728x90 AdSpace

Hot
Menu
Zon-ol na Donate

Latest News

TUIMANG KHUA TANGTHU

TUIMANG KHUA TANGTHU
Zomite in khua khat peuh asat ciangin mikhat guak, innkuan khat guak ingammangtuulak ah amau bek teeng ngamlo uh ahihman in abeh abehahizongin, lawmta ki thutuak teahizongin kizawn khawmin khuasat khawmuhhi.


Tuimang Khua pen lawmte ki thuthuak te khuasatna ahihi. Khuakhat peuh ah Hausa upa huhdingin a kisam gige ahi Upa, Pazang, Sikseekpa,Siampupa, Teipuapa (Galkap mangpa), Tangko pa leh a kisamteng upa inkiseh in adang nungzuite nautaang hipah hi. Khuasat tengin tuikhukkhuatpah hi. Tuahang ahitam Hausa leh i khua ipah tawina in la ipuahciangin tui cih kammal kihel hamtangin Mangtui (Tuimang), Dimtui(Tedim), Saitui(Saizang), Thangtui (Tuithang) leh vaangkhua cih banginkhua pahtawina la te ki phuakse hi. Tuimang khua cih aom theihna dingin mun leh mual azong kawikawi te in:-
Pu Tlei Thang ( Guite) 
Pu Dongh Khup ( Guite) 
Pu Vungh Tun ( Guite)
Pu Gen Tun ( Guite)
Pu Ngoih Sut ( Guite)
Pu Phut Dam ( Neih Khup)
Pu Tun Khaw Thawng ( NeihKhup)
Pu Sum Lam ( Suan Khup)
Pu Lam Sual ( Suante)
Pu Dongh Khup, 
Pu Sawm Khaw Thang, 
Pu Khup Za Khen, 
Pu Cin Go Lian, 
Pu Gin Kho Thang, 
Pu Nang Za Kam, 
Pu Dam Khan Pau, 
Pu Cin Go Lian 
Pu Nang Za Gen cih na ki gelh hi. 

Hih atunga lawmta tengin mun leh mual hong zong kawikawi uha, New Darkhaigam Dapzal nuainung Tuimang luitungah tawlkhat sung Ngawlkhu( Nahkhu)teh lamin na teeng uh hi. Tuamunpen, " Sak khua" kici hi. Sak khuapanin munhoih hong zongh kawikawi uha, Lungel lui tung ( Pu Neng Za Cin) lo ah teeng leuleu uha, tuamun pen, " Khangkhua nuainung" kici hi. Hih mun panin Tuimang luimin tap in, “Tuimang Khua” cih min na phuak uhhi. 

Hih hunsung peuhmah Khuasat Pu Tlei Thang (Pu Lian Chi pu) in Hausa sem hi. Ukpi Pu Hau Cin Khup in Hausa Pu Tlei Thangkiangah na khua uh Tuimang cih a kiptheih na dingin Sial khat hong gawhin cih a ngetleh Pu Tlei Thang in, “ "Sukte loklawl ka biakna in kahiktui hawmtang khat zong kiat kei ning"(by. Rev. En Khan Hau) cih in Sial gawh nuamlo hi. 

Ukpi Pu Hau Cin Khup in hih thu azak ciangin Tuimang khua ah hong paihi. Pu Tlei Thang zong tuathu azak ciang khua ah om ngamlo in Vanzaugam Muallum ah om cip hi. Ukpi pa Tuimang a paiciangin Pu Tlei Thang naomlo ahih amanin Ukpi Pu Hau Cin Khup in Pu Tlei Thang teenna innpiphuksak hi. Pu Tlei Thang aomloh ciangin Pu Dongh Khup in Hausa hongsem aa, 1896 kum in Ukpi Pu Hau Cin Khup tungah Khuakip sakna dingin Pu Dongh Khup Sial khat na go hi. Tuamah bangin, " A 24 veina TTBA khoppi leh Tuimangkhua Pasian thutunzawh 1927-1999 Diamond Jubilee page 2", ah,

Tuimangkhua kipzawh Hausa semngei teng", cih na mun ah-


Tuimang Khua KUM ZA MUAL tungah bel Khuasat Pu Dongh Khup a kici kha pen Pu TleiThang ding hizaw cih thu kan tel ten gen kikta hi. Pu Dongh Khup pen Tuimang Khua kipsakna aneihpa hi a, Ukpi Pu Hau Cin Khup tungah Sial a gawh pa ahihi."Tuimang Khua pen Khuasat leh Khuakipsak aneihte khua ka hi uh aa, hihte gelpen ki telkhial khathei mahmah hi." by, Rev. En Khan Hau) 


Tu laitak Tuimang khua pen Khangkhua tungnung panin khuavum nehtoh deuh ah ki suanto aa, tuamunpen tulaitak in khualuiveng( Sangveng) ki ci-in, sangveng paninTaakmual vumnuai tuibel in kiteeng phei aa tuin Sangveng pan Taakmualvum nuaiciang inn ki mat dimdem in, inn(200) ki teeng zihziah hi. 

Khua leh Tui deihsak na tawh akaikhawm,
Thang Thawn Tuang (Zomi Angvaan).

Ref :
A 24 veina TTBA khoppi leh Tuimangkhua Pasian thutunzawh 1927-1999 Diamond Jubilee page 2,
TuimangNet-Mon, Jun 7, 2010.

http://en.m.wikipedia.org/wiki/User:Tuimang .

Source : 
(Theih ding ; Pa Thang Thawn Tuang Guite te kiang ah Tui Mang khua tangthu kanget hi in aman zong deihsakna leh itna takpi tawh Source kician tak in a at hong khak ahihi. Ama tung ah hihmun pan in lungdamna lianpi iko hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: TUIMANG KHUA TANGTHU Description: Rating: 5 Reviewed By: Cinpu Zomi
Scroll to Top