728x90 AdSpace

Hot
Menu
Zon-ol na Donate

Latest News

Pu Awn Za Pau Thu A Tom In.

Pu Awn Za Pau.

Pu Awn Za Pau Thu A Tom In:

Saizang khuapi Liappi veeng ateng Pu Neng Vum (Gualnam) leh Pi Nok Za Ciin (Gualnam)te   nupa sungpan in June 5, 1945 (official) ni in suak hi.


Laizom Suahpih Unauteng leh Azi/Apasalte
(1) Pu Zel Za Lang Major(d)                        Pi Ning Za Thang(d)TG
(2) Pu Sing Pau(d)                                       A neu lai in si
(3) Pi Cing Khaw Don(d)                              Pu Tual Pau Sgt(d)TG      
(4) Pu Sing Khaw Zam(d)                            (i) Pi Hau Zen Cing(d)GSL
                                                                     (ii) Pi Ning Za Khawl GKK
(5) Pi Ciin Za Lian(d)                                    Japan gallai zavat in si
(6) Pu Pum Khaw Kam(d)                            Japan gallai zavat in si
(7) Pu Awn Za Pau                                       Pi Ciang Khan Zen TG
(8) Pi Man Za Ning                                       Pu Lian Za Tung(d)G
     
            TG – Tawmging                   GSL – Gualnam Songlam
            G - Gualnam                        GKK – Gualnam Kikkai   

Azi tawh Aneih Atate leh Amo Amaakte:

 (1) Pa Vum Lam Kam    Vocalist         Nu Awi Huai Lun Dr.
 (2) Tg Pau Khan Kap      BA (Philo.)BTh, M Div Lecturer TCC, Yangon.
                                                                 Nu Ning Hau Lun B Pharm  
 (3) Tg Lang Khan Sing    BSc (Chem.) Single        -                     
 (4) Nu Ciin San Cing       BBA, BARS,  MBA, Kaplan University, Singapore
 (Branch University of Murdoch University, Australia)  Pa Ye Lin Han (Businessman)                                  
 (5) Tg Zam Cin Mang     Matric               -
 (6) Lia Vung Sen Lun      BCTech, BARS, BS (Bio-medical Studies ) OU, Nursing candidate - ORU 
(7) Lia Don Hau Niang   Matric              -  
       
Tu laitak in a tapa upen Pa Vum Lam Kam leh Nu Awi Huai Lunte sung pan piang a tupate taktak ahi, Tg Pau Mun Van leh a tapa upen nihna Pa Pau Khan Kap leh Nu Ning Hau Lun sung pan piang Tg Pau Biak Sungte nei hi.

B Th      - Bachelor of Theology (Tedim Christian College - Yangon)
M Div   - Master of Divinity (M IT- Insein, Yangon)
BA (Phillo) – Bachelor of Arts (Philo) – Arts & Sc University, Yangon
B Sc (Chemistry) – Bachelor of Science(Chemistry)        “       
BARS    - Bachelor of Arts in Religious Studies (M I T– Insein,Yangon)
BBA   -  Bachelor of Business and Administration(Institute o Economics)
MBA    -  Master of Business and Administration (Kaplan University –
Singapore)
BCTech - Bachelor of Computer Technology  (University of Computer Studies-Yangon)
BS (Bio-medical studies) – Bachelor of Science (Bio-medical Studies)… OklahomaUniversity  OK, USA
B  Pharm – Bachelor of Pharmacy
TCC    -  Tedim Christian College – Yangon
MIT    - Myanmar Institute of Theology
OU     - Oklahoma University
ORU  - Oral Robert University



Matutna leh A Gahte:

01.  State Primary School, Saizang khuapi ah 1950 – 51 kumin Zolai tan 1 kah kipan hi. 

02. Tedim gambup Zolai tan 4 laivuanna ah State Primary School, Saizang khuapi panin 1954  kum in zo hi.

03. Kum 1958 kumin Manglai tan 7th Standard gambup kumpi dotna Tiddim khuapi pan dawng a, gual zo  lo in kia hi.

04. A kum kik 1959 kum ciangin  Army Children’s Middle School, Nandwin/Nanmyo  Mandalay pan in Manglai tan 7  zo hi.

05. A tan 8 kah lai (1959-60) kum in United States kumpite  vaihawmna pan kiseh a Zogam ah hong pai American Fulbright Teacher: Herbert Wehrly inh Falam, Tiddim, Thuklai aa om SHS sangpite tawh a kigawm khawm in, ih Zo ngeina leh Zo tangthu a tuamtuam Manglai in kidemsak a, a nihna ciang ngah hi. (The Story of Two Brothers – Unau Nihte Tangthu)

