teng tawh lusie ten India kumpi do in, Mizogam state bek na ngen uh hi.

Ih  Zo paunak in ''Mihing luang leh sialluang mang ngeilo'' ci hiven.
M.N.F Lusei Gamnuai galkap makai pa pen Cancer nat na tawh 1990 kum in si hi.

Lusei ten Zomi makai Pu Tun Khaw Pu ( C.L.A) hong thah sak kei uh leh, AYub Khan ( East Pakistan President or Bangladesh now ) kumpi pan Zomi te gam ding a hong piak lei tangh teng pen, Tu hun in, Mizogam state,Tripura state, Chittagong Hill tracks ( In Bangladesh), some parts of Assam State, Manipur, Chin State ( Now In Burma) pan Gun Khawm dong hi.

Zomi te aw tun hun ciang in, nam dang te zawng khual kullo in, Ka Zomi pih, ka nampih ci a ham phat na leh siamna pilna te ah Ih mi pih, te bek mah ci ten tan lel ni. Pu Tun Khaw Pum in, Lal Deng bangmah theilo, "zawng khua theilo pi, khua na thei sak kha a hih man in", Zomi te thupha ngah ding teng, tu in Lusei ten hong lak sak khin ta uh hi.
Oct.28 [ Pu Tun Khaw Pum a pian zawh Kum 61 a ci'n na ] aa hong gelh uh lai bu min ''HUN THAK'' cih lai bu pan in kong tei khiat sawn hi.

Tu ni dong ciang in Pu Tun Khaw that Lusei te M.N.F pawl  te'n Pu Tun Khaw Pum DESIGN BAWL , DIAL-LAP [ Flag ] mah zanghZANGH LAI  uh hi.  

Tua MNF ( Lusei gamnuai mi ) te khut sung pan a tai a, a suak ta, a dam lai pen Pu Dr.Pum Za Thang bek om lai hi, tu hun a  tua hun lai a thu piang dot theih ding.

Atei khia – Alex Kap.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Salpha Pu Tun Khaw Pum (C.L.Army) thu atom in. Description: Rating: 5 Reviewed By: Cinpu Zomi
Scroll to Top