728x90 AdSpace

Hot
Menu
Zon-ol na Donate

Latest News

Tedim Youth Fellowship (Tedim Khangno Kilawmtatna) Thu .

Kipawlna min;
Tedim Khangno Kilawmtatna
(Tedim Youth Fellowship)

Thu bulphuh;
Itna tawh khat leh khat na kikhual un. Gal 5:13

Motto;
Zomi Khangnote kideidanna omlo ki-it kikhual kithu tuahna tawh ih khua ih tui khantoh nading, ih minamte noptuam nading.  

Register No; 
1892    

Zum inn omna Zum inn omna;         
Mah/ 84 
Myoma Quarter, Mission Compound  
Tedim, Chin State Myanmar


Mihing hihna tawh kisai kikhualna tuamtuamte
  • a. 2004 April 8, Ih Sanggam Lushei te India gampan ngabeng aa hong pai Tg. Lal Muan Kim aa (Chingchip) khuami Muansuang gunlei-ah Kawl gam palik ten sing nuai mi sa-in hongkap sak kha aa, zato a lup a kipan a ciahdong kum 1 sung tawntung a kisam sum leh paai, an neek tui dawn a kipan kivaihawm sak hi. 
  • b. 2004 June sungin Ngennung khuami Tedim ah Zato hong lum a ciah ciangin a gimsa aa ciah a pua ding omlo ahih manin a zanzan in khangno kilawmtatna panin Ngennung a khua dong uh taal tawh kipuak sak hi.      
  • c. 13.2.2005 hunin Tedim Lambawl te ahi Lane athuh No.11 te Tg. Sawh Aung Htot a vui ding omlo in TYF in hunbawl neng akipan tanu nasep teng leh hanmun dong kivai hawmsak hi.        
  • d. 2005 Halelui-ah Chorus ZOFOP Lasakna pawipi ah Security tavuan kila-a pawipi sungah buaina hong omlo ahih manin ki-ang tang mahmah hi.         
  • e. A beisa 2011 Nov. 25-28 Cope Kum (100) pawi in hong sim Tonzang pan Tedim hong pai sanggam tuahsia misi (16) leh a liam a bai zato tung mi (44)te panpihna Tuipi galkaai sanggamte tungtawn in khangnote in ipsung sawk in a mun a phual a han dong ah sihgalna, siatveh nate kipia aa, Tedim pan in vial 6 kipai in, tein 140 val kihawm aa, a maute phawk tawntung na in 16.12.2010 hun in Motor kibutna  phual ah mualsuang Phillum suangkhat kiphut hi.     
  • f. 2011. Mar 10 ni-in Lamzang khuataw ah motor hong tuahsiatna tung tawn in tha khat thu in mi 3 in hong nusia aa, zato pan in 1 in hong nusia aa, khualam a tungteh 2 mah in hong nusia hi. Hih misi luangte a pua ding omlo in, innteek khat hih na leh Zomite ki-itna phual liim la aa, a pua ding omlo uisi-aaksi bang in a kipai sibuuk a omte kipua in a pianna a nu leh a pa kiangah Motor kawm in siluang phamna kinei hi. Hih bang munte ah ei motor tawh ih puak ding ih ngak lah mahmah zong ih angtang mahmah hi. Hih ni-in Kawlpi aa om Wesley Motor-te vial 2 hong kileh uh hi.      
  • g. Sihkohna tawh kisai-in khua nu khua pa in kivai hawmlo ahih manin misi inn ah zat theih ding sihkohna Signboard kibawl in 3 a kineih sungpanin khat veivei zat cinglo thei hi. 
TYF Makaihna tawh Zolai sinna 2011.

TYF Kipawlna tawh kisai theihuai pawlkhat dotnate dawnna

1. TYF kipawlna tawh kisai-in 2003 June 1 ni-in Tedim khualai veng Pa Thang Khen Pau-te inn ah kiphuan in Tedim Khangno Kilawmtatna (Tedim Youth Fellowship) minvawh/phuak ci-in mi (15) thukimna tawh a kiphuan ahi hi.