06. High School Final (HSF) or SLC (School Leaving Certificate) 1961 kum in Tiddim State High School pan zo hi.

07. Kum 1962 akipan old system phiat in tan 9 pen High School Final dingin ciangtan nawn lo a, kumpite in tan 10 sang hon kipan hi. Zogam ah Falam bek ah tan 10 sang koih ahih man in, Kawlgam lam zuan a, Army Children’s High Shool, Meiktila pan in 1962 kum in Matric  Class kici, tan 10 (Tenth Standard) Arts subject tawh zo hi.

08. College a kah ciangin Pure Science la kik bungleh aa, I Sc Part B (Intermediate of Science Part B) Taunggyi Intermediate College pan in 1964 kum in zo hi. Tua kum mah in Rangoon Institute of Technology (RIT) kah theihna ding Taunggyi Intermediate  College pan mi 4 bek in ngah a tua lak ah kihel hi.

09. BE (Civil) 1968 kum November kha in zo a, Ciimnuai Zomite sung ah RIT pan BE ngah masa penpen ahihi.

10. May 7, 1969 ni a kipan Assistant Engineer (AE) Lamvuandok zaatawh Maintenance (11) Public Works Corporation (PWC), Falam – ACE (Assistant Command Engineer) zum ah sem pah hi.  Public Works sung ah AE kici Lamvuandok leh a tungsiah za teng zong Ciimnuai tate sungpan a ngah masa pen mah ahihi. (11) Public Works Corporation (PWC), Falam – ACE (Assistant Command Engineer) zum ah sem pah hi.  Public Works sung ah AE kici Lamvuandok leh a tungsiah za teng zong Ciimnuai tate sungpan a ngah masa pen mah ahihi.

11. January 22, 1972 ni in Saizang khuapi ah a it leh a ngaih mahmah azi, Pi Ciang Khan Zen tawh Zo ngeina in kiteng uhhi.

12. Kum 1969 pan kum 1986 ciangdong kum 18 sung Zogam Tiddim lo buang ah AE za ciang om theihna Falam, Matupi, Mindat, Haka khuate  ah sem kawikawi hi. Zogam ah a om sung in Mindat – Matupi lampi ah kum 5 sung, Haka - Matupi lampi kum 11 sung mah sem hi. Mindat - Matupi leh Haka - Matupi mawtaw lampi tung ah mawtaw car pai theih suak naii lohna  pan in mawtawpi leh Jeep car pai theih dong sem khia hi. (1972 – 1986)

13. Gangaw - Haka  mawtaw lampi (75 miles) zong atotna ding zawi (alignment, 2’ trace cutting) zon akipan mawtawpite’ pai theih dong sem khia hi.(1977-1986)


14. Haka kum 10 a om sungin Chin State Departmental Office Buildings, National Housing Board Quarters te, Auto-telephone Exchange Building innpi leh Cinemascope Building innpite ama lamsa vive ahihi.

15. Haka khuapi pan Thantlang khuapi paina, Haka leh Timit lui kikal mawtaw lampi suk leh to (gradient) khamm mahmah mawtaw lam lui pen, a pelh dingin Tonzang uksung  Seitual khua pan hong nusiasa Lambu Pum That Pau SAE leh Haka pan JE Tum Hre te vaiipuak pia in tu laitak aa, akitawn mawtaw lampi, a zawi zon a kipan mawtaw pai theih dong sem khia hi.

16. 16. Haka kum 10 a om sungin PWC te zat theih ding, sap man (house rent) ki-ngah lo innte puahna ding budget sungpan in zumpi a, (Head Office, Rangoon) a lente tawh kitheihneih in CE (Chief Engineer) zum, TE (Township Engineer) zum leh Zintun Innpi, zum
nasem leh mawtaw hawlte inn ding ama nget siamna ziak a, akingah sumte tawh lamh sak piikpeek hi. 

17. Germany pan a hong kipia huhna leh akisam lai teng self-help tawh kilam Haka khuapi aa YMCA innpi, Pu Tun Thawng, Chin State Co-operative Officer (Buanman) makaihna tawh aki-lamh lai in, thudotpi (Consultant) in gelpih seppih bawlpih hi.

