728x90 AdSpace

Hot
Menu
Zon-ol na Donate

Latest News

Zomi Youth Association (ZYA) Kawlpi / Zomi Khawngno Kipawlna Thu.


HONG PIANZIA

Annekman ciat piak An nekkhop kilawmtakna
Jan. 17.2005 ni-in Sia Peter Khual lam Mang in a mau inn Canaan Land btd. Pinlong9, Kawlpi ah khuasung khangno pawlkhat samkhawm in eima nekman ciat sumpiak An nekkhop kilawmtakna neipih hi.



Zomi khangno kipawlna hong piang
Tua An neekkhop kilawmtakna ah holimna leh thu kikupna zong nei uh a, Zomite khantoh nang a dal pen i kipumkhatlohna hang ahih lam mukhia uhhi. Kipawlkhop loh, kithutuah loh, sepkhop loh, ki-it loh, phamawh sa uha, kipumkhattheihna dingin Zomi Khangnote’ hanciam hun mahmahta zong sa uhhi. Zomite kipumkhat in i khantohna ding alunggulhna uh tawh Zomi bup ahuam Zomi Khangno kipawlna (Zomi Youth Organization -ZYO) phuan uh a panmunlen makai ding zong kiguang pah uhhi.

Hih Zomi Khangno kipawlna in Zomi sungpan muan le suan khuanu khuapate Jan.30,2005 ni­in kaikhawm dinga, “Zomi Khangnote’ Kipumkhat nang leh khantoh nang Nu le Pa tungah ngaihsut ngetna,” cih thulu tawh thusungin hong paikhawm Nu le Pate cih bangbang man dingin khensat uhhi.

Nu le Pate Kipsakna
Tua bangmah in Jan.30,2005 ni’n Pa Vungh Lian Thang Inn, Pinlong 8, Kawlpiah Zomi sung pan muan le suan khuanu khuapate kaikhawm uhhi. Zomi Khangno kipawlna in thusunna a neihkhit teh, hong paikhawm Nu le Pate in, “Zomi te kipumkhata i khantohtheihna ding leh hong uk kumpite’n hong telkhialhlohna ding lunggulhna ZYO pen ZYA in laihsuk in anuai a banga kalsuan dingin khentatsak uhhi.

Panmun
Panmun tawh kisai-in, a omsa Committee teng mah kipsuak dinga, Advisor ding behlap tuakte hong behlap ding uh hi.

Thu bullet
  1. Hih kipawlna in Dongta kipawlna bek hi dinghi.
  2. Ahunhun a hong uk; kumpi Hausa Upa tawh kilem dinga, mipite' kitang sapna ahunlap in huhthei ding hi.
  3. Gam thuvai, party tuamtuamte tawh kimemat khalo banah guptuam paihtuam zong neilo ding hi.
  4. Minam, biakna, pawlpi leh mimal deidan tuam aneihloh banah mimal aituam phattuam nang nasepte zong semlo ding hi.
  5. Pawlsung mikhat in Kipumkhatna a susiatthei pawltuamsatnate aseploh banah a semte zong thapialo ding hi.
  6. A hunhunin a kitangsapna om bangin Committee in Meeting samin vaihawm ding hi.

Biakna lampan kipsakna
28, Feb. 2008 ni in Galilee AG biakinnpi ah Kawlpi khuasung a om Zomi biakna Pawlpi tuamtuam pan Sia leh Upate samkhawm uhhi. Zomi Khangno Kipawlna in hong paikhawm biakna makaite tungah, nasepsate leh ngimna tupnate pulakna akineih khit teh Biakna lam pan ngaihsut piakna aneihna ding un thusunna nei uhhi.

Hong paikhawm biaknalam makaite in zong Zomi Khangno Kipawlnate nasepsate leh ngimnate lungkimpih uh ahih manin Pawlpi ciat pan ahithei banga thapia a panpih dingin thukim uhhi.


Athucing zawin ZYA Magazine ah kisuah ding hi.
Dated: 18 May 2009

Source: ZYA.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Youth Association (ZYA) Kawlpi / Zomi Khawngno Kipawlna Thu. Description: Rating: 5 Reviewed By: Cinpu Zomi
Scroll to Top