728x90 AdSpace

Hot
Menu
Zon-ol na Donate

Latest News

ZOMITE KHEN NIH SUAK TAKTAK TA DING MAW?

Mikangte hun ma lai-in Zomite pen min tampi tawh a kisamte ihi hi. I omna, hong uk leh kiim-le-paam zui-in min tampi inei hi. I kiim i paam aa teeng mi namdangte in nisuahna lam ah Chin hong ci-in, Nitumna lamah Lushai hong ci uh hi. Nitumna saklamah Kuki hong kici hi.


Mikangte hong tun’ uh ciangin, I gam hong khenin Khen tampi hong suah uh hi. Tua gamkhente tawh kizui-in min tuamtuam hong pia hi. Ahi hangin, hih minamte in minam khat hi-in gam khat ah koih ding cih gelna zong na nei ngei uh hi. Chin-Lushai Hills thukikupna (1892) ah kimu thei hi.

(http://www.zogam.org/documents.asp?article=documents_23)

Mikang mipil tampi in zong sulkanna hong neihsakin hih minamte in sulkhat suan ahi uh hi, ci-in lai tampi tawh na kipsak uh hi.


http://www.zogam.org/history.asp

Vaigam, Kawlgam suahtaakna ngah khit ciangin, tualsuak mipite in zong sul kankhiatna tampi hong nei uh hi. Tua mipite in zong minam khat ihihnate tampi hong behlapin kipsakna a nei ciat uh hi. Tua mah bangin, gam thulam kipawlna tuamtuam in zong kipsakna, ciaptehna, hong uk kumpite tungah ngetna tampi nei khin uh hi.

(http://www.zogam.org/documents.asp?article=documents_24)
(File tawh sawtlo in hong suaksak ding hi ingh. Hong thei siam un.- Web master)

1988 kum ciangin, Amasa pen Leitungbup Zosuan Khawmpi kisamin, Zosuante minam khat bek hi lo-in gam khat ukna khat sungah teengkhop ding dong thukimna, Vai kumpi tungah ngetna na nei ngei uh hi. 




(http://www.zogam.org/documents.asp?article=documents_213)

Zomite khangthu i et ciangin, i teenna gam, hong kiciaptehna, hong kisapna, ei leh ei i kisapna a kibat loh hangin, ipu ipa, i mipil masa, i makaite in minam khat ihihna mah na vom vinven den uh hi.

Tuhun ciangin, mun deihna, thudeihna tuamtuamte hangin Kawlgam Zomite khen nih a suak hong bang ta hi. Mite tungah gualtung i tuanzawh loh ciangin, paikhiat ding, inntuan ding bek igeel den hi. Mite in a huam theithei ding, a taangzai theithei a vaihawm laitakin ei Tedim kampau Zomite in ei bek Zomi bangin i kineu seksek hi.

Hong pai ding Kawlgam mimalsimna (census) ah zong Tedim kampaute in Zomi mah cih dingin, a gengen tampi tak om hi. Ahi thei thu gen leng, Zomi pen Chin sunga minam neu khatin a sek neusuk ihi hi. Ahi kei leh, Chin gamke sunga Zomi minam neu khat cih ihi lel ding hi. Politik lam pan gen leng, phattuamna ding sangin, supna ding tam zaw hi.

I pu i pate in Chin pen Zomi hi, a ci hi-in ei hun ciangin, Tedim pen Zomi hi. Chin pen namdang hi, a ci nuam tawh iki bangta hi. Kawlte’ deih zong tua mah hi lel hi. I parti ZCD in zong Chin pen Zomi aa laih ding cih mah pomin len lai sam hi. Kua mipil, kua makai leh kua parti in Chin pen Zomi hi kei, ci nai sam lo uh hi. Chin deihte in zong Zomi deihte Chin hi kei hong ci nai sam lo hi. Tuiphum pawlpi ZBC buaina pen minam vai ah kilawh sak kei ni.

Nam picing khat isuahna dingin thu suapi khualkula ngak ding kilawmte ngak lai ding zong kisam kha ding hi. Mite kihuai-in tamin a pung laitakin ei kineu seksek ding pen thu hoih hi ngei lo ding hi.


Ei deihna, ei maansak bek maan hi ci lo-in, kiim-le-paam hun paiziate khua ngei lai dih ni. A piangthei thute saikak lai dih ni. I sup i meek dingte et kak lai dih ni. Minam bup ading, a picing minam isuah theihna ding khat vei lung ngei lai dih ni.

By - TG.SALAIA.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMITE KHEN NIH SUAK TAKTAK TA DING MAW? Description: Rating: 5 Reviewed By: Cinpu Zomi
Scroll to Top