728x90 AdSpace

Hot
Menu
Zon-ol na Donate

Latest News

TUALZANG KHUA TANGTHU

TUALZANGGAM SUNG AH ATEENG MASA TE THU
Nidanglai in Tualzang gamsung ah, Vaaimi, Thahdomi leh, Teizangmi te teeng ngeiuh hi.Vaaimi pen tuhun a, Khuangtum akicihna muntengah ateeng ngeiuh a, asih uh ciang un,Keen kawm,suangkawn ah kigui hun ahih mah bang in Khua Ngal ken hawm ah aki vui uh hi. Tua Vaaimite kivuina minpua in tua mun pen Vaikeen kicipah hi. Vaaimi te alal khiatuh ciangin, Thahdo mi te in Pugen lam Khua taw lozang tengah khua na sat leuleuhi.


Akhuagal leilulam mualsauhna ah Muangsuang naphut uh a, tu dong in kimua thei lai in-Suang gual kicipah hi.  Tuapan in leilu lam Sihpimun  Mualneu khat ah mual nabawl uh a, tudong in tua saungte kimu theilaihi. Vaai te leh Thahdo mite teen hun lai in Gal leh sa akineihhun sunghi a, gal leh sa hamsatna hangtawh kip zolo ahihman in lei lulam zaun in na lal totouh hi. Hih mite nung ah Tedim ukpi asem PuKamHam sanggam Pu Thuam Lian in Hausa sem a, Kip zo tuan lo in Mawng keen ah nalal hi. Tedim khua pi Mikaangteen hongsim ciang in, Tedim khua kinuasia a, Pu Khua Cin Nu Pi Ciin Ngul Ngen Nung khua ateen laitak in si a,  Pu khua Cin ateen angei, Tualzang ah  aluangpua in vui hi.

TUALZANG MIN KI VAWHNA
Nidang in Tualzang pen Gam mangpi hi a, Salian Samaang zong tam hi ki ci hi. Tua hun in Tu a khua laimun  Paaina Sanginn lam na mun khem peuh ah gammang mun nop cimahmah leh alipkhap huaimahmah mun kicihi. Hih Mun teng ah losau luipi Dawi te lah Thangneel Dawi te kituah in khawl a, Bual na in zang aa, Tual in nei ahih man in Dawi tual mun Dawitualzang min pua in TUALZANG kicihi.  Pasian in ama vangliatna tawh Dawite hawl khia un ci a, Dawi hongkihawlkhiatsak ahih man in,Dawi te Tual hi theinawn lo in tu Pasain Tual, Pasian tualzang a suak hi.

PU GEN THUAL TE TUALZANG TEN NA;
Saizang khua a,teng Pu Gen Thual in Saizang khua ah akhawh sa kham lo inantaw ding in azawl pa tawh Ngawng gam ah vapai uh a, tua apai na lam pi ah azawlpa gal te in that in agawng tan sak hi.Tua bang a, akhawh sa kham lo aa, Antaw apai sihna dong atuahman in, gam hoih leihoih zuat ding hong lunggulh uha, azipii PiNiangZiingtawh ki kum in, Tualzang gam hong zuan uhhi. Pu Gen Thual pen  a U pa Pu Eng Tel tapa  Pu Lut Thang( Tuang Cin Suan pu) tawh 1900 kum in Saizang khuapan tualzangkhua ah na teenghi ci -in  Pu gen Thual tapa Pu ziingkhai thu ciap teh nalaibu sung ah naciam teh hi.

Pu Gen Thual te tualzang ateen khit uh ciang atat aheek te athu uh zong, Pu Zing Khai in laibu sung ah na ciam teh a, tua laibu sung a, kiciam teh na thu te leh Nu le Pa , Pi le Pu te thugen kisik san in Sia (Hau Thang) Kawlpi in hi laibu sung ah hong gelh hi.

Pu Gen Thualpen Tualzang khua ah na tengsuaklo in, nalal khia kik ahih man in abeisa hun Tualzang Khuasat te tangthu sung ah amah na ihel kha lo hi.

PU GEN LAM TE TUALZANG KHUASATNA THU
Tualzanggam sungah nidangin ,Vaite,Thahdote Teizang, nateeng ngei uh hina pi na kipzolo in nalal san zeluh ahih man in  Tualzang khuasatmin ki ciam teh theilohi. Pu Gen lam ten Tualzanghongten ciang in Hausa sem in khanggui kizomimkhua kip khat hongsuak ahihman in Tualzang khua pen Pu Gen lam khuasat ci-in kiciam teh hi. Pu Gen lam te TualZang khua aten na tangthu PulePa te gen na tungtawn in anuai a, bang ahihi.

Saizang khua Pu Gen lam, PuSon Cin te leh Pi Ciin Vial te ateen laitak hun in tu hun a, ih teen a hi Tualzanggam sungah gamsa tammahmah hicihthu thei uh hi.Pi Ciin Vial in , Son Cin aw sa bekuk mahmah na hih man in sa tamna mun ah Gen lam tawh nakithuah in khua vasat un: ci-in han tawh hi. Hihbang a,ahan thot ciang in, Pu Gen lam leh PuSon Cin in satam na mun Tualzang khua sat dingin  kuan khia pah uh a, Hiang tui lui ah Pu Hau Cin Khup te aisa sawk in naom uh hi.Pu Hau Cin Khup in Pu Gen lam leh Pu Son Cin te tawh akimuh uh ciang in na ma ciah a, Pu Thuam Lian na Ko pah hi.Tua ciang Tualzang a, atengkhinsa PuThuam lian in  Pu Gen Lam leh PuSon Cin te Lam piah nadawn hi.

Tuabang a, na dawn ciang in Pu Tuam Lian in, "Gen lam aw Son Cin aw, mudang tung lo in hih laiah hongteng un ci-in kho a, Gen Lam leh Son Cin Suak leh khak na hiuh zong in Suk te suak leh khak nahiuh zong in Mual hem Thaang paang ah kitaisan loding hihang,, ci-in sathal nasawt(sa naban) pih aa, ateeng khawm ding in na kiciam uh hi.

Hihbang a, thu ciam na aneih uh hang in Pu Thuam lian na kiplo in Mawng ken hua ah  na lal hi. Tua nun caing in Pu Gen Lam Makai in Saizang pan Lailo , Lailo pan Khuang Nung , Khunag Nung pan JC. 1904 kumin Tualzang gam akhual khawh theihna ding un  Mawngkeen Hausa pa Pu Tual Khaw Thang tung ah anuaia, teng in Gam tong peek nih ciat na pia uh hi.
Gam tong pia teng;
  1. Pu Gen lam                (Mun saung)
  2. Pu Thang Luan           ( Malneu)
  3. Pu On Khaw Zam         (Munsuang)
  4. Pu Kham Pum            (Mun Suang)
  5. Pu Ciin Vung               (Mun suang)
  6. Pu Gen Suah               (Mun suang)
  7. Pu Nok Pau                  (Munsuang)
  8. El khual                      (munsuang)
  9. Pu Tun Luai                 (Mun saung)
  10. Pu SongNeng             ( Munsaung)
  11. Pu En Kai                  (kikkai)
  12. Pu On Pum                (Songlam)



1905 kum akhawh sa uh atun ciang in Tonzang Innpi pa  Pu Hau Cin Khup kiang ah Tualzang khua aten theih na ding un, Daangkaa peek (50) pia in Tualzang Khua Pu Gen Lam sat aa kipan tudong in, gam kip asuak ahihi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: TUALZANG KHUA TANGTHU Description: Rating: 5 Reviewed By: Cinpu Zomi
Scroll to Top