18. Haka khuapi a om Taungzalat Golf Club  golf course (9 holes) akipat cil a kipan a bupi a man siang dong, CE U Lal Bik (Falam) makaihnabsungah Zo gam aa’ding a masa penpen golf course bawlkhia hi.

19. Haka khuapi ah nidang aa zato lamka kici, tuuksial aa minn kicipna leh lei kiatna, township leh state zumpi kikal ah tennis court khat, a kisam vanteng sikh in a khong hithet  in bawl sak hi.

20. Japan ah 1983 kum in Building Engineering Course kha 3 val sung mah va kah hi. JICA kici, (Japan International Corporation Agency) te’ makaihna mah tawh Modern Bridge Engineering  Course zong  (1-5-82 to 31-3-83) kha 11 vilvel kah hi.

21. ADB loan tawh kibawl pha kik Rangoon – Prome Road Improvement Project (MS 22/0 pan MS 178/0) 1986 pan 1991 kum kipat dong kum 5 sung sitset mah AE za tawh mapang hi.

22. AE nasep kum 22 val a phak ciangin 1991 kum kipat in EE (Executive Engineer) za khangto a, Head Office Roads & Bridges Planning ah kha 5 val sem hi.

23. Chin College Construction Project ( Sang kihon ciangin Kalay  College kici ziau ) ah College sang kihon dong (1991-1994) kum thum sung sem hi. Three - storey building khat leh hostel te anbuk  leh anneekna kithuah hall khat lo buang, a dang teng khempeuh  ama lamh khitsa vive ahihi.

24. Public Works Head Office, (Design Section) ah kum khat val sem in Shwedagon Pagoda nisuahna lam pan a keellei  teng nidang aa akhuamte dolsing tawh kibawl ahihna pan in RCC tawh lam ding in design a thak in bawl phat kik sak hi.

25. Kum 1995 bei kuan ciang in Special Bridge Construction Unit (4) a thak kiphuang a, a mah’n makai in Rakhine gam ah kum Y2K dong a om sung in Kitspanady leiipi aa kipan leii lianpi 4 leh taattung (pagoda/stupa) hoih mahmah (2) lam hi.

26. Kitspanady leii bul ah VIP te tunna ding zintun inn hoih mahmah khat zong lam hi.

27. Kyauktaw, Rakhine State ah “Kitspanady Golf Club” ii golf kimawlna ding golf course (9) holes zong Tatmahmu(Regional Commander) Brigadier General Hla Myint tawh kikop in, mualbawk tampi tak to zang in guam tampi tak vuknelh  a, a kipatcil a kipan, a man siang sitset dong golf course hoih mahmah khat semkhia hi.

28. Kyauktaw mualtung a taattung leh Buddha limte omna paina ding, a omsa khe lampi pan in mawtaw pai theihna ding in lampi thak zonsak in ziiksak a, tar road dongin bawlsak hi.

29. Kyauktaw pan tai 5 a gamlatna a om, tangtuan pek a minthang mahmah Mahamohni Shrine kikoihna Temple sungah nitumna lam pan kahtohna  pi 10 a sau pi 6 a zai keellei (zaungtan) dawl khat (one flight) zong a tungkhuh akipan a veksek in Special Bridge Construction Unit (4) min tawh bawl sak hi. 

30. Kum 1997 ciangin Deputy Superintending Engineer in za khang hi. A kum kik 1998 ciangin Superintending Engineer tawh  Zogam paisak ding a cih ciangin Leii lamhna mah ah sem nuam zaw ahih man in nial hi.

31. Kum 2000 leuleu ciangin Yangon – Kyaukphyu mawtaw lampi dung a Leii lianpi 9te’ alen a uk dingin tungsiahte’n  seh leuleu a nih vei vilvel nial hi.

32. Kum 2000 pan a pension laak dong (4-10-2006) Ayeyarwady Division ah Project Director in lei lianpi 2 leh taattung hoih mahmah khat lam beh leuleu hi. A vekpi in leii lian 6 a lamna lak ah leii 5 te leii bul ah marble tawh kibawl mualsuang tungah a lampa’ a ma min kigelh in kisuang sinsen hi. Kum 2003 zawh ciang in a lam a dawhte’ min kiguang nawn lo hi. 

33. Yangon - Pathein lampi tung ah MS 23/0 Daka leii a lam lai in Southern Command (Pathein) Commander; General Htay Oo in nasep maa liau tak a zawhna “Pahtawina” laipi pia hi.

