728x90 AdSpace

Hot
Menu
Zon-ol na Donate

Latest News

Human Rights Monitoring. Gelh - Tual Khan Suan (Suanpi)

Mihing hamphatna kepcingna pen mihing hamphatna siatsaknate kantel in ciaptehna bek hilo a, tua thu leh la te mite theih dingin zaksakna (tangkona)leh a ki sam banga thu khensatna a om theihna ding a hanthotna piakna ahihi. Mihing hamphatna kepcingna ah hih anuai a mite in (a diakin) septheihna nei pha diak hi.

  1. Cidamna (Zatui) lam na sem mite:
  2. Thu kham (law) lam nasem mite:
  3. Sittni (or) thu khen mangpi te :
  4. Nasem pawlpi te:
  5. Lailam na sem mi te:
  6. Sumbawlna lam kipawl nate:
  7. Pilna siamna nei mite:
  8. Sangsia leh sang naupang te:
  9. Biakna kipawlna :
  10. Numei kipawlna:

(1) Cidamna (Zatui) lam na sem mite i cih ciang in siavuan (Doctor), ci na kem sia/siamah ha siavuan(dentist) ,siavuan te na sep ahuh mite leh zatui lam a sem mi khempeuh cihna ahihi. 1947 kum a ki phuan leitung bup zatui lam ki pawl na (WMA) in zatui leh cidamna tawh kisai sepzia leh thukhun te bawl khia a, zatui leh cidamna lam khempeuh tua kipawlna in makaih in huhna pia hi. Leitung bup zatui lam kipawlna (WMA) thu khun sungah “cidamna leh zatui lam nasem mite i tavuan pen mihing te cidamna leh nuntakna vengbit ding ahihi.”ci’n na gelh hi.

Zatui leh cidamna lam na sem mite in a mau na sepna hang in mite lak ah :
(a) Muanna leh zahtakna :
(b) Deih sak tuam nei lo a na sepna hangin mihing te pai theihlohna munah suakta tak in pai theihna te ngah uh hi.

Tua ahih manin thonginn ,palik zum ,mikhumna cih te ah zatui leh cidamna lamah nasem mite in mihing te pianken hamphatna a ki suksiat sak nate kantel theihna ding mun leh hun hoih ngah uh hi.Tua hi a ,amau te’n :
(a) A muh thu leh la khempeuh ciamteh thei uh hi.
(b) A seppih mite leh mihing hamphatna tawh ki sai nasem mite thu leh la za sak thei uhhi:
(c) Thu nei (vaihawmtu) te leh leitung bup mite kiangah thu za sak thei uh hi.

Mihing hamphatna lapsangna dingin zatui leh cidamna lam nasem mite septheih pawl khat:
(a)Pilna siam na sitlo in ci-na te hoih tak kem ding :
(b)Cina (damlo) khempeuh a ki bangin bawl in en ding:
(c)Cina mite thu ciaptehna (Medical records) hoih takin kemcing ding :
(d)Tua thu ciaptehna te pen thukham zum (or) damlo te phalna bek tawh zang ding:
(e)Mihing hamphatna tawh kisai thu leh late ah a ni, a hun leh a vanzat te kim takin kem ding:
(f)Gam sung gampua a mihing hamphatna sem pawlpi te tawh pang khawm ding :
(g)Mihing hamphatna thu kan pawlpi te panpih ding:

(2)Thu kham lam nasem mite: (Law Enforcement officials.)
Thu kham lam nasem mite cih ciangin matna leh khumcipna te a sem mite ahihi. A diak in thong inn uk pi, thong inn na sem, palik nasep a sem ding gal van tawi mite leh gam bup pan a tavuan ki pia bitna lam sai mite a hihi.

Thu kham lam pilna siamna leh hoih tak a sinsak na ki pia mite’n thu kham zui a na sepna leh thu kham kep cingna pen mihing te ki sap khat a hihi. A maute in mihingte vengbit ding, huh ding leh mi khempeuh in thu kham a zuih kim tek nang malakna ding mawh puakna nei uh hi.