(a) Hih kipawlna tawh kisai-in nopna dahna/ khuasung khantohnate ah mapang khawm in ih khua ih tui khantohna leh Zo ngeinate kem cing in khat leh khat khut kilen in batzawhna tantan banin ih mipihte tawh hanciam khop ding ahi hi. Ih Zogam aa minte mun leh gamte kem cingin zuun zawhna ding ahi hi.

Tu laitak din mun:-
  1. Kha sim Zo Lengthe News Letter kum 8 sung kihawmta aa tuni dong a free in kihawm khia hi.
  2. Library/ Laibu saal ah full time Volunter Tg. Lian Sian Khual in hong ngaksak-in laibu bu 400 val kinei ta hi.
  3. A hun zui-in hamsatna dongtuakna leh sisan kisam a omte hong kikohna tungtawn in kisem hi.
  4. TYF tawh Partnership a kinei a hi Spectrum (Sustainable Development Knowledge Network) te kiangah Environemtal & Media tawh kisai-in September to October sungteng tentan ah Tg. Thang Sian Hau Tedim pan in Yangon ah kikah sak hi.
  5. TYF kum(8) cinna Magazine laibu a kibawlsan laitak ahi (5) hi.
  6. Mualtung naupang(Kawl Phungyi sang panin naupang mi (15) kila khia in khasim in support na Ks. 5000/- ta mi 1 ta tung ah kipia hi. Hih nasepna pen biakna makaite leh gam makaite ahi zong in sutkha ahih  manin kitangko lo hi.
  7. Zomi Encyclopedia tawh kisai-in etphat kikna a kineih (7) laitak ahi hi. 
  8. Tukum Bible Day Lai Siangtho nipi CMBC ah TYF & TTBYU-te innteek sem in kibawl aa a video a ki-edit laitak ahi hi.
  9. Tukum Khuado fund omlo ahih manin kitawlnga hi. 
  10. TRLC tungtawn aa mencim huhna-te a hawm na ah hih thei zah in kihuh hi.
  11. CARE Myanmar-te tawh Partership na sepna ahi, Pre Education & Life Skills tawh kisai-in veng 4 pan khangnote group 2 kisuah aa khua sung ah Awareness 1 kha in khat veita kineihpih den hi.
Adahte tawh nadah khawm un.

(b) Mailam a dingin
  1. Online Library neih zawh nading;
  2. Cina/luna a kisamte a ding Oxygen, Ultro sound, Lungtang etnate neihzawh nading; 
  3. Sihopna-ah a kisam den leh a manlang theih nadingin cycle1 neihzawh nading;
  4. Youth Hall(or) Seminar Hall khat neihzawh nading 
  5.  Zo Lengthe Monthly News pan Journal size ah nipi sim hawm zawhna ding;
  6. Namdangte tawh Zomi in khantohna/ pilna kikim theih nading in Mikang lai sinna phualpi khat neihzawh nading;
  7. Computer leh IT khangtohna te tawh kituak in Zomi Khangnote in a theih zawhna ding Computer Training neihzawh nading;
  8. Khangno mintawh Sikha(Clinic) khat neihzawh nading; 
  9. Kiim leh paam kepna tawh kisai-in tu laitak leitangh eka 50 a kisiau laitak hi-in a sawtlo-in kingah ding aa, tua mun ah Taaksing, Zawngtah, Hai, Thawhbat leh a etlawm theithei in kipuah ding aa namdangte muh thei nasepna khat kivaihawm laitak ahi hi.
  10. Zogam a it, a vei kipawlna tuamtuam tawh na sepkhop theihna ding;
TYF Laibu saal.
2. TYF kipawlna-in kumpi thuneite tung pan in Yangon a om Tedim Association te phalna tawh a mau aa Reg. 1892 kizang aa kipawlna tawh kisai-in Tedim Youth Fellowship bek hong pia ahih manin kilungdam mahmah hi.