34. Tai 14 a gamla Pathein (Bassein) pan Tharpaung lampi tung a kidawh sing leii leh siik leii luite (wooden bridges + bailey bridges) pan in permanent bridge kici RCC bridge vive in laihsak gai khin hi. Mawtaw lampi zong tai (14) sau aa bangmah kiphah lo a leitang guak ahi, leitanglampi (earth road) pan in 9 inches a sah suanglampi (metal road) in bawl sak hi.

35. Kum 1991 kum Chin College Construction Project ah Project Director a sep akipan, a pension laak dong Pasian Thupha sang toto in, leii lianpi vive lamna ( Bridge Construction Project) ah a makai ding in vaiipuak kipia suaksuak aa,  Kawl gambup Public Works sung ah project nasepna alian aneu tawh kizui in Project Director top (10) sungah kihel den hi.

36. Kimawlna lam tawh kisai in, 1970 kum in Manager, Falam Township Football Team ah sem hi. Tua kum mah in Manager, Falam District Football Team ah sem in gualzo hi. Mindat  a om ciang in Mindat District Football Team Manager (1974) kum in sem leuleu a gualzo ta leuleu hi.

37. Kum 1970 December 29 pan 1971 New Year ni dong Falam khuapi a kibawl Chin Special Division bup Inter-Township Tennis  Tournament ah Tiddim Township Tennis Team ii Team Manager sem in a khatna mah ngah pah hi.

38. Public Works pan a kumsial a kibawl Kawlgam bup State & Division Sports kidemna ah kum 5 vilvel Chin State Team Manager a sep kawm in golf sat kidemna ah kihel den hi.

39. Ki-ukna lamah BSPP (Burma Socialist Programme Party) hun lai in Party Seihhmu (Party Cell Group Leader) dong Mindat ah sem ngei hi. Mindat leh Haka ah a om lai in Vice-Chairman, Township Workers Council ah sem ngei hi. Matupi khua ah a om lai (1972-73) in Matupi Township leh Chin State level thukhen makaipipa (Chairman) zong sem ngei hi.

40. Pasian la leh gam itna la tawh kisai in a phuak leh a sak siam a thuah TSKhai makai aa, a khum ‘Sihna Kigo Zo Series’ Album (7)na ‘Zeisu In Topa Hi’ a cih leh ‘Sihna Kigo Zo Series’ mah ahi, Album (8)na ‘ Na Keel Luphum ’ ban ah, la phuah leh lasak zong a siam sem khat mah ahi, Zogam Lalpu makai a, a la khum ‘Nung Hei Ken’ cih albumte tawh kisai in, akisam sum leh paaite sikh sak in mapang hi.

41. Leiipi Market a piankhiatna ding aa, a tha  a ngal leh a hun manphate a pia ahi, a makai vaihawmpipa Pu Kam Kap leh upate in a ngetna bangin,(60’ x 200’)a zai a huanglang (Tu laitak a Pu Ngul Za Khen Paute tenna dungsukteng, Leiipi Market huanglang tawh kikim) a khawnkhong tanghial in pia hi.

42. Biakna lam tawh kisai in RZBC (Rangoon Zomi Baptist Church ah 1990 kum akipan 1997 dong mah pawlpi upa sem hi. Tua zawh ciangin Tedim Baptist Church-Yangon ah, akiphut cil (July 7, 1997) akipan pawlpi upa sem paisuak hi. A nunung pen 2006 kum pan in 2008 gamdang a pai dong TBC-Y ah President sem hi. Tu laitak a, akilam san ahi, Tedim Baptist  Church -Yangon Biakinnpi lim(original design) zong ama hoihsak bang aa, a suaih sak mah ahihi. 

43. Haka khuapi a om Carson leh Cope topate kiphumna han buk (Pavilion) 1984 kum aa, a lamsakna vaii tawh kisai in kumpi van zang hi ci’n gambup makai uliante tung ah kikhia  a, kumpi thukan SBte’ thu dotna tampitak thuak lawh dikdek hi. 

44. Saizang Baptist Church a lui lam kik loh a, a phatmawh teh pawlpi mite kiang pan ahi zongin, apua lam pan huhna hong kipiate ahi zong in, tuate khempeuh taw-phah in, pawl sungah nitha la lo a, taangpi tha leh ngal tawh hong kipiate tawh kopkhawm in leh, a kisam thuah  lai sum leh paaite khempeuh a bangkuapipa Maj Zel Za Lang tapa u pen  Pa Vum Suan Mung tawh kikop in, Pasian Angvanna A Thuphate lungdam kohna leh hong nusia sa nu leh pate tuak phawkna in, (75’x 36’) a zai biakinn  thak dawlnih a pata in kipawl in lam khawm uh a, 2003 kum February 27, ni in Saizang Baptist Church Diamond Jubilee  Pawipi tawh kituakin  kihong hi.

45. Kumpi nasep a vekpi kigawm kum 38 sung sem in a suah zawh kum 60 a phak khit hangin, kum khat leh a lang val sem thuah hi. Khasum khan ciangin, kumpite in kumpi sum tam bei lua ci -in a kisam mahmahte cih loh buang, kum 60 a cingsate ki-tawp sak tekta a hih manin (4-10-2006) ni aa kipan pension la hi. 

46. A suah zawh kum 65 a phak khit hangin Pasian in Thupha pia thuah leuleu a, 2010 August 23, ni akipan Tulsa, Oklahoma; a om Bios Corporation ah DSP (Direct Support Professional) za tawh nasep kipan kik leuleu hi. Kum 2 a sep khit ciangin (August 22, 2012) khawlnga ta hi.

47. Tu laitakin a nuai a thu leh late Pasian deihna a om leh hun  lem ciang a, laibu a suahkhiat pah lian dingin, a kiging sa in koih khin kiinghkeengh hi.

(a) Ka Pian Sinthu – My Life, My Memoirs  Vol 1 & II        Words: 365,748
(b) Ciimnuai Tate La Namcin Dawng 9,000 Val               Words: 332,852
(c) Zomite’ Paunak leh Adang Paunak Atuamtuam        Words: 137,223 
(d) Khanglui Pau Ciik, Thu Ciinh leh La Kammalte’ Akhiatna - :   90,797
(e) Pu Thang Tuan Gen Tangthu leh Adang  Tangthu, 
     Thuluii Hoihnono Atuamtuam                                      Words: 115,170
(f) Gualnam Beh Tangthu                                                   Words:  12,365
(g) Pu Lam Vum Suan leh Khakte’ Mimal Ciaptehna       Words:  43,100

48. Victory Christian Centerte’ sapna tawh “ Word Explosion “ kikhoppi  kah dingin Kawlgam pan August 13, 2008 ni in dingkhia a, August 14, 2008 ni in US tung hi. A tanu sangkah ziakin omtheihna phalna ngah ahih manin tu laitakin Tulsa, Oklahoma State ah a zi leh a tate 5, a mo leh atu khat tawh om leltak uhhi.

Minphatna Letmat leh Medal Ngahte

1. Public Service Medal                                                           (1988 - 1989)
2. Rule of Law & Order Medal                                                 (04- 01-1999)
3. Peace & Tranquility Medal                                                  (04- 01-1999)
4. Good Service Personal Award                                            (2002 – 2003)
5. Excellent Performance in Administrative Field(2nd Class) (04- 01-‘00)

Leii Dawhsate Min leh A Sauna

1.Kitspanady       Steel truss                  2532’       Kyauktaw, Rakhine State
2.Yoe Chaung       Bailey DS                    540’        Kyauktaw,          -do-              
3.Kin Chaung        Bailey DS                    440’        Ponnakyun,       -do-
4.Pikauk                Bailey DS                    360’       Kyauktaw,          -do-
5.Daka                   RCC                           1400’      Daka,     Ayeyarwady Div
6.Ngawun(Myokwin) Steel truss + PC Girder  RC 2835’ Myokwin, -do-

RCC = Reinforced Cement Concrete PC = Pre-stressed Concrete
Steel truss = Siikleeipi          DS = Double Single


Motto: Lungduaina In Gualzawhna Hi.
Updated On: ( 23 – 09 - ‘15 ) 

*************************************************************************
Theih ding: Hih Pu Awn Za Pau Thu A Tom In: pen ama phalna tawh www.cinpuzomi.com ah aki suak sak ahi hi. A mah dan Zomi Mipil, Misiam ineih khak hampha mahmah hang. I Biak Pasian in ama minthan nading leh Zomite ading in hong zatsak semsem ta hen.

Cinpu Zomi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pu Awn Za Pau Thu A Tom In. Description: Rating: 5 Reviewed By: Cinpu Zomi
Scroll to Top