Tua bang hilo in mimal leh ulian khat peuh phattuamna dingin thukham a palsat uh ciang in leitung bup thukham huang pua lam a tung hi a, mipi te zong zawh thawh bawl a suak uh hi. Tua bang hun in i thuneihna pen mipite vengbitna ding in zang lo i hih manin thu kham palsatna ding leh mite hong piak mawh puakna zo lo i suak hi. Mipi leh kumpi nasem mi khempeuh in gamsung thukham pen a kibang a zuih ding ahihi. Thukham lam nasem mite’n mipi hamphatna leh nuntakna vengbit ding hi a, lampi dang om nawn lo a,a kisap ciang bekin tha gum zang ding hi. Cihnopna ah thukham zui ding a mat ding mikhat in tha gum tawh hong nial leh thu kham lam nasem mite’n zong tha gum zat ding ki lawm mawhlo hi. Ahi zongin tua mi in tha gum tawh a hong langpanna a tawp ciang in tha gum zang nawn lo ding hi.
Mihing hamphat na lapsangna dingin thukham nasem mite septheih pawl khat :
(a) Thuman leh diktatna tawh thukham zui in sem ding:
(b) Leitung bup tawh kisai thukham leh mihing hamphatna thei ding:
(c) Thu kham nasem mite sinsakna ah mihing hamphatna te zong sinsak ding:
(d) Mihing hamphatna palsatna thu leh la te sittel ding, a diakdiak in khumcipna mun misi te thu leh la te sittelna ,zon khiatna te ah tha pia ding:
(e)Mihing ham phatna pawlpi te tawh ki zom in thu puak ding:
(f) Mihing hamphatna palsatna te hoih tak in ciamteh ding:

(3)Sittni (Lawyer) leh thukhen mangpi (Judge)
Mihing hamphatna leh mungpi suahtak nate vengbitna ding a ki sam thukham kepcingna ah sittni leh thukhen mangpi te pen a kisam bulpi pen ahi uhhi.

Thu khen mangpi( Judge)

Suak ta tak a thukhenna pen democracy zungpi leh khansauna ding a ki sam pen ahihi. Tua ahih manin kumpi te suakta tak a thukhenna pen zahtak ding hi. Tuamah bangin thukhenna ah deih sak tuam neihloh ding, thukhen mangpi te mawhpuak leh zuih ding thu ahihi. Tua ahih ciangin thukhen mangpi te in
(a) Opkhumna:
(b) Zekhem zolbawlna:
(c) Thupiak tawsawnna:
(d) Vauna leh nawng kaisakna te nial in sanglo ding uh hi.

Thu khen mangpi te in a mau kiang kitun thu leh la te khensat theihna ding thuneihna nei uh hi. A maute pen hoihtak in sinsakna pia in khentuamna omlo in tel ding hi. Amaute pen pilna, gamtat na zui in tavuan piakna pan khawlsakna aki sam bangin bawl ding hi.

Sitni(Lawyer)
Mi khempeuh in thukham zui a sepna ah a ki dalna ding in sitni khat peuh kiang pan huhna ngen thei hi.Tuabang a sittni cialna ding sum leh paii neilo mite kumpi te’n cial sak ding hi, Mi khat a ki mat khit nai (48 ) sung in sittni khat cial theihna ding manlang takin bawlsak ding hi.

Sittni te sep ding :
(1) Thu man muh khiatna ding deihsak tuam neilo in thu bawl ding:
(2) Mipi te hamphatna te tha pia in thuman tak tawh nasem ding.:
(3) Deihsak tuam nei a thulang gen mite thu muhna te thu bulbal neilo ci’n nial ding :
(4)Mihing hamphatna palsatna ah mawhpuakna neilo mite thu khenna mai atun theihna ding nasem ding:

Mihing hamphatna lapsangna ding sittni leh thukhen mangpi te sep ding :
(a) Leitung bup mihing hamphatna thukham te hoihtakin sin in mimal khat ciat nuntakna vengbit nate lapsangna ding:

A diak in:
(1)Thukham nasem mite zuih ding thu te:
(2) Nau pang a ki man mite leh thah ding a thu khenna thuak mite tawh kisai thupiak zia khem peuh tel ding hi.
(b) Mihing hamphatna thu tawh kileh bulhlo dingin gamsung thu khamte sit ding:
(c) Thukham vaihawmna (the rule of law) tawh kisai gamsung khawn bawlna innpi (Parliament) ah ki kupna ding thapia ding :
(d)Gam pua pan pilna siamna nei mite sittni ki pawlna leh thukham nasem pawlpi te muak ding:

(e)Leitung bupah mihing hamphatna te a ki zahtak leh zat theihna dingin thu khenna sem pawlpi te tawh ki pawl khawm in kumpi te tawsawn ding.

Source - Lunglen Blog.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Human Rights Monitoring. Gelh - Tual Khan Suan (Suanpi) Description: Rating: 5 Reviewed By: Cinpu Zomi
Scroll to Top