3. Thu khun leh Bylaw tawh kisai-in Kawl aa ka bawl uh attach file ah ki en thei hi.

4. Anuai penpen Attach file ah.

5. TYF kipawlna tawh kisai-in kipawlna tuamtuam kizoppih teh;

NGO tuamtuamte;-
  1. World Vision-Tedim
  2. Care Myanmar-Tedim
  3. Spectrum-Yangon
  4. Myanmar Youth in Action
  5. YMCA Yangon
  6. Tedim gamsung a om Khangno kipawlnate
  7. Tonzang Youth Assication 
  8. Cikha Youth Fellowship
  9. Haka Youth Fellowship
  10.  Falam Pawlpi
  11. Thantlang Youth Fellowship
TYF te Mawtaw.

TYF Mawtaw vaitawh kisai dotnate dawmna 
  1. TYF kipawlna in a lei ding Mawtaw pen a nei Tedim Youth Fellowship hi ding aa, Pa Nung Sian Tuang min tawh lincence kibawl ding hi.  Theiding:- Hih lincence tawh kisai Tedim Baptist Convention in Cope Memorial Press pen Rev. Dr. Kam Khaw Thawng mintawh, Evangelical Baptist Conference-te EBC Press pen Rev. Dr. Do Suan Mung mintawh kikoih aa set van ahih manin a minpua om leh cih deihna hi zaw hi. 
  2. TYF kipawlna in a lei ding Mawtaw in a min ding TYF-te Mawtaw kici ding hi. 
  3. TYF kipawlna in a lei ding Mawtaw pen Nung Sian Tuang in a sia a pha tavuan la ding hi. 
  4. TYF kipawlna in a lei ding/ a neih ding Mawtaw in a kisam Datsi a puahna sum beite Mawtaw a zangte in Datsi thun ding a zat laitak siatna a neih leh tavuan late bekin zang ding hi. 
Theiding:- A beisa kum 6 hun lai-in S/m Cing Pum Neam (Tu’n Dr) in Zo Lengthe lai nasepna-ah zat ding Computer a (vankim) khat hong pia-in Pa Nung Sian Tuang min kipuasak aa tuni dong vanhoih a kinei lai suak hi. 
TYF mintawh  amwkna in akihawm Zolengthe laihawm maitang.

2011-2012 kum Panmun neiteng
Advisor:- 
Tedim Town Elder Committee

No. Min Panmun
  1. Pa Nung Sian Tuang (President)
  2. Tg. Hau Khan Khup (Vice-President I)
  3. Pa Thang Pian Pau (Vice President II)
  4. Tg. Langh Ngaih Lian (Secretary)
  5. Lia Zam Khan Vung (Accountant)
  6. Lia Man Lam Vung (Treasurer)
  7. Tg. Do Suan Kham (Youth & Education)
  8. Tg. Lian Sian Khual (Youth & Library)
  9. Pa Mung San Lian Pau  (Youth & Health (CARE-PE) )
  10. Sia Vum Khan Khual (Youth & Blood)
  11. Pa Kham Pian Thang (Youth & Literature Veng Secretary)
  12. Tg. Khup Zo Sang (Sakollam Veng palai)
  13. Pa Mang Suan Tuang (Myoma Veng palai)
  14. Tg. En Lian Pau (Lawibual Veng palai)
  15. Tg. Cin Lam Khai (Leilum Veng palai)
  16. Lia Man Ngaih Nem (Auditor (a))
  17. Lia Cing Pian Don (Auditor (b))
  18. Lia Cing Sian Man (Auditor (c))
  19. Rev. Vungh Suan Mung (Zo Lengthe/ Joint Editor)
  20. Tg. Tuang Suan Mung (Vankem)
  21. Tg. Suan Lian Mung (Vankem)
  22. Lia Cing Sian Huai (Vankem)

Theih ding:- Hih a tung aa teng EC member kici-in Tedim khuasung a om
khangno kum 18 pan a tungsiahteng member ahi hi.

The Constitution of Tedim Youth Fellowship 


Source ; TYF, Nung Sian Tuang.
Asuaksak ; Cinpu Zomi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Tedim Youth Fellowship (Tedim Khangno Kilawmtatna) Thu . Description: Rating: 5 Reviewed By: Cinpu Zomi
Scroll to Top