728x90 AdSpace

Hot
Menu
Zon-ol na Donate

Latest News

MIHING KISIMPINA (Census) THU. Gelh - Thangpi Naulak

Mihing kisimpina Census cih kammal pen Latin thumal Censere pana kila sawn hiin siah(Tax) cihna ahi hi. Mihing kisimpina pen nidanglai pek panin gam tuam tuam ah na awm ngei hi.
Tuma kum 5000 hunin hih gam pawlkhat Egypt, Babylonia, India, China, Palestine leh Rome ah mihing na kisim ngei uh hi. Lai siangtho ah mihing kisimna nihvei na awm hi. A khatveina pen Moses in kum 1491BC in na bawlin, anihveina pen David in kum 1017BC in na bawl leu leu hi. Hih laisiangtho sunga kisimpina te ah numei leh naupang kihel ngeilo hi. Nidanglaia Kisimpina kineihna hang pen Siahkhawnna a baihzawk nang leh Galkap ding bangzah awm thei cih a theih nawp man uh hi lel hi. 


Hun hong pai zel ciangin mite in hih kisim thupina hong thei to sem sem uh in, numei leh naupang zong hong hel ta uh hi. Tuhun a i theih dana Census kician pen USA tein kum 1790 in na pan uh hi, England leh France in zong kum 1801 kum pek in na pan khin uh hi. Tuhun ciang leitung gam a tamzaw in mihing kisimpina(Census) ki nei ciat hi.Gam khen khat gentehna in Afghanistan khawngah bel census awm lo hi. 


India gam zong kisimpina a pan baih mah mah gam khat na hi vanglak hi. Nidanglai Ashoka hunlai(3BC) hunlai in zong na kism ngei uh hi. Kum 1867-1872 sungin India gam mun tuam tuamah British Kumpi te in kisimpina na neihpih uh hi.Hun man taka kum 10 hala kisimpina neih lian bel kum 1881 pan ahi hi. Kisimpi nunung pen 2011 pen a 15 veina hong hi ta hi. Kum 2011 kisimpina ah Inn 24 Crores, District 640, Tehsils 5767, Towns 7742 leh Villages 6Lakhs awm hi. Kum 2011 pen Census dangte tawh a kibat lohna khat pen Unique Identification Number(UID) kizang hi.Mima khatciat hi tawh kiciamteh hi.Hih Census a sum kizang zong tawmlo hi RS 2209 Crore tak pha hi.


Mihing kisimpina(Census) a kikaikhawm thu tuam tuam te pen thupi mah mah in bengvakna tampi hong guan hi. A diakin kumpi lam thunei te Planning leh Policy bawlte adingin nuamtuam mah mah ding hi. Laisin (Research Scholar) te adding in zong source hoih mah mah khat hong suak hi. India gamah Political Demand khat peuh peuh akibawl ciang, kumpi in Census ah mihing bangzah pha uh hiam cih en masa uh hi. Tua ahih manin minam tuam tuamte in Census ah a nam uh a tam thei thei kilang leh deih uh hi.Mi pawlkhat in bel thupi ngaihsut lo in Census Enumerator te hongvak ni ding khang ciang lo peuh kuan san uh hi. Tua ding hi lo in thupi ngaihsuta dotnate hoih taka dawn ding hi zaw hi.


Gelh - Thangpi Naulak
http://thangpinaulak.blogspot.com )

(Hih pen laigelh Thangpi Naulak in Mipisimna(Census) pianna thu leh India gam Census bulphuh in a at hi in, Kawlgam sung aa om Zomi te'n zong Kawlgam bulphuh aa i at aom leh sangtheisiam@gmail.com ah nong khak nangun cih hong ngen beh ingh. Lungdam.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: MIHING KISIMPINA (Census) THU. Gelh - Thangpi Naulak Description: Rating: 5 Reviewed By: Cinpu Zomi
Scroll to Top