728x90 AdSpace

Hot
Menu
Zon-ol na Donate

Latest News

Pate' Ni Hong Piankhiatna Thu. (Atom in) A gelh - SIAM IA, US

Pate' Ni Hong Piankhiatna Thu. (Atom in) 
A gelh - SIAM IA, US
Hih Father’s day hong pian khia sak, a hong kipatna pen Ms. Sonora Louise Smart Dodd a kici numei tung panin ahong kipan ahi hi. 1909 kum in Spokane veng, Washington Biakinn ah Mother’s Day akizat lai takin Ms. Dodd va kikhawmin tua akikhopna panin Nute ni kibawl ahih leh Pate ni zong bawl ding hi cih hong ngaihsun khia hi.

Ms. Dodd pen kum 16 a phakin a nu in a nau suahna hangin a it lawmpa leh ata 6 te nusia hi. A nutsiat a nau ngek leh atate a Pa Mr. William Jackson Smart in kem to-in abuai mahmah nate leh a Pa itna te angaih sut ciangin Nute ni a kibawlna tung tawnin Pate ni hong piang khiana dingin Ms. Dodd in hong han ciam hi.

Ms. Dodd kum 27 hong pha ciangin US ah Father’s Day a hong pian theihna dingin hong gen koikoi in, mite in zahpih mahmah uh a, a hi zongin Spokane Ministerial Association leh khua sunga Young Men's Christian Association (YMCA)te in hong thukim/panpihna tawh Father’s Day akhat veina June 19,1910 in hong kizang hi. Ms. Dodd in Pate ni zat dingpen a pa suah ni June 5 ni-in zat ding ut a, ahi zongin kigin kholhna hun kinei man lo ding cihna tawh June 19 ni-in hong zang uh hi.

U.S ah Hih Father’s day tawh kisai-in a masa penin President Woodrow Wilson in 1916 kumin zatding phalna pia hi. Tua khit ciangin President Calvin Coolidge in zong 1924 kumin mi khempeuhin Father’s Day zattek dingin gen hi. President Lyndon Johnson in zong June khan nipi thumna Father’s Day dingin 1966 kumin na sign (suaikai) hi. A tawpna ah President Richard Nixon in 1972 kumin Father’s Day pen June kha Nipi thumna Leitung bup in zat det dingin hong pulak khia hi.

Hih bangin Father’s Day hong piang khiatna dingin ah Pa a itna tawh hong hanciam Mrs.Sonora Louise Smart Dodd pen 1974 kumin Spokane ah kipahtawi hi. Mrs. Dodd in 1978 kumin hong nusia a, hong nutsiat in kum 96 pha hi.

Hauhna leh khansau ih ngah theihna dingin thupatna ah hih Father’s Day hong piankhiatna kong gelh masa hi. Efesa ih sim ciangin Pate thu man ding na gen a, zahtak le cin nang a dingin thu hong hoih in, leitung ah na khan a sau ding hi. na ci hi. Kolose sung ih et kik ciangin Pate thu man tawn tung ding pen Khristian na sep hi ci-in, thumanna in Pasian Lungdam sak na ci hi.

SIAM IA, US

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pate' Ni Hong Piankhiatna Thu. (Atom in) A gelh - SIAM IA, US Description: Rating: 5 Reviewed By: Cinpu Zomi
Scroll